Connect with Us

OBSH: Ja pse vala e katërt e pandemisë po godet Europën

Bota

OBSH: Ja pse vala e katërt e pandemisë po godet Europën

Publikuar

-

/

Organizata Botërore e Shëndetësisë ka paralajmëruar se rritja e rasteve me COVID në Europë, mund të bëjë që vala e 4-të e pandemisë  të çojë në gjysmë milioni më shumë viktima deri në shkurt. Sipas ekspertëve të OBSH-së, janë një sërë shkaqesh po çojnë në një rritje të re të rasteve të koronavirusit në të gjithë Europën. Mes tyre skepticizmi për vaksinat, i ftohti që i sjell njerëzit në ambiente të mbyllura, indiferenca ndonjëherë për përdorimin e maskave dhe reduktimi i mbrojtjes kundër vaksinimit, të cilat zakonisht dobësohet pesë muaj pas dozës së parë. Mutacioni më i përhapur Delta konsiderohet gjithashtu shkaktar i rritjes së rasteve.

Kreu i OBSH-së për Europën e konsideron situatën e re “jashtëzakonisht shqetësuese”, ndërsa e sheh Europën si fokusin e një krize të re pandemike. Epidemiologët kanë frikë se vala e katërt mund të arrijë në Europën Perëndimore nga Europa Lindore, pasi numri i personave të vaksinuar në këto vende është ende i ulët dhe shkalla e infeksioneve të reja është e lartë.

Holanda: Shembulli pozitiv që u shemb

Ndonëse një muaj më parë qeveria holandeze hoqi të gjitha masat për koronavirusin, të premten mbrëma kryeministri i vendit Mark Rutte iu kthye situatës së mëparshme, për shkak të rritjes alarmante të rasteve dhe të shtrimeve në spital. Kështu, që nga e shtuna përdorimi i maskës u bë sërish i detyrueshëm, ndërsa hyrja në muze, restorante dhe ambiente pune bëhet me demostrim të detyrueshëm të certifikatës së vaksinimit, kurimit apo testit negativ. Qeveria holandeze u bën sërish thirrje qytetarëve që të punojnë nga shtëpia dhe të shmangin transportin publik.

Një fakt shqetësues është se numri i infeksioneve është në rritje, megjithëse shkalla e të vaksinuarve plotësisht është 84% e popullsisë. Megjithatë, deri më tani nuk ka pasur thirrje për një dozë të tretë të vaksinimit. Aktualisht rekomandohet për njerëzit me imunitet të dobët.

Republika Çeke, Rumania, Bullgaria

Megjithatë, Rumania dhe Bullgaria janë në pozitën më të keqe në luftën kundër koronavirusit. Në Rumani, shkalla e vaksinimit është 37%, pothuajse gjysma e mesatares europiane. Në fakt, Instituti Kombëtar i Vaksinimit kohët e fundit vlerësoi se një rumun vdes nga koronavirusi çdo pesë minuta. Rumania mban kështu kryesimin negativ midis vendeve të BE-së që janë goditur më rëndë. Ekspertët tani po krahasojnë situatën në Bukuresht me Lombardinë italiane në fillim të pandemisë.

LEXO EDHE:  Testimi i kurës ndaj Covid-19/ Goxhaj “shpërthen” ndaj Ramës: Po i përdor qytetarët si kavie eksperimentale

Në të njëjtën kohë, megjithatë, vendi me shkallën më të ulët të vaksinimit në BE është Bullgaria. Sipas statistikave, vetëm një e katërta e qytetarëve janë plotësisht të vaksinuar, me një përzierje të fortë mosbesimi, skepticizmi dhe bestytnie tek ata që refuzojnë të vaksinohen.

Franca dhe Gjermania

Shqetësuese është edhe situata në Francë , ndërsa presidenti Macron pritet të mbajë një fjalim për pandeminë të martën. Demonstrimi i “pasaportës” kundër koronavirusit në të gjitha ambientet publike pritet të zgjatet deri në vitin e ardhshëm. Madje, Franca kishte marrë masa drastike, duke përfshirë vaksinimin e detyrueshëm për punonjësit e shëndetësisë dhe policinë, që nga vjeshta, duke e rritur shkallën e vaksinimit në 88% të popullsisë së rritur. Mjekët rekomandojnë përshpejtimin e dozës së tretë të vaksinimit, e cila aktualisht është e vlefshme vetëm për personat 65 vjeç e lart.

Ekspertët e përshkruajnë rrezikun e infektimit te personat e pavaksinuar si “shumë të lartë”. Thembra e Akilit e Gjermanisë është shkalla disproporcionale e ulët e vaksinimit: vetëm 67% e gjermanëve të rritur janë plotësisht të vaksinuar, shumë më pak se në vende të tilla si Italia, Franca apo Spanja. Skepticizmi i vaksinimit si dhe rezistenca ndaj veprimit të qeverisë qendrore vazhdojnë të jenë pengesë./bota.al

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Bota

SHBA-ja dhe Rusia bisedojnë për “uljen e rrezikut” pranë kufijve të Ukrainës

Publikuar

-

Nga

Sekretari amerikan i Mbrojtjes, Lloyd Austin më 6 janar zhvilloi një bisedë telefonike me homologun e tij rus, Sergei Shoigu dhe diskutoi për “uljen e rrezikut pranë kufijve të Ukrainës”, tha Petagoni në një deklaratë të shkurtër.

“Është e qartë se ne ende jemi shumë të shqetësuar nga ajo që po shohim”, tha një zyrtar amerikan i mbrojtjes për agjencinë Reuters, pa komentuar për këtë bisedë mes zyrtarëve amerikanë dhe rusë.

Biseda mes Austin dhe Shoigo vjen në kohën e shqetësimeve në Perëndim, pas grumbullimit të pothuajse 100,000 trupave ruse në afërsi të kufijve të Ukrainës. Perëndimi ka frikë se Rusia po përgatitet për një pushtim të Ukrainës, por Moska hedh poshtë këto pretendime.

LEXO EDHE:  “Epidemia në Shqipëri është mbyllur”/ Dasho jep lajmin e shumëpritur: Kemi arritur imunitetin natyral

LEXO EDHE:  Ndotja e ajrit në botë, Ballkani dhe Evropa Qendrore më të prekurat



Blinken: Pasoja masive për Rusinë nëse pushton Ukrainën

Rusia ka kërkuar garanci se Ukraina dhe shtetet e tjera të ish-Bashkimit Sovjetik nuk do t’i bashkohen NATO-s dhe po ashtu kërkon që Aleanca Veri-Atlantike të tërheqë dislokimet ushtarake në Evropën Lindore dhe Qendrore.

Perëndimi ka hedhur poshtë ultimatumet e Moskës sa i përket NATO-s dhe ka kërcënuar se do të vendosë sanksione të ashpra dhe do të ndërmarrë masa të tjera nëse Rusia sulmon Ukrainën.

Rusia më 2014 aneksoi Gadishullin ukrainas të Krimesë dhe vazhdon të sundojë këtë rajon./voa

LEXO TE PLOTE

Bota

Në përvjetorin e 6 janarit, Trump nxit pretendimet për mashtrime në zgjedhje

Publikuar

-

Nga

Një vit pas trazirave të 6 janarit në Kapitol, ish-Presidenti Donald Trump vazhdon të këmbëngulë se votimet e vitit 2020 ishin të manipuluara. Gjatë muajve të fundit, ish-presidenti ka nxitur republikanët në legjislaturat shtetërore për të ndryshuar ligjet për zgjedhjet.

Donad Trumpi nxiti mijëra njerëz të zemëruar drejt Kongresit në një nga ditët më të errëta të historisë amerikane.

Turma e zemrëuar, që hyri në ndërtesën e Kapitolit atë ditë të janarit, kërkonte ligjvënësit dhe në veçanti Kryetaren e Dhomës së Përfaqësueve Nancy Pelosi dhe ish-Zëvendëspresidentin Mike Pence. Kongresi ishte mbledhur për të zyrtarizuar fitoren e demokratit Joe Biden ndaj Donald Trumpit në zgjedhjet presidenciale të nëntorit 2020.

Turma ngriti podiume për varje në litar, sulmoi policinë dhe gazetarët, vandalizoi dhe plaçkiti zyra.

Dhuna dhe kaosi la pesë të vdekur, 138 policë të plagosur dhe shkaktoi ngritjen e akuzave ndaj 720 pjesëmarrësve si dhe hapjen e procesit kundër zotit Trump, vetëm pak ditë para se ai të largohej nga posti.

Por zoti Trump vazhdon të pohojë se zgjedhjet u manipuluan, përballë provave dërrmuese se nuk kishte mashtrime zgjedhore. Këtë qëndrim mbajnë edhe mbështetësit e tij, të cilët marrin pjesë në tubimet që zhvillon zoti Trump.

“Jam këtu për të parë presidentin tonë të ligjshëm, që i fitoi në të vërtetë zgjedhjet dhe dua të dëgjoj se çfarë ka për të thënë”, thotë Beth Turbey, mbështetëse e zotit Trump.

Trump po planifikonte t’u drejtohej përsëri mbështetësve të tij më 6 janar, por ai e anuloi atë dhe tha se do t’u drejtohej mbështetësve të tij në një tubim të planifikuar më 15 janar në Arizona.

Analistët thonë se ai ka qenë i zënë gjatë gjithë vitit duke u përpjekur të ndikojë tek ligjvënësit simpatizantë. Zëri i Amerikës bisedoi përmes rrjetit Skype me zotin Jeremi Suri, profesor historie në Universitetin e Teksasit në Austin.



“Ai po përpiqet të kufizojë qasjen e votuesve në shtetet që kanë popullsi të larmishme, si Xhorxhia dhe Teksasi. Po mundohet të bëjë për vete njerëz si Jim Jordan dhe Marjorie Taylor Greene, dy anëtarë të Kongresit, që të ndihmojnë në fitoren e zgjedhjve të individëve që do të mbështesnin politika të hartuara kundër imigrantëve apo politika për tërheqjen e Shteteve të Bashkuara nga aleanca ndërkombëtare si NATO-ja. Pra ai ka axhendën Amerika e para. Ka një axhendë egoje dhe po përpiqet të rishkruajë historinë që të përputhet me pohimet e tij të rreme. Përpjekjet e tij janë të përditshme.”

LEXO EDHE:  Vaksina anticovid/ OBSH aprovon përdorimin e Sinovac

LEXO EDHE:  OBSH/ “Puna me orar të zgjatur rrit rrezikun e vdekjes”

Aanalistja Suzanne Spaulding, e cila drejton projektin Mbrojtja e Institucioneve Demokratike në Qendrën për Studime Strategjike dhe Ndërkombëtare, thotë për Zërin e Amerikës se kjo ngjarje shokuese ka thelluar më tej ndasitë politike në Shtetet e Bashkuara.

Republikanët që folën kundër Trump-it menjëherë pas 6 janarit, vitin e kaluar, duket se kanë heshtur. Më shqetësuese, tha ajo, sondazhet tregojnë se një në tre amerikanë beson se dhuna kundër qeverisë është e justifikuar. Kjo duket se i ka dhënë vrull Trump-it.

“Mendoj se kjo e ka bërë të guximshëm. Disa orë pas dhunës në Kapitol kishte një ndjenjë mes disa ligjvënësve republikanë se Trump-i ndoshta i kishte kaluar caqet. Dhe menduan se kishin hapësirë për t’u distancuar. Për fat të keq, ajo që duket se ka ndodhur është se ai nuk e ka humbur kontrollin e tij në Partinë Republikane.”

Shtëpia e Bardhë do të vazhdojë të mbajë përgjegjës ish-Presidentin Trump për ngjarjet e 6 janarit, thotë zëdhënësja Jen Psaki.

“Ne kemi qënë të drejtëpërdrejtë në këtë front. Roli i Presidentit Trump në përmbysjen e rendit kushtetues, përpjekja për të bllokuar transferimin paqësor të pushtetit dhe mbrojtja e një turme që sulmoi Kapitolin dhe punonjësit e rendit, të gjitha këto janë të dokumentuara mjaft mirë. Presidenti e ka cilësuar 6 janarin si një nga ditët më të këqija të demokracisë tonë.”

Ka të ngjarë që zoti Trump gjatë tubimit të 15 janarit t’u referohet fjalëve të Presidentit Biden. Por analistja Spaulding thotë fjala e fundit i takon popullit amerikan dhe jo politikanëve.

“Gjithmonë më mahnit hymni ynë kombëtar që këndohet anembanë vendit. Vargjet fillojnë me pyetje dhe përgjigje. Fillon me pyetjen, a po valvidet ende flamuri? Flamurin e pamë gjatë errësirës në betejë, por tani është agimi dhe pyetja është, a valvitet flamuri ende mbi këtë tokë të lirë të njerëzve trima ? Hymni mbaron me këtë pyetje. Ndaj të gjithë ne duhet të sigurohemi që përgjigje të jetë PO, çdo ditë.”

Një vit nga trazirat në Kapitol, pyetja është, çfarë flamuri do valvitet?/voa

LEXO TE PLOTE

Bota

Presidenti francez Macron do t’i “nervozojë” të pavaksinuarit

Publikuar

-

Nga

cna news, cna lajme, lajme cna, lajme flash cna, cna.al, cna lajme politike,

Infektimet me korona kanë vazhduar të kapin maja të reja në Francë. Për të thyer valën, presidenti Macron do t’ua vështirësojë jetën të pavaksinuarve dhe do të kufizojë rrezen e veprimit të tyre.

Ai do të kufizojë sa më shumë që të jetë e mundur “qasjen në aktivitetet e jetës sociale” për të pavaksinuarit dhe refuzuesit e vaksinimit, deklaroi kreu i shtetit francez Emmanuel Macron në një intervistë për gazetën “Le Parisien”. “Unë kam shumë qejf t’i nervozoj të pavaksinuarit”, shtoi Macron-i. Kjo është arsyeja pse qeveria e tij do të vazhdojë ta bëjë këtë “deri në fund”.

“Nuk do t’i fus në burg, nuk do t’i vaksinoj me detyrim. Dhe prandaj duhet t’u themi: nga 15 janari nuk mund të shkoni më në restorant, nuk do të mundeni të pini një gotë verë në një lokal, nuk do të shkoni dot më për një kafe, nuk do të mund të shkoni më në teatër, nuk do të mund të shkoni më në kinema”.

Zgjedhja e fjalëve nga Macroni polarizon

Vërejtjet e ashpra të Macronit, më pak se katër muaj nga zgjedhjet e ardhshme presidenciale, shkaktuan protestë nga opozita. “Një president nuk duhet të thotë gjëra të tilla”, shkroi në Twitter kandidatja e ekstremit të djathtë për presidencën e Rassemblement, Marine Le Pen: “Emmanuel Macron nuk është i denjë për detyrën e tij”. Bruno Retailleau, kreu i grupit konservator republikan në Senat, tha se asnjë emergjencë shëndetësore nuk e justifikonte një zgjedhje të tillë fjalësh.



Në intervistën për “Le Parisien”, Macroni foli edhe për kandidaturën e tij të mundshme për zgjedhjet presidenciale të prillit. Ai e përfytyron shumë mirë të kandidojë për rizgjedhje, tha 44-vjeçari, por nuk e shpalli kandidaturën shprehimisht. Në Francë, megjithatë, kjo shihet vetëm si çështje kohe.

Opozita vonon zbatimin në plan të gjerë të rregullave të 2G

LEXO EDHE:  Vaksina anticovid/ OBSH aprovon përdorimin e Sinovac

LEXO EDHE:  Testimi i kurës ndaj Covid-19/ Goxhaj “shpërthen” ndaj Ramës: Po i përdor qytetarët si kavie eksperimentale

Në parlamentin francez po zhvillohet aktualisht një debat i ashpër për futjen e një dëshmie vaksinimi kundër koronas. Opozita papritur e vonoi të martën projektin.

Përballë rritjes së numrit të infektimeve me korona, qeveria e Parisit dëshiron të forcojë shpejt rregullat e hyrjes, për shembull për restorantet dhe bizneset kulturore, por edhe për qendrat tregtare dhe transportin publik ndërurban. Aktualisht atje është ende në fuqi “3G”, dëshmia përgjithësisht jepet me një të ashtuquajtur “pasaportë shëndetësore”.

Në të ardhmen, nuk do të mjaftojë më vetëm një test negativ i koronavirusit për të marrë pjesë në jetën publike. Vetëm personat që janë vaksinuar plotësisht kundër virusit të koronas ose që kanë statusin e një personi të shëruar – i quajtur “2G” – do të mund të hyjnë në shumë vende.

Numri i rasteve po rritet prej javësh

Të martën në mbrëmje, Agjencia Kombëtare e Shëndetit Publik në Paris njoftoi një kulm të ri ditor prej më shumë se 270.000 infektimesh të reja. Ndërkohë në Francë dominon varianti veçanërisht ngjitës i virusit Omikron. Incidenca shtatëditore – pra numri i infektimeve të reja në një javë për 100.000 vetë – është 1851. 3600 pacientë me COVID-19 ndodhen në kujdes intensiv, rreth dhjetë për qind më shumë se javën e kaluar. Rreth 80 për qind e tyre nuk janë të vaksinuar, sipas të dhënave zyrtare./DW

LEXO TE PLOTE