Connect with Us

Rikthehet jeta normale në Spanjë, “El Clasico” do luhet në një stadium me kapacitet të plotë

La Liga

Rikthehet jeta normale në Spanjë, “El Clasico” do luhet në një stadium me kapacitet të plotë

Publikuar

-

Ndeshja e shumëpritur midis Barcelonës dhe Realit, do të shënojë rikthimin e tifozëve në kapacitet të plotë në stadium. Katalonja është një rajon autonom dhe masat e ndërmarra kundër Covid-it kanë qenë të rrepta.

Lokalet, restorantet dhe shumë qendra të tjera ishin të mbyllura deri para një jave. Më 15 tetor u mor vendimi që ambjentet e brendshme të hapeshin në kapacitet të plotë. Prandaj, është e para Barcelona – Real Madrid me kapacitet të plotë që nga shpallja e krizës shëndetësore.

Lokalet në Katalonjë tashmë po përgatiten që të ndizen sërisht nga tifozët, të cilët kanë kohë që po presin t’i kthehen jetës normale, të shijojnë ndeshjen nga stadium apo të ulur në një bar duke pirë. Ka shumë ditë që kanë filluar rezervimet dhe premisat janë që do të ketë një atmosferë të zjarrtë brenda dhe jashtë stadiumit.

Për të rejat më të fundit behuni pjesë e grupit tonë në facebook : City News Albania

Komentoni

Adresa juaj email nuk do të bëhet publike. Fushat e domosdoshme shënohen *

La Liga

Buzëqesh Xavi, Barcelonës i ndizet drita jeshile për merkaton

Publikuar

-

Nga

Zhvillime pozitive në Barcelonë sa i përket kapërcimit të krizës ekonomike. Pas fjalëve të dy javëve më parë të Mateu Alemany-t, drejtorit të Futbollit, se “momentalisht nuk mund të përballojmë blerjet në janar”, vjen qëndrimi ndryshe i drejtorit të përgjithshëm të klubit “blaugrana”, Ferran Reverter, gjatë konferencës për shtyp për prezantimin e referendumit për miratimin e financimit të “Espai Barça”:

“Natyrisht që Barcelona do të mund të bëjë blerje në janar. Në janar dhe në verë. Sigurisht që do të duhet të jemi të kujdesshëm se si do ta bëjmë këtë.”

Muzikë e ëmbël në veshët e trajnerit të ri Xavi Hernandez, i cili ka kërkuar përforcime që kur mori detyrën për të ngritur nivelin teknik të skuadrës.



Sipas “Sport.es”, Xavi ka dhënë indikacione të qarta se si do të ndërhyjë në merkato. Synimi është të forcohen disa pozicione kyçe për skemën që ai preferon, sidomos në krahët e mbrojtjes. Në këtë kuptim optikë, një opsion interesant është spanjoll i Chelsea-t, César Azpilicueta.

Barcelona po kërkon të arrijë marrëveshje ekonomike me klubet që kanë në pronësi Ferran Torresin (Manchester City) dhe Dani Olmon (Leipzig). E njëjta gjë vlen edhe për Timo Werner dhe Ziyech, marrëdhënia e të cilëve me Chelsean zgjat deri në qershor 2025.

Një tjetër lojtar që pëlqehet shumë nga drejtuesit e Barçës është Karim Adeyemi, sulmues i Salzburgut, që do të mbushë 20 vjeç në janar.

LEXO TE PLOTE

La Liga

“A e dini ç’është respekti?”, Umtitit i bllokojnë rrugën dhe kapet me tifozët

Publikuar

-

Nga

Samuel Umtiti ka pasur probleme që në verë me tifozët e Barcelonës, pasi nuk pranoi të largohej nga klubi.

Mbrojtësi francez ditën e sotme është penguar nga disa tifozë, të cilët i dolën para makinës së tij luksoze.

Umtiti në një moment i dha gaz makinës dhe u shkëput, për t’u ndalur disa metra më tutje.

Mbrojtësi u kthye pas në këmbë dhe dëgjohet teksa mes të tjerash i thotë tifozit: “A doni ta paguani makinën? A e dini se çfarë është respekti”.



LEXO TE PLOTE

La Liga

“Messi do fitojë 7 Topa të Artë!”/ Johan Cruyff e “dinte” nëntë vite më parë, realizohet profecia

Publikuar

-

Nga

Lionel Messi fitoi “Topin e Artë” për herë të shtatë në histori, sukses që nuk e ka arritur asnjë futbollist tjetër më parë dhe rekord që vështirë të barazohet në të ardhmen.

“Pleshti” ia doli të dilte triumfues në Robert Lewandowskit, me polakun e Bayernit që do e tentojë sërish vitin e ardhshëm. Pas argjentinasit renditen Cristiano Ronaldo me 5 “Topa të Artë”, teksa nga tre numërojnë emra si Mishel Platini, Johan Cruyff dhe Marco Van Basten.

I madhi Cruyff kishte një admirim të madh për Messin, dhe ishte i vetmi që guxoi nëntë vite më parë, duke deklaruar se ylli argjentinas do ia dilte të fitonte shtatë herë “Topin e Artë”.



Ishte viti 2012, Messi sapo kishte fituar çmimin që jep “France Football” për herë të dytë dhe legjenda holandeze, i cili ndërroi jetë më 24 mars të vitit 2016, jepte deklaratën e mëposhtme për Diario Ole. 

Leo ka fituar dy ‘Topa të Artë’ dhe do të jetë lojtari që do ta fitojë këtë çmim më shumë se çdo futbollist tjetër në histori, për futbollistin që është edhe për atë që mund të bëhet.

Kjo konfirmon se ai është më i miri në botë. Me shumë mundësi, Leo do të fitojë ‘Topin e Artë’ pesë, gjashtë apo shtatë herë, pasi është i pakrahasueshëm, luan një kampionat tjetër”, shprehej Johan Cruyff.

LEXO TE PLOTE