Aktualitet
Operacioni antidrogë/ Arrestohet avokati në Korçë, zbardhet identiteti
Një operacion antigrogë është zhvilluar mbrëmjen e djeshme në juglindje të vendit, ku kanë përfunduar në pranga disa persona, mes të cilëve edhe një avokat.
Nga aksioni është kapur edhe një sasi e konsiderueshme kanabis, por nuk ka ende të dhëna zyrtare për peshën e saj.
Detaje të reja kanë dalë ditën e sotme në dritë. Mësohet se dy mjete janë kapur në doganën e Goricës, në zonën e Pustecit.
Sipas raportimit të BW sasia e drogës është mbi 100 kg. Aksioni është kryer nga policia e Korçës, e cila ka ndjekur mjetet deri në Goricë dhe i kanë kapur në palën shqiptare.
Ende nuk bëhet me dije numri i saktë i të arrestuarve, por është mësuar identiteti i avokatit. Ai është Joni Mosku, i cili u kap në Kapshticë ndërsa tentonte të kalonte drejt Greqisë.
Joni Mosku rezulton të jetë pjesë e listës së avokatëve të ndihmës juridike të garantuar nga shteti për dhomën e avokatisë në Korçë.
Aksioni vijon ende të zhvillohet, ndërsa pritet një deklaratë nga policia e Korçës për të zbardhur detaje të tjera se si zhvillohej ky trafik ndërkombëtar i drogës./CNA.al
Politikë
Dështimi i takimit të Bashës/ Kush ishin shoqëruesit që i mbushën sallën në Fier
Lulzim Basha ka mbetur i “vetmuar” gjatë takimit në Fier.
I braktisur nga të gjithë, ai ka tentuar të mbushë sallën e Teatrit Bylis me persona të tjerë, për të shmangur dështimin që iu paraqit.
Përveç ndihmës që i dha Edi Rama, ku kryebashkiaku Armando Subashi i cili i çoi 150 persona, në mbushjen e sallës kanë asistuar edhe kryetarët e degëve të PD në Mallakastër, Roskovec e Patos.
Në një foto të hedhur nga vetë Lulzim Basha në Facebook, shihet i rrethuar nga kryetari i komanduar i degës së PD nga Mallakastra në Fier Agron Kapllanaj, kryetari i degës Patos Shezai Sinanaj dhe ai i degës së Roskovecit.
E nëse Basha mendon se e ardhmja është pa demokratët, atëherë mund të themi që është në rrugën e duhur.
CNA.al raportoi më herët se 150 persona ia ka çuar kryebashkiaku i Fierit, Armando Subashi.
Rreth 100 persona, Balili i Patosit.
100 persona janë punonjës të Bashkisë së Lushnjes dhe Divjakës.
Ndërsa pjesa tjetër janë punonjës të kompanisë së vellait të Agron Kapllanaj.
Por kur nuk ka asnjë mbështetje nga qytetarët e Fierit, pse Basha zgjodhi këtë qytet dhe e mbushi me persona të tjerë?
Rruga e vetme që të “mbulonte me lezet” dështimin, ishte që deputeti Basha të zhvillonte takim me demokratët e Mallakastres në Ballsh e jo në Fier./CNA.al
Kronika
E rëndë në Prrenjas/ 16 vjeçari tenton ti japë fund jetës, policia jep detajet
Një 16 vjeçar në fshatin Qukës të Prrenjasit ka tentuar ti japë fund jetës duke u vetëvarur.
Sipas policisë, aktualisht e reja ndodhet në spitalin kirurgjik të Elbasanit dhe jashtë rrezikut për jetën.
Blutë theksojnë se grupi hetimor ndodhet në vendngjarje dhe po punon për sqarimin e rrethanava të ngjarjes.
“Prrenjas/Informacion paraprak
Më datë 16.01.2022, në fshatin Qukës Shkumbin, Prrenjas, në banesë, një 16 vjeçar ka tentuar të vetvaret, ku si pasojë ndodhet në spitalin kirurgjik Elbasan, jashtë rrezikut për jetën.
Grupi hetimor ndodhet në vendngjarje dhe po punon për sqarimin e rrethanava të ngjarjes”, njofton policia./CNA.al
Politikë
“Përpara o gjigandi i memeve shqiptare”/ Kulluri “kryqëzon” Bashën
Kandidati për kryetar të PD Edvin Kulluri ka komentuar takimin e Lulzim Bashës në Fier, ndërsa “dënuar” edhe veprimet e këtij të fundit.
Përmes një postimi në rrjetin social Facebook, Kulluri ka deklaruar se Basha duhet ta mbante takimin në Mallakastër apo Ballsh e jo në Fier, ndërsa shton se policinë ta marr për mbrojtje ndaj socialistëve dhe jo ndaj demokratëve.
“Lulzim Basha, takimet me demokratët e Mallakastrës duhet ti bëjë në Ballsh e jo në Fier! Ato me FRPD t’ja organizojë kryesia e FRPD e jo shoqnia e kunatit!
Policinë ta thërrasë për tu mbrojtur nga socialistët e jo nga demokratët!
E gënjeshtrat ti tregojë tek oxhaku e jo në prokurori!
Si gjithmonë bën gjënë e gabuar në vendin e gabuar me njerëzit e gabuar!
Përpara o gjigandi i memeve shqiptare! Dhe mos dëgjo e shiko fare, ec lart më lart si gënjeshtrat mal!”, shkruan Kulluri./CNA.al
