Connect with Us

Samiti i BE/ Kriza me Poloninë mbetet

Bota

Samiti i BE/ Kriza me Poloninë mbetet

Publikuar

-

Megjithë përpjekjet gjermano-franceze për ndërmjetësim, grindja juridike me Poloninë mbeti e pazgjidhur edhe në samitin e BE në debatet e së enjtes. Kreu i qeverisë polake, Mateusz Morawiecki u mbrojt kundër “shantazhit”, sipas tij nga BE. Komisioni Europian do të mbajë njëherë të bllokuara ndihmat miliardëshe të përcaktuara për Poloninë për rimëkëmbjen e ekonomisë pas pandemisë. Në samit vende si Belgjika, Holanda e Austria ushtruan presion ndaj qeverisë në Poloni të tërheqë reformat e kontestuara të drejtësisë.

Kurse kancelarja Merkel, që mori pjesë ndoshta në samitin e fundit të saj në BE, nëse qeveria gjermane krijohet në dhjetor, u shpreh për dialog me Poloninë dhe ashtu si presidenti Macron zhvilloi takime bilaterale me kryeministrin polak. Edhe njëherë Merkel duhej të dilte në rolin e saj si shpëtimtare e krizave europiane, në këtë rast me Poloninë. “Shteti ligjor mbetet bërthama bazë e BE”, tha Merkel në fillim në samitit, prandaj duhet të gjejmë rrugë që të kalojnë në një zgjidhje, tha ajo.

Kurse kryeministri holandez, Mark Rutte kërkoi që BE “të mbetet e ashpër” kundrejt Varshavës. “Vija e kuqe është tejkaluar”, u shpreh kryeministri belg, Alexander de Croo në lidhje me vendimin e kontestuar të Gjykatës Kushtetuese polake, që i kishte deklaruar pjesë të së drejtës së BE si jo në pajtim me të drejtën polake. Zgjidhje nuk pati në ditën e parë të samitit, por debati është një hap në drejtim të zgjidhjes, u tha nga diplomatët evropianë. Kreu i Këshillit të BE, Charles Michel falënderoi krerët e shteteve dhe qeverive të BE për qëndrimin konstruktiv.

Debat për çmimet e energjisë

Por shumë më i gjatë dhe më kontrovers u zhvillua debati në samit për rritjen e çmimeve të energjisë në BE. Çekia dhe Hungaria për një kohë të caktuar dolën kundër planeve të BE. Sipas të dhënave të diplomatëve të dyja këto vende janë ankuar për ndryshime të çmimeve në tregje për shkak të tregtisë me emetimet. Kurse kryeministri hungarez, Viktor Orban bëri të ditur rezistencën e vendit të tij ndaj propozimeve të Brukselit për mbrojtjen e klimës deri në 2030-n, të cilat ai i quajti “fantazi utopiste”. Gjermania dhe Austria nga ana e tyre theksuan, se nuk ka lidhje mes mbrojtjes së klimës dhe çmimeve të larta të gazit dhe naftës.

LEXO EDHE:  Debatet për Kryeprokurorin/ PD kundërshton ndërkombëtarët

Vetëm në mesnatën e së premtes, krerët e vendeve e qeverive të BE ranë në ujdi për draftin e një deklarate të përbashkët. Si lëshim ndaj Çekisë dhe Hungarisë, aty thuhej, se Komisioni Europian do të verifikojë së bashku me Autoritetin Evropian të Mbikqyrjes së Tregut, ESMA “funksionimin e tregjeve të gazit dhe elektricitetit dhe tregun e e tregtisë me emetimet”.

Të tejkalohet skepticizmi ndaj vaksinës

Krerët e qeverive dhe vendeve të BE duan të veprojnë kundër skepticizmit ndaj vaksinës në BE në mënyrë që të nxitet tejkalimi sa më shpejt i pandemisë. Për këtë do të veprohet më shumë kundër informacioneve të rreme që qarkullojnë në internet, thuhet në deklaratën e samitit të publikuar natën e së premtes. Samiti i BE lëvdon sukseset e arritura në vendet anëtare në luftë kundër virusit, “por gjendja në disa vende anëtare është si më parë shumë serioze.”

BE do të vazhdojë të ndihmojë që vendet e treta të kenë qasje tek vaksina. Komisioni Europian do të bashkëpunojë me prodhuesit e vaksinës për të mënjanuar pengesat në vënien sa më shpejt në dispozicion të vaksinës. “Kjo do t’u mundësojë vendeve anëtare që të përshpejtojnë furnizimin me vaksina të vendeve më në nevojë”, thuhet në deklaratën e samitit.

“Sulm hibrid” nga Bjellorusia

Të premten krerët e BE debatojnë për numrin në rritje të refugjatëve që përmes Bjellorusë vijnë në BE. Kancelarja gjermane akuzoi presidentin bjellorus, Aleksander Lukashenko për “kontrabandë shtetërore me njerëzit”. Ajo e ka kërcënuar Lukashenkon me sanksione të reja. Kurse presidentja e Komisionit Europian, Ursula von der Leyen u shpreh se e shohim këtë si “luftë hibride nga Bjellorusia.” Von der Leyen tha, se “asnjë jetë njeriu nuk duhet të vihet në rrezik për shkaqe politike. Prandaj jam e sigurtë që Këshilli do t’i japë një përgjigje të vendosur dhe të fortë kësaj sjelljeje të Bjellorusisë që duhet të marrë fund.”/DW

Për të rejat më të fundit behuni pjesë e grupit tonë në facebook : City News Albania

Komentoni

Adresa juaj email nuk do të bëhet publike. Fushat e domosdoshme shënohen *

Bota

Ngacmoi dhe kreu marrëdhënie seksuale me nxënësen 15 vjeçare/ Arrestohet mësuesja e matematikës

Publikuar

-

Nga

cna lajm show

Një mësuese, 35 vjeç në Angli, u arrestua dhe u burgos për tetë muaj, pasi kishte kryer marrëdhënie seksuale me një nxënëse.

Aimee Jones, 35 vjeç, e ka ngacmuar vajzën 15 vjeçe dhe në mesazhe i thoshte se kishte një tërheqje seksuale ndaj saj.

Kjo shkaktoi një lidhje 15-mujore që u kthye në seksuale kur vajza mbushi 16 vjeç.

Teesside Croën Court (Kolege e Aimme) tha në deklaratë se dyshja ishin takuar në makinën e Jones dhe në Hardëick Park, Sedgefield, County Durham.



Kjo bie ndesh me rregullat e vendosura për mësuesit në shkolla dhe rëndohet me shumë pasi u zbulua se ka qenë mësuesja e cila ka ngacmuar për një kohë të gjatë 15-vjeçaren.

LEXO EDHE:  Covid-19/ BE planifikon të blejë 500 mijë doza të ilaçit ‘remdesivir’

LEXO EDHE:  Shfaqja e hidhur në Samitin e BE-së/ Juncker turpërohet sërish

Sipas Daily Mail, në dëshmi thuhet se të dyja u gjetën në makinën e Aimee të mbuluara me nga një batanije,  u zhveshën deri në bel dhe u puthën dhe preknin njëra-tjetrën, u tha gjykatës.

Jones, drejtuese e shkencës dhe matematikës në shkollën e saj në Darlington, County Durham, u kërkoi kolegëve të gënjejnë bashkëshortin e saj  nëse e pyesin dhe të mbështesin historinë e saj se ajo po mashtronte me një asistente fiktive mësimdhënëse të quajtur Sarah Martin dhe jo me një të mitur./CNA.al

LEXO TE PLOTE

Bota

Kaos/ Ndotja e ajrit mbyll shkollat dhe kolegjet

Publikuar

-

Nga

cna news, cna lajme, lajme cna, lajme flash cna, cna.al, cna lajme politike, cna kronike, cna lajme bote, cna show

Autoritetet në kryeqytetin indian, Delhi, kanë mbyllur të gjitha shkollat ​​dhe kolegjet për një kohë të pacaktuar pas përkeqësimit të ndotjes së ajrit.

Ndërtimet janë ndaluar deri më 21 nëntor, por një përjashtim është bërë për projektet e transportit dhe të mbrojtjes.

Vetëm pesë nga 11 termocentralet me qymyr në qytet janë lejuar të funksionojnë. Një mjegull helmuese ka pushtuar Delhin që nga festivali i Diwali.

Nivelet e PM2.5, grimca të vogla që mund të bllokojnë mushkëritë e njerëzve, në Delhi janë shumë më të larta se udhëzimet e sigurisë të Organizatës Botërore të Shëndetësisë (OBSH). Disa pjesë të qytetit shënuan shifra afër ose më të larta se 400 të martën, e cila është kategorizuar si “e rëndë”.



Një shifër midis zeros dhe 50 konsiderohet “e mirë”, dhe midis 51 dhe 100 është “e kënaqshme”, sipas indeksit të cilësisë së ajrit ose AQI.

LEXO EDHE:  Nëse BE shpërbëhet, shpërthen lufta në Ballkan!

LEXO EDHE:  Covid-19/ BE planifikon të blejë 500 mijë doza të ilaçit 'remdesivir'

Disa shkolla ishin mbyllur tashmë javën e kaluar për shkak të ndotjes dhe qeveria e Delhi tha se ishte duke menduar për një bllokim për të përmirësuar cilësinë e ajrit pasi retë e dendura të smogut përfshinë qytetin.

Një përzierje faktorësh si emetimet e automjeteve dhe industriale, pluhuri dhe moti e bëjnë Delhi-n kryeqytetin më të ndotur në botë. Ajri bëhet veçanërisht toksik në muajt e dimrit pasi fermerët në shtetet fqinje djegin kashtën e të korrave.

Dhe fishekzjarrët gjatë festivalit të Diwali, që ndodh në të njëjtën kohë, vetëm sa përkeqësojnë cilësinë e ajrit. Shpejtësia e ulët e erës gjithashtu luan një rol pasi ajo bllokon ndotësit në atmosferën e poshtme./ CNA.al

LEXO TE PLOTE

Bota

Takimi Biden-Xi dhe çfarë pritet më tej në marrëdhëniet SHBA-Kinë

Publikuar

-

Nga

cna news, cna lajme, lajme cna, lajme flash cna, cna.al, cna lajme politike, cna kronike, cna lajme bote, cna show

Pas takimit virtual të së hënës mes presidentëve Biden e Xi, Shtetet e Bashkuara dhe Kina ranë dakord të vazhdojnë dialogun për të ruajtur stabilitetit strategjik në raport me çështje të tilla si Tajvani, kontrolli i armëve bërthamore dhe siguria kibernetike. Por siç njofton korrespondentja e “Zërit të Amerikës” Patsy Widakuswara, mosmarrëveshjet e thella mes palëve nuk ka gjasa të marrin fund.

Marrëdhëniet mes Shteteve te Bashkuara dhe Kinës janë të mbushura me dallime.Por ka një gjë për të cilën udhëheqësit e dy vendeve bien dakord, vazhdimin e bisedimeve.

“Përgjegjësia jonë si udhëheqës të Shteteve të Bashkuara dhe Kinës, është të sigurojmë që konkurrenca mes vendeve tona të mos kthehet në konflikt, qoftë kjo një gjë e qëllimshme ose jo, por të jetë thjesht një konkurrencë e drejtpërdrejtë”, tha Presidenti Joe Biden.

“Kina dhe SHBA-ja duhet të rrisin komunikimin dhe bashkëpunimin. Secili vend i administron mirë çështjet e brendshme e në të njëjtën kohë mban mbi supe pjesën e vet të përgjegjësisë ndërkombëtare”, tha Presidenti kinez Xi Jinping.

Ndërsa toni i takimit virtual të së hënës mes Presidentit Joe Biden dhe Presidentit kinez Xi Jinping ishte i përzemërt, analistët thonë se ai nuk e ndryshon natyrën thelbësisht antagoniste të marrëdhënieve.

“Ishte si takimi mes një çifti të martuar me terapistin, ku asnjëri nuk po përpiqet të rregullojë, apo ndryshojë diçka në martesë, por secili po përpiqet të bindë këshilluesin të mbajë anën e tij, e të bëhen bashkë kundër tjetrit”, thotë Robert Daly, i qendrës “Wilson”.

Çështja më e ndjeshme në këtë marrëdhënie të trazuar është Tajvani. Zoti Biden thotë se SHBA-ja mbetet e përkushtuar ndaj politikës për një Kinë të vetme, por kundërshton fuqishëm përpjekjet e njëanshme për të ndryshuar status-quonë e ishullit që tashmë është një entitet i veçantë nga Kina.

“Garantimi i paqes dhe stabilitetit përgjatë ngushticës së Tajvanit, komunikimi i qartë dhe shmangia e keqkuptimeve do të jenë aspekte të rëndësishme dhe të fuqishme të punës mes ushtrive tona, mes Këshillave tona të Sigurisë Kombëtare, si dhe diplomatëve tanë”, thotë Jake Sullivan, këshilltari i Sigurisë Kombëtare të Presidentit Biden.

LEXO EDHE:  Pas “Jo”-së për negociatat/ Shtypi gjerman: Nevojitet reformim i procesit të zgjerimit të BE-së

LEXO EDHE:  Covid-19/ BE planifikon të blejë 500 mijë doza të ilaçit 'remdesivir'



Pas takimit, Ministria e Jashtme e Kinës bëri një paralajmërim ndaj të gjithë atyre në Tajvan, që mbështesin ndarjen nga Kina, duke u bërë thirrje të mos provokojnë Pekinin.

“Për çështjet që kanë të bëjnë me sovranitetin dhe integritetin territorial të Kinës, Pekini nuk ka hapësirë për kompromis”, tha zëdhënësi i Ministrisë së Jashtme kineze Zhao Lijian.

Zoti Biden dhe zoti Xi ranë dakord të vendosin një dialog për stabilitet strategjik edhe mbi çështje të tjera të ndjeshme si aftësia ushtarake, kontrolli i armëve bërthamore dhe siguria kibernetike. Të dyja palët janë të interesuara për të ruajtur stabilitetin në marrëdhënie, në një kohë kur SHBA po përgatitet të zhvillojë zgjedhjet për Kongresin në vitin 2022, dhe zoti Xi e Partia Komuniste Kineze ndodhen gjithashtu përpara zhvillimesh të rëndësishme.

“Xi dëshiron të dërgojë një mesazh për stabilitet. Ai dëshiron një mjedis ndërkombëtar relativisht të qëndrueshëm për të siguruar që Olimpiada të shkojë mirë, po kështu edhe Kongresi i 20-të i Partisë (komuniste)”, thotë Bonny Lin, Drejtore e Projektit Fuqia e Kinës në Qendrën për Studimeve Strategjike e Ndërkombëtare (CSIS).

Kina pritet të vazhdojë aktivitetin e saj ushtarak në Paqësorin Perëndimor, gjë që Uashingtoni e sheh si provokim. Ndërkohë, Pekini do të nisë përgatitjet për Samitin e ardhshëm për Demokraci që mbahet në muajin dhjetor, një takim i organizuar nga Presidenti Biden.

“Sigurisht që ky takim nuk ka të bëjë vetëm me Kinën, ka të bëjë edhe me rritjen e autoritarizmit në Evropë, por do të përjetohet nga Kina si një problem që lidhet me të. Administrata Biden gjithashtu do të shpallë së shpejti strategjinë e re mbi Indo-Paqësorin, si dhe do të përfundojë rishikimin e politikave mbi Kinën”, thotë Robert Daly, i qendrës “Wilson”.

Por cilat mund të jenë fushat e bashkëpunimit mes SHBA-së dhe Kinës?: Të punojnë së bashku për të reduktuar emetimin e dioksidit të karbonit, në trajtimin e krizës klimatike, si dhe t’i japin fund më shpejt, pandemisë globale të COVID-19-s./ VOA

LEXO TE PLOTE