Connect with Us

Zgjatja e vetingut të kapur në Shqipëri dhe dënimi i vetingut politik në Poloni!

Politikë

Zgjatja e vetingut të kapur në Shqipëri dhe dënimi i vetingut politik në Poloni!

Publikuar

-

/

Deputeti i LSI Petrit Vasili ka reaguar lidhur me zgjatjen e afatit të vettingut.

Përmes një postimi të gjatë në rrjetet sociale, Vasili shpjegon se pse kërkohet me ngulm zgjatja e vettingut.

Sipas tij, “vettingu politik siç funksionon aktualisht pra i kapur nga qeveria siguron seleksionimin e gjyqtarëve dhe prokurorëve, që i pëlqejnë asaj dhe sigurohet pandëshkueshmeria e qeverisë për mijëra gjëra që rëndojnë mbi të.

Postimi i plotë:

Zgjatja e afatit të KPK së vetingut dhe degradimi i tij në një pazar politik të rëndomtë është një realitet, që mjerisht ka toksikuar të gjithë shoqërinë dhe ambientin politik.

Ndërkohë që Gjykata e Drejtësisë në Luksemburg dënoi sot Poloninë me 1.000.000 euro në 8 ditë për Çështjen C-204/21 R, sepse nuk pezulloi zbatimin e legjislacionit, që lejonte influencën politike mbi Dhomën Disiplinore (Vetingun) pasi anëtarët e saj zgjidheshin nga presidenti dhe zgjatja e afatit të vetingut do të bëhej sërish nga një organ politik duke cenuar pavarësinë e gjyqësorit.

Pra shqetësimi për një vend të BE-së si Polonia është shumë serioz dhe dënohet fort, mendo Shqipëria që me këtë farë vetingu politik që pë bën, do të dënohej së paku me 100 milion euro në dite.

Po cila është e vërteta e vetingut në Shqipëri?

Vetingu i lindur kryesisht nga përzgjedhja e kryer nga një organ politik si Kuvendi i Shqipërisë, që veproi dukshëm në mënyrë të njëanshme dhe selektive, u karakterizua në praktikë nga:

Kapja dhe nepotizmi i hapur politik,

Aplikimi i dukshëm dhe i hapur i dy standardeve,

Degradimi në një Inspektoriat të lartë të Deklarimit të pasurive duke përbuzur kriteret e integritetit dhe profesionalizmit.

Këto janë dimensionet thelbësore negative, që kanë karakterizuar zbatimin dhe kanë tronditur në themel integritetin e tij.

Po përse kërkohet me kaq ngulm histerik në Shqipëri zgjatja e KPK të vetingut?

Arsyeja është shumë e thjeshtë. Vetingu politik siç funksionon aktualisht, pra i kapur nga qeveria, siguron seleksionimin e gjyqtarëve dhe prokurorëve, që i pëlqejnë asaj dhe sigurohet pandëshkueshmëria e qeverisë për mijëra gjëra që rëndojnë mbi të.

Përse zgjidhja që ka Kushtetuta është korrekte dhe zgjatja e vetingut (KPK) abuziv?

Të gjitha momentet, që lidhen me ndryshimet për Reformën në Drejtësi për çdo situatë të krijuar, kanë në Kushtetutë mekanizmin zhbllokues.

Edhe vetë institucionet e vetingut u ngritën në sajë të këtij mekanizmi zhbllokues pasi shumicat e cilësuara parlamentare nuk u realizuan në asnjë rast.

LEXO EDHE:  Vasili nxjerr zbuluar Arta Markun/ Tregon kush duhet hetuar

Por duke e bërë vetingun peng të pazareve politike, mekanizmi zhbllokues të cilin Kushtetuta e ka të qartë, tani nuk iu pëlqen më dhe iu rri ngushte pazarxhinjve politikë.

Kushtetuta ia beson vazhdimin e procesit të mbetur të vetingut KLGJ dhe KLP.

KLGJ dhe KLP sidoqoftë janë institucione më të ekuilibruara pasi më shumë se gjysma e anëtarëve janë të zgjedhur mes profesionistëve nga sistemi dhe jo nga politika.

KLGJ dhe KLP të dyja së bashku kanë në dispozicion 22 persona nga 12 persona që ka KPK, pra ka një diference të dukshme potencialesh njerëzore.

Pra mundësitë për vazhdimin pa probleme të vetingut janë reale dhe plotësisht të mundshme.

Po kush e propozon shtyrjen e vetingut?

Rilindja publikisht ka pohuar se shtyrjen e afatit të KPK së vetingut e paska sugjeruar ONM.

Çfarë paradoksi i trashë dhe spekulativ.

ONM ka të përcaktuar shumë qartë, që ka vetëm një rol ndihmës në zbatimin e legjislacionit për vetingun.

ONM nuk ka asnjë funksion apo rol në sugjerimin apo propozimin e reformave kushtetuese apo të çdo lloji në fushën e drejtësisë.

ONM u vendos edhe në Kushtetutë si një garanci shtesë që zbatimi, e përsëris zbatimi i reformës do të ishte korrekt sikurse u miratua me 140 vota në 21-22 korrik.

ONM është përbuzur nga rilindja kaq e kaq herë jo vetëm kur sugjeronte mospërfshirjen e mjaft kandidatëve në KLGJ dhe KLP që rilindja i zgjodhi, po ashtu edhe gjatë zbatimit të vetingut ku jo vetëm i janë përbuzur, por edhe janë shantazhuar nga rilindja.

Kushtetuta e ka shumë të qartë zgjidhjen.

Ndaj pazari me zgjatjen e vetingut është thjesht një batakçillëk politik, që legjitimon kapjen e drejtësisë nga rilindja dhe betonimin e pandëshkueshmërisë së saj.

Drejtësia në Shqipëri kërkon një analizë shumë të thellë për kolapsin dhe krizën e thellë ku ka hyrë.

Qytetarët, ndërsa ka hyrë viti i gjashtë i reformës në drejtësi, po shohin zero rezultate dhe regres të thellë dhe kjo është shumë e rëndë.

Biznesi po përballet me një pasiguri juridike ekstreme që po dekurajon investimet dhe po varfëron thellë ekonominë e vendit dhe qytetarët e thjeshtë.

Skaneri i drejtësisë nuk mund të shmanget më me arrnat dhe pazaret e zgjatjes së vetingut./CNA.al

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Politikë

Zgjedhjet e 6 Marsit/ PS shkresë KQZ

Publikuar

-

Nga

Partia Socialiste ka dërguar në Komisionin Qendror Zgjedhor  shkresën për regjistrimin në zgjedhjet e pjesshme vendore të 6 marsit.

Shkresamban firmën e sekretarit të përgjithshëm të PS-së, Damian Gjiknuri.



Sipas dekretit të Presidentit Ilir Meta, me 6 Mars pritet të mbahen zgjedhjet e pjesshme vendore në 6 Bashki, në Durrës, Shkodër, Vorë, Dibër, Rrogozhinë e Lushnje./CNA.al

LEXO TE PLOTE

Politikë

Nga tritoli tek kërcënimet e shantazhet/ Veliaj një tjetër mesazh për Dukën

Publikuar

-

Nga

Kryetari i Bashkisë së Tiranës, Erion Veliaj, më i përfoluri në 24 orët e fundit sërish ka reaguar dhe sërish e ka lidhur me futbollin.

Në Konferencën e zhvilluar sot për “Sistemin e kontrollit të brendshëm në mirëmenaxhimin e financave publike”, Veliaj tha se askush nuk është i paprekshëm kur abuzon me fondet dhe taksat e qytetarëve.

Sipas tij, UEFA dhe FIFA janë shembulli më i mirë se kush abuzon, del para drejtësisë, duke i dërguar kështu një tjetër mesazh Armando Dukës.



“Pavarësia dhe paprekshmëria janë dy gjëra të ndryshme; mund të jesh i pavarur, por nuk je i paprekshëm. Dhe meqë FIFA dhe UEFA janë në Zvicër, leksioni më i madh në fakt na vjen nga Zvicra, ku fakti që ruhet sekreti bankar, të dhënat personale, që respekton të drejtat e njeriut, nuk nënkupton se njerëzit janë të paprekshëm, qofshin këta edhe vipat e futbollit. Ti mund të jesh futbollist i shkëlqyer si Platini, por Zvicra nuk të jep imunitet. Zvicra të ndjek, të auditon, të kërkon llogari dhe ti nuk je i paprekshëm. Sepp Blatter ishte mbreti i futbollit, por të qënit në Zvicër nuk i dha askujt imunitet. Në momentin që ti dështon në proceset e auditit, të transparencës, atëherë as në Zvicër, që është sot modeli i ruajtjes së pavarësisë dhe privatësisë, nuk shpëton dot”, ka thënë Veliaj.

LEXO EDHE:  Harta e re gjyqësore/ Zbulohen gjykatat që do të mbyllen, propozimi i KLGJ

LEXO EDHE:  Dalja e LSI nga skena politike

Kujtojmë se një ditë më parë, doli në dritë një audio-përgjim, ku eksponent kryesor ishte Veliaj, ndërsa më vonë, një sasi tritoli shpërtheu në portën e banesës së Armando Dukës./CNA.al

LEXO TE PLOTE

Politikë

Kosova ndalon hyrjen pa dozën e tretë të vaksinës/ Deputeti bën thirrjen urgjente

Publikuar

-

Nga

Deputeti i PD, Isuf Çela ka reaguar në lidhje me vendimin e qeverisë së Kosovës, e cila nuk lejon të kalojnë në kufi qytetarët që nuk kanë 3 doza të vaksinës anti-covid.

Në një postim në rrjetet sociale, Çela shkruan se kjo masë duhet rishikuar urgjent, pasi sipas tij penalizon rëndë banorët e Kukësit, Hasit dhe Tropojës të cilët kanë çdo komunikim tregtar, shëndetësor por edhe të lëvizjes, me territorin e Kosovës nëpërmjet pikave kufitare të Qafë Morinit (Tropojë), Qafë Prushit (Has), Morinë (Kukës.)

Vendimi i qeverisë së Kosovës për ndalimin e hyrjes në kufi të qytetarëve të Shqipërisë që nuk kanë 3 doza të vaksinës anti-covid, është një vendim i nxituar dhe që duhet riparë urgjentisht. Kjo masë e qeverisë Kurti, është një masë që penalizon rëndë banorët e Kukësit, Hasit dhe Tropojës të cilët kanë çdo komunikim tregtar, shëndetësor por edhe të lëvizjes, me territorin e Kosovës nëpërmjet pikave kufitare të Qafë Morinit (Tropojë), Qafë Prushit (Has), Morinë (Kukës). Që prej momentit të hyrjes në fuqi të këtij vendimi, qytetarët e këtyre zonave dhe në kushtet e motit të keq, janë bllokuar nëpër pika doganore dhe nuk janë lejuar të hyjnë në Kosovë.



LEXO EDHE:  KLP me 10 anëtarë/ Largohet Besnik Cani, Olsian Çela drejt hapjes së garës

LEXO EDHE:  Harta e re gjyqësore/ Zbulohen gjykatat që do të mbyllen, propozimi i KLGJ

Kjo masë është e ekzagjeruar, duke pasur parasysh se procesi vaksinimit në Shqipëri është ende tek faza e marrjes së dy dozave dhe vetëm një pakicë e qytetarëve, kontingjent risku (të sëmurë kronik dhe të moshuar), kanë marrë 3 doza. Sipas informacioneve që kam as në Kosovë ky proces nuk është më i avancuar, por qytetarët e Kosovës po lejohen normalisht të hyjnë në Shqipëri me 2 apo edhe me test PCR.

Ndaj si deputet i Qarkut Kukës, i cili është edhe qarku me nivelin më të lart të varfërisë në vend, solidarizohem me reagimin e drejtë të qytetarëve të Kukësit, Hasit e Tropojës, dhe i bëj apel qeverisë së Kosovës, të rishqyrtojë këtë vendim dhe të heqë barrierat e panevojshme mes dy anëve të shqiptarisë, barriera që janë hequr me sakrificën e shqiptarëve. I bëj apel edhe qeverisë në Tiranë që të reagojë e të vendosë kontakte me Prishtinën që qytetarëve shqiptarë t’u rikthehet liria e lëvizjes Shqipëri – Kosovë.”-shkruan Isuf Çela.

LEXO TE PLOTE