Politikë
Organizata Europiane e Studentëve të shqetësuar për veprimet e Bashës/ “Tërhiqu menjëherë, FRPD është e pavarur”
Organizata Europiane e Studentëve ka reaguar pas vendimit të kryetarit të opozitës Lulizm Basha për shaplljen e zgjedhjeve për kreun e FRPD.
Përmes një statusi në rrjetet sociale, ata i bëjnë thirrje Bashës të tërheqë thirrjen e tij në lidhje me zhgjedhjet duke e quajtur atë të pabazë.
Sipas tyre, FRPD është një organizatë e pavarur me statu dhe është jetike që partnerët të lejohen të jenë të lirë dhe të vendosin vetë për proceset e tyre.
“Jemi thellësisht të shqetësuar nga lajmet që vijnë nga Shqipëria.
I bëjmë thirrje kryetarit të Partisë Demokratike, Lulzim Basha , të tërheqë menjëherë thirrjen e tij të pabazë në lidhje me zgjedhjet në organizatën tonë anëtare, FRPD Shqipëri.
FRPD është organizatë e pavarur me statut, dhe është jetike për ne si organizatë të kemi partnerë të cilët lejohen të jenë të lirë dhe të vendosin vetë proceset e tyre.
Sigurimi i zgjedhjeve të lira dhe të ndershme në FRPD, është jetike për të ardhmen e partneritetit tonë.
Forumi Rinor i Partisë Demokratike
Detajet e plota në komente 👇”, shkruhet në postim./ CNA.al
Politikë
Cilin bëjnë shqiptarët përgjegjës për dhunën në selinë e PD?
Shqiptarët që janë votues të Partisë Demokratike, bëjnë përgjegjës më shumë Sali Berishën (41%) se sa Lulzim Bashën (37%) për përplasjen e dhunshme që ndodhi në selinë e PD në 8 Janar.
Në totalin e qytetarëve të anketuarve nga Barometri i Euronews Albania, pjesa më e madhe (43%) bëjnë përgjegjës të dy, Berishën edhe Bashën.
Ndërsa mes votuesve socialiste vetëm 4,9% për qind e tyre mbajnë përgjegjës Bashën, ndërsa 47% e tyre mbajnë përgjegjës Berishën.
Qytetarët në përgjithësi refuzojnë përdorimin e dhunës fizike ndaj njerëzve apo institucioneve për qëllime politike.
Mbi 90% e të gjithë shqiptarëve dënojnë zgjidhjen e problemeve me dhunë, qofshin ato në rrethana ekstreme.
Gjetjet janë rezultat i anketës për periudhën 13-24 janar 2022, kryer nga MRB dhe Data Centrum në nivel kombëtar me 1000 intervista ballë për ballë./euronews
Politikë
Koalicion për zgjedhjet e 6 marsit?/ Berisha: Kemi negociata me të gjitha partitë
Ish kryeministri Sali Berisha u shpreh se është në negociata me të gjitha partitë opozitare për të hyrë në një koalicion në zgjedhjet e pjesshme vendore të 6 marsit.
Në një intervistë për emisionin Opinion me Blendi Fevziun në Tv Klan, Berisha deklaroi se nëse do të arrihet një marrëveshje për koalicion, atëherë do të formohet Aleanca, e cial sipas tij do të ketë një logo të vetën.
“Absolutisht që nesër mund të hyjmë në koalicion me LSI nuk është asnjë problem. Negociata ka me të gjitha partitë. Kandidatët do jenë nën logon e Aleancës, aleanca ka logon e vet. Ne përfaqësojmë revolucionin. Jemi mes kandidatëve të pavarur dhe partive politike. Do e vendosin ekspertët tanë. Gjithçka do varet nga ekspertët e çështjeve elektorale të cilët do parashtrojnë mendimin e tyre duke u bazuar në kodin zgjedhor. Zgjedhjet e qeverisë janë tritol dhe SPAK. Ne nuk bojkotojmë. A ishte realitet tritoli në pragun e shtëpisë së Armand Dukës në proces zgjedhor? Olsi Rama për ti marrë funksionin. Nuk është Erion Veliaj ai është një mjeran i keqpërdorur”, tha Berisha./E.K-CNA.al
Politikë
Zgjedhjet e pjesshme vendore/ Berisha tregon çfarë do ndodhë ditën e dielë
Ish kryeministri Sali Berisha ka folur për lëvizjen e Komisionit të Rithemelimit dhe pjesëmarrjen në zgjedhjet e pjesshme vendore.
Në një intervistë për emisionin Opinion, Berisha u shpreh se në zgjedhjet e 6 marsit do të aplikohet standardi i primareve që është mirëruar në statutin e PD, ndërsa shton se ditën e dielë do të nisë faza e zgjedhjes së kandidatëve në të gjashta bashkitë.
“Ky është një revolucion i pandalshëm. Është i pandalshëm pjesëmarrja në zgjedhje. Po aplikojmë standardin e primare që është mishëruar në statutin e PD.
Ditën e dielë do jenë në të gjitha bashkitë. Nëse do ishte datë e zakonshme ti këtë e filloje katër muaj para. Tani kemi 45 ditë kohë dhe të dielë kemi përcaktuar primaret. Kandidaturat po paraqiten. Ata e dinë që nuk kanë kohë dhe askush nuk i detyron të kandidojnë. Kemi plot kandidatura. Të dielë do kemi garë. Votimi është të dielë. Votimi nga anëtarësia është më mirë se emërimi nga Kryesia. Zgjedhësit e PD pajisen me një kartë dhe ai merr kartën e zgjedhsit të PD.
Në Shkodër janë rreth 20 persona. Lista konkludohet nesër”, tha Berisha./E.K-CNA.al
