Sociale
Rriten sërish temperaturat/ Kthesë e befasishme e motit
Zonat Jugore vijojnë të jenë në dominimin e motit të kthjellët dhe kalimeve të pakta të vranësirave.
Ndërsa në zonat Veriore dhe Qëndrore vranësirat do të jenë më të dukshme, duke sjell reshje të pakta dhe afat-shkurtra.
Mbrëmja sjell motin e kthjellët dhe vranësirat të lehta në të gjithë territorin.
Sipas MeteoAlb, temperaturat e ajrit do të rriten në mëngjes DHE në mesditë duke luhatur vlerat ditore nga 5°C deri në 26°C.
Era do të fryjë e mesatare në tokë dhe e fortë në det me shpejtësi mbi 60 km/h nga drejtimi Jugor duke sjell në brigjet detare dallgëzim të lartë 4 – 5 ballë./CNA.al
Sociale
I ftohti polar “mbërthen” vendin/ ISHP këshilla qytetarëve
Instituti i Shëndetit Publik iu ka bërë thirrje qytetarëve që të marrin masa për të përballuar të ftohtin polar që ka mbërthyer vendin tonë.
“Përdorni veshje të ngrohta, pulovra të trasha, xhupa rezistente ndaj erës dhe shiut, kapele, doreza, këpucë kundër ujit.
Hidhni rërë ose materiale të tjera të rekomanduara në zonat ku ka ngricë.
Lexoni rregullat e sigurisë për ambientet e jashtme.
Lëvizni ngadalë kur kryeni punë dhe detyra në ambiente të jashtme.
Dilni të shoqëruar dhe merrni një kuti të ndihmës së shpejtë kur merrni pjesë në aktivitete të jashtme.
Mos harroni të merrni celularin”, thuhet në njoftimin e ISHP-së./CNA.al
Sociale
I ftohti “mbërthen” vendin/ Dëbora mbulon veriun dhe jugun
Ditët e ftohta kanë “mbërthyer” të gjithë territorin e vendit.
Temperatura të ulëta dhe reshjet e dëborës nuk kanë qenë prezente vetëm në pjesën veriore të territorit, por edhe në jug të vendit.
Mbrëmjen e sotme reshjet e dëborës kanë zbardhur Fierin, Vlorën dhe rrethinat. Policia u bën thirrje drejtuesve të mjeteve që të lëvizin me kujdes sidomos në Llogora.
Për momentin nuk raportohet për probleme me qarkullimin. Vendi prej disa ditësh është “pushtuar” nga moti i keq, dëborë dhe ngrica, ndërsa në fillim të javës që vjen temperaturat do të shkojnë deri në -17 gradë dhe për këtë arsye ministria e Arsimit mbylli shkollat për tre ditë./E.K-CNA.al
Aktualitet
Moti i keq/ Balluku apel qytetarëve: 5 ditët e ardhshme mos dilni për turizëm, temperaturat do të jenë ekstreme!
Në ditët në vijim pritet që i gjithë vendi të përfshihet nga mot i keq dhe temperatura të ulëta.
Ministja e Infrstrukturës, Belinda Balluku thotë se nëse keni ndërmend të shkoni në ndonjë udhëtim në ndonjë vend me borë do të duhet ta rimendoni.
“Tregohuni të kujdesshëm, ecni me ngadalë me pajisjet e duhura, vendosni rripin e sigurisë. Ne do t’ju garantojmë të gjitha rrugët e hapura. Nuk është rasti për të udhëtuar në 5 ditët e ardhshme. Do të ketë temperatura shumë të ulëta dhe do të shkaktojnë probleme. Ne do t’ia dalim në këtë sfidë më motin por sigurisht që do të na duhet ndihma juaj. Të jemi të kujdesshëm në rrugë dhe të kursejmë energjinë elektrike”, apelon ministrja.
Ajo thekson se grupet e punës janë në gatishmëri për të garantuar që akset rrugore të jenë të hapura si dhe për të siguruar furnizim me energji elektrike.
Drejtuesit e automjeteve duhet të evitojnë lëvizjet e panevojshme dhe të respektojnë me përpikmëri rregullat e qarkullimit rrugor./CNA.al
