Aktualitet
Vjedhin energji elektrike për mbijetesë/ 115 persona janë nën akuzë
Më shumë se 8 persona vihen nën hetim nga prokuroria çdo ditë, si pjesë e aksionit kundër vjedhjes së energjisë të filluar dy javë më parë nga policia pas sinjalizimeve të OSHEE-së.
115 persona janë nën akuzë, një pjesë e tyre janë në arrest. Shumica e tyre janë përdorues familjarë.
Avokati Edvis Gorishti tregon se shumica e të arrestuarve për ndërhyrje në sahat, e bëjnë për arsye të kushteve ekonomike.
“Është e vërtetë që janë shtuar rastet në gjykatë gjatë 2 javëve të fundit. Un kisha një masë sigurimi të dielën dhe për të mbrojturin prej meje i cili ishte arrestuar në flagrancë për shkak se kishte ndërhyrë në sahat, gjykata caktoi masën detyrim paraqitje. Kjo është për shkak të rrethanave familjare dhe kushteve ekonomike”, u shpreh Edvis Gorishti.
Shumica e shkelësve janë banues në zona ta varfra të vendit, përfshi periferinë e Tiranës.
Euronews Albania ka parë dosjen e akuzës kundër një qytetari të arrestuar. Dëshmia e tij është emocionale.
“E kam bërë duke qenë se jetoj në kushte shumë të vështira, pasi kam bashkëshorten shumë të sëmurë. Muajit e fundit deri edhe para katër ditësh ka kryer disa operacione, është invalide dhe qëndron në karrocë”, u shpreh qytetari.
Vjedhja e energjisë dënohet deri në 3 vite burg. Për ata që e përsërisin apo bashkëpunojnë në grup, dënimi rritet deri 5 vite burg.
Entit Rregullator i Energjisë pohon se gjatë vitit 2020, 60% e humbjeve të energjisë kanë ardhur nga vjedhja. Vlera e tregut e energjisë së vjedhur gjatë vitit 2020 është vlerësuar nga Euronews Albania në rreth 32,3 milionë euro./euronews
Aktualitet
Vrau për hakmarrje/ Flet avokati i 17 vjeçarit: Të gjithë jemi fajtorë
Gjykata e Lezhës ka lënë në burg 17 vjeçarin Florian Përvathi pasi vrau 65 vjeçarin Lekë Lekëgjonajn për hakmarrje.
Avokati i 17 vjeçarit është shprehur se kjo ishte një ngjarje e rëndë, ku vitkima nuk ishte vetëm 65 vjeçari por edhe Floriani.
Sipas avokatit të gjithë janë pak fajtorë për këtë ngjarje, duke nisur nga opinioni publik që nxit marrjen e hakut si dhe kudjesi i munguar që 17 vjeçari duhet të kishte marrë në momentin që ka mbetur jetim.
“Do të jetë seanca e radhës për vlerësimin e vendimit. Nuk pritej ndonjë vendim tjetër për shkak se është vepër me rrezikshmëri të madhe shoqërore. Është rasti i parë që kemi 2 viktima, një është ai që humbi jetën dhe që ngushëlloj familjarët, dhe viktima e dytë që nuk do të jetë i fundit është dhe autori i veprës penale i cili nuk do të jetë i fundit.
Fajtore jemi të gjithë pasi e kemi nxitur nga pak që të kryen kjo vepër penale qoftë duke e quajtur gjakmarrjen si vepër penale qoftë media qoftë opinioni duke i rritur me një urrejtje të tillë. Klienti im është i mitur dhe ishte shumë i tronditur, deklaratën e ka dhënë në polici në prani të psikologut.
Është një ndër ngjarjet më të rëndë që ka vetëm viktima. Do të bëj të pamundurën për përfitimet e klienti tim sipas ligjit”, ka thënë ai./ CNA.al
Politikë
“Sot Berisha “përzuri” Bashën nga Parlamenti”/ Paloka mesazh “mbrojtësit “ të tij
Deputeti i PD-së Edi Paloka ka deklaruar se sërish Lulzim Bashën e mori në mbrojtje Taulant Balla.
Pasi Basha iku fshehurazi nga Kuvendi, Balla, bëri mbrojtësin e tij meqë kryeministri Edi Rama mungonte.
“Sot Berisha “përzuri” Bashën nga Parlamenti!
Sidoqoftë në sallën e Parlamentit kishte kush jepte përgjigje në emër të Bashës, ashtu si seancën e kaluar, Bashën e mori në mbrojtje Taulanti, mëkëmbësi i Ramës në Parlament!” shkruan Paloka në rrjete sociale.
Aktualitet
Ndeshja Dinamo-Partizani/ Policia merr masa, bllokon disa segmente rrugore
Policia e Tiranës ka marrë masa për ruajtjen e rendit dhe sigurisë para, gjatë dhe pas zhvillimit të ndeshjes Dinamo-Partizani, e cila do të luhet në orën 16:45 në stadiumin Air Albania.
Në këtë kuadër do të ketë bllokime të disa segmenteve rrugore, si dhe bllokime të pjesshme të disa segmenteve rrugore, gjatë momentit të kalimit të tifozëve.
Njoftimi i Policisë së Tiranës
Drejtoria Vendore e Policisë Tiranë
Policia e Tiranës, plan masash për ruajtjen e rendit dhe sigurisë para, gjatë dhe pas zhvillimit të ndeshjes së futbollit midis ekipeve Dinamo-Partizani, që do zhvillohet më datë 27.01.2022, në orën 16.45 në stadiumin “Air Albania”.
Masat e marra nga Policia e Tiranës konsistojnë jo vetëm në ambientet e stadiumit, por dhe në një perimetër më të gjerë jashtë saj.
Në këtë kuadër do të ketë bllokime të disa segmenteve rrugore, si dhe bllokime të pjesshme të disa segmenteve rrugore, gjatë momentit të kalimit të tifozëve.
Segmentet rrugore që do të jenë të bllokuara, nga ora 14.00 deri në përfundim të aktivitetit, janë:
* Rruga “Lek Dukagjini” përreth stadiumit, rruga “Dervish Hima”, rruga “Gjergj Filipi”, rruga “Papa Gjon Pali II”, nga kryqëzimi me rrugën “Ismail Qemali” deri tek stadiumi “Air Albania” dhe bulevardi “Dëshmorët e Kombit”, nga presidenca deri te sheshi “Nënë Tereza”.
Do të ketë bllokim të pjesshëm të rrugëkalimeve të tifozëve, si më poshtë:
Lëvizja e tifozëve të Dinamos:
* Bulevardi “Dëshmorët e Kombit” – Rruga “Bajram Curri” – Rruga “Papa Gjon Pali II” – stadium.
Lëvizja e tifozëve të Partizanit:
* Pallati i Operas – bulevardi “Dëshmorët e Kombit” – Sheshi ”Nënë Tereza”- rruga “Lek Dukagjini” – stadium.
Policia do të garantojë dhe do të sigurojë lëvizjen e tifozëve përgjatë rrugëkalimeve të caktuara dhe nuk do të lejojë grumbullim apo kalim të tifozëve jashtë itinerarit të caktuar.
Policia e Tiranës kërkon mirëkuptimin e tifozerive respektive, për zbatimin e detyrimeve të mësipërme, si dhe mirëkuptimin e qytetarëve për të evituar lëvizjen me automjete në segmentet rrugore të lartpërmendura në oraret e caktuara.
Po në zbatim të planit të masave, do të ushtrohen kontrolle ndaj tifozëve para hyrjes në stadium për sende të kundërligjshme (si sende të forta, bidonë uji, çadra, çelësa metalik apo lëndë piroteknike etj). Çdo tifoz duhet të jetë i pajisur me dokument identifikimi.
Nuk do të lejohen të futen në stadium persona pa dokument identifikimi, si dhe fëmijët nën moshën 16 vjeç, pa praninë e prindërit apo kujdestarit dhe pa dokument që vërteton lidhjen e tyre. Nuk do të lejohen të futen në stadium tifozë me fytyrë të mbuluar.
Gjithashtu, nuk do të lejohen të futen në stadium të gjithë ata tifozë të cilët në aktivitete të ndryshme sportive janë të identifikuar nga Policia, si tifozë problematikë.
Policia bën me dije se në rastet e prishjes së rendit dhe qetësisë publike, do të ndërhyjë si në ambientet e jashtme të stadiumit, ashtu dhe në ambientet e brendshme, për rivendosjen e rendit dhe shoqërimin e personave që do shkaktojnë trazira apo kryejnë veprime antisportive.
Policia e Tiranës edhe njëherë apelon për tifozëritë e dy skuadrave që të zbatojnë rregullat dhe ligjin. Faleminderit./ CNA.al
