Connect with Us

LAJM I FUNDIT/ Incidentet në “Air Albania” me Poloninë, vjen dënimi nga FIFA për Shqipërinë

Kombëtare

LAJM I FUNDIT/ Incidentet në “Air Albania” me Poloninë, vjen dënimi nga FIFA për Shqipërinë

Publikuar

-

Pas incidenteve të sfidës në Shqipëri-Poloni e cila u luajt në stadiumin “AIR Albania”, Komiteti Disiplinor në FIFA ka marrë vendimin se FSHF gjobitet me shumën prej 150 mijë frangash dhe me një ndeshje pa tifozë në shtëpi, ndaj Andorrës më 15 nëntor.

NJOFTIMI I FSHF-së 

“Federata Shqiptare e Futbollit është njohur mbrëmjen e sotme me vendimin e marrë nga Komiteti Disiplinor i FIFA-s, në lidhje me incidentet e ndodhura në ndeshjen Shqipëri-Poloni, e luajtur më datë 12 tetor 2021 në Air Albania Stadium.

Vendimi i sotëm ndëshkon Federatën e Futbollit me një gjobë prej 150 mijë frangash dhe detyron që të luajë ndeshjen e fundit eliminatore për Kampionatin Botëror “Katar 2022” pa praninë e tifozëve.

FSHF shpreh keqardhjen për këtë vendim të marrë dhe do të ndërmarë të gjithë masat e nevojshme që situata të tilla, të shkaktuara nga disa individë, mos të ndodhin më në të ardhmen dhe të mos dëmtojnë Kombëtaren tonë në paraqitjen e tyre ndërkombëtare.

Federata do të vlerësojë mundësitë për ankimimin e vendimit brenda afateve të parashikuara.”

Për të rejat më të fundit behuni pjesë e grupit tonë në facebook : City News Albania

Komentoni

Adresa juaj email nuk do të bëhet publike. Fushat e domosdoshme shënohen *

Kombëtare

Ndryshon lista, një tjetër sulmues nën urdhrat e Rejas, lojtari i Bylisit te Shpresat

Publikuar

-

Nga

Kombëtarja shqiptare ka nisur sot grumbullimin në kuadër të dy ndeshjeve të fundit të eliminatoreve të Botërorit “Katar 2022” ndaj Anglisë dhe Andorrës. Stafi teknik kuqezi ka mbërritur që këtë të diel në kompleksin Tropikal të Durrësit ashtu si edhe një pjesë të futbollistëve të ftuar nga trajneri Edoardo Reja.

Departamenti i Komunikimit në FSHF bën me dije se ka një ndryshim të fundit në listën e Kombëtares. Sulmuesi Ernest Muçi do të vihet në dispozicion të Kombëtares A që nga dita e nesërme për dy ndeshjet e Botërorit 2022.



Lojtari i Legias së Varshavës ishte në listën e Kombëtares U-21 për ndeshjet e Europianit ndaj Sllovenisë dhe Kosovës, por tashmë ai do të kalojë në urdhrat e trajnerit Reja.

Në vendin e tij në Kombëtaren U-21 është thirrur Eridon Qardaku, futbollist i cili aktivizohet me Bylisin e që ka qenë edhe më parë pjesë e skuadrës Shpresa. Qardaku është vënë menjëherë në dispozicion të ekipit U-21, që ka nisur tashmë përgatitjet për ndeshjet e EURO 2023 ndaj Sllovenisë dhe Kosovës më 12 dhe 16 nëntor.

LEXO TE PLOTE

Kombëtare

Fantastik Uzuni/ Talenti beratas shënon dopietë para ndeshjeve të Kombëtares

Publikuar

-

Nga

Ferencvaros ka fituar 0-4 me Kisvardan në transfertë. Dueli që vlente për javën e 12 në elitën hungareze ka folur për miqtë, me Myrto Uzunin që ka shënuar dopietë. Sulmuesi i Kombëtares ka shënuar golin e dytë për të tijtë në të 70 minutë, duke qetësuar skuadrën.

Fundi i sfidës ka buzëqeshur sërish për shqiptarin, që ka gjetur dopietë në 90+1. Myrto fiton kështu derbin me Asanin, Prengën dhe Camaj, teksa mbrojtësit iu anullua një gol nga VAR.



Beratasi Uzuni vjen në sfidat e nëntorit në Kombëtare me dy gola të shënuar, duke i dhënë sinjale të mira trajnerit Reja. Kujtojmë se te legjionarët sot shënoi edhe Cikalleshi dopietë në Turqi. Shqipëria luan me Anglinë dhe Andorrën në 12 dhe 15 nëntor.

LEXO TE PLOTE

Kombëtare

Ndeshjet ndaj Anglisë & Andorrës, trajneri Reja shpall listën/ Sa shumë surpriza

Publikuar

-

Nga

Edoardo Reja, trajneri i Kombëtares shqiptare ka bërë publike ditën e sotme listën me 24 lojtarët e grumbulluar për dy ndeshjet e fundit kualifikuese të vlefshme për kampionatin Botëror “Katar 2022”.

Lista ka pak ndryshime nga grumbullimi i fundit në tetor, teksa rikthehen në Kombëtare emra si Albi Doka dhe Qazim Laçi. Ky i fundit nuk ishte pjesë e listës në tetor për shkak të disa problemeve fizike. Do të mungojë për shkak dëmtimi këtë herë mbrojtësi i Atalantës, Berat Gjimshiti, i cili u rikthye të luajë në Champions me bergamaskët, por zyrtarisht thuhet se mungon për shkak dëmtimi.

Ekipi do të nisë grumbullimin nga dita e hënë në Durrës ku do të nisin përgatitjet për dy ndeshjet e radhës, që janë edhe dy sfidat e fundit për këtë fushatë eliminatoresh.
Shqipëria renditet aktualisht e treta në Grupin I me 15 pikë pas 8 ndeshjesh, ndërsa më 12 nëntor do të sfidojë Anglinë në transfertë. Më 15 nëntor në “Air Albania” kuqezinjtë do të Andorrën.



Të hënën trajneri i Kombëtares, Edoardo Reja do të dalë në një konferencë për shtyp, që do të zhvillohet në orën 11:00 në kompleksin Tropikal në Durrës, ku do të shpjegojë edhe zgjedhjet dhe do të analizojë dy sfidat e radhës.

Më poshtë edhe lista e Kombëtares për dy ndeshjet e nëntorit:

LEXO TE PLOTE