Seria A
VIDEO/ Penallti e humbur dhe shtyllë, Milani e Interi bëjnë paqe në derbin dramatik
Një derbi me llogari dhe shumë emocione. Milani dhe Interi ndahen në barazim 1-1, në një ndeshje që mund të kishte përfunduar edhe ndryshe. Rastet nuk munguan, teksa u akorduan dy penallti, pati një shtyllë në minutën e 90-të dhe shumë përpjekje për të shënuar të tjerë gola. Gjithsesi u realizuan vetëm dy.
Derbi i Milanos nisi me spektakël, teksa sapo kaluan 10 minuta u akordua një penallti që u desh të konfirmohej me anë të VAR. Ndërhyrja e Kessie ndaj Calhanoglu u konsiderua e parregullt dhe mesfushori turk ndëshkoi ish-skuadrën e tij.
Festa e Interit nuk zgjati shumë. Pas një goditjeje dënimi De Vrij devijoi me kokë topin në rrjetën e portës së mbrojtur nga Handanovic dhe direkt pati baraspeshë. Kampionët në fuqi të Italisë vazhduan të ishin të rrezikshëm në zbritjet e tyre dhe ia dolën të fitonin edhe një tjetër penallti.
Ballo-Toure pentoi në zonë Barella dhe Lautaro Martinez i zhgënjeu tifozët e Interit në ato momente. Tatarusanu e priti goditjen e sulmuesit argjentinas dhe mbajti Milanin në lojë. Në minutat e fundit të pjesës së parë Lautaro iu afrua sërish golit, por pa sukses.
Barazim në 45 minuta dhe Interi sërish në sulm, me Lautaro dhe Calhanoglu që rrezikojnë portën e kuqezinjve. Milani u zgjua në 10 minutat e fundit, kur pati të gjitha mundësitë për të fituar derbin.
Handanovic shpëtoi kampionët pas një goditjeje dënimi të Ibrahimovic, ndërsa më pas u lehtësua kur Bennacer gjuajti mbi tra nga brenda zone. Drithërimat më të mëdha tek Interi i përjetuan ë minutën e 90-të, kur Saelemaekers goditi shtyllën dhe Kessie topin e kthyer e dërgoi jashtë. 1-1 dhe Milani vazhdon ta ndajë kreun me Napolin.
FT| MILAN-INTER 1-1
De Vraj (autogol) 17’/ Çalhanoglu (p) 11′
Seria A
Me armë dhe lëndë narkotike, arrestohet sulmuesi i Sassuolo në Uruguai
Nicolas Schiappacasse, sulmuesi në pronësinë e Sassuolo, është arrestuar në Uruguai nga policia, pasi iu gjet në makinë një pistoletë dhe disa pilula me lëngë narkotike.
Sulmuesi i krahut të majtë, 23 vjeç, aktualisht është i huazuar te Penarol në vendlindjen e tij, por sikurse kuptohet gjërat nuk po shkojnë mirë për të.
Tashmë është futur në telashe të mëdha. Schiappacasse është nën kontratë deri më 30 qershor 2023 dhe me siguri italianët do t’i bëjnë dalje që tani, në rast se do të ketë një dënim të tij.
Sassuolo e ka blerë sulmuesin në tetor të vitit 2020 nga Atletico Madrid B. Në Serie A ai ka luajtur edhe me skuadrën e Parma, i huazuar nga spanjollët në vitin 2019.
Seria A
Mourinho nuk heq dorë, kërkon me çdo kusht Granit Xhakën te Roma
Pasi sfumoi tratativa në verë, tani Roma i vihet sërish pas Granit Xhakës edhe në merkaton e janarit.
Sipas asaj që raporton e përditshmja sportive italiane “La Gazzetta dello Sport”, mesfushori me origjinë shqiptare është një nga lojtarët kryesor që Murinjo e do me çdo kusht për të forcuar mesfushën e Romës.
Xhaka kushton 20 milionë euro, por më parë skuadra kryeqytetase duhet të shesë lojtarë që më pas të blejë dhe i sakrifikuari mund të jetë Diavara.
Raporti me “topçinjtë” e Londrës mbeten perfekt sidomos pas marrëveshjes me lojtarin Maitland-Niles dhe ky raport i mirë mund të konkretizojë këtë operacion merkatoje.
Aktualisht me fanellën e Arsenalit në Premier Ligë në këtë sezon, Granit Xhaka numëron 10 paraqitje.
Seria A
Buzëqesh Milani, Ibrahimovic gati për derbin me Interin
Zlatan Ibrahimoviç mund të jetë gati për derbin ndaj Interit.
Sulmuesi suedez pasi pësoi një dëmtim në “Tendinën e Akilit” në ndeshjen kundër Juventusit ku u zëvendësua në minutën e 28′, mund të jetë i gatshëm për Stefano Piolin për ndeshjen ndaj ish-skuadrës së tij, e cila mund të rezultojë vendimtare për fatin e titullit kampion për kuqezinjtë.
Ibrahimoviç ka kryer stërvitje individuale dhe në “Milanello” ka optimizëm se 40-vjeçari do të jetë që nga minuta e parë ndaj zikaltërve të Simone Inzagit.
Ai iu nënshtrua terapive dhe kontrolleve të zakonshme nga stafi mjekësor, por pa hasur në asnjë shqetësim nga ana e këtij të fundit, duke bërë tifozët e Milanit të shpresojnë që lojtari i tyre kryesor të jetë i gatshëm ndaj “kushërinjve” të Interit.
