Kronika
Dhunoi vajzën e mitur/ Gjykata lë në burg “babain monstër”
Gjykata ka vendosur lënien në burg të “babit monstër”, 27-vjeçarit me iniciale R.K., i cili dhunoi vajzën e tij 6-vjeçare në Kamëz.
Fillimisht 27-vjeçari u denoncua nga bashkëshortja, pasi gjeti vajzën në gjendje të rëndë.
E mitura fillimisht është dërguar në spitalin e Kamzës, ku pas dhënies së ndihmës së parë, është përcjellë për në Spitalin “Nënë Tereza”.
Mjekët e këtij spitali kanë vlerësuar se e mitura kishte nevojë për ndihmë më të specializuar dhe është dërguar me autoambulancë në orën 03:00 të mëngjesit të së shtunës për tek Urgjenca e Traumës.
Mësohet se e mitura ka mbërritur në këtë spital në gjendje të pavedëtijshme, me pësime të herëpas’hershme të gjendjes së të fiktit dhe me hemoragji të brendshme. Ajo ka rrëfyer pas disa minutash, se i ati e ka dhunuar dhe e ka kafshuar.
“Ai më godiste gjithandej!, Më ka kafshuar në trup”, ka thënë 6-vjeçarja.
Ndërkohë shenjat në trup sipas bluzave të bardha janë të gjithanshme dhe të rënda. Këta të fundit kanë kërkuar ndihmën e mjekësisë ligjore pasi kanë konstatuar se e mitura kishte fraktura dhe plagë edhe në organet gjenitale.
Për këtë kërkohet të dihet nëse përveç dhunës fizike ka patur ndaj të miturës edhe dhunë dhe abuzim seksual nga i ati./CNA.al
Kronika
Tentuan të vidhnin argjendarinë/ Dy grabitësit përleshen me pronarin
Dy grabitës kanë tentuar të vjedhin një argjendari në Shkodër. Ngjarja ka ndodhur në zonën e njohur si “Dollari”.
Teksa kanë tentuar të hyjnë në argjendari janë përleshur me pronarin.Policia ka ndërhyrë në kohë dhe ka arrestuar dy grabitësit./ CNA.al
Kronika
Tentuan të vrasin efektivët e policisë/ Shkatërrohet grupi kriminal
5 persona janë arrestuar nga operacioni ‘Storm’, dhe dy të tjerë janë nën hetim dhe një është shpallur në kërkim.
Bëhet fjalë për personat që kanë tentuar të vrasin efektivët e policisë në Qafë Kashar dhe Fushë Krujë.
Në pranga janë vënë Ibrahim Difaj, Damian Lleshaj(Besmir Prelaj), Rober Laci, Ilirjan Peci, Erion Mulaj. Nën hetime janë shtetasit
M.M dhe E.V. Ndërsa është shpallur në kërkim Shëtim Kraja.
Ata akuzohen për vrasje të mbetur në tentativë, vjedhje./CNA.al
Kronika
“Zero tolerancë ndaj krimit”/ Gledis Nano “ultimatum” punonjësve të policisë
Drejtori i Përgjithshëm i Policisë së Shtetit, Gledis Nano gjatë një takimi me punonjës të policisë vendore të Shkodrës, ka kërkuar zero tolerancë ndaj krimit dhe goditjen e çdo grupi dhe individi kriminal.
Po ashtu ai kërkoi dhe parandalimin e kultivimit të kanabisit.
Ndërkohë, drejtori i policisë vendore të Shkodrës, Hamdi Fjora, tha gjatë analizës njëvjeçare se viti 2021 ka njohur një rritje të kriminalitetit krahasuar me vitin 2020.
Drejtori i policisë së Shkodrës veçoi zbardhjen e vrasjes së Endri Mustafës në fund ta majit të vitit të kaluar (2021), duke thënë se në ngarkim të autorit ka të dhëna se ka kryer disa vrasje në tri vitet e fundit në Shkodër, duke iu referuar Ibrahim Licit, i cili është ende një person i shpallur në kërkim.
Sipas tij, në vitin që lamë pas shqetësuese për policinë e Shkodrës është edhe rritja e rasteve të kultivimit të bimëve narkotike krahasuar me 2020-ën. Kreu i policisë së Shkodrës tregoi edhe prioritetet e këtij viti.
Më tej, ai theksoi se një rritje kanë pësuar rastet e trafiqeve të paligjshme dhe krimi ekonomik financiar, ndërsa kanë pësuar ulje krimet kundër pronës dhe mjedisit. Prefektja e Qarkut Shkodër, Majlinda Angoni, u shpreh se qeveria shqiptare ka mundësuar të gjitha kushtet për policinë, që të luftojë krimin. Edhe ajo kërkoi zero tolerancë ndaj krimit. Drejtori i Policisë së Shtetit, Gledis Nano, ka qëndruar për rreth dy orë në takimin e zhvilluar në Shkodër./CNA.al
