Connect with Us

Falcao vetëm e “pickon”, Reali likuidon Vallecanon dhe rimerr kreun

La Liga

Falcao vetëm e “pickon”, Reali likuidon Vallecanon dhe rimerr kreun

Publikuar

-

/

Real Madrid rikthehet në vendin e parë në LaLiga, pasi mposhti me rezultatin 2-1 skuadrën e Rayo Vallecano. Madrilenët e zgjidhën ndeshjen shumë shpejt.

Toni Kroos e zhbllokoi takimin, ndërsa më pas Benzema realizoi edhe golin e dytë dhe 45 minutat e para u mbyllën 2-0. Sulmuesi francez dhe Vinicius Junior iu afruan disa herë golit të tretë.

Nga ana tjetër edhe Rayo Vallecano, që kishte titullar mbrojtësin e Shqipërisë Ivan Balliu, pati shanset e veta, sidomos në pjesën e dytë.

Me anë të Radamel Falcao edhe shënuan golin që e hapi takimin, por Real Madrid e ruajti epërsinë dhe mori tre pikët dhe shpreson të ndalet Sevilla, që të mos e ndajnë kreun e klasifikimit së bashku në mbyllje të kësaj jave në Laliga.

NDESHJA TJETËR – Alaves lë në “baltë” Levanten, që është zhytur keq në vendin e fundit me vetëm 6 pikë të grumbulluara deri më tani.

Vendasit fituan me rezultatin e ngushtë 2-1, edhe pse Levante shënoi e para me sulmuesin Jorge de Frutos. Joselu ishte heroi i Alaves, pasi barazoi me penallti dhe më pas shënoi në shtesë golin e fitores.

LALIGA – JAVA 13
Alaves-Levante 2-1
Shënues:
 Joselu (pen.) 77’, 91’ / de Frutos 13’

Real Madrid-Rayo Vallecano 2-1
Shënues:
 Kroos 14’, Benzema 38’ / Falcao 77’

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

La Liga

21 trofe në karrierë, Ancelotti italiani i parë që fiton Superkupën e Spanjës

Publikuar

-

Disa thoshin se karriera e tij kishte marrë fund, por Carlo Ancelotti nuk ka ndërmend që të largohet nga profesioni i tij. Ish-trajneri i Milanit është riulur në stolin e Realit të Madridit dhe e ka ngjitur skuadrën në krye të renditjes së LaLigas, madje ka fituar sërish trofe me skuadrën madrilene.

Falë fitores 2-0 përballë Athletic Club Bilbao në Superkupën e Spanjës, Ancelotti ka arritur të marrë trofeun e 21-të në karrierë, të pestin me Realin e Madridit, duke u bërë tekniku i parë italian që fiton Superkupën e Spanjës.



Ancelotti nuk fitonte një trofe që nga gushti i vitit 2017, kur arriti të fitojë Superkupën e Gjermanisë me Bayernin e Mynihut.

LEXO TE PLOTE

La Liga

VIDEO/ Real Madridi fiton Superkupën e Spanjës, mposht pastër Athletic Bilbaon

Publikuar

-

Real Madridi është fituesi i Superkupës së Spanjës, pasi ka arritur të mposhtë në finale Athletic Bilbaon me rezultatin e pastër 0-2.

Ndeshja e cila u zhvillua në qytetin e Riyad, në Arabinë Suadite ishte emocionuese sidomos në 10 minutat e fundit kur gjithçka mund të ndryshonte edhe pse Reali ishte dominues gjatë gjithë ndeshjes.

“Galaktikët” arritën të zhbllokonin rezultatin në minutën e 38 me mesfushorin kroat, Luka Modric pas një asistimi të Rodrygo.

Me avantazhin minimal të skuadrës së Ancelottit do të mbylleshin 45 minutat e para. Pjesa e dytë nis sërish me një Real Madrid me dominues edhe pse Bilbao tenton të bëjë diçka më shumë.



Një top i prekur me dorë branda zonës nga mbrojtësi i Bilbaos në minutën e 52 cilësohet si penallti pas rishikimit me VAR dhe kthehet në gol nga Karim Benzema.

Kur u mendua se Reali kishte gjithçka në kontroll në 10 minutat e fundit gjithçka mund të ndryshonte pasi Militao largon nga porta një top me dorë duke shkaktuar një penallti dhe larguar nga loja me karton të kuq.

Penalltinë e merr përsipër Garcia i cili gabon përballë Courtois duke humbur shansin artë për të rihapur finalen. Reali siguron kështu trofeun e parë të këtij sezoni. r.t/abcnews.al

LEXO TE PLOTE

La Liga

Real Madridi ia del sërish, Barcelona ka harruar si fitohet… “El Clasico”

Publikuar

-

Real Madrid ka siguruar një vend në finalen e SuperKupës së Spanjës që po zhvillohet në Arabinë Saudite, Skuadrës së Ançelotit i janë dashur kohët shtesë që të triumfojë në “El Clasico” përballë Barcelonës, por në fund ia doli që të merrte fitoren që e çon në finalen e madhe ku pret fituesen e çiftit Atletiko Madrid-Atletik Bilbao.

Madrilenët dominuan pjesën e parë dhe kaluan të parët në avantazh me anë të Vinicius, por para fundit të pjesës së parë, Luk De Jong barazoi shifrat duke konfirmuar formën e mirë që po kalon para katërkëndorit.



Pavarësisht freskimit që i bëri skuadrës Çavi në pjesën e dytë, ishte Reali më ngulmues dhe goditi përsëri me anë të Benzema. Katalanasit u hodhën të gjithë në sulm dhe kërkuan barazimin, të cilin e gjetën me Ansu Fati, i cili ia doli të mposhtë Kurtua me një goditje me kokë,.

Kështu, për fituesin e ndeshjes u deshën kohët shtesë dhe aty Reali vuri menjëherë gjithçka në rrjedhën e duhur me golin e Valverdes, ndërsa më pas gaboi disa herë goditjen e KO. Barcelona rrezikoi, por nuk arriti të barazonte më, duke dalë kështu nga SuperKupa dhe duke regjistruar humbjen e 5 radhazi në “El Clasico”.

LEXO TE PLOTE