Atentati ndaj ish policit/ Eksperti i sigurisë zbulon mesazhin e autorëve

1 Nëntor 2021, 13:23, Kronika CNA
Atentati ndaj ish policit/ Eksperti i sigurisë zbulon mesazhin e

Xhelal Reçi ish punonjës policie është ekzekutuar mëngjesin e sotme pranë bizneseve të tij në qytetin e Laçit.

Policia ka shoqëruar 12 persona në përpjekje për të zbardhur ngjarjen por ende nuk ka autorë.

Specialisti i sigurisë Ergys Muzhaqi, ndërsa ka folur për këtë ngjarje, në emisionin Breaking në Top News, tha se kemi të bëjmë me një vrasje të mirëmenduar n dhe akt profesionist duke pasur parasysh faktin që autorët nuk lanë as gëzhojat në vendngjarje.

?Të gjitha variantet vërtiten rreth një ideje, ka ndjerë një kërcënim, në momentin që shohim që ka një anomalitet të tillë, parkim i nxituar, do të thotë që ka dalluar se një kërcënim i vinte. Një njeri i ndjerë në një kërcënim të tillë, nuk dihet sa ka pasur hapësira për të manovruar. Bëhet fjalë për një rrugicë të ngushtë, aty ku mori goditjen.

Edhe për makinën ka qenë vend i ngushtë. Nuk më pëlqen të aludoj por një mendim ka qenë që në tentativë për t?i shpëtuar sulmit, ka parkuar ashtu makinën për të bllokuar makinën që e ndiqte. Por provat e policisë tregojnë që është një atentat profesionistësh. I ndjeri ka pikasur një rrezik të qartë, ose ka njohur personat ose ka parë lëvizjet e dyshimta,? tha Muzhaqi.

Pista ku po hetohet, është në lidhje me konfliktet që ka pasur djali i viktimës, Besnik Reçi, ndaj të cilit është bërë atentat një vit më parë.

Sipas Muzhaqit, vrasja e babait të tij është një mesazh nga porositësit ata do të godasin aty ku u dhemb më shumë./CNA.al

Lajmet e fundit nga