Aktualitet
Makina inteligjente ‘zbarkon’ në Durrës/ Qindra shoferë ‘kapen mat’
Nga mbrëmja e datës 5 nëntor e deri në mbrëmjen e sotme, makina inteligjente është zhvendosur në qytetin e Durrësit, për të monitoruar qarkullimin e automjeteve në disa rrugë të brendshme dhe në hyrje-daje.
Gjatë monitorimeve me afate të shkurtra kohore, në shumë pika të cilësuara me risk për përfshirje në aksidente rrugore, nëpërmjet makinës inteligjente, janë konstatuar 746 shkelje për shpejtësi mbi normat e lejuara.
“112 shoferë janë konstatuar në shkelje të trefishtë: shpejtësi, përdorim të celularit dhe mosvendosje të rripit të sigurimit;
58 shoferë për shpejtësi, për të cilët është vendosur edhe sanksioni plotësues pezullim i lejes së drejtimit, pasi shpejtësitë varionin nga 70 km/h deri në 90 km/h në rrugët e brendshme të qytetit të Durrësit;
54 shoferë janë konstatuar me shpejtësi dhe pa vendosur rripin e sigurimit”, deklaron policia në njoftimin zyrtar.
Më tej Policia e Shtetit apelon për të gjithë drejtuesit e mjeteve, motomjeteve, biçiklistët dhe këmbësorët që të zbatojnë me rigorozitet rregullat e qarkullimit rrugor, në mënyrë që të ketë më pak incidente apo lëndime në njerëz./CNA.al
Politikë
Mafia e aferës së inceneratorëve/ Topalli: Për herë të parë sot u tha e vërteta
Ish kryetarja e parlamenti Jozefina Topalli ka komentuar zhvillimet në seancën e sotme të Kuvendin, në lidhje me diskutimet për aferën e inceneratorëve.
Sipas Topallit, sot Parlamenti u kthye në misionin e tij, pas shumë kohësh.
Pasi, për herë të parë në seancë u tha e vërteta e implikimit tek mafia e inceneratorëvë të Ramës dhe shërbetorit të tij LB.
“Për herë të parë u denoncua komisioni “hetimor” i inceneratorëve si një gënjeshtër e LB.
Ky komision prej 3 muajsh përveç ca deklaratave të rreme ka bërë thjesht demek…
Më ka çu nana me la gojën ..thonin dikur për raste të tilla.
Pas shumë vitesh në parlament po lind një opozitë reale, që ia çjerr maskën jo vetëm maxhorancës , por edhe opozitës së shitur tek i pari”, ka shkruar Topalli në rrjete sociale./CNA.al
Aktualitet
Vrau 65 vjeçarin për hakmarrje/ Gjykata jep masën për 17 vjeçarin
Gjykata e Lezhës ka lënë në burg 17 vjeçarin Florian Përvathi, i cili vrau 65 vjeçarin Lekë Lekëgjonajn për hakmarrje.
17 vjeçari vrau para shtëpisë Lekëgjonajn, pasi vëllai i këtij të fundit i kishte vrarë babain në 2009.
Ngjarja ka ndodhur të hënën në fshatin Manati të Lezhës, ku 17 vjeçari pas vrasjes është vetëdorëzuar në polici./ CNA.al
Kronika
Tentuan të vrasin efektivët e policisë/ Shkatërrohet grupi kriminal
5 persona janë arrestuar nga operacioni ‘Storm’, dhe dy të tjerë janë nën hetim dhe një është shpallur në kërkim.
Bëhet fjalë për personat që kanë tentuar të vrasin efektivët e policisë në Qafë Kashar dhe Fushë Krujë.
Në pranga janë vënë Ibrahim Difaj, Damian Lleshaj(Besmir Prelaj), Rober Laci, Ilirjan Peci, Erion Mulaj. Nën hetime janë shtetasit
M.M dhe E.V. Ndërsa është shpallur në kërkim Shëtim Kraja.
Ata akuzohen për vrasje të mbetur në tentativë, vjedhje./CNA.al
