Connect with Us

Lumë dënimesh/ Komisioni i Disiplinës publikon të gjitha vendimet

Sport

Lumë dënimesh/ Komisioni i Disiplinës publikon të gjitha vendimet

Publikuar

-

/

Komisioni i Disiplinës ka zbardhur vendimet sa i përket javës që lamë pas në futbollin shqiptar. Këtë herë nuk ka probleme për Superioren, por vetëm paralajmërim për Kukësin. Nga krahu tjetër Teuta dhe Partizani vazhdojnë që të mos respektojnë stemën e Abissnet Superiore me rastin e përsëritur. Duket sikur u sjell bezdi, por për këtë sjellje po vazhdojnë pagimin e gjobave.

  1. KF Teuta, për mosrespektim të përsëritur të Rregullores së Veprimtarisë Futbollistike, duke mos vendosur stemën e Abissnet Superiore, në mëngën e djathtë të fanellës së lojës, në bazë të neneve 63.1, 82.1 të Rregullores së Veprimtarisë Futbollistike dhe nenit 14 të KDS, dënohet me gjobë në masën 100.000 (njëqind mijë) lekë.
  2. FK Partizani, për mosrespektim të përsëritur të Rregullores së Veprimtarisë Futbollistike, duke mos vendosur stemën e Abissnet Superiore, në mëngën e djathtë të fanellës së lojës, në bazë të neneve 63.1, 82.1 të Rregullores së Veprimtarisë Futbollistike dhe nenit 14 të KDS, dënohet me gjobë në masën 100.000 (njëqind mijë) lekë.
  3. FK Kukësi, në bazë të nenit 12 të KDS, paralajmërohet se në rast të përsëritjes së sjelljes së gabuar të spektatorëve, do të jetë subjekt i masave disiplinore që parashikon Kodi i Disiplinës Sportive dhe Rregulloret e FSHF.
  4. KF Pogradeci, për sjellje të gabuar të spektatorëve, në bazë të neneve 65/1 dhe 65/3/c të KDS, dënohet me gjobë në masën 50.000 (pesëdhjetë mijë) lekë. Në zbatim të nenit 116/1/a të KDS, gjoba të aplikohet në masën 50%.
  5. Shënkolli, për shkak të dështimit në përmbushjen e detyrimeve dhe përgjegjësive, sjelljes së gabuar të spektatorëve, si dhe ndërprerjes përfundimtare të ndeshjes së vlefshme për Kampionatin Kombëtar të Kategorisë së Dytë – Grupi A, kundër Oriku, në bazë të neneve 30/1, 30/4/a, 31, 63/1/b, 63/1/c, 63/1/e dhe 64/1, 65/1/a, 65/4/d, të KDS, humbet ndeshjen në tavolinë me rezultatin 0-3, dënohet me gjobë në masën në masën 200.000 (dyqind mijë) lekë dhe zhvillimin e 8 (tetë) ndeshjeve pa spektatorë. Në zbatim të nenit 116/1/b të KDS, gjoba të aplikohet në masën 20%.
  6. Lojtari i Shënkolli, Donald Kacorri, për sjellje josportive ndaj zyrtarëve të ndeshjes dhe sulm ndaj kundërshtarëve, në bazë të neneve 47/1/e dhe 48/1/a të KDS, dënohet me 16 (gjashtëmbëdhjetë) ndeshje pezullim nga aktiviteti.
  7. Lojtari i Shënkolli, Sebastjan Deda, për sulm ndaj kundërshtarëve, në bazë të nenit 47/1/e të KDS, dënohet me 24 (njëzet e katër) ndeshje pezullim nga aktiviteti.
  8. Lojtari i Shënkolli, Albert Gjeka, për sulm ndaj kundërshtarëve, në bazë të nenit 47/1/e, dënohet me 6 (gjashtë) ndeshje pezullim nga aktiviteti.
  9. Lojtari i Shënkolli, Bledi Zefi, për sulm ndaj kundërshtarëve, në bazë të nenit 47/1/e, dënohet me 6 (gjashtë) ndeshje pezullim nga aktiviteti.
  10. Lojtari i Oriku, Arbri Beqaj, për sulm ndaj kundërshtarit, në bazë të nenit 47/1/e, dënohet me 5 (pesë) ndeshje pezullim nga aktiviteti.
  11. Lojtari i FK Elbasani, Elkier Shukle, për sjellje josportive ndaj kundërshtarit, në bazë të nenit 47/1/d të KDS, dënohet me 2 (dy) ndeshje pezullim nga aktiviteti.
  12. Lojtari i Luzi 2008, Endi Jovani, për sjellje josportive ndaj kundërshtarit, në bazë të nenit 47/1/d të KDS, dënohet me 2 (dy) ndeshje pezullim nga aktiviteti.
  13. Zyrtari i FC Kinostudio U-17, Gledis Gjonpalaj, për protestë ndaj vendimeve të zyrtarit të ndeshjes, në bazë të nenit 55/2 të KDS, dënohet me 2 (dy) ndeshje pezullim nga aktiviteti.
  14. FC Besa U-19, për dështim në përmbushjen e detyrimeve dhe përgjegjësive, duke shkaktuar ndërprerjen e përkohshme të lojës, në bazë neneve 24, 31, 63/1/b, 64/3/b, 64/5, 65/3/h dhe 65/4/b të KDS, dënohet me zhvillimin e 4 (katër) ndeshjeve në fushë asnjanëse pa spektatorë.
  15. Lojtari i Football Republic U-19, Enes Rada, për sjellje josportive ndaj kundërshtarëve, në bazë të nenit 47/1/d të KDS, dënohet me 2 (dy) ndeshje pezullim nga aktiviteti.
  16. Lojtari i Flamurtari FC U-19, Kevin Hasani, për sjellje josportive ndaj kundërshtarit, në bazë të nenit 47/1/d të KDS, dënohet me 2 (dy) ndeshje pezullim nga aktiviteti.
  17. KF Shkodra U-19, për sjellje të gabuar të spektatorëve pas përfundimit të ndeshjes, në bazë të neneve 65/3/b dhe 65/4/b të KDS, dënohet me zhvillimin e 4 (katër) ndeshjeve pa spektatorë.
  18. Rrëzimin e kërkesës së Labëria Fc, si të pabazuar në Kodin e Disiplinës Sportive.
  19. Rrëzimin e kërkesës së lojtarit të C Bulqiza, Sildi Lika, si të pabazuar në Kodin e Disiplinës Sportive.
Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Sport

Skënderbeu mund të humbasë “yllin” e ekipit, vjen oferta nga klubi danez

Publikuar

-

Skënderbeu bëhet gati për një tjetër shitje. Klubi danez i Odenses ka ofruar 100 mijë euro për të marrë shërbimet e Marës, ndërsa i lë Skënderbeut 20% të pronësisë së kartonit. Një ofertë e parë kjo shumë e ulët, që ka detyruar drejtuesit bardhekuq të refuzojnë. Klubi ka vendosur edhe një çmim minimal të uljes për bisedime. Të njëjtat burime treguan se presidenti Ardjan Takaj është i vendosur të mos ulet për të biseduar shitjen e Marës, pa një shumë minimale prej 300 mijë eurosh.



Të paktën është kjo ajo që kërkon klubi korçar për të lënë të lirë fantazistin, shkruan “Panorama Sport”.  Për momentin një shumë e tillë është disi e vështirë të arrihet nga dy klubet daneze. Nga ana tjetër, po shqyrtohet edhe një tjetër mundësi. Kjo ka të bëjë me huazimin gjashtëmujor të Marës në Danimarkë dhe më pas një klauzolë me detyrim blerjeje nëse përmbushen kushtet. Një zgjidhje alternative që deri diku mban të kënaqura të dyja palët, por që mbetet të diskutohet se sa do të jetë shuma e huazimit nëse arrihet një marrëveshje. Gjithsesi, për momentin transferimi është pezull.

LEXO TE PLOTE

Premier Liga

“Mbreti i ndeshjes”, tjetër vlerësim i madh për Armando Brojën

Publikuar

-

Armando Broja vazhdon të regjistrojë rekord pas rekordi në kampionatin anglez, teksa po bie në sy që në moshë të re me skuadrën e Sauthempton. Goli ndaj Brentford vetëm sa ka shtuar numrin e admiruesve të tij dhe nuk është aspak çudi që ai është shpallur si “Mbreti i ndeshjes” nga Premier Liga në votimin e zakonshëm.

Kampionati anglez përzgjedh pas çdo sfide disa nga lojtarët më të spikatur të skuadrave për të shpallur më pas më të mirin në bazë të preferencave të tifozëve. Dhe për mbështetësit e Sauthempton e jo vetëm, Broja ishte lojtari më i spikatur i duelit të mbyllur me shifrat 4-1 të martën në darkë.



Ajo që bie në sy në komentet për sulmuesin shqiptar është jo vetëm mbështetja nga tifozët e Sauthempton, por edhe nga ata të Çelsit, të cilët që tani fërkojnë duart për këtë talent të madh që mudn të japë një kontribut të rëndësishëm në klubin e tyre në të ardhmen.

LEXO TE PLOTE

Sport

Lukas Kardozo largohet nga Partizani

Publikuar

-

Lukas Kardozo nuk do të vazhdojë të jetë pjesë e Partizanit. Sulmuesi prej javësh ka marrë një ofertë nga një klub i sapongjitur në elitën e futbollit kazak, por deri më tani nuk kishte arritur të merrte miratimin e drejtuesve të kuq për t’u larguar. Kardozo kishte kontratë me Partizanin deri në fund të këtij sezoni dhe i ishte bërë e qartë se nëse dëshironte të largohej, ekipi që do shërbimet e tij duhet të paguajë.

Kishte një moment kur negociatat ngecën dhe Partizani nisi të mendojë edhe rinovimin me sulmuesin, por klubi kazak, emri të cilit për momentin nuk bëhet i ditur, ka vendosur të japë një shifër parash për të bindur Partizanin. Braziliani ditën e djeshme është pajisur me dokumentacionin e nevojshëm dhe sot do të udhëtojë drejt Turqisë, ku ekipi i tij i ri po kryen fazën përgatitore, para nisjes së sezonit.



Pritet që Partizani së shpejti të zyrtarizojë divorcin me 27-vjeçari largimin, i cili është largimi i tretë në radhë në këtë merkato dimri. Kardozo u bë pjesë e Partizanit në vitin 2018, kur Partizani pagoi 30 mijë euro për ta blerë nga maqedonasit e Pelister dhe arriti të jetë pjesë e ekipit fitues të titullit kampion, pas 26 vitesh. Gjithsesi, në asnjë moment latini nuk arriti të jetë i rëndësishëm për Partizanin dhe dëmtimet e kanë dënuar vazhdimisht, duke munguar në shumë ndeshje me “demat”.

LEXO TE PLOTE