Bora Zemani është në qendër të vëmendjes që nga fillimi i “Big Brother VIP”. Ajo madje shpeshherë merr vëmendje më shumë se vetë konkurrentët e situatat e krijuara me veshjen, akesesorët apo dhe fjalët që mund të thotë. Ditën e djeshme ndjekësit kanë vënë re një lidhëse në dorën e saj, gjë që shpesh herë e mban edhe Donaldi.

Nuk është hera e parë që ndjekësit kapin detaje te Borës gjatë prezantimit të “Për’puthen”. Ajo shpeshherë madje e ka thumbuar Donaldin.

Kur Melisa me Andin po luanin bashkë “lojën e çifteve” e Bora po u drejtonte pyetje, në një moment Bora pyet: Kush ka shije të çuditshme?

Melisa e drejtoi gishtin drejt saj dhe Bora duke qeshur tha “e meritoja”.

Pati edhe komente të shumta që aluduan se Bora e kishte për Donaldin, pasi ka shije të çuditshme që ka qenë e dashura e tij.

Gjithashtu kur dy vajza Mikela dhe Ritvana po debatonin për Erionin, debate që janë të shpeshta në “Për’puthen”, Bora iu drejtua atij duke i thënë se uron që ai të jetë i sinqertë e të mos luaj.

“Loja me dy vajza nuk është asnjëherë gjë e bukur dhe gjithmonë mendoj që djali do të dalë i humbur në fund dhe nuk do të ketë asnjërën.”- iu drejtua ajo Erionit, duke marrë edhe duartrokitjet e publikut./Shqiptarja.com

Dihet që marrëdhëniet mes Ilirit dhe Monikës nuk janë shumë të mira. Ata kanë disa javë që fitojnë shumë vëmendje në Big Brother duke bërë lojëra fjalësh me njëri-tjetrin. Mbeten rivalë të fortë dhe kjo nuk diskutohet.

Iliri nuk e fsheh që e do jashtë Monikën, sepse nuk e toleron dot. Po kjo nuk është një arsye e fortë që Monika të dalë, sepse normalisht në atë shtëpi duhet të dalë kush votohet nga publiku dhe jo kush ka qejf balerini i njohur.

Dje, duke gatuar një byrek në kuzhinë, pasi pati përplasje me Ilirin i cili i flaku në plehra spinaqin dhe ia nxori sërish nga prehrat duke ia çuar në kuzhinë, Monika bisedoi me Enxhelin për nominimin. Arsyeja dihet. Këtë javë ajo është përballë Arbrit dhe ka frikë mos del.

Arbri është “i mbrojturi” i Ilirit, por edhe në qoftë se nuk do ishte Arbri, do ishte kushdo tjetër që mund të ishte në nominim me Monikën, pasi Iliri nuk e duron dot më. Kjo nuk do shumë mend as kalem. Balerini është kundërpërgjigjur shpeshherë provokimeve të saj, por pa humbur durimin.

“Më fal, po të thuash hedhim Enxhelin në nominim, të dalë Enxheli me mua (duke iu referuar Ilirit) më fal…eliminimi nga shtëpia është ekzekutim”, u shpreh Monika duke bërë paralelizëm mbi atë që Iliri kërkoi para disa ditësh, dmth të nxirrnin në nominim Monikën me veten e tij, sepse e do jashtë shtëpisë.

“Mund të dalë ai”, ia kthen Enxhel. “Ai nuk del zemra ime”, thotë Monika me shumë bindje. “Ta garantoj që nuk del, sepse e kam këtë bindje që në fillim. Kur të dalim, të them unë pse”, përfundon Monika.

Monika që në javët e para aludonte se në qoftë se dilte, do dilte sepse produksioni ashtu e kishte organizuar lojën. Derisa Arbana i kërkoi një sqarim dhe “ujrat” u qetësuan. Monika u qetësua dhe loja vazhdoi deri më sot. Po çfarë di Monika për produksionin?/Preferenca.al

Gazetarja e njohur, Paloma, edhe pse është një nga banoret e para që ka dalë nga “Big Brother VIP”, ajo herë pas here komenton ngjarjet më pikante nga reality show.

Madje ish-banorja as nuk ngurron që të komentojë BB VIP së bashku me ndjekësit e saj në “Instagram”.

Ditën e djeshme, Paloma ka bërë një bashkëbisedim me fansat, të cilët kanë dëshirë që të dinë mendimet e saj rreth banorëve brenda shtëpisë më të famshme në Shqipëri.

“Midis Arjolës dhe Ilirit kush dëshiron që të jetë fituesi”, e ka pyetur një ndjekës Palomën. Kjo e fundit ka zbuluar se kush dëshiron që ta fitojë për sakrificën dhe kush dëshiron që ta fitojë për investimin.

“Me shpirt Arjola për sakrificën. Por për investimin psikologjik, Iliri”, është përgjigjur shkurt gazetarja e njohur./Shqip