Connect with Us

Gjykata Kushtetuese sot shkarkoi Ilir Metën

Politikë

Gjykata Kushtetuese sot shkarkoi Ilir Metën

Publikuar

-

/

Presidenti Ilir Meta, dy vite më parë ishte njeriu që trazoi ujërat e politikës shqiptare, njeriu i cili në mënyrë të papërgjegjshme, duke provokuar edhe konflikt social, pra deri në përplasje të palëve politike shtyu datën e zgjedhjeve.

Ilir Meta, presidenti i zgjedhur nga rilindasit e Edi Ramës, pasi doli në opozitë në 2017, dy vite më pas po i shërbente në mënyrë të pandalshme opozitës. Megjithëse presidenti duhet të jetë mbi palët, ai u bë thuajse vegla kryesore e tentativës për një destabilitet politik në vend. Pas djegies së mandateve nga PD dhe LSI, opozita në atë kohë kërkoi shtyrjen e zgjedhjeve lokale, megjithëse në muajin dhjetor të vitit 2018 palët politike ishin ulur me presidentin dhe kishin dhënë të gjithë dakordësinë për datën e zgjedhjeve dhe data 30 qershor ishte dekretuar me dakordësinë e Metës, Kryemadhit, Bashës dhe Ramës. Pra presidenti me gjithë faktorët politik në vend, përfshirë edhe disa parti të tjera të vogla.

Më pas “çmendet” presidenti dhe thotë se në datën 30 qershor nuk do të ketë zgjedhje. Ato do të shtyhen sepse ka protesta nga opozita e cila ka djegur mandatet. Në fakt, djegien e mandateve nga opozita e kundërshtuan të gjithë. Shumica e njerëzve që të paktën e kuptonin se ç’do të thotë që një parti politike të dilte nga sistemi dhe të mos rezistonte për të luftuar në Parlament, pikërisht për atë fakt që ishte zgjedhur. Pa shkuar më tej tek protestat e dhunshme apo te gazi lotsjellës që hidhte Garda e Republikës për të mbrojtur institucionet.

Por protestat e demokratëve tregonin qëndresë. Në fakt, ndërkombëtarët, ata që sot Lulzim Basha i quan mbështetës, pra SHBA, në atë kohë i kërkonin kreut të PD të tërhiqej nga protestat e dhunshme dhe të mos bënte djegien e mandateve, si dhe të merrte pjesë në zgjedhjet lokale.

Por Basha vendosi të kundërtën, së bashku me Ilir Metën. Presidenti shtyu datën, ndërsa Luli deklaronte se nuk do të hynte në zgjedhje. SHBA dhe ndërkombëtarët, pra partnerët europian deklaronin se zgjedhjet duhet të zhvilloheshin. Dhe zgjedhjet u zhvilluan.

PS garoi me disa parti të vogla në këto zgjedhje, përfshi Bindjen Demokratike që u krijua  në ato momente, megjithëse starti i saj ishte më i vjetër dhe zgjedhjet lokale u zhvilluan në 30 qershor.

Në atë kohë, u ngrit alibia se në tetor do të bëheshin sërish zgjedhjet lokale, por kjo nuk ndodhi. Lulzim Basha  e përdori si mashtim duke thënë se në pranverën e 2020 do të kishte zgjedhje të tjera lokale. Më pas, demokratëve u tha se do të kishte zgjedhje në vjeshtë. Kështu pretendonte edhe Ilir Meta.

LEXO EDHE:  Kujt i drejtohet mesazhi i LSI?

Presidenti i Republikës thoshte se duhet të prisnin qëndrimin e Venecias, duhet të prisnin vendimin e Gjykatës Kushtetuese. Në fakt erdhi vendimi nga Venecia, nga Gjykata Kushtetuese dhe vendimi është publik, rrëzohet shtyrja e datës së zgjedhjeve. Gjykata thotë qartë se Kushtetuta nuk njeh çdekretimin, por njeh  vetëm dekretimin dhe presidenti Ilir Meta e kishte dekretuar më parë datën e zgjedhjeve. Pra nuk mund të ketë lojra, e dekretoj, e çdekretoj dhe më pas dekretoj një datë tjetër, pa hyrë tek palët politike, që japin në fillim konsensusin për datën e zgjedhjeve dhe më pas tërhiqen nga ato.

Lojra të tilla politike, skema për të pasur përplasje sociale dhe për të çuar në  tek një palë politike ujë dhe për të dëmtuar palën tjetër, qofshin socialistët apo demokratët, mesa duket me këtë vendim morën fund.

cna news, cna lajme, lajme cna, lajme flash cna, cna.al, cna lajme politike,

Por ky vendim nxorri hapur në sy të opinionit publik shkeljet e Kushtetutës nga presidenti Ilir Meta, i cili ka një numër të caktuar përfaqësuesish në Gjykatë Kushtetuese të cilët janë zgjedhur prej tij dhe ata, disa prej tyre kanë votuar kundër , pasi nuk do të pranonin kurrësesi të ishin pjesë e çmendurisë të bërë nga ish presidenti dy vite më parë.

Sot është koha për të shkarkuar presidentin Ilir Meta, për ta ndaluar atë të shkojë më në zyrë. Parlamenti e ka thënë të qartë: Presidenti është kapur në shkelje dhe sot  i është konfirmuar zyrtarisht nga Gjykata Kushtetuese se e ka shkelur Kushtetutën dhe për shkelje të Kushtetutës ai është shkarkuar nga Parlamenti.

Vendimi i Gjykatës Kushtetuese tregon qartazi se presidenti është shkarkuar dhe këtë, Parlamenti edhe pse mund ta ketë bërë për arsye politike, pra Komisioni Hetimor mund të ketë pasur probleme, sot Gjykata Kushtetuese na tregoi se ka një fakt dhe një provë pse duhet shkarkuar presidenti.

Fakti është sepse ai nxiti një konflikt social, duke qenë një president i zgjedhur për të qëndruar mbi palët, çdekretoi zgjedhjet kur në fakt  nuk ka kompetencë, që do të thotë qartazi se tashmë në vendimin e ardhshëm të Gjykatës Kushtetuese do  të presim vetëm konfirmimin e shkarkimit të Ilir Metës nga President i Republikës. Në fakt, asgjë nuk ngelet më për tu parë nga Ilir Meta, një president i turpshëm, i papërgjegjshëm që thjesht dhe vetëm u shërbeu palëve politike, egos së tij  dhe nxitjes së konflikteve sociale në vend./CNA.al

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Politikë

‘Luftëtarët’ e Berishës dhe Bashës, mes të arrestuarve shtetas të Kosovës dhe Maqedonisë së Veriut

Publikuar

-

Nga

cna news, cna lajme, lajme cna, lajme flash cna, cna.al, cna lajme politike,

Më datë 6 janar në komisariatin dixhital të policisë  ka mbërritur një foto që tregonte se në godinën e PD-së qëndrojnë njerëz të armatosur.

Komisariati nr. 1 ka nisur hetimet duke mundur të identifikojë 2 nga tetë personat që shfaqeshin në foto, mes tyre sanitarja e Partisë Demokratike dhe shtetasi Rafael Kurti.

Agjentët në terren nuk kanë mundur të zbulojnë armë apo sende të tjera të jashtëligjshme.

Edhe policia në rrethe ka njoftuar se grupime të ndryshme do të kryenin akte të dhunshme në protestën e datës 8 janar, që ishte thirrur nga ish-kryeministri Sali Berisha dhe grupi i rithemelimit të Partisë Demokratike.

Sulmi i protestuesve në drejtim të selisë së Partisë Demokratike ka nisur rreth orës 11 e 15 minuta. Në dosjen e Prokurorisë thuhet se rreth orës 12 e 50 minuta, një person brenda godinës së partisë ka kërkuar ndihmën e uniformave blu me argumentin se po i rrezikohej jeta.

Pas 10 minutash, deputetet që gjendeshin në godinë kanë njoftuar sërish policinë e cila mori vendimin për të ndërhyrë.



Në total janë arrestuar 34 persona, 23 prej të cilëve kanë qëndruar jashtë godinës së selisë blu dhe 11 të tjerë në ambientet e brendshme.

Burime nga grupi hetimit thanë për Euronews Albania se shtetasit kosovarë të arrestuar me mbiemër Dervishaj kanë deklaruar se nuk kanë qenë në protestë, por pranë një lokali në afërsi të selisë të PD. Megjithatë, raporti i shërbimit të policisë thotë se këta individë kanë qëlluar me sende të forta nga jashtë selinë blu.

LEXO EDHE:  Shkarkimi i Presidentit Meta/ Kushtetuesja vihet në lëvizje

LEXO EDHE:  Shkarkimi i Presidentit Meta/ Kushtetuesja vihet në lëvizje

Në tjetër i arrestuar, nga Maqedonia e Veriut, Xhevair Georgev rezulton në dosjen e prokurorisë si i deportuar nga Belgjika për drogë.

Po sipas dosjes hetimore personat që kanë qenë brenda selisë dhe janë arrestuar si mbështetës së Bashës, si Vendim Demaj, Sokol Ndreu dhe Afrim Deda kanë deklaruar se janë përpjekur të mbrohen, por nga ana tjetër kanë mohuar të kenë dijeni mbi lëndët plasëse që u hodhën nga brenda në drejtim të protestuese.

Brenda godinës janë arrestuar magazinieri Arjan Mezini bashkë me dy persona të tjerë të identifikuar si Alban Peti dhe Stivi Luku. Ata kanë deklaruar se nuk lëviznin dot nga godina pasi kishin frikë. Ardian Myrto, një tjetër nga të arrestuarit, ka deklaruar se ka hedhur vetëm bidonë me ujë ndaj protestuesve.

Në kërkesën e dërguar në gjykatë, prokuroria ka kërkuar masën detyrim paraqitje për 30 të arrestuar dhe arrest në shtëpi për vetëm 4 prej tyre./euronews

LEXO TE PLOTE

Politikë

“Basha tradhtoi vullnetin e qytetarëve”/ Manjani: Duhet të shporret nga skena politike

Publikuar

-

Nga

Ish-ministri i Drejtësisë, Ylli Manjani akuzon Lulzim Bashën se tradhtoi dhe shiti vullnetin e qytetarëve.

Në një intervistë televizive, Manjani tha se politikanët e profilit të Bashës duhet të shporren nga skena politike.

Në vend që të japë llogari, tha Manjani, Basha ka zgjedhur të mbyllet në bodrum e bunker dhe shpërfill vullentin e shumicës.

Unë personalisht nuk ia fal kurrë as në këtë jetë, as në atë jetë, një politikani të tillë që tradhton vullnetin e njerëzve. Nuk më intereson sa korrupsion kja bërë Lulzim Basha me kunatin e tij, i gëzofshin ato, as më duhen fare, ajo që më duhet mua është se ka shitur vullnetin. ngriti një pritshmëri të jashtëzakonshme, i shiti të gjithë, i la në rrugë. Le të ndërtojë pallat edhe te SHQUP-i.



LEXO EDHE:  Kujt i drejtohet mesazhi i LSI?

LEXO EDHE:  Bashës i ikën një tjetër kandidat/Kalon tek socialistët

Një politikan i tillë ka aq shumë llogari për të dhënë, saqë nuk do të japë llogari, por mbyllet në bodrum, futet në bunker. Keni parë ndonjë parti bunker gjëkundi? Çfarë standardi është ky? Dua t’i ve kapak kësaj gjëje me Lulzim Bashën si politikan.

Politikanë të tillë duhet të shporren nga skena politike. Lulzim Basha ka kaluar standardin e Ilir Metës, Sali Berishës, Edi Ramës dhe standardin më të keq të mundshëm të Erion Veliajt.

Ky njeri i ka tejkaluar, është simboli i faktit që e keqja s’ka fund. Këtu unë e kam mbyllur kapitullin me Lulzim Bashën“, u shpreh Manjani.

LEXO TE PLOTE

Politikë

Dokumenti- E financuar nga Erion Veliaj/ Ina Zhupa aksionere tek Kulla e Sahatit

Publikuar

-

Nga

Bashkëpunimi mes qeverisë dhe opozitës po del në dritë çdo ditë e më shumë.

Deputetë të Lulzim Bashës kanë marrë mbështetje të vazhdueshme nga kryeministri Edi Rama por edhe kryebashkiaku Erion Veliaj.

Një nga këto është edhe Ina Zhupa.

Më herët, Zhupa, akuzonte dhe kërcënonte Bashkinë e Tiranës, për leje ndërtimi në qendër të qytetit.

Duke bërë zëdhënësen e PD, Ina Zhupa, shprehej se leja për ndërtimin e kullës te “Sahati i Tiranës” përveçse ishte klienteliste dhe masakër urbane, ishte edhe në kundërshtim me ligjin.

Por papritur nuk u dëgjua më asnjë zë nga Ina Zhupa. Tre muaj pasi kjo e fundit denoncoi kullën pas sahatit, bashkëshorti i saj Fabian Goçi merr lejën e ndërtimit nga Bashkia e Tiranës.

LEXO EDHE:  Kujt i drejtohet mesazhi i LSI?

LEXO EDHE:  1.15 miliardë euro për Shqipërinë/ Meta mirënjohje Konferencës së Donatorëve

Një dokument zyrtar tregon se Fabian Goçi, burri i deputetes së PD-së Ina Zhupa, rezulton askioner tek kulla pas Sahatit të Tiranës.



Mësohet se Fabian Goçi ka pasur në pronësi 200 metra katror tokë.

Zhupa duhet të tregojë të vërtetën nëse denoncoi që të mos ndërtohej tek sahati apo të merrte vetë leje ndërtimi.

Pra, duket se Zhupa ia ka marrë dorën me kërcënime për interesa personale./CNA.al

Si e financoi Erion Veliaj-Ina Zhupën/ Zbulohet skandali i deputetes së Bashës

 

 

LEXO TE PLOTE