Gjendet celulari i një biznesmeni të zhdukur në Tiranë/ Klodiana Lala zbardh detaje  

5 Nëntor 2021, 10:31, Kronika CNA
Gjendet celulari i një biznesmeni të zhdukur në Tiranë/

Të tjera detaje kanë dalë në dritë në lidhje zhdukjen e një biznesmeni në Tiranë.

Gazetarja Klodiana Lala tha për ?BalkanWeb? se bëhet fjalë për 43-vjeçarin Rruzhdi Hoxha, baba i dy fëmijëve dhe pronar i një biznesi inertesh në dalje të Kamzës.

Lala raportoi se Hoxha ka qenë duke pirë kafe diku pranë autostradës Tiranë-Durrës pasi është telefonuar nga miku i tij me iniciale F.Rr. dhe kanë lëvizur me makinën e tij në drejtim të Zall Herrit.

Ndonëse fillimisht u regjistrua si largim nga shtëpia, policia po heton për një rrëmbim të mundshëm për shkak të borxheve pasi biznesi i tij është drejt falimentimit.

?Po hetohet për akuzën e rrëmbimit dhe mbajtjes peng të personit.

Miku i tij ka pohuar se pas takimit me Hoxhën dhe një xhiroje me makinë e ka kthyer sërish në lagje dhe ka mohuar të ketë gisht në zhdukjen e tij. Hoxha ishte larguar dhe herë të tjera nga banesa, por ishte kthyer brenda 2-3 ditësh.
Familjarët e tij janë pyetur, por nuk kanë dhënë emra të dyshuar. Janë këqyrur kamerat e sigurisë në zonën pranë Shkollës së Bashkuar ku është gjetur telefoni i tij. Ndërkohë që është thirrur djali dhe vëllai i 43-vjeçarit për të këqyrur telefonin, i cili është gjetur ditën e djeshme. Policia po vijon kontrollin e zonës?, raportoi Lala.

Lajmet e fundit nga