Politikë
“Po na bëjnë dërr dërr me teori koti”/ Ylli Manjani ka një thirrje për mbështetësit e Bashës
Ylli Manjani ka dalë ditën e sotme një thirrje ndaj mbështetësve të Lulzim Bashës, të cilët gjatë ditës së djeshme kanë dalë njëri pas tjetrit me deklaratat e tyre kundër FRPD dhe LDG.
Përmes një postimi në rrjetin social Facebook, Manjani shkruan se mbështetësit e Bashës mos dalin me teori koti, por t’i kërkojnë kryeopozitarit të mbledhë forumet, për të diskutuar krizën e brendshme.
Postimi i plotë i Manjanit:
Këto demokratët e Lulit, që vetëm në facebook i njohim, mos na bëjnë dërr dërr me teori koti, por ti thonë Bosit të tyre të mbledhë forumet. Të marrin vendime politike si qytetarë civile dhe jo si ushtarë të Duçes. As si nxënës të Enverit.
Të mbledhin forumet e të debatojnë sa të duan me njëri tjetrin. Të marrin vendime dhe të na tregojnë ne të tjerëve se kush është shumica.
Tangërlleqet me shprehjet fashiste “unë vendos”, apo “nuk lejoj forumet e partisë të mblidhen”, apo me “llum antiamerikë”, apo “llum tranzicioni”, janë luks i tepruar për vendin që ka nevojë ulëritëse për opozitë.
Në momentin që flasim, Lulzim Basha është autor i këtyre frazave autokratike të tipit fashist, si dhe nismëtar i disa nismave ligjore me natyrë marksiste e komuniste.
Sigurisht, jo vetëm që nuk e ndjekim më në këtë pisllëk politikë që bën, por jemi të interesuar që të shporret një orë e më parë nga drejtimi i PD sepse mund t’i sjellë dëm edhe më të rëndë vendit, me idetë komunisto populiste që artikulon.
Një PD me ide komuniste të drejtim u shoftë sa më shpejt!
Nëse Luli dhe të tijët, mendojnë se përfaqësojnë PD me këto ide, kanë barrën të na tregojë që janë shumica e asaj partie.
Ata që dërrdërrllojnë në FB se Luli u zgjodh nga anëtarësia, ju them se për Të ka votuar edhe Berisha.
Tani me Berishën dhe me mbështetësit e Tij përballë, duhet të na e provojnë se janë shumica. Rregulli civil e demokratik e vendos këtë barrë llogjike. Sundimi autokratik jo.
Ja kaq e thjeshtë është.
Të tjerat janë dërrdërrllëqe, që s’ja kemi ngenë të merremi me ta./CNA.al
Politikë
“Bie” plani i Bashës për uzurpimin e selisë/ Komisioni i Rithemelimit zhvillon mbledhjen në zyrat e PD
Sot në degën e PD në Berat është zhvilluar një takim ku ka marrë pjesë kryesia e PD-së si dhe përfaqësues të grupseksionit.
Gjatë takimit është diskutuar për procesin e ristrukturimit të PD. Në mbledhje është propozuar që të rizgjidhen kandidatët për Forumet e PD në rrethe.
Ky takim është zhvilluar pa praninë e mediave dhe është udhëhequr nga i dërguari i Komisionit të Përkohshëm të Rithemelimit Belind Këlliçi. Mësohet se pjesë e mbledhjes ka qenë edhe deputeti i qarkut të Beratit Tomor Alizoti./ CNA.al
Politikë
Basha vijon të braktiset nga demokratët/ Ja mesazhi që i dha “goditjen” e radhës
Pas vendimit të ish kryeministrit Sali Berisha për të nisur takimet me bazën demokrate, duke se edhe Lulzim Basha po “zgjohet” nga gjumi.
Një nga njerëzit e Bashës, ka nisur t’iu dërgojë mesazh anëtarëve të PD se nesër ai do të jetë në Fier dhe ndaj u ka kërkuar atyre që të marrin pjesë.
Por pas “shuplakës” së parë, ku u shkarkua me 4446 vota në Kuvendin e 11 dhjetorit që më pas u reflektua me mbajtjen e Referendumit, Basha ka marrë goditjen e dytë.
Demokratët në bazë nuk e mbështesin, duke shprehur hapur suprtin ndaj ish kryeministrit.
“I nderuar anëtar i PD. Ditën e dielë dt/16/01/2022 ora 11:00, kryetari i PDSH Z.Lulzim Basha do të jetë i pranishëm në qytetin e Fierit për një bashkëbisedim me ju. Takimi do të organizohet në sallën e Teatrit “Bylis” Fier. Ju mirëpresim! PD Dega Fier”, thuhet në mesazhin dërguar anëtarëve.
Por një nga demokratët i është përgjigjur: “Të kemi shkarkuar me 45.000 vota o shoku. Pri biletën vetëm vajtje në Hollandë. Suksese në jetë. Rroftë Sali Berisha”./CNA.al
Politikë
“Në bunker është vendi i minjve”/ Grupimi “Dhjetor 90”, mesazh Lulzim Bashës
Bislim Ahmetaj dhe disa anëtarë të Grupimit “Dhjetor 90”, kanë përcjellë mesazhin e radhës.
Ta kanë shkuar sot tek kafja e në oborrin e PD, jo për të pirë kafe por për të thënë se nuk do të ndalen në rrugën e tyrë, nga minjtë e bunkerit.
Me anë të një postimi në rrjete sociale, Ahmetaj, krahas një fotoje me anëtarë të Grupimit “Dhjetor 90, shkruan se do ta bëjnë këtë rit deri sa ti nxjerrin minjtë nga bunkeri dhe ta rikthejmë bunkerin në seli të njerëzve të lirë dhe demokratëve të vërtetë.
“Me disa bashkëpunëtor të Grupimit “Dhjetor 90” shkuam sot dhe e pimë kafen në oborrin e Partisë Demokratike jo thjesht për kafe, por për të përcjellë mesazhin që në bunker është vendi i minjve dhe njerëzve të friksuar, ndërsa në sheshe është vendi i njerëzve të lirë dhe demokrarëve.
Do ta bëjmë këtë rit deri sa ti nxjerrim minjtë nga bunkeri dhe ta rikthejmë bunkerin në seli të njerëzve të lirë dhe demokratëve të vërtetë.
Ps. Jo të gjithë jemi të një mendje, por 95% e kolonisë tonë idealiste jemi të bindur që çifti basha- bardhi kanë mbaruar”, shkruan Ahmetaj./CNA.al
