E ardhmja e Robert Levandovskit pritet të marrë një kthesë interesante. Pas lajmit të ditës së mërkurë për një ultimatum të Bajernit për lojtarin, Leva mund të detyrohet të marrë një vendim shpejt. Kampionët duan të dinë nëse 33-vjeçari do të rinovojë apo do të largohet.

Bajerni kërkon të evitojë një largim me parametra zero nga një prej sulmuesve më të mirë në botë në historinë e futbollit. Nëse Roberti do të largohej, atëherë do të ishte mirë që të mbushte dhe arkën e klubit.

Mësohet që Bajerni t’i ketë lëshuar një ultimatum lojtarit për të vendosur tani, në të kundërt ai do të largohet në verë. Të interesuar për Robert Levandovskin janë skuadra si Mançester Siti në Angli dhe Reali i Madridit në La liga.

Robert Lewandowski mund të largohet nga Bayern Munich në verë.

Kontrata e sulmuesit polak me bavarezët skadon në vitin 2023 dhe, sipas Bild, ky i fundit i ka dhënë ish-lojtarit të Borussia Dortmundit dy opsione: ose të rinovonte me paga më të ulëta ose të transferohej në verë.

Lewandowski është 33 vjeç dhe në politikën e Bayernit ka vetëm një vit vazhdim të kontratës për moshën mbi 30. Kartoni i tij do të vlerësohej në 50 milionë euro.

Drejtuesit dëshirojnë që të qartësojnë situatën sa më shpejt të jetë e mundur, për të punuar në gjetjen e një zëvendësuesi, qoftë Haaland apo dikush tjetër.

Kështu bomberi polka, pas ceremonisë së FIFA-s, ku fitoi çmimin si lojtari më i mire, ka deklarua:

“Jam i fokusuar vetëm te vetja”. Për Haaland: “Ai është një lojtar i madh, por ne kemi karakteristika të ndryshme”.

Sipas Bild, Robert tani për tani është “shumë i qetë”, mendon vetëm për Bayern dhe në fund të sezonit do të analizojë të gjithë skenarët e mundshëm.

Vetë fituesi i “The Best 2021”, Robert Levandovski, i dha votën maksimale si kapiteni i Polonisë mesfushorit të Çelsit dhe kombëtares së Italisë, Zhorzhinjos, ndërsa të dytin dhe të tretin votoi Lionel Mesin dhe Kristiano Ronaldon.

Por finalisti tjetër, Lionel Mesi, preferoi të votonte me tri pikë mikun e tij Nejmar dhe pas brazilianit shokun tjetër të skuadrës te PSG-ja, Kilië Mbapenë e në fund Karim Benzemanë. Ai zgjodhi që të mos i jepte asnjë votë Levandovskit, edhe pse kur ishte ceremonia e “Topit të Artë” foli me elozhe për të.

Finalisti i tretë në garën për çmimin e madh për vitin 2021 ishte sulmuesi egjiptian i Liverpulit, Mohamed Salah. Edhe ylli i Jyrgen Klopit votoi të parin me 5 pikë Zhorzhinjon, i cili fitoi Champions-in me Çelsin, por edhe Europianin me Italinë. Ndërkohë që dy votat e tij të tjera shkuan në drejtim të kolegëve të tij finalistë, Lionel Mesit dhe Robert Levandovskit.