Në Dhjetor 2021 eksportet e mallrave arritën vlerën 32 mld lekë, duke u rritur me 38,2 %, në krahasim me të njëjtën periudhë të një viti më parë dhe ulur me 14,5 %, në krahasim me Nëntor 2021. Importet e mallrave arritën vlerën 88 mld lekë, duke u rritur me 43,1 %, në krahasim me një vit më parë dhe me 9,1 %, në krahasim me Nëntor 2021. Deficiti tregtar i këtij muaji është 56 mld lekë, duke u rritur me 46,1 %, krahasuar me Dhjetor 2020 dhe me 29,5 %, në krahasim me Nëntor 2021.

Sipas INSTAT, në vitin 2021 eksportet e mallrave arritën vlerën 369 mld lekë, duke u rritur me 35,6 %, ndërkohë importet e mallrave arritën vlerën 801 mld lekë, duke u rritur me 32,3 %, krahasuar me një vit më parë. Deficiti tregtar arriti vlerën 432 mld lekë, duke u rritur me 29,6 %, krahasuar me të njëjtën periudhë të 2020.

Kontributi i grupeve kryesore në ndryshimin vjetor të eksporteve

Gjatë muajit Dhjetor 2021, në rritjen e eksporteve prej 38,2 %, pozitivisht kanë ndikuar grupet: “Minerale, lëndë djegëse dhe energji elektrike” me +12,2 pikë përqindje dhe “Tekstile dhe këpucë” me +8,2 pikë përqindje, “Materiale ndërtimi dhe metale” me +7,1 pikë përqindje.

Eksportet, gjatë këtij viti janë rritur me 35,6 %, krahasuar me një vit më parë. Grupet që kanë ndikuar pozitivisht në rritjen vjetore të eksporteve, janë: “Materiale ndërtimi dhe metale” me +14,1 pikë përqindje, “Minerale, lëndë djegëse dhe energji elektrike” me +10,8 pikë përqindje dhe “Tekstile dhe këpucë” me +3,7 pikë përqindje.

Kontributi i grupeve kryesore në ndryshimin vjetor të importeve

Gjatë muajit Dhjetor 2021, në rritjen e importeve prej 43,1 %, krahasuar me Dhjetor 2020, kanë ndikuar pozitivisht grupet: “Minerale, lëndë djegëse dhe energji elektrike” me +18,7 pikë përqindje, “Materiale ndërtimi dhe metale” me +6,3 pikë përqindje dhe “ Produkte kimike dhe plastike” me +4,9 pikë përqindje.

Gjatë vitit 2021, importet janë rritur me 32,3 %, krahasuar me vitin 2020. Grupet që kanë ndikuar pozitivisht në rritjen vjetore të importeve, janë: “Minerale, lëndë djegëse dhe energji elektrike” me +8,4 pikë përqindje, “Makineri, pajisje dhe pjesë këmbimi” me +6,0 pikë përqindje, dhe “Materiale ndërtimi dhe metale” me +5,5 pikë përqindje. Ecuria e tregtisë së mallrave sipas vendeve partnere

Në muajin Dhjetor 2021, vendet me të cilët Shqipëria ka pasur rritje më të madhe të eksporteve, në krahasim me Dhjetor 2020 janë: Itali (46,4 %), Kosova (0,1 %) dhe Gjermani (140,9 %).

Ndërsa vendet me të cilat eksportet kanë pasur uljen më të madhe, janë: Turqia (51,6 %) dhe Rusia (100,0 %). Gjatë këtij viti vendet me të cilët Shqipëria ka pasur rritje më të madhe të eksporteve, në krahasim me një vit më parë, janë: Italia (26,1 %), Kosova (43,6 %) dhe Spanja (42,0 %).

Ndërsa vendet me të cilat eksportet kanë pasur uljen më të madhe, janë: Ukraina (14,7 %) dhe Rusia (49,3 %).

Në muajin Dhjetor 2021, vendet me të cilët Shqipëria ka pasur rritje më të madhe të importeve, në krahasim me Dhjetor 2020 janë: Italia (24,0 %), Turqia (52,4 %) dhe Greqia (46,6 %).

Ndërsa vendi me të cilin importet kanë pasur uljen më të madhe është: SHBA (30,4 %). Gjatë këtij viti, vendet me të cilët Shqipëria ka pasur rritje më të madhe të importeve, në krahasim me një vit më parë, janë: Italia (27,9 %), Turqia (48,6 %) dhe Kina (20,7 %). Ndërsa vendi me të cilin importet kanë pasur uljen më të madhe është: Ukraina (6,6 %)./E.S-CNA.al

Sipas Credins Bank, Dollari amerikan sot blihet me 105.1 Lekë dhe shitet me 110.1 lekë.

Euro blihet me 120.2 Lekë dhe shitet me 125.2 Lekë.

Paundi britanik blihet me 144 Lekë dhe shitet me 149 Lekë.

Franga zviceriane blihet me 114.8 Lekë dhe shitet me 119.8 lekë.

Dollari kanadez blihet me 83 Lekë dhe shitet me 88 Lekë.

Më poshtë po sjellim edhe monedhat e tjera, me sa këmbehen sot në tregun valutor./CNA.al

Kartëmonedhat 200 dhe 5000 Lekë janë dy prerjet e para të cilat u hodhën në qarkullim nga kjo seri, më 30 shtator 2019.

Sipas Bankës Shqiptarem kartëmonedhat 200 Lekë dhe 5000 Lekë u hodhën në qarkullim duke filluar nga data 30 shtator 2019.

Kartëmonedhat 10000 Lekë dhe 1000 Lekë do të hidhen në qarkullim duke filluar nga 30 qershor 2021.

Kartëmonedha 500 Lekë dhe 2000 Lekë ishin  planifikuar të hidhen në qarkullim duke filluar nga tremujori i katërt 2021 – tremujori i parë 2022.

Kartëmonedhat përmbajnë një sërë elementesh sigurie që i mbrojnë nga falsifikimi dhe ruajnë besueshmërinë e publikut tek paraja.

Përmirësimi i serive të kartëmonedhave me qëllim forcimin e elementeve të sigurisë dhe njëkohësisht përmirësimin e dizajnit është një praktikë e njohur në bankat qendrore, që përgjithësisht zbatohet çdo 15-20 vjet.

Të gjitha prerjet e serisë aktuale të kartëmonedhave dhe monedhave shqiptare, përveç asaj 2000 Lekë janë miratuar në vitin 1995 dhe janë hedhur në qarkullim në vitin 1996. Ndërkohë, në vitin 2008, serisë iu shtua kartëmonedha 2000 Lekë dhe në fund të vitit 2011 përfundoi kursi ligjor për kartëmonedhën 100 Lekë.

Pavarësisht se gjatë këtyre viteve, shkalla e falsifikimit të kartëmonedhave ka qenë e ulët, Banka e Shqipërisë duhet të qëndrojë gjithmonë një hap përpara për sa i takon studimit dhe përmirësimit të elementeve të sigurisë, për t’i bërë sa më të thjeshta për t’u identifikuar dhe sa më të vështira për t’u falsifikuar.

Seria e re e kartëmonedhave shqiptare ruan të njëjtën tematikë me kartëmonedhat ezkistuese, si një tematikë e gjithëpranuar nga publiku.

Kjo tematikë evokon disa prej momenteve më të rëndësishme të historisë së kombit, zhvillimit shoqëror, ekonomik dhe politik të vendit, përfaqësuar nga personalitete të spikatura, me kontribute të rëndësishme për Shqipërinë. Portretet e këtyre personaliteteve janë kombinuar në kartëmonedha me motive që lidhen me jetën, veprën, vendin dhe epokën në të cilën secila figurë ka jetuar.

Ndërkohë, pamja e serisë së re përfaqëson evoluim dhe përmirësim të dizajnit të përgjithshëm dhe elementeve specifike të paraqitura në to. Koncepti kryesor, për sa i përket paraqitjes së tyre, ka qenë krijimi i një serie kartëmonedhash bashkëkohore, pamja e të cilave mbështetet në një ekuilibër ndërmjet të resë dhe traditës./CNA.al