Connect with Us

Edhe Vitija nuk e bën dramë humbjen e fundit: Skënderbeu do ngjitet lart

Sport

Edhe Vitija nuk e bën dramë humbjen e fundit: Skënderbeu do ngjitet lart

Publikuar

-

Humbja në javën e fundit normalisht që ka trazuar ujërat në kampin korçar, që tashmë e shohin veten të renditur në vendin e parafundit të klasifikimit. Në kushtet kur ishte një takim deri diku përcaktues për vijimin e sezonit, edhe pse jemi herët, kjo ka sjellë një sërë reagimesh nga ana e tifozëve.

Përtej kësaj, ajo që djeg më shumë është humbja. Edhe për mbrojtësin kosovar, Leonat Vitija, është një rezultat i cili kurrsesi nuk pritej, por tashmë ndodhi dhe ekipi duhet të dijë të reagojë. Për Vitijan Skënderbeu nuk ka qenë në ditën e tij ndaj Kastriotit, ndaj kjo humbje ai mendon se do të shërbejë si një shkundje e gjendjes psikologjike të lojtarëve. Tani kërkohet reagimi në ndeshjet e radhës për të rikuperuar pikët e nevojshme pas pesë javëve të para të sezonit.

“Na vjen keq pasi është një humbje që duhej shmangur dhe na zbret më shumë në klasifikim. Për fat të mirë kemi kohë dhe javë përpara për të rikuperuar, prandaj nuk duhet ta bëjmë dramë. Tani duhet të ulim kokën dhe të punojmë duke filluar nga kjo javë e në vazhdim për të rikuperuar gjithçka që kemi humbur në këto pesë javë të para.

Është ende herët për të parë renditjen dhe për ta pasur mendjen te klasifikimi. Me të vërtetë në pesë javët e para kemi bërë jo fort mirë, ndaj edhe jemi në vendin e parafundit, por të jeni të bindur që ky pozicion nuk na shkon aspak për shtat. Do të rritemi dhe do të jemi shumë më lart, pasi cilësitë në ekip nuk na mungojnë. Janë vetëm javët e para dhe me kalimin e ndeshjeve situata do të qartësohet akoma edhe më shumë dhe Skënderbeu nuk do të jetë atje ku është tani”, deklaroi Leonat Vitija.

Për të rejat më të fundit behuni pjesë e grupit tonë në facebook : City News Albania

Komentoni

Adresa juaj email nuk do të bëhet publike. Fushat e domosdoshme shënohen *

La Liga

Falcao vetëm e “pickon”, Reali likuidon Vallecanon dhe rimerr kreun

Publikuar

-

Nga

Real Madrid rikthehet në vendin e parë në LaLiga, pasi mposhti me rezultatin 2-1 skuadrën e Rayo Vallecano. Madrilenët e zgjidhën ndeshjen shumë shpejt.

Toni Kroos e zhbllokoi takimin, ndërsa më pas Benzema realizoi edhe golin e dytë dhe 45 minutat e para u mbyllën 2-0. Sulmuesi francez dhe Vinicius Junior iu afruan disa herë golit të tretë.

Nga ana tjetër edhe Rayo Vallecano, që kishte titullar mbrojtësin e Shqipërisë Ivan Balliu, pati shanset e veta, sidomos në pjesën e dytë.

Me anë të Radamel Falcao edhe shënuan golin që e hapi takimin, por Real Madrid e ruajti epërsinë dhe mori tre pikët dhe shpreson të ndalet Sevilla, që të mos e ndajnë kreun e klasifikimit së bashku në mbyllje të kësaj jave në Laliga.



NDESHJA TJETËR – Alaves lë në “baltë” Levanten, që është zhytur keq në vendin e fundit me vetëm 6 pikë të grumbulluara deri më tani.

Vendasit fituan me rezultatin e ngushtë 2-1, edhe pse Levante shënoi e para me sulmuesin Jorge de Frutos. Joselu ishte heroi i Alaves, pasi barazoi me penallti dhe më pas shënoi në shtesë golin e fitores.

LALIGA – JAVA 13
Alaves-Levante 2-1
Shënues:
 Joselu (pen.) 77’, 91’ / de Frutos 13’

Real Madrid-Rayo Vallecano 2-1
Shënues:
 Kroos 14’, Benzema 38’ / Falcao 77’

LEXO TE PLOTE

Sport

VIDEO/ “Poker” bardheblu, Tirana “merr hak” dhe shkërmoq Dinamon në derbi

Publikuar

-

Nga

Tirana konfirmohet si pretendentja kryesore për titullin kampion, pasi bën të sajën derbin ndaj Dinamos dhe thellon distancën nga ndjekësit në renditjen e kampionatit. Bardheblutë hedhin pas krahëve humbjen në Kupën e Shqipërisë, sërish ndaj Dinamos dhe ofrojnë hakmarrjen më të mirë, duke fituar pastër 4-0 dhe duke nisur shkëputjen.

Në një atmosferë mjaft të mirë në “Air Albania”, bardheblutë bënë ndeshjen e tyre karakteristike, duke u mbrojtur me kujdes dhe kundërsulmuar shpejt, teksa pikërisht nga një rast i tillë, gjetën avantazhin në minutën e 45-të.

Edhe pjesa e dytë pati të njëjtin ritëm, me të besuarit e Shehit, që kapën në dy kundërsulme mbrojtjen dinamovite dhe shënuan dy herë të tjera me Xhixhën, duke vulosur fitoren që i ngjit në kuotën e 20 pikëve, 6 më tepër se Kukësi i vendit të dytë.

FT: Tirana-Dinamo 4-0

Seferi 45′, Xhixha 56′, 62′, Hoti 82′

82′ GOOOL Tirana 4-0/ Super aksion i Tiranës, Hoti plotëson pokerin duke shënuar dhe golin e katërt. Festë e bardhebluve.

bardhebluve.

 



61′ GOOOL Tirana 3-0/ Xhixha shkëputet bukur mes mbrojtësve duke dalë para portierit Bakaj, për ta mposhtur. Pas 3 minutave konsultim me VAR, gjyqtari Kreshnik Cjapi e akordon si të rregullt golin e bardhebluve. 

56′ GOOOL Tirana 2-0/ Një tjetër aksion i mirë i bardhebluve, Xhixha përfiton nga një gabim i Sidibes për të çuar topin në rrjetë me një goditje mjaft të bukur me trinën e këmbës. Tirana kryeson me dy gola.

45′ GOOOL Tirana 1-0/ Zhbllokohet ndeshja, pas një aksioni personal të Seferit bardheblutë kalojnë në avantazh me një autogol të Sidibe

 

Formacionet zyrtare:
Tirana (4-3-3): Bekaj; Toshevski, Behiratce, Hoxhallari, Ismailgeci; Totre, Limaj, Najdovski; Gjumsi, Xhixha, Seferi

Dinamo (4-2-3-1): Bakaj; Siljanovski, Sidibe, Imami, Isaevski; Samake, Demiri; Skuka, Ibraimi, Mihana; Chinedu

LEXO TE PLOTE

Sport

Kapiteni Taipi me fanellë ndryshe nga të tjerët, Kukësi shpjegon arsyen

Publikuar

-

Nga

Kapiteni i verilindorëve, Gjelbërim Taipi ishte ai që tërhiqte më shumë vëmendjen në ndeshjen Skënderbeu-Kukësi dhe jo me paraqitjen në fushë, por për faktin se luante me një fanellë ku nuk ishte stampuar emri i tij mbi shpinë.

Ndryshe nga të gjithë futbollistët në fushë, kapiteni i Kukësit kishte vetëm numrin mbi shpinë, ndërsa në emisionin “Gol pas Goli”, trajneri Longo shmangu pyetjen, duke thënë se është çështje e magazinierit të klubit.



Klubi verilindor sqaron se para ndeshjes kishte pasur një problem me fanellën e Taipit dhe pa një tjetër rezervë, ishte detyruar të luante me atë pa mbiemrin mbi shpinë, por vetëm me numrin.

LEXO TE PLOTE