Connect with Us

Avokati në burg për rryshfet/ Bashkëshortja akuza emisionit investigativ: Regjistrimi i montuar

Denoncim

Avokati në burg për rryshfet/ Bashkëshortja akuza emisionit investigativ: Regjistrimi i montuar

Publikuar

-

/

Emisioni investigativ “Stop” transmetoi në datën 1.11.2021 një regjistrim të bërë muaj më parë , ku tregohej se si avokati Lavdosh Shehu ka marrë para për te ekstraduar  drejt Shqipërisë një të dënuar në Itali.

Në konikën e transmetuar, avokati pranonte se kishte marrë shumën prej 5000 euro dhe kërkonte edhe 7000 të tjera duke premtuar se përmes korruptimit të zyrtarëve të Ministrisë së Drejtësisë do të bënte të mundur ekstradimin nga vendi fqinj.

Pas të dhënave që emisioni investigativ “Stop” në Tv Klan, dorëzoi pranë Strukturës së Posaçme, nisi hetimet duke dokumentuar shkeljet e avokatit.

Me provat e paraqitura nga SPAK, gjykata vendosi masën e sigurisë “arrest në burg” për avokatin, ndërsa Shehu rezultonte se ka marrë vetëm 5 mijë Euro, ndërsa ndërhyrja tek zyrtarët e Ministrisë nuk është realizuar.

Lidhur me rastin, pranë redaksisë së CNA.al, ka mbërritur një denoncim nga familjarët e avokatit. Bashëshortja, e avokatit, Elisa Shehu, akuzon se e verteta është deformuar dhe ndaj bashkëshortit të saj po hidhet baltë.

Sipas saj, pagesa, prej 5 mijë euro, është kryer për punën e avokatit dhe kjo është me faturë që e ka dhe Prokuria dhe do të sqarohet në vijim të hetimeve.

Ajo ngre akuza se emisoni ka prerë pjesët e regjistrimit dhe i ka montuar në atë mënyrë që të dalë emisioni sikur është një mashtrim i avokatit.

Bëhëj fjalë për një klient që duhej të ekstradohej nga Italia në Shqipëri, dhe në emision është thënë që nuk është bërë farë ky transferim, ndërkohë që zotëria vuan sot dënimin këtu në Shqipëri që prej korrikut.

Pra nëna ka kontaktuar një avokat, i ka bërë një pagesë me faturë, janë bërë seanca gjyqsore, ka patur korrespondencë midis Ministrisë së Drejtësisë dhe asaj Italiane. Seancat gjyqsore janë zhvilluar në Fier. Janë bërë takime me klientë ,etjerë. Pra e gjithë pagesa është nxjerrë për punën e tij si avokat dhe është me faturë që e ka dhe Prokuroria.

Unë këtë letrën e kam bërë si familjare pasi në emision është degjeneruar në atë mënyrë që neve më shumë na ka rënduar psikologjikisht mënyra se si është shfaqur në media, sepse ne të vërtetën e dijmë dhe nuk shqetësohemi fare se e vërteta do të dalë, ama opinion po mashtrohet dhe po bëhet shumë e qëllimshme pasi të hënë është apeli i masës së sigurisë, është bërë më qëllim para gjygjit.

Unë nuk e di se nga kush ndikohet Stopit për të mashtruar opinion publik dhe për të ndikuar patjetër në gjykatë pastaj.

Unë ia kam drejtuar letrën edhe Stopit vetë, sepse është deformuar e gjithë historia, e gjithë ngjarja.

Për më tepër në emision është përmendur që ne kemi marrë leje nga Prokuroria ka thënë vetë drejtuesi emisionit, për të shfaqur këto pamje filmike, prova, të cilat janë të deformuara 1000% dhe Prokuroria në dosjen e ka të saktë, ndërkohë në emison është e deformuar.

Në momentin që doli ai emison pacavure, jemi shqetësuar realisht shumë, dhe problemi më i madh i joni tani, është nderi i tij, sepse pjesën e provave të hetimit e vazhdon Prokuroria, ama në publik është ekzagjeruar sa më s’ka.

Unë vetë jamë nënë e një fëmije dhe po ndiqem me psikolog, dhe e gjitha ka ardhur nga ky mashtrim që po bëhet në publik”, ka thënë ajo në një prononcim për CNA.al.

Ndërkohë që më poshtë është dhe letra që bashkëshortja e Lavdosh Shehut ka nisur.

LEXO EDHE:  Vijon mbledhja e Këshillit të Mandateve pa Tahirin dhe avokatin e tij

Të pavërtetat e një emisioni investigativ

Emisioni “Stop” në TV Klan, transmetoi në datën 1.11.2021 një regjistrim të bërë muaj më parë dhe të përdorur nga SPAK, për të arrestuar një avokat në Tiranë.

Nisur nga pohimi i sinqertë i drejtuesit të emisionit, filmimet ishin qethur me gërshërën e prokurorisë. (Kam biseduar me prokurorin çfarë duhet të transmetojë tha drejtuesi i emisionit). Deri tani kishim menduar se merrte leje te Tv Klan dhe Frangaj se çfarë duhet transmetuar, por jo, konsultohem me SPAK tha gazetari.

Meqë montazhin e videos e ka bërë prokuroria, sikurse thoni ju, ne si familjarë të avokatit Lavdosh Shehu kemi disa pyetje për ju si prezantues të emisionit invenstigativ të prokurorisë (jo të TV Klan !!!):
1. Si e spjegon zoti drejtues i emisionit që në prezantimin tuaj shpreheni se qytetari që ka kontraktuar shërbimin e avokatit qenka dënuar për një sherr apo grindje në Itali, kur prokuroria që të ka dhënë lejen për transmetim thotë është dënuar me 39 vite 11 muaj e 18 ditë, për 6 vepra penale të rënda të cilat nqse nuk i dini, po jua listojmë sipas përshkrimit në vendimin nr 86, datë 21.10.2021 të Gjykatës së Posaçme të Shkallës së parë?

Veprat penale për të cilat shtetasi F.H që ju e merrni në mbrojtje në diskursin tuaj janë:

a. Vrasje
b. Zhdukje e kufomës
c. Rrëmbim personi
d. Armëmbajtje pa leje
e. Përdorim, mbajtje dhe prodhim i dokumenteve të falsifikuara
f. Prodhim, mbajtje dhe trafikim i lëndëve narkotike dhe psikotrope

2. Ky ishte sherri banal që kishte bërë në Itali i dënuari F.H? Do ishim shumë të qetë nqse vërtetë jeni i pa informuar për këto vepra penale.
3. Si mund të merrni ju anën e të dënuarit dhe të sulmoni kaq ashpër një avokat që në fund të fundit edhe nqse mund të ketë gabuar, prapë është në anën e ligjit?
4. Si kam mundësi që ju mbroni (me apo pa të drejtë) familjen e të dënuarit dhe nuk ju bën përshtypje që po dëmtoni famijen e një avokati?
5. Pse në transmetimin tuaj nuk evidentoni faktin që ju e keni filmuar, që avokati ka marrë 5000 euro nga klienti dhe për këtë shumë ka prerë faturë tatimore që në atë kohë?
6. Si harruat ju të përmendni faktin që nënës së klientin ju kthyen 900 euro kur ajo u ankua se ishte në gjendje jo të mirë ekonomike? (Shpresojmë që këto prerje të mos jenë bërë nga prokuroria, pasi kjo e fundit i ka zbardhur në vendimin e datës 22.10.2021).
7. A thua nuk jeni në dijeni ju të faktit që i dënuari në Itali, shtetasi FH, është transferuar në muajin Korrik 2021 dhe po e kryen dënimin në Shqipëri? Apo edhe për këtë ju tha prokurori ta deformoni si fakt?( ne nuk e besojmë).
8. I nderuar zoti drejtues i emisionit, si familjar të zotit Lavdosh Shehu po ju vëmë në dijeni se me qëndrmin tuaj në emission keni krijuar një situatë shumë të vështirë në familjen tonë, duke rënduar gjendjen shëndetësore të dy prindërve të moshuar dhe të sëmurë.
9. Si familje e një avokati, ne kemi besim te drejtësia dhe do të presim që e vërteta të zbardhet. Deri atëherë, për ju, po lemë të veprojë drejtësia hyjnore, e cila ndoshta vonon, por nuk harron.

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Denoncim

Banka i jep të drejtë qytetares pas ankesës në Fiks Fare/ Përmbaruesi vazhdon ekzekutimin

Publikuar

-

Nga

cna denoncim

Qytetarja Katerina Shallo para 6 muajsh ka denoncuar në emisionin fiks fare një bankë të nivelit të dytë.

Kontrata që kjo zonjë kishte lidhur me bankën për shlyerjen e një kredie në 3 kopje te saj mbante afatin kohor e 10 viteve. Ndërkohë vetëm një kopje që qëndronte në bankë kishte afatin kohor e shlyerjes prej 20 vitesh të së njëjtës kredi të marrë nga kjo zonjë. Ndaj sipas bankës Katerina Shallo duhet ti shlyejë bankës edhe 23 milionë lekë të vjetra.

Ky problem rikthehet serish në emisionin fiks fare. Znj Shallo u tregon gazetarëve se menjëherë pasi emisioni Fiks Fare ka transmetuar këtë problem Banka ka reaguar.

Banka sipas saj i ofroi një marrëveshje për të paguar 8 milionë lekë të vjetra sipas kontratës 10 vjeçare. Për këtë zonjë edhe kjo marrëveshje është e padrejtë dhe nuk e ka pranuar. Ndërkohë kjo çështje ka shkuar në gjykatë.

LEXO EDHE:  Gjykata shtyn seancën për Adriatik Llallën/ Pranohet kërkesa e avokatit

LEXO EDHE:  Greva e kontrollorëve/ Plas keq mes aktivistes dhe avokatit: Po luani shah!



Por pavarësisht kësaj përmbarimi ka nxjerrë në ankand shtëpinë e zonjë Katerina Shallo duke kërkuar sërish që të paguhet vlera e 23 milionë lekëve të vjetra. Shpresa e vetme për këtë qytetare është emisioni Fiks Fare.

Në një telefonatë me gazetarët e Fiksit përmbaruesi, Kastriot Kumaraku ,thotë se nuk më ka ardhur një shkresë e tillë nga banka, ndaj unë po veproj mbi urdhrin e parë të ekzekutimit.

Z.Kumaraku thotë se nëse bie dakord banka me qytetaren çdo gjë zhbllokohet./tch

LEXO TE PLOTE

Denoncim

Qindra milionë lekë nga inceneratorët/Dy kompanitë e Endrit Habilajt në godinën Top Channel

Publikuar

-

Nga

cna lajme aktualitet

VOX TV dhe “Infinit Communication”, janë dy kompani  mediatike që kanë administrator Endrit Habilaj dhe që të dyja e kanë adresën në Top Channel, sipas të dhënave zyrtare në QKB. Vetë Habilaj është autori i emisionit Top Story në Top Channel dhe drejtues i gazetës Shqip.

Këto dy kompani, por edhe një e tretë që Habilaj mendon se e ka fshehur në emër të familjarëve të tij, kanë marrë para në mënyrë të vazhdueshme nga pronarët e inceneratorëve Klodian Zoto dhe Mirel Mërtiri.

CNA.al ka sjellë në mënyrë ekskluzive katër fatura, me të cilat është paguar VOX TV nga incenratorët dhe katër fatura të tjera me të cilat është bërë pagesa për kompaninë Infinit Communication”.

CNA.al ka nxjerrë shumat që këto dy kompani kanë marrë para në mënyrë të vazhdueshme nga inceneratorët.

Rezulton se me katër fatura nëpërmjet VOX TV, Endrit Habilaj, ka marrë 979 949 lekë të reja, në pak muaj të vitit 2021.

Ndërsa nëpërmjet kompanisë “Infinit Communication”, vetëm me 4 fatura ka marrë 1 774 872 kekë të reja

edhe kjo në vetem pak muaj të vitit 2021. Pagesat në vazhdimësi në totalin e tyre janë qindra milionë lekë

Çfarë janë këto dy kompani që janë në godinën e Top Channel?

 “Infinit Communication”, me numër identifikimi L91331028L, është themeluar me datë 25.01.2019.  Zyra qëndrore të kësaj kompanie, sipas ekstraktit të QKB, është në Tiranë, Kashar, Mëzez, rruga 17 Nëntori, Godina  nr. 20, kati i dytë.

Kompania është regjistruar në emrin e Endrit Habilaj me ortake Ornela Pango, kjo e fundit mban dhe pozicionin e Drejtores të marketingut në Top Channel.

Më vonë me datë, 24.02.2021, në QKB është bërë ndryshim i emrit të subjektit. Nga gazeta Shqip online është bërë Infinit Communication”.

Gazeta Shqip është në pronësi të Vjollca Hoxhës por në QKB është rregjistruar një tjetër subjekt dhe më pas i është ndryshuar emri. Kjo për të fshehur nga çfarë? A është ky subjekt mbulim për të paguar gazetën dhe stafin e saj? Emri ka qenë i njëjti dhe adresa e subjektit është i njëjti.

 

Kompania tjetër VOX TV, e themeluar me datë 14.12.2020 dhe me zyra qëndrore në adresën Tiranë, Kashar, Mëzez, rruga 17 Nëntori, Godina  nr. 20, kati i pestë është në pronësi të Endrit Habilaj.

Ashtu si kompania e parë edhe VOX TV me datë 24.02.2012 ka bërë ndryshim të emrit të subjektit.

Nga Top News është bërë VOX TV.

Edhe kjo kompani ka të njëjtin veprim si ajo më sipër. Top News ësëhtë një tjetër kompani e rregjistruar në QKB në emër të Vjollca Hoxhes, por Habilaj rregjistron një tjetër më pas i ndryshon emrin. Çfarë fshihet? Sërish e njëjta adresë, dhe emri i mëparshëm i njëjti me një kompani në pronësi të Vjollca Hoxhës, VOX TV  mos vallë është mbulesë për pagesat e Top News nga inceneratorët?

LEXO EDHE:  Qytetarët bëjnë vaksinën Pfizer/ Në sistem u del Sinovac, nuk lejohen të udhëtojnë

LEXO EDHE:  Vijon mbledhja e Këshillit të Mandateve pa Tahirin dhe avokatin e tij

Lëkët janë paguar për të dy këto kompani të cilat në pak fatura e disa javë pagesa kanë përfituar gati 28 milionë lekë.

Të dyja kompanitë, të cilat  “rastësisht”, kanë ndryshuar emrat dhe  sistematikisht kanë marrë para nga pronarët e inceneratorëve janë në godinën e Top Channel.



Ndërkohë gazeta Shqip online dhe Top News ekzistojnë, sepse janë në pronësi të Vjollca Hoxhës. Po këto janë dy kompani të tjera.

 

 

Mos vallë është e njëjta skemë pagesash që inceneratorët kanë përdorur edhe për subjekte të tjera?

Sipas të dhënave të databases së famshme, që u bë publike,  në VOX TV, në muajin Prill, rezultojnë të punësuar 8 persona.

 

Ndërsa në kompaninë tjetër Infinit Communication, të punësuar në muajin Prill, sipas së njëjtës databases që doli në publik, janë 11 persona.

VOX TV nuk ekziston, nuk ka një televizion të tillë të licensuar nga AMA,  porInfinit Communication”,  çfarë ka në pronësi që ka staf 11 veta?

Ku shkojnë këto para, kush dhe pse paguhet me këto para që vijnë nga takstat e shqipotarëve kalojnë tek inceneratorët e më pas në subjekte në pronësi të Endrit Habilajt që ushtrojnë aktivitet në godinën e Top Channel?

Për çfarë i shërbejnë Klodian Zotos dhe Mirel Mërtirit të japë këto para tek këto kompani, që ndodhen të dyja në godinën e Top Channel?

Përgjigjet janë mjaft të thjeshta dhe SPAK mund ti gjejë lehtësisht, jo vetëm për këto kompani, por edhe për të tjera, që janë paguar nga inceneratorët. Ish-ministri Lefter Koka, u prangos për disa kompani që merrnin para nga inceneratorët, Endrit Habilaj ka jo vetyëm këto dy kompani, por edhe një të tretë e cila ka marrë dhjetra milionë lekë nga Klodian Zoto e Mirel Mërtiri.

Në dosjen inceneratorët në SPAK, duket se rradhën do e kenë edhe gazetarë apo ish drejtues mediash që kanë futur duart për të mbushur xhepat e tyre me paratë e aferës së inceneratorëve./E.S-CNA.al

Dokumenti-Si dhe sa është paguar Endrit Habilaj i Top Channel dhe Gazetës Shqip nga inceneratorët/ Zbulohen faturat me shuma të majme

Zbulohet kompania tjetër/ Endrit Habilaj i Top Channel dhjetra mijë euro nga inceneratorët

LEXO TE PLOTE

Denoncim

Sulme dhe shantazhe ndaj drejtësisë/ Mediat e Vjollca Hoxhës, “peng” të historive rozë

Publikuar

-

Nga

cna news, cna lajme, lajme cna, lajme flash cna, cna.al, cna lajme politike,

E përditshmja online “Shqip”, gazeta në pronësi të Vjollca Hoxhës, prej shumë kohësh është vënë në shërbim të një shantazhi, presioni të hapur dhe kërcënimi ndaj organeve të drejtësisë, por edhe ndaj biznesit.

Mjafton të kërkosh në gazetën “Shqip” dhe gjen shkrime pa fund për “Morava Resort”, apo Montrelux, që janë e njëjta vendndodhje. Pra, një hotel luksoz, i stilit me pesë yje, në Moravë të Korçës.

Historia

E gjithë historia nis me bashkëpunimin e dy biznesmenëve ku Arben Reli dhe Sefedin Bajraktari janë personat që përfshihen në një investim.

Por, gjithçka ka ndryshuar rrugës.

Fillimisht objekti është blerë nga shtetasi Sefedin Bajraktari. Më pas një pjesë i është shitur Zotit Arben Reli, i cili ka filluar dhe investimin për vite të tëra, ku janë hedhur disa miliona euro nga ky biznesmen dhe një objekt në rreth 1 mijë metër katëror, është çuar në gati 9 mijë metër katëror. Ndërtime me leje të marrë në nga Këshilli i Qarkut, ku ka firmosur për gjithçka edhe vetë Sefedin Bajraktari. Por, investimi është bërë nga Arben Reli.

Më pas një debat mes palëve. Zoti Reli i njeh Sefedin Bajraktarit gjysmën e objektit që ka qënë dhe ka administruar pjesën tjetër.

Por, Zoti Bajraktari nuk e pranon këtë pjesë. Ai edhe pse nuk ka hedhur asnjë lekë në të gjithë diferencën prej rreth 8 mijë metër katëror ndërtim dhe investim kërkon gjysmën e objektit.

Debate mes biznesmenësh, siç ndodh në Shqipëri sepse sherri bëhet edhe mes vëllezërish, jo më mes dy ortakëve.

Por në këtë rast jo çdo gjë kalon nga drejtësia, nga gjykatat, por çdo gjë kalon nga gazeta Shqip dhe Top Channel.

Së pari, përdoret emisioni “Fiks Fare”, i cili krijon një skenar. Një skenar i cili në finale del një mashtrim publik, sepse pretendohet për një ndërtim pa leje apo për prerje pemësh të cilat ishin bërë vite më parë dhe në fakt për disa ballkone të dhomave pretendohej se mungonte leja.

A thua halli i madh i ndërtimit në majë të malit në Korçë, po shqetësohej Fiks Fare me një denoncim i cili përfundoi dhe në prokurori, duke gjetur dhe një ekspert, i cili theksonte se ishin faksifikuar disa firma.

Pra, po i jepej drejtim dhe vetë prokurorisë për të hetuar.

Arben Reli shpallej në kërkim. Policia ndërhyn. Çështja zgjidhet me gjykatë dhe hapen hetimet.

Gazeta Shqip vazhdon sulmet në mënyrë të përsëritur.

Pse i digjej “barku” Top Channel dhe gazetës Shqip, për Montrelux? Për konfliktin mes dy biznesmenëve?

Kushdo mund të thotë se është investim i madh, se njëra palë paguan mediat, pala tjetër nuk ka media, e të tjera si këto.

Por, kjo nuk ka rëndësi. Thelbi janë historitë rozë.

Shpresim Bajraktari

Vjollca Hoxha dhe Lori Hoxha, vajza e saj, kanë pasur histori lidhjesh me fëmijët e Sefedin Bajraktarit. Me Vis dhe Shpresim Bajraktari, disa prej tyre shumë të raportuara nga gazetat e showbizz-it.

Pra, media Top Channel dhe gazeta Shqip, u vunë në shërbim të historive rozë, të cilat dihen mjaft mirë publikisht.

Përdoret një televizion, përdoret një gazetë online, thjeshtë dhe vetëm për të shantazhuar drejtësinë. Për të ushrtruar presion mbi një biznesmen. Për të pranuar çka kërkon pala tjetër.

Në fakt këto i zgjidh drejtësia. Nuk i zgjidh as Top Channel, as Fiks Fare, as gazeta Shqip me sulmet e saj të pandalura sa së fundi po flet edhe për qindra mijëra euro të paguara brenda sistemit të drejtësisë, por nuk jep asnjë fakt.

Ndoshta këto duhet të shkojë dhe t’i çojë para drejtësisë, apo do të duhet të jenë vetën gazetarët që të përfundojnë atje për të vërtetën.

Gazeta Shqip drejtohet nga Endrit Habilaj, i paguar nga njerëzit e korrupsionit të inceneratorëve, për të cilin ka përfunduar një ministër në burg, është njeriu që sulmon.

Gjatë kohës që ishte Ben Blushi drejtor i Top Channel filloi gjithçka dhe vazhdon edhe sot që ai është larguar.



Për Morava Resort, apo Montreluks, ku në fakt ka edhe një vepër tjetër penale, përtej shantazhit publik që bëhet dhe presionit ndaj drejtësisë apo biznesmenit, është fakti se është hapur një kompani me certifikata pronësie të vjetra, në emër të dikujt tjetër, në të njëjtën adresë. Këto hapen e mbyllen në mënyrë të shpeshtë por prokuroria hesht.

LEXO EDHE:  Qytetarët bëjnë vaksinën Pfizer/ Në sistem u del Sinovac, nuk lejohen të udhëtojnë

LEXO EDHE:  Greva e kontrollorëve/ Plas keq mes aktivistes dhe avokatit: Po luani shah!

Prokuroria e Korçës mesa duket përpiqet të mbajë anën e njërës palë duke qënë pjesë e presionit të ushtruar nga Top Channel dhe gazeta Shqip.

Në fakt çështja ka shkuar në gjykatë. Ajo që tha Fiks Fare, sipas drejtësisë nuk ekzistonte. Edhe pse ishte marrë një ekspert privat nga Fiksi tashmë drejtësia merr pesë të tillë. Tre thonë se firma është e Sefedin Bajraktarit, dy të shtetit thonë mund të jetë dhe e tij.

Askush nga ekspertët nuk thonë që nuk është firma e Sefedin Bajraktarit në lidhje me çështjen dhe pretendimin se ishin falsifikuar firmat për investimet e bëra në Montrelux.

Nga ana tjetër ka edhe një detaj shumë domethënës. Pasi humbet gjyqi dhe Fiksi del zbuluar bashkë me shantazhet, pra del zbuluar se ka një kallëzim të rremë, ka një vepër penale, është mashtruar publiku. Sefedin Bajraktari ka kryer vepër penale.

Për këtë duhet të ketë hetim nga drejtësia. Por, drejtësia hesht, sepse është gjatë gjithë kohës nën presionin e gazetës Shqip apo Top Channel, gazetares në Korçë apo ndodnjë drejtor emisioni.

Historitë rozë të Vjollca Hoxhës apo Lori Hoxhës, të cilat janë bërë palë për të grabitur pronën e një investitori, duke shantazhuar drejtësinë, duke shantazhuar edhe institucionet e tjera shtetërore me anë të mediave që kanë në pronësi.

Në mënyrë kriminale Artan Lame ka ndërhyrë duke bërë regjistrime të pronësisë pa pasur vendime të gjykatave vetëm nga presioni mediatik dhe pazaret, tha një prej familjarëve të z. Reli për CNA.al. Ndërkohë, që investimi është bërë nga dikush tjetër, dhe pala që pretendon nuk ka asnjë investim. Ka pjesën e saj, atë që i takon por Lame ja 9-t fishon. SPAKU fle mbi dosjen e Lames

Por kërkohet më shumë, oreksi vjen duke ngrënë.

Po të kesh lidhje me gazetën Shqip, me Vjollca Hoxhën dhe me Lorin, gjithçka ecën përpara. Të sulmojnë mediat e tyre për të zgjidhur hallet personale të historive rozë.

E gjithë kjo histori përfundoi me një gjyq të humbur. Me disa padi në prokurori.

Të tjera kallëzime pritet të shkojnë. Palët po debatojnë. Palët po konfliktohen brenda sistemit të drejtësisë, e cila po shantazhohet nga njëra palë. Prokurorë që nuk veprojnë sepse kanë frikë, megjithëse kanë përpara dosje mashtrimi, dosje kallëzimesh të rreme. Gjithë kohës, duke qënë nën presion, janë të trembur dhe bëjnë një hap pas.

CNA.al ditë pas dite do të zbardhë me detaje gjithçka ka ndodhur në këtë process të bërë nga gazeta Shqip dhe Top Channel. Do të zbardhë sesi ranë pre shqiptarët të një sulmi publik të bërë nga “Fiks Fare”, më pas nga gazeta Shqip.

Si është mashtruar opinioni, sepse drejtësia ka thënë fjalën e saj. Kanë dalë fakte, kanë dalë prova të reja dhe pse nga ana tjetër, struktura të caktuara, si Prokuroria e Korçës heshtin dhe nuk veprojnë për të zbardhur të vërtetën por fshihen pas gishtit.

Shantazhi mediatik ndoshta i dha disa efekte dhe po frenon drejtësinë të veprojë, por nuk mund ta ndalë atë. Nuk mund të fshihet dhe grabitet prona e dikujt sepse një palë që nuk ka investuar kërkon të marrë atë që ka investuar dikush tjetër. Dhe në këtë rast turpësisht përdoret media, thuajse në mënyrë kriminale.

Faktet janë para drejtësisë. Faktet janë në prokurori. Faktet janë nëpër institucione, janë nëpër dokumente dhe nuk mund ta ndalë të vërtetën as Artan Lame me krimin e tij. As gazeta Shqip dhe Top Channel në shërbim të historive rozë, as telefonat e gazetarëve ndaj prokurorëve, dhe askush tjetër.

Faktet janë fakte. E vërteta është një dhe vetëm një. Nuk ka dy të vërteta.

Por, turpësisht me një media kombëtare, një media e paguar nga paratë e korrupsionit të inceneratorëve, përtej faktit që ka marrë këto para po kërkon të jetë palë edhe në një konflikt pronësie, ku dikush ka “armë” median dhe dikush tjetër po mbron investimin e bërë prej gati një dekade./CNA.al

Kush dhe pse po i vë gjobë biznesmenit Arben Reli?!

Vëzhgimi/ Zbulohen “armiqtë” e Vjollca Hoxhës dhe Ben Blushit

Çfarë halli ka Vjollca Hoxha në majë të Moravës?!

LEXO TE PLOTE
Lajme të Rekomanduara: