Connect with Us

Muzeu gjysmak i ushtrisë si vendgjarje krimi

Aktualitet

Muzeu gjysmak i ushtrisë si vendgjarje krimi

Publikuar

-

/
cna news, cna lajme, lajme cna, lajme flash cna, cna.al, cna lajme politike,

Nga Klodian Tomorri 

Tenderi sekret 6 milionë euro që Ministria e Mbrojtjes kontraktoi në fund të vitit 2019 për ndërtimin e një muzeu ushtarak është një rast flagrant, ku ligji përthyhet në funksion të interesave privatë dhe jo atyre publike.

Shqipëria nuk përmbush dot detyrimet e NATO-s, në shpenzimet për mbrojtjen se buxheti nuk ka hapësirë. Por Ministria e Mbrojtjes prokuron muze ushtrie 6 milionë euro me tender sekret.

Përtej dyshimeve për qark të shkurtër, e madje edhe njohje mes Kontraktuesit publik dhe kontraktorit privat, përtej dyshimeve se në afërsi të muzeut fantazmë ka interesa familjare pasurore, këtu ka një çështje thelbësore;

A mund të prokurohet me tender sekret një objekt, i cili do të ishte pjesë e guidës zyrtare turistike të Tiranës? Pra cila është logjika e tenderit sekret për një atraksion që do të vizitohej nga mijëra njerëz në ditë? Kush ishte informacioni qe duhej te mbahej i klasifikuar ne kete rast? Kjo është pyetja e parë që duhet të shtrojnë ata, të cilët ngarkohen nga ligji për ta shtruar.

Në një vend normal, sot do duhej të ishte sekuestruar e gjithë praktika e prokurimit.

Cilat kompani u thirrën për të shprehur interes, si u përzgjodh kompania fituese, si u negociua kontrata e kështu me radhë?

Më tej akoma, prokuroria do të duhej të verifikonte të gjitha transaksionet e realizuara gjatë kësaj kohe nga palët e lidhura, përfshirë bankat. Se rreziku që në një prokurim të këtij lloji të lëvizin para në shumë hallka, ku secila hallkë i çon gjithmonë e më afër vendimarrësit, është shumë i madh. Ndërsa objekti atje do të duhej të ishte rrethuar nga shiritat e policisë.

LEXO EDHE:  Ministria e Mbrojtjes informon mbi situatën e zjarreve në vend/ Vatrat më të rrezikshme

Megjithatë ky i muzeut që mbeti rrugës është vetëm njëri prej tenderave.

Ka një statistikë tashmë të konfirmuar zyrtarisht. Në pesë vitet e fundit, Ministria e Mbrojtjes ka zhvilluar më shumë tendera sekretë se sa të gjitha qeveritë e shtetit shqiptar, që nga koha e Ismail Qemalit. Mbi 50 tendera sekretë janë vetëm në periudhën 2014-2018, vetëm nga Ministria e Mbrojtjes.

Në emër të sekretit ushtarak prokurohen muze gjysmakë me tendera sekretë dhe detyrohen qytetarët të paguajnë 6 milionë euro për disa karabina si stalla. Në emër të sekretit ushtarak u blenë patate me tender sekretë për pandeminë.

Këto nuk janë procedura të klasifikuara se kanë informacion të klasifikuar. Këto janë procedura të klasifikuara për një arsye të vetme; për të ndarë paratë e qytetarëve rehat./CNA.al

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Politikë

Skandali me kërcënime në FSHF/ Paloka: A e ka thirrur SPAK, velinën e Bashkisë?

Publikuar

-

Nga

cna lajme politike

Deputeti i PD-së Edi Paloka me anë të një deklarate në rrjete sociale, në lidhje me shantazhimin dhe kërcënimin e kreut të FSHF-së, Armando Duka, ka tëhën se kryebashkiaku i Tiranës, Erion Veliaj duhej thirrur nga SPAK.

Në të kundërt, sipas Palokës, vërtetohet se Prokuroria dhe SPAK janë thjesht qentë e sulmit të pushtetit ndaj kundërshtarëve të tyre

“A e ka thirrur ende Prokuroria dhe SPAK, velinën e Bashkisë së Tiranës?

Ai është personi që publikisht ka shantazhuar e kërcënuar se nuk do të lejojë me asnjë mënyrë rizgjedhjen e kreut aktual të Federatës Shqiptare të Futbollit, Armand Duka.



LEXO EDHE:  Privatizimi i ujit eshte nje biznes me risk/Nga Klodian TOMORRI

LEXO EDHE:  Nga Klodian Tomorri/ Prostitucion intelektual në Elysee

Nëse organet e drejtësisë nuk veprojnë, vërtetojnë përfundimisht deklaratat e velinës se Prokuroria dhe SPAK janë thjesht qentë e sulmit të pushtetit ndaj kundërshtarëve të tyre.

Po dy të munguarit e mëdhenj të ditës së djeshme; kryeministri dhe ambasadorja e “drejtësisë së re”, nuk kanë asgjë për të thënë për skandalin dhe krimin e konsumuar?!

Prite kur të dëgjojmë se edhe Armand Duka është shpallur “non grata”!” shkruan Paloka./CNA.al

LEXO TE PLOTE

Politikë

Shkarkimi nga posti i Presidentit/ Meta mesazh Ramës

Publikuar

-

Nga

cna news, cna lajme, lajme cna, lajme flash cna, cna.al, cna lajme politike,

Presidenti Ilir Meta e ka nisur dhe po e vazhdon ditën në rrjete sociale.

Pas deklaratës për raportin e TI mbi korrupsionin, pas fotove të liqenit të Pogradecit, Meta është shfaqur sërish në rrjete sociale.

Këtë radhë me një tjetër mesazh që flet për sovran e për popull.



“I përkas popullit të 2 marsit dhe alternativës së sovranizimit”, shkruan Meta.

LEXO EDHE:  “Fiks si ata tek torta për 100-vjetorin e pavarësisë”/ Gazetari “degjeneron” Gjonajn

LEXO EDHE:  Nga Klodian Tomorri/ Prostitucion intelektual në Elysee

Ky mesazh vjen një ditë pas deklaratave të kryeministrit Edi Rama, një ditë më parë ku foli qartë për largimin e tij, pa i mbaruar mandati zyrtar.

Duke lënë të kuptohet se po pret vendimin e Gjykatës Kushtetuese për shkarkimin e tij, Rama, u bëri thirrje deputetëve të grupit parlamentar socialist që të hidhnin ide, për një kandidaturë për President./CNA.al

LEXO TE PLOTE

Aktualitet

Greqia shtyn masat anti-Covid me Shqipërinë/ Zbardhet njoftimi

Publikuar

-

Nga

cna lajme aktualitet

Ministria për Evropën dhe Punët e Jashtme njofton se Greqia ka shtyrë masat aktuale anti-Covid deri më datë 7 shkurt 2022.

Të gjithë shtetasit shqiptarë që udhëtojnë drejt Greqisë, pavarësisht kombësisë, pavarësisht nëse janë të vaksinuar ose kanë qenë të diagnostikuar me COVID-19, janë të detyruar të paraqesin:

Test negativ PCR, kryer brenda 72 orëve, përpara udhëtimit.  Ose, test të shpejtë antigjenik, kryer brenda 24 orëve para udhëtimit.



Të gjithë udhëtarët që hyjnë në territorin e Republikës së Greqisë, duhet të plotësojnë formularin elektronik PLF (Passenger LocatorForm), në adresën elektronike 👉  https://travel.gov.gr, me të dhënat e tyre të kontaktit në Greqi, përpara mbërritjes.

LEXO EDHE:  Nga Klodian TOMORRI/Sistemi arsimor i kapur në kurth!

LEXO EDHE:  Deklarata e fortë e gazetarit/ FUSHA dhe BKT plan të frikshëm për Tiranën

Masa vlen për të rriturit dhe fëmijët mbi 5 vjeç, pavarësisht nga vaksinimi.

Pikat kufitare të Kakavisë, Kapshticës dhe Qafbotës funksionojnë gjatë 24 orëve. Pika kufitare e Tre Urave funksionon nga ora 08:00 deri në orën 20:00./CNA.al

LEXO TE PLOTE