Kronika
Përgjaket sërish e diela/ ‘Benzi’ përplas të moshuarën në Tepelenë
Një tjetër aksident është regjistruar mëngjesin e kësaj të diele. Pas atij në Milot-Mamurras, mësohet se në fshatin Dhëmblan, Tepelenë, një automjet ka goditur një 69 vjeçare që po ecte në rrugë.
E moshuara ndodhet në spital nën kujdesine mjekëve, ndërsa policia ka arrestuar në flagrancë, drejtuesin.
“Specialistët e Trafikut Interurban dhe Urban arrestuan në flagrancë shtetasin A. Ç., 51 vjeç, banues në fshatin Dhëmblan, Tepelenë, pasi duke drejtuar mjetin tip furgon “Benz” ka goditur shtetasen F. D., 69 vjeçe, banuese në fshatin Dhëmblan, e cila ndodhet në spitalin Rajonal Gjirokastër jashtë rrezikut për jetën.
Materialet në ngarkin të shtetasit A. Ç. i kaluan Prokurorisë Pranë Gjykatës së Shkallës së Parë Gjirokastër për veprime të mëtejshme.“/CNA.al
Kronika
Aksident i rëndë/ Humb jetën një person
Një aksident i rëndë me pasojë humbjen e jetës së një personi, ka ndodhur paraditen e sotme në Divjakë.
Mësohet se aksidenti ka ndodhur rreth orës 11:00, në fshatin Këmishtaj, ku shtetasi A. D., 29 vjeç, banues në Divjakë, duke drejtuar automjetin tip “Audi” është përplasur me motomjetin tip “Yamaha” me drejtues shtetasin K. Xh., 29 vjeç, dhe për pasojë ka ndërruar jetë drejtuesi i motomjetit.
Grupi hetimor po punon për zbardhjen e plotë të rrethanave të aksidentit./CNA.al
Kronika
Merr flakë linja e tensionit të mesëm pranë një shkolle/ Evakuuohen nxënësit
Linja tensionit të mesën pranë një shkolle në Laprakë, është përfshirë nga flakët.
Si pasojë e një shkëndije elektrike kabulli i tensionit është këputur, duke rënë në murin rrethues të oborrit të shkollës “Ahmet Gashi në Laprakë.
Për arsye sigurie janë evakuuar menjëherë nxënësit.
Në vendngjarje ka shkuar zjarrfikësja, policia dhe punonjës të OSSHE-së./CNA.al
Kronika
Policia e Durrësit bën “kërdinë”/ Prangosen gjashtë persona, për çfarë akuzohen
Policia e Durrësit ka vënë në pranga gjashtë persona, dy prej të cilëve të shpallur në kërkim.
Sipas uniformave blu në pranga ka rënën shtetasi M. A., 37 vjeç, banues në Durrës, pasi gjatë kontrollit fizik të ushtruar nga shërbimet e Policisë, iu gjet dhe iu sekuestrua një sasi lënde e dyshuar narkotike kokainë.
Gjithashtu është ndaluar edhe shtetasi në kërkim M. P., 29 vjeç, banues në Durrës, pasi Gjykata e Shkallës së Parë Durrës, me vendimin e datës 18.12.2020, e ka dënuar me 15 ditë burg për veprën penale “Drejtimi i automjetit në mënyrë të parregullt”.
Po nga specialistët për Hetimin e Krimit në DVP Durrës u arrestua në flagrancë shtetasi F. K., 33 vjeç, banues në Maminas, pasi u kap duke vjedhur disa pajisje në dyqanin e shtetasit B. H.
Specialistët për Hetimin e Krimit në Komisariatin e Policisë Durrës ndaluan shtetasin në kërkim V. A., 38 vjeç, për veprën penale “Kallëzim i rremë”, pasi ka bërë kallëzim të rremë për vjedhjen e automjetit të tij.
Specialistët e Qarkullimit Rrugor arrestuan në flagrancë për veprën penale “Drejtimi i automjetit në mënyrë të parregullt”, shtetasit: B. Sh., 29 vjeç dhe A. K., 37 vjeç, pasi u kapën nga shërbimet e Policisë duke drejtuar automjetet, në gjendje të dehur dhe pa leje drejtimi.
Materialet i kaluan Prokurorisë, për veprime të mëtejshme./CNA.al
