Aktualitet
Veprimtaria e grupeve kriminale/ Artan Hoxha: Ja si ndikon telefoni në aktivitetin e tyre
Gazetari Artan Hoxha ka folur mbrëmjen e sotme për aktivitetin e grupeve kriminale dhe mënyrën se si po ndikon teknologjia.
Nga studio e emisionit Opinion të Blendi Fevziut në Tv Klan, Hoxha u shpreh se teknologjia e sofistikuar është “spiuni” i parë i tyre, ndërsa tregon edhe një rast nga goditja e një grupi kriminal nga policia britanike.
“Sa më shumë teknologji të kesh në përdorim, pra sa më shumë mjete të sofistikuara të kesh në dorë aq më lehtësisht je i përgjushëm. Ti vetëm kur nuk ke tekonologji në dorë je i papërgjushëm. Teknoika e përgjimeve sot ka evoluar kaq shumë, sepse informacioni është shumë i rëndësishëm. Unë po përmend teknikat që kanë përdorur grupet e organizuara kriminale dhe kanë dëshmuar rezultate të frikshme. Në qershor të vitit 2020 policia franceze dhe ajo holandeze e dekriptuan rrjetin e enkrochat dhe zbuluan që kishte 60 mijë njerëz që e përdornin atë rrjet dhe 10 mijë llogari iu dorëzuan policisë britanike. Policia britanike me një operacion të vetëm kapi dy ton kokainë, arrestoi 746 persona, një pjesë shqiptarë. Ishin telefona të sofistikuar që përdoreshin pa kartë”, tha Hoxha./CNA.al
Aktualitet
Tërmeti ‘shkundi’ edhe Shqipërinë/ Sizmologu grek bën paralajmërimin e fortë
Drejtori i Institutit të Gjeodinamikës, në Greqi, profesori Akis Tselentis, ka paralajmëruar qytetarët pas tërmetit që tronditi Greqinë, Maqedoninë dhe vendi tonë.
Tselentis vuri në dukje se nga të dhënat e deritanishme, ai i mbrëmshmi ishte tërmeti kryesor, çka nënkupton se lëkundjet e tjera ishin pas lëkundje të tërmetit 5.3 rihter.
Në të njëjtën kohë, ai paralajmëroi se për shkak se thellësia fokale të cekët të këtij tërmeti, sekuencat e lëkundjeve do të vazhdojë për një kohë të gjatë “madje edhe për ditë, ndoshta javë”.
Arsyeja pse dridhja është bërë kaq e ndjeshme, sipas tij, është fakti sepse ka ndodhur shumë afër sipërfaqes.
“Është një çarje në perëndim të Follorinës që nuk dihej, ishte vetëm një degë e thyerjes që dihet. Por ajo që më shqetëson është se ne kemi pasur një histori të rëndë në zonë disa vite më parë. Domethënë në vitin 1994 kishim tërmet 5.9 afër 6 Rihter 40 km nga Follorina nga një çarje tjetër”, theksoi profesori për “SKAI”,
Ai shtoi se zona përreth jep tërmete të forta duke treguar se në nëntor të vitit 1967 ka ndodhur një tjetër, tërmet 6.6 Rihter./CNA.al
Aktualitet
Berisha nxjerr videon/ Si i sulmuan demokratët mercenarët, vrasës e trafikantë të Lulit
Lideri historik i demokratëve, Sali Berisha ka publikuar një tjetër video në rrjetet sociale nga protesta e 8 janarit, ku mercenarët e kryetarit të shkarkuar Basha dhunuan e hodhën gaz lotsjellës mbi qindra demokratë.
Krahas videon Berisha shkruan se “Mercenarët vrasës, trafikantë të Lul Kimikut sulmojnë me hunj dhe mjete neuroparalizuese potestuesit paqësor!”
Më tej ai shkruan se asgjë nuk mund ta pengojë revolucionin paqësorë në realizimin e objeltivave historike.//CNA.al
Aktualitet
Lëkundjet e forta të tërmetit/ Dëmtohen disa banesa në Devoll
Tërmeti i fortë i mbrëmjes së kaluar me magnitudë 5.6 të shkallës rihter ka shkaktuar disa probleme në banesa, në Qarkun e Korçës.
Mësohet se nga lëkundja e fuqishme janë dëmtuar 6 banesa në Bashkinë Devoll.
Nga raportimet e qytetarëve, mësohet se kanë pësuar dëmtime 2 banesa në Bilisht, 2 banesa në fshatin Mançurisht dhe 2 në fshatin Shuec.
Ndërkohë, grupet e emergjencave civile kanë nisur verifikimin në terren për rastet e raportuara./CNA.al
