Politikë
Analisti i Bashës e pranon: Premtova vizë, pasaportën ma humbën shokët
Analisti i Lulzim Bashës, njëherësh anëtari i kryesisë së PD-së Fitim Zekthi, është strukur nën petkun e Rilindjes dhe Mero Bazes, të cilët kanë marrë përsipër të mbrojnë të akuzuarin për mashtrim, përkundër fakteve, përkundër dokumentave, dosjes hetimore që ndodhet në organin e akuzës dhe në Gjykatë.
Koha kalon, por dosja mbetet aty, dosja është aty dhe ne do ta sjellim ditë pas dite me data dhe vite, pavarësisht se Fitim Zekthi gjen kurajon sërish që të gënjejë.
Ashtu siç ka gënjyer edhe në formularin e dekriminalizimit .
“Bëhet fjalë për një gjyq para 20 viteve në mungesë. Gjatë fushatës se vitit 2001, kur Çim Peka punonte me mua dhe ishte në fushatë, dikush i kërkoi drejtuesve të fushatës tonë (nuk po jap emra) një vizë. Drejtuesit e fushatës tonë i thanë dikujt në Tiranë. Unë i dërgova pasaportën të cilën ata e humbën”, deklaron së fundmi Zekthi.
Gënjeshtrat e radhës të Zekthit
Zekthi thotë se bëhet fjalë për një gjyq që ka ndodhur para 20 vitesh.
Së pari, nuk ka qenë para 20 vitesh por në vitin 2003 si kallëzimi penal ashtu edhe procedimi në Prokurori dhe më pas në Gjykatë.
Pra, nuk ka një vendim gjykate të para 20 viteve, por nw vitin 2003, kur është kallëzuar për mashtrim nga kushërira e tij se i ka marrë 2 milionë lekë për nxjerrjen e një vize turistike dhe është zhdukur pa adresë, duke mos i kthyer më as paratë dhe as dokumentin e identifikimit, që është një pasaportë.
Së dyti, Fitim Zekthi pranon që ka marrë pasaportën dhe është humbur, por justifikohet se ia kanë humbur të tjerët.
Një fakt që tregon të vërtetën e raportuar në CNA.al se ia ka marrë kushërirës së tij dokumentin e identifikimit bashkë me paratë, gjë që se mohon.
Pra, fakti që ka marrë pasaportën ekziston. Faktin që ka marrë dhe paratë se mohon, por kapet pas gjyqit, pasi është gjykuar në mungesë.
Gjykuar në mungesë ose jo, Fitim Zekthi është dënuar për mashtrim, në të gjitha shkallës e gjyqësorit.
Gjykata e Apelit, një vendim të cilin do të sjellim ditët në vijim e ka rrëzuar kërkesën e Zekthit për të shuar dënimin.
Zekthi, gënjen kur thotë se është aministuar, por i referohet, si akuzë e vjetër.
Mashtrimi ka ndodhur, paratë janë marrë bashkë me pasaportë dhe vizë nuk është nxjerrë.
Pra, faktet janë.
Nuk është akuzë, por fakt skandaloz sesi një person, i cili merr para nga të afermit dhe i mashtron për viza dhe më pas kallëzohet në polici, ështe person publik dhe madje bën edhe si demokrat i ndershëm.
Absurditeti nuk mbaron këtu.
Nga njëra anë, Zekthi pranon dënimin, nga ana tjetër thotë kam dalë i pafajshëm nga amnistia.
Askund në asnjë vend të botës, përveçse në Afrikë, një i dënuar si mashtrues, që u merr para të afërmëve me anë të mashtrimit nuk do guxonte të dilte në publik e jo më të ishte në kryesinë e një prej forcave kryesore politike.
Sepse me justifikimin e tij Fitim Zekthi, pranon që ka marrë pasaportën dhe nuk mohon dënimin, gjithashtu nuk thotë asnjë fjalë për paratë.
Në fakt prokurorët janë treguar dashamirës sepse me atë proces mund të kishte dhe akuzë për trafikim, pasi trafikantët, nuk bëjnë asgjë më shume se sa marrin para të afërmëve, qytetarëve, kujtdo, u nxjerrin viza e më pas i çojnë në perëndim apo gjetkë.
Fakti, se ka thënë që “jam dënuar si mashtrues e nxjerr të pafajshëm, apo mjafton të mashtrosh dhe ta deklarosh më pas dhe je njeriu i duhur për kryesinë e PD-së?/ CNA.al
Dokument-Si u denoncua për mashtrim analisti i Bashës/ Fitim Zekthi mori paratë dhe u zhduk
Dokument-Si u denoncua për mashtrim analisti i Bashës/ Fitim Zekthi mori paratë dhe u zhduk
Dokumenti-Fitim Zekthi kërkoi 2 milionë lekë për një vizë angleze/ Zbardhet dëshmia e denoncueses
Politikë
Protesta/ Demokratët e sakrificës po mbahen në qelitë e Edi Ramës
Ish deputeti i PD Bradh Spahia u shpreh se rreth 25 demokratë që protestuan ditën e djeshme po mbahen ende në qeli nga policia e regjimit të Edi Ramës.
Në një postim në rrjetin social Facebook, Spahia thekson se kjo nuk është hera e parë që policia e Ramës ndërmerr këto veprime ndaj demokratëve, ndërsa e ka cilësuar si një veprim shumë të rëndë ndërhyrjen e uniformave blu që u thirrën nga brenda godinës për të goditur dhe mbytur me gaz demokratët.
“Rreth 25 demokratë që protestuan dje janë ende nëpër qeli, të paktën 6 prej tyre nga Shkodra! Nuk është hera e parë, që ndeshen me policinë e rregjimit të Edi Ramës, e me gjasë nuk do jetë as e fundit, por këtë herë burgosja është edhe më e rëndë. Tejet e rëndë sepse policia e Edi Ramës u thirr nga brenda PD për të goditur, mbytur me gaz e arrestuar demokratët, ata që ndër vite kanë sakrifikuar për Partinë Demokratike, edhe për karriket e atyre, që heshtën para bunkerizimit të PD, me ndihmën e cmuar të Edi Ramës. Demokratët e vërtetë ishin dje në protestë për hapjen e godinës së Partisë Demokratike dhe të vetmet mjete, kishin ato për hapjen e dyerve të blinduara në shtëpinë e tyre, ndërsa në avancimin drejt selisë u goditën, u masakruan e mbytën me gaz nga brenda Partisë Demokratike, e më pas edhe nga policia e Edi Ramës.
E turpshme dhe e rëndë që demokratë të thjeshtë e drejtues të strukturës mbahen nëpër qeli sepse kërkuan të hyjnë në shtëpinë e tyre! Kjo është një situatë e padenjë, që duhet të turpërojë të gjithë ata që pranuan të vendosen dhuna, dyert e blinduara dhe policia e Edi Rames mes tyre dhe demokratëve!”, shkruan Spahia./E.K-CNA.al
Politikë
“Mercenarët e Bashës rrezikuan jetën e demokratëve”/ Deputeti i PD: Në seli kishte njerëz të armatosur
Deputeti i PD Tritan Shehu ka komentuar protestën që u mbajt ditën e djeshme para selisë së PD.
Në një intervistë televizive, Shehu tha se protesta paqësore u përball me një grup mercenarësh të Bashës, të cilët sipas tij rrezikuan seriozisht jetën e demokratëve.
Ai shtoi se brenda selisë kishte edhe njerëz të armatosur që kishin ardhur nga jashtë territorit të Shqipërisë, duke theksuar se veprimet e Lulzim Bashës ishin antidemokratike.
“Protesta paqësore u përball me dhunë. Mercenarët rrezikuan jetën e demokratëve. Këta janë gjëra evidente që lehtë janë dukur, edhe në media janë pasqyruar. Shikoni mënyrën e agresivitetit ndaj protestueve. U përdor gaz lotsjellës ndaj protestuesve me shumicë. Në atë seli kishte njerëz të armatosur, njerëz që kanë ardhur edhe nga jashtë Shqipërisë, që rrezikojnë deri edhe stabilitetin e vendit tonë.
Veprimet e Lulzim Bashës janë antidemokratike, selia e PD nuk mund të jetë vend armësh, vend gazi, por duhet të jetë seli e hapur për të gjithë qytetarët e Shqipërisë. Elementët e dhunës nga grupi i Bashës janë përdorur në shumicë e PD është bunkerizuar. Dhuna janë ata dyer prej hekuri, dhunë janë veprimet antidemokratike. Edhe gazetarët nuk u lejaun në qeli. Basha shkeli të drejtat e qytetarëve. Selia duhet të jetë e hapur për të gjithë”, deklaroi Shehu./E.K-CNA.al
Politikë
“Basha nuk do përfaqësojë kurrë PD”/ Gazetari: Po qëndron si patericë e Ramës në politikë
Për gazetarin Robert Papa, Lulzim Basha duhet të largohet nga selia e PD, sepse nuk e përfaqëson këtë forcë politike.
Në një intervistë televizive, Papa tha se Basha ka pranë vetes vetëm 3% të demokratëve dhe se selia është shumë e madhe për të mbajtur kaq pak mbështetës.
Sipas tij, Luli është një patericë e kryeministrit Edi Rama.
“Çdo krizë ka një zgjedhje dhe zgjedhja nuk duhet të bëhet përmes dhunës. Ajo që më ka krijuar diçka të pakuptimtë është se si mundesh të kesh në seli bishta lopatash më shumë se kompjutera, si dhe të vish me varre apo çekiçë për të hapur dyert.
Berisha është lider historik i asaj partie, por problemi është tek drejtësia shqiptare. Përderisa PS do vazhdojë do kemi PD në krah. Basha nuk duhet të rrijë në atë seli sepse nuk ka më shumë se 3% të PD. Ajo seli e madhe është pa kuptim aq e madhe. Është momenti më i mirë që Rama ta mbyllë atë seli dhe prona ti kthehet pronarit.
Ai i ka 20-30 deputetë, mund të hyjë në qeveri me Ramën por ai nuk ka bazën, votën. Si mund të krijojë votë ai kur demokratëve u hedh gaz lotsjellës. Nuk luftohet me bunkerë. Ai ka probleme delirante. Mund të qëndrojë si patericë e Ramës në politikë por nuk do përfaqësojë kurrë PD-në.
Amerikanët nuk shikojnë emra dhe Escobar ka thënë luftojmë korrupsionin. Rama atë ditë që nuk do jetë kryeministër do jetë non grata. Basha nuk vjen dot në SHBA sepse ka problemin e pastrimit të parave nga lobi rus. Është rasti tipik që një njeri pa asnjë lloj statusi të bëjë atë që bëri dje, jam pa fjalë”, tha Papa./E.K-CNA.al
