LEXO PA REKLAMA!

SHKARKO APP

Refuzoi të ndërpresë videon/ Policët dhunojnë barbarisht qytetarin, e mbajnë 3 orë në komisariat

24 Tetor 2021, 19:40, Kronika CNA
Refuzoi të ndërpresë videon/ Policët dhunojnë

Një ngjarje e parecedentë është regjistruar ditën e sotme. Sipas një denoncimi të publikuar nga Syri tv, një qytetar nga Lushnja, është dhunuar barbarisht nga efektivë të Policisë së Rendit të Komisariatit të Lushnjes.

Ngjarja ka ndodhur në orët e para të mëngjesit, në autostradën Fier-Lushnje, ku shtetasi Amarildo Hoxha, ka qenë duke u kthyer nga furnizimi me fruta perime që kishte kryer në Fier për biznesin e tij, ku gjatë rrugës për në Elbasan është ndaluar nga efektivët e policisë në rrethrrotullimin e Savrës.

Qytetari tregon se një nga policët i ka kërkuar dokumentat e makinës, ndërsa i ka kërkuar të ndërpriste një video live që ishte duke kryer në rrejtet sociale.

Por qytetari ka refuzuar të ndërpres videon, cka sipas tij, bëri që një nga policët ta godiste me grushte.

Më pas, efektivi që e ka goditur i ka marrë makinën, ndërsa kolegët e tij e kanë futur qytetarin nga Elbasani në një mjet policie duke vijuar dhunimin deri në komisariatin e Lushnjes.

Amarildo Hoxha, ndonëse me fraktura dhe plagë të rënda është mbajtur deri në orën 3 pasdite në komisariat, ndërsa policia nuk ka njoftuar as familjarët.

Vetëm pas disa orësh qëndim në komisariat, Amarildo është marrë nga prindërit e tij dhe është dërguar në spital për mjekim.

Më pas, Amarildo Hoxha është paraqitur në prokurorinë e Lushnjes për të bërë kallëzim penal. Pasi ka marrë deponimin e qytetarit, oficeri i Policisë Gjyqësore Lazar Tuni, ka vendosur që qytetari të kryejë ekspertizë mjeko-ligjore, por duke e shtyrë për një ditë tjetër.

Lajmet e fundit nga