Connect with Us

Po shkëlqen në Austri me gola, gazeta prestigjoze në Itali i bën speciale sulmuesit shqiptar

Sport

Po shkëlqen në Austri me gola, gazeta prestigjoze në Itali i bën speciale sulmuesit shqiptar

Publikuar

-

/

Vrioni po rikthen vëmendjen te futbolli në qytetin e vogël austriak. Uatens është një qytet me 8 mijë banorë në rrethin e Tirolit dhe është më i famshëm për muzeun e kompanisë së kristaleve “Svarovski” sesa për futbollin. Por aty aktivizohet shqiptari Xhakomo Vrioni, i cili numëron edhe dy paraqitje me Kombëtaren e Edi Rejës, që po ringjall entuziazmin në qytet, ku është kthyer në një bombardues në sulm duke shënuar 7 gola në 11 ndeshje mes kampionatit dhe Kupës kombëtare. Gjithashtu, edhe tre gola në tri ndeshjet e fundit.

“La Gazetta dello Sport” i ka kushtuar një shkrim shqiptarit ku tregon se ai po lë një impakt në Austri. Sulmuesi i lindur në ’98-ën, në pronësi të Juventusit, në verë mori një biletë vetëm vajtje për në Austri dhe nuk u pendua për këtë zgjedhje. Aty nisi një eksperiencë të re në futboll dhe në jetën jashtë fushës, si një djalë i mirë me ëndrrat dhe shpresat për të garuar në një kampionat të huaj. Xhakomo u përshtat shumë mirë me ambientin dhe skuadrën, sidomos edhe me trajnerin Silberger, i cili ka shumë eksperiencë në kampionatin austriak. Ai besoi menjëherë te djaloshi, duke e aktivizuar titullar dhe tani ai e falënderon duke shënuar, përfshirë edhe dy gola vendimtarë ndaj Austrisë së Vjenës dhe Laskut.

Ai debutoi mes profesionistëve me Venecian në vitin 2018 dhe me fanellën e Juventusit në Serinë A. Dy vjet më vonë kundër Romës kur në stol ishte Sarri. Bardhezinjtë e kanë mbajtur në zotërim kartonin e tij, duke e dërguar në huazim. Megjithatë, sytë janë gjithmonë tek ai, ata e studiojnë nga larg dhe e ndjekin ecurinë e djaloshit. “Vrioni për të pushtuar Austrinë, Svarovski Tirol udhëhiqet nga… një xhevahir italo-shqiptar”, shkruan “La Gazetta dello Sport”.

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Seria A

Merkato “low cost”, Interi kërkon sulmuesin e Genoas

Publikuar

-

Drejtuesit e Interit po punojnë që të gjejnë sulmuesin që kërkon Simone Inzaghi pas dëmtimit të Correas.

Emri më i lakuar është ai i 33-vjeçarit Felipe Caicedo, të cilin tekniku zikaltër e ka stërvitur edhe më parë tek Lazio.

Sulmuesi është transferuar këtë verë te Genoa, por nuk po gjen shumë hapësira në formacionin e skuadrës kuqeblu. Drejtuesit zikaltër synojnë që ta afrojnë në formë huazimi, që të përforcojnë repartin e avancuar.



Genoa sapo ka arritur marrëveshjen me Roberto Piccolin dhe ardhja e sulmuesit të ri, mund ti hapë rrugë largimit të Caicedos.

Gjatë orëve të fundit ka dalë në skenë edhe një tjetër hipotezë: Eddie Salcedo, aktualisht në huazim tek Spezia, që këtë sezon ka luajtur 9 ndeshje dhe ka shënuar edhe një gol.

LEXO TE PLOTE

Sport

Migen Memelli mendon dorëheqjen nga stoli i Skënderbeut

Publikuar

-

Trajneri i Skënderbeut, Migen Memelli u shfaq tepër i zhgënjyer pas humbjes 1-0 që skuadra e tij pësoi ndaj Kukësit në “Loro Boriçi”. Në prononcimin e menjëhershëm pas ndeshjes, tekniku pogradecar la të kuptohej se 24 orët e ardhshme do të jenë vendimtare për sa i përket të ardhmes së tij dhe se ai po mendon largimin nga klubi.

“Në 3 ndeshjet e fundit nuk kemi shënuar. Patëm shumë raste në pjesën e dytë, ndjej keqardhje të madhe për veten dhe lojtarët. Pesha e rezultateve bie mbi trajnerin. Lojtarët duhet të bëjnë maksimumin. Janë 24 orë të rëndësishme për veten time. Kontingjenti i lojtarëve nuk është i duhuri, na janë dëmtuar shumë lojtarë. Janë shumë pak ditë nga mbyllja e merkatos. Pesha e rëndësisë së rezultatit bie mbi trajnerin. Këto 3 ndeshje kanë qenë edhe çështje fatin. Nëse do që të shënosh, duhet të investosh tek reparti i parë që është sulmi, Shkurtaj sapo hyri shënoi.



Nuk kam asgjë me lojtarët, nuk kam çfarë kërkoj më tepër nga ata. Janë 24 orë shumë të rëndësishme, për t’i parë gjërat me veten se çfarë mund të bëjmë. Le të jemi sa më korrekt. Unë nuk kam punuar kurrë në një ambient kaq të qetë. Presidenti më ka lënë dorë të lirë. Më është plotësuar çdo gjë që kam pasur deri në sot. Kemi lojtarë me moshë të re, investojmë tek ata për të përfituar nga shitja e tyre. Mbështetja ka qenë e plotë, ndonjëherë njeriu duhet t’i shikojë gjërat edhe me veten. Në këto 24 orë duhet qetësi për të kthjelluar mjegullën që na rrethon.

Jam gjithmonë një njeri që shpreh mirënjohjen time, me njerëzit që punoj. Dua të kthjellohem, sepse mërzitja është e madhe. Minimumi është që duhet të kishim dalë me 1 pikë. Unë i qëndroj pjesës time, dua të kthjellohem për këtë që ndodhi dhe pastaj të shikojmë vazhdimësinë se si duhet të jetë”, u shpreh Migen Memelli.

LEXO TE PLOTE

Premier Liga

Ish-kapiteni i Sitit mahnitet nga Broja: Rrezik konstant, vuri në vështirësi dy nga më të mirët

Publikuar

-

Armando Broja vazhdon të jetë temë diskutimi në futbollin anglez dhe elozhet për sulmuesin shqiptar nuk kanë fund. Këtë herë, vlerësimet kanë ardhur nga një emër shumë i njohur i futbollit britanik e botëror, ish-mbrojtësi Mikah Riçards.

Ky i fundit, kapiteni më i ri në moshë në historinë e Mançester Sitit, pranoi se kishte mbetur i çuditur nga shpërthimi i Brojës dhe i mahnitur nga ajo që ky djalosh po shfaqte. Që para sfidës së Sauthempton ndaj Sitit, ai foli me elozhe në studion e “Sky Sports”.

“Ai ka cilësi. Kur e pashë për herë të parë, ai ishte në huazim nga Çelsi, por ka shënuar 5 gola deri tani. Nuk ka frikë, është i fortë, vrapon prapa shpinës së mbrojtësve, mund të mbajë topin dhe është vetëm në moshën 20 vjeçare. Më ka bërë shumë përshtypje, Shpesh, kur lojtarët e rinj shkojnë në huazim, sidomos në Premier Ligë, ata luajnë si zëvendësues dhe atij iu desh pak kohë. Por kur iu shfaq rasti, e mbërtheu atë me të dy duart. Më bën shumë përshtypje sa herë që e shoh atë duke luajtur”, tha Riçards.



Pas sfidës, ish-mbrojtësi duartrokiti përsëri paraqitjen e sulmuesit shqiptar që krijoi vazhdimisht panik në prapavijën e kampionëve në fuqi.

“Ai është vetëm 20 vjeçar. Ai mban linjën i vetëm, ka lojën e kontrollit të topit, është një rrezik i vazhdueshëm duke vrapuar pas mbrojtësve, ka edhe aftësi në ajër gjithashtu. Ai po rritet edhe fizikisht. Po flasim për dy nga qendërmbrojtësit më të mirë në kampionat, Laport dhe DIas dhe ai i bëri të vuajnë, ka prezencë”, theksoi ish-mbrojtësi anglez.

LEXO TE PLOTE