Dyndje fëmijësh në pediatrinë e Korçës/ Mjeku: Po qarkullon një virus shumë ngjitës

3 Nëntor 2021, 10:55, Lifestyle CNA
Dyndje fëmijësh në pediatrinë e Korçës/ Mjeku:

Stina e vjeshtës është një periudhë që ka shfaqur një numër të madh komplikacionesh në shëndetin e fëmijëve, e kjo vjen kryesisht nga qarkullimi i një numri të madh virozash.

Në një intervistë për ABC News, shefi i pavionit të pediatrisë në spitalin e Korçës, Robert Rado, shprehet se pranë spitalit janë paraqitur një numër i lartë fëmijësh të prekur me një lloj të veçantë virusi që është shumë ngjitës.

?Virusi njihet me emrin koksaki-virus dhe është shumë ngjitës me shenja specifike në gojë, lëkurën e duarve dhe këmbëve. Kjo është një virozë specifike që mesa shikojmë është dhe ngjitëse, dhe nëse prindërit kanë raste të tilla duhet që të kontaktojnë me mjekët dhe për një periudhë 1 javore nuk duhet që ti dërgojnë fëmijët në çerdhe dhe në kopësht pasi kjo kalo nga një në një fëmijë. Nëse ka temperaturë dhe të vjella duhet të marrim masa të tjera?, thekson Rado.

Ai nuk ka lënë pa përmendur as situatën me Covid-19, ku ka shprehur se nuk ka pasur shumë raste të infektimeve tek fëmijët.

?Rastet nga Covid kanë qenë të pakta deri në 50 raste?, deklaron mjeku./CNA.al

Lajmet e fundit nga