Ka edhe më keq se Petrit Vasili në Kuvend/ Kryemadhi bën opozitë nga Amerika

31 Tetor 2021, 09:40, Politikë CNA
Ka edhe më keq se Petrit Vasili në Kuvend/ Kryemadhi bën

Kryetarja e LSI Monika Kryemadhi, nga SHBA-ja ku edhe ndodhet po tenton të bëjë opozitë.

Ajo ka folur për dështimin dhe humbjen në zgjedhjet e 25 Prillit si dhe ka anashkaluar dhënien e përgjegjësisë, që duhej të ishte dorëheqja.

?Cila është përgjegjësia juaj? A duhet të kishit dhënë dorëheqjen??, është pyetur Kryemadhi gjatë intervistës tek Zëri i Amerikës.

Në përgjigjen e saj Kryemadhi dorëheqjen  jo vetëm që nuk e ka përmendur, por ka vijuar të bëjë rolin e opozitares nga Amerika.

Ajo ka deklaruar se në Kuvend ka deputetë me 27 vota, si për të justifikuar Petrit Vasilin i cili ka hyrë në Kuvend me 362 vota.

Pra sipas saj ka ende më keq.

?Përgjegjësia ime është shumë e madhe për shkak të barazisë së votës, sepse vota e qytetarëve shqiptarë sot nuk është absolutisht e barabartë, sepse kemi deputet në Parlament që përfaqësohet me 27 vota dhe kemi deputet në Parlament që përfaqësohen me 700 vota, 800 vota apo edhe me 3 mijë vota?, është shprehur Kryemadhi.

Më tej kryetarja e LSI-së, është ndalur tek djegia e mandateve, një gabim që sipas saj u kushtoi shumë.

?Ajo që dua të theksoj, është se përgjegjësia ime është shumë e madhe, pasi gjithë ai proces i djegies së mandateve dhe të bojkotimit të zgjedhjeve lokale, solli në kapjen e shtetit në mënyrë flagrante dhe në tjetërsimin e gjithë strukturave të politikës, të drejtësisë, të ekonomisë, të sigurisë edhe të diplomacisë, që të jenë në një dorë të vetme, të cilat nuk dihen se nga kush kontrollohen.

Dhe për të shkuar më tutje, ai proces ka qenë një nga proceset më fatkeqe të demokracisë shqiptare dhe për të cilën klasa politike dhe shoqëria shqiptare, do ta vuajnë jashtëzakonisht shumë.

Sepse djegia e madateve ishte një lojë shumë e rrezikshme që cënoi jo vetëm demokracinë, por mbi të gjitha solli shpërnguljen në masë të të rinjve dhe të rejave?, është shprehur ajo.

Kryemadhi  e sheh veten si shpresë për të rinjtë që mos të ikin nga vendi, në një kohë që fëmijët e saj, kanë ikur tashmë.

?Ajo çka dua të them është që sot pika më kulmore dhe më e rëndësishme për ne është që t?iu japim shpresë të rinjve dhe të rejave shqiptar?, ka thënë Kryemadhi./CNA.al

Lajmet e fundit nga