Kronika
Ekzekutimi i biznesmenit në Fier/ “Ben Qimja” në dyert e Policisë
Detaje të reja kanë dalë në dritë sa i takon ekzekutimit mafioz të biznesmenit Demir Backa në Fier.
Gazetarja Anila Hoxha raporton për TCH se lidhur me këtë vrasje, më në fund është marrë në pyetje edhe Arben Isufaj, i njohur ndryshe me nofkën “Ben Qimja”, pasi ky i fundit mësohet të ketë pasur një konflikt me viktimën.
Isufaj i është përgjigjur ftesës së policisë, për të dhënë deklaratën dhe ka hedhur poshtë çdo akuzë sa i takon vrasjes së Backës. Ai pohon se ka patur një konflikt me të në 2016-ën, por ka shprehur se edhe pse nuk ishin pajtuar, ai e kishte falur biznesmenin.
Pas deklaratës Isufaj është lënë i lirë dhe ndërkohë ka shprehur se ngjarjen e ka mësuar nëpërmjet mediave, në një kohë që ndodhej në shtëpi në Tiranë. E njëjta deklaratë ishte thënë edhe më herët nga familjarët e tij.
Raportohet se në pyetje janë marrë edhe persona të tjerë, të cilët dyshohet se kanë informacion sa i takon ngjarjes së rëndë që tronditi Fierin.
Gazetarja Hoxha shprehet se hetimet me metoda proaktive vazhdojnë ku përfshihen përgjime dhe të dyshuar nga Vlora që dyshohet se janë pajtuar për të vrarë Backën./CNA.al
Kronika
Policia e Durrësit bën “kërdinë”/ Prangosen gjashtë persona, për çfarë akuzohen
Policia e Durrësit ka vënë në pranga gjashtë persona, dy prej të cilëve të shpallur në kërkim.
Sipas uniformave blu në pranga ka rënën shtetasi M. A., 37 vjeç, banues në Durrës, pasi gjatë kontrollit fizik të ushtruar nga shërbimet e Policisë, iu gjet dhe iu sekuestrua një sasi lënde e dyshuar narkotike kokainë.
Gjithashtu është ndaluar edhe shtetasi në kërkim M. P., 29 vjeç, banues në Durrës, pasi Gjykata e Shkallës së Parë Durrës, me vendimin e datës 18.12.2020, e ka dënuar me 15 ditë burg për veprën penale “Drejtimi i automjetit në mënyrë të parregullt”.
Po nga specialistët për Hetimin e Krimit në DVP Durrës u arrestua në flagrancë shtetasi F. K., 33 vjeç, banues në Maminas, pasi u kap duke vjedhur disa pajisje në dyqanin e shtetasit B. H.
Specialistët për Hetimin e Krimit në Komisariatin e Policisë Durrës ndaluan shtetasin në kërkim V. A., 38 vjeç, për veprën penale “Kallëzim i rremë”, pasi ka bërë kallëzim të rremë për vjedhjen e automjetit të tij.
Specialistët e Qarkullimit Rrugor arrestuan në flagrancë për veprën penale “Drejtimi i automjetit në mënyrë të parregullt”, shtetasit: B. Sh., 29 vjeç dhe A. K., 37 vjeç, pasi u kapën nga shërbimet e Policisë duke drejtuar automjetet, në gjendje të dehur dhe pa leje drejtimi.
Materialet i kaluan Prokurorisë, për veprime të mëtejshme./CNA.al
Kronika
Bie nga kati i dytë/ 27 vjeçari në gjendje të rëndë
Sot, në fshatin Kusarth, Elbasan, dyshohet se aksidentalisht ka rënë nga kati i dytë i banesës ku banonte, shtetasi Xh. Gj., 27 vjeç, i cili ndodhet në spitalin e Traumës Tiranë në gjendje të rëndë për jetën.
Grupi hetimor po punon për sqarimin e rrethanave të ngjarjes./CNA.al
Kronika
E rëndë në Prrenjas/ 16 vjeçari tenton ti japë fund jetës, policia jep detajet
Një 16 vjeçar në fshatin Qukës të Prrenjasit ka tentuar ti japë fund jetës duke u vetëvarur.
Sipas policisë, aktualisht i riu ndodhet në spitalin kirurgjik të Elbasanit dhe jashtë rrezikut për jetën.
Blutë theksojnë se grupi hetimor ndodhet në vendngjarje dhe po punon për sqarimin e rrethanave.
“Prrenjas/Informacion paraprak
Më datë 16.01.2022, në fshatin Qukës Shkumbin, Prrenjas, në banesë, një 16 vjeçar ka tentuar të vetvaret, ku si pasojë ndodhet në spitalin kirurgjik Elbasan, jashtë rrezikut për jetën.
Grupi hetimor ndodhet në vendngjarje dhe po punon për sqarimin e rrethanava të ngjarjes”, njofton policia./CNA.al
