Connect with Us

Derbi i kryeqytetit, UEFA sjell të dërguar specialë për sigurinë në “Air Albania”

Sport

Derbi i kryeqytetit, UEFA sjell të dërguar specialë për sigurinë në “Air Albania”

Publikuar

-

Tirana-Partizani mund të vendosë finalen e Ligës së Konferencës ose mund të ndikojë për mirë apo për keq. Në sfidën e ditës së hënë do të jenë të pranishëm në “Air Albania” inspektorë të UEFA-s. Ata do të ndjekin nga afër ndeshjen dhe do të shohin masat e sigurisë në impiantin e ri si dhe sjelljen e tifozëve në stadium.

Nga ana e FSHF-së klubeve u është njoftuar se janë nën monitorim dhe tifozët duhet të sillen në mënyrë shembullore. Shkurt, derbi është një nga provat gjenerale për finalen e fundsezonit.

NGJARJA – Incidenti në ndeshjen mes Shqipërisë dhe Polonisë ka vënë në lëvizje organet e UEFA-s, të cilat do të dërgojnë një grup ekspertësh për të ndjekur me vëmendje çdo ndeshje që do të zhvillohet në “Air Albania”, duke qenë se aty është përcaktuar se do të luhet ndeshja finale e Ligës së Konferencës, që është një eveniment i rrallë për Shqipërinë, gjithashtu është edhe një reklamë e madhe për ne. Duke qenë se është aktivitet i UEFA-s, ajo do që aty të mos ndodhë asnjë lloj incidenti.

Ajo që ngjau ndaj Polonisë ka tërhequr vëmendjen e shtëpisë europiane të futbollit dhe tani rrezikojmë shumë sepse në rast se do të përsëriteshin të tilla skena në të ardhmen, pra deri në maj kur do të luhet edhe finalja, duke filluar që me ndeshjet tona derbi, por edhe ato të rëndësishme, ndoshta edhe me ndeshjet e ekipit tonë kombëtar, nuk është çudi që UEFA të ndryshojë stadiumin.

PANORAMASPORT.AL

Për të rejat më të fundit behuni pjesë e grupit tonë në facebook : City News Albania

Komentoni

Adresa juaj email nuk do të bëhet publike. Fushat e domosdoshme shënohen *

Kombëtare

Caktohet arbitri që do vendosë drejtësi në ndeshjen Angli-Shqipëri

Publikuar

-

Nga

Ndeshja Angli-Shqipëri, e cila do të zhvillohet të premten në orën 20:45, në stadiumin “Wembley” të Londrës do të arbitrohet nga një katërshe gjermane. Kjo sfidë e cila është e vlefshme për fushatën kualifikuese të Botërorit “KATAR 2022”, do të arbitrohet me kryesor Feliks Zuajer. 40-vjeçari gjerman i cili mban dhe stemën e FIFA-s ka vendosur drejtësi në disa duele ku së fundmi ka arbitruar në ndeshjen e Champions-it ku Interi luajti në transfertën e Tiraspolit ndaj Sherifit më 3 nëntor.

Asistent i parë i takimit të Shqipërisë dhe Anglisë do të jetë Marko Ashmyler, asistent i dytë do të jetë Jan Sidel dhe arbitër i katërt pritet të jetë Sven Jablonski. Në VAR do të jetë Bastian Dankert dhe në AVAR, Majk Pikel. Vlen të theksohet se zyrtar i FIFA-s, do të jetë ish-arbitri dhe ish-dizenjatori i polemikave të shumta në Serinë A, italiani Nikola Ricoli i cili do të jetë dhe si vëzhgues i ndeshjes. Ndërsa delegat i sfidës pritet të jetë rumuni Feliks Grigor.

ARBITËR – FELIKS ZUAJER (GJERMANI)

ASISTENT I PARË – MARKO ASHMYLER (GJERMANI)

ASISTENT I DYTË – JAN SIDEL (GJERMANI)



ARBITËR I KATËRT – SVEN JABLONSKI (GJERMANI)

VAR – BASTIAN DANKERT (GJERMANI)

AVAR – MAJK PIKEL (GJERMANI)

VËZHGUES I NDESHJES – NIKOLA RICOLI (ITALI)

DELEGATI I NDESHJES – FELIKS GRIGOR (RUMANI)

LEXO TE PLOTE

BundesLiga

Plas COVID-19 te Gjermania, Birhof: Situatë kaotike, duhet vaksinim masiv

Publikuar

-

Nga

Menaxheri i kombëtares gjermane, Oliver Birhof, foli për situatën e krijuar në DFB pas rastit të Niklas Zyles i cili rezultoi pozitiv me COVID vetëm dy ditë para ndeshjes ndaj Lihtenshteinit.

Si është situata?

Është ende e paqartë pasi jemi duke pritur për teste të tjera. Niklas është në karantinë dhe po ndiqet nga mjekët e skuadrës të cilët na kanë garantuar se gjendja e tij është e mirë dhe nuk kemi të bëjmë me simptoma të rënda. Sot (dje) kryem edhe testet e tjera të lojtarëve që po udhëtonin në një avion me lojtarin dhe të gjithë kanë rezultuar negativë. Gjithsesi, për të qenë të sigurt, lojtarët janë urdhëruar të udhëtojnë drejt shtëpive të tyre.

Si është gjendja e skuadrës?

Situata të tilla nuk janë të lehta për t’u përballuar nga lojtarët. Por, nuk pashë ndonjë individ i cili ishte në gjendje të rëndë psikologjike. E kuptoj që të gjithë duam të jemi të shëndetshëm dhe të vazhdojmë punën që kemi nisur. Atmosfera në skuadër është e mirë dhe të gjithë duan të luajnë në ndeshjen e radhës.



Do të hyjë në fuqi rregulli 2G?

Ka pasur diskutime për këtë gjë. Kemi vendosur që edhe pse i pavaksinuar, mund të jesh pjesë e kombëtares dhe mund të luash nëse nuk ke COVID. Megjithatë, kjo duhet parë me kujdes dhe tani të bëjmë hapin tjetër, për të vendosur që vaksinimi të bëhet me detyrim. Në festën e lamtumirës së Lëvit, të gjithë të pranishmit do të kryejnë testet.

Kush do ta zëvendësojë Zylen?

Kemi thirrur Xhonatan Tah, i cili ishte edhe në listën e parë. Kemi shumë lojtarë në dispozicion që duan të jenë në fushë dhe të tregojnë aftësitë e tyre. Sa i shqetësuar është trajneri Flik? Hansi është munduar të ruajë qetësinë dhe të qetësojë lojtarët. Jemi në një situatë kur gjëra të tilla janë normale. Pandemia është ende prezente pasi virusi është ende midis nesh, ndaj duhet të vazhdojmë të tregojmë kujdes dhe të mbrojmë njëritjetrin. Flik i ka komunikuar skuadrës se kush nuk është në gjendje për të luajtur, mund të largohet. Por, ka marrë një përgjigje negative, pasi lojtarët edhe pse të shqetësuar për situatën, duan të jenë pjesë e ekipit në dy ndeshjet e mbetura të kualifikueseve.

LEXO TE PLOTE

Kombëtare

Roshi dhe Cikalleshi: Jemi rritur si ekip, besojmë te surpriza në “Wembley”

Publikuar

-

Nga

Kombëtarja shqiptare po bëhet gati për të zhvilluar dy ndeshjet e fundit ndaj Anglisë dhe Andorrës. Fillimisht kuqezinjtë do të luajnë ndeshjen e parë në stadiumin e Uemblit ndaj anglezëve më 12 nëntor, ndërsa tre ditë më vonë, skuadra e Rejës do të luajë në Air Albania me Andorrën. Në prag të sfidës me Anglinë, kanë dalë ditën e sotme në një konferencë për mediat Sokol Cikalleshi dhe Odise Roshi, të cilët kanë folur në lidhje me këto dy sfida.

Fillimisht ishte sulmuesi Sokol Cikalleshi i cili iu përgjigj interesit të mediave, i cili u shpreh se ndihet në formë shumë të mirë dhe shpreson se do ta ndihmojë ekipin në fushë. Ai gjithashtu u shpreh se ekipi do të luajë i bashkuar për të arritur një rezultat pozitiv në Uembli, teksa komentoi edhe pozicionin e trajnerit Reja në krye të ekipit kuqezi.

Vend titullari në ndeshjen ndaj Anglisë? – Ndihem mirë, jam në formë. Kam shënuar në kampionat me ekipin. Nëse do të jem në fushën e lojës, uroj që forma e mirë që kam ta ndihmojë ekipin në një rezultat sa më pozitiv dhe të shikojmë në fushë nëse do të arrijmë të bëjmë atë çka ne mund të bëjmë të gjithë si grup duke luftuar dhe duke qenë të gjithë bashkë, edhe pse është ndeshje shumë e vështirë, por edhe e bukur për t’u luajtur. Jemi gati!

Dyshe perfekte me Uzunin? – Të them të drejtën, nuk mund të them dyshe perfekte pasi kohët e fundit në sulm kanë luajtur shumë lojtarë të tjerë. Nuk është dyshe stabile. Të shikojmë vendimin që do të marrë trajneri. Më vjen mirë që kam shënuar edhe unë edhe Uzuni. Jo vetëm kemi shënuar, por kemi luajtur të gjithë, unë Uzuni, Balaj, Roshi. Jemi të gjithë në formë dhe nuk besoj se do të jetë shumë e rëndësishme kush do të jetë në fushë, por më e rëndësishme është të nxjerrim më të mirën tonë. Uroj që të bëjmë diçka pozitive.

Reja? – Jam ndjerë shumë mirë me trajnerin Reja dhe kam shënuar. Edhe në aspektin e ekipit dhe duke parë edhe performancën e ekipit, vitet kur ka qenë Reja në krye, kemi kaluar nga epoka De Biasi me një futboll më shumë difensiv, tek epoka Reja ku topin e mbajmë më shumë ne. Kemi raste, luajmë futboll ofensiv. Për ekipe si Shqipëria kjo nuk është pak. Besoj që nuk jemi ende aty ku duhet dhe mungon pak rifinitura e fundit që ne mund të na çonte në Botëror, detajet e vogla pra. Do të uroja që trajneri Reja të vazhdonte në krye, pse jo dhe duke u mbështetur edhe tek eksperienca e tij, besoj do ta ndihmonte ekipin të arrinte edhe atë pak që i ka ngelur, për të bërë atë kapërcimin që ne duam të gjithë.

Peng në këto eliminatore? – Nëse  do të kthejmë sytë nga historia jonë, besoj se në aspektin e Botërorit, nuk kemi pasur ndonjëherë momente që një ndeshje mund të vendoste gjithçka, siç ishte ndeshja me Poloninë. Dhe jo vetëm unë, por të gjithë lojtarët, gjithashtu edhe stafi dhe Presidenti, të gjithë, jemi paksa të mërzitur, jo nga ndeshja, por nga situata që na ndodhi, me lojtarët e dëmtuar, gjithashtu edhe covidi, që ndikuan. Nuk do të them që nëse do të ishim ne, fitorja do të ishte e sigurt, por të paktën do të ishte një grup i plotë dhe mund të arrinim diçka më shumë sepse ishte një ndeshje që nëse do ta fitonim, sot do të flisnim ndryshe. Por ne nuk dorëzohemi, sepse unë më shumë jam realist dhe duhet ta pranojmë nivelin e Anglisë që edhe kur e kemi nisur këtë rrugëtim, e kemi thënë që Anglia është e para në grup dhe ne do të luftojmë me Hungarinë dhe Poloninë. Fatkeqësisht, na shkuan gjërat keq me Poloninë dhe kjo na ka mbetur peng. Por ky është futbolli dhe ne do të ecim përpara. Patjetër që unë do të doja që në këto eliminatore të lëmë një nga këto ekipe përpara dhe uroj që duke lënë Hungarinë mbrapa, kemi bërë një hap pozitiv përpara. Patjetër që nëse do të linim edhe Poloninë, atëherë do të ishte diçka që nuk e kemi bërë më parë. Uroj që të arrijmë diçka në Angli, po ashtu edhe Polonia të bëjë një hap fals me Hungarinë.

Shanset për të fituar me Anglinë? – Goli në Uembli, nëse nuk do të jepte rezultat, nuk besoj se do të ndryshonte shumë në aspektin personal timin. Duhet të dimë që nëse do të jemi të gjithë bashkë dhe të nxjerrim më të mirën tonë, atëherë mund të kemi ndonjë shans. Duhet të jemi realistë, diferenca e Anglisë është e nivelit botëror. Duke nxjerrë çka kemi ne dhe duke luftuar si në ndeshjen me Francën ku kemi barazuar, apo me Portugalinë, që ne kemi treguar se mund të arrijmë rezultat. Ka qenë shpirti i garës dhe harmonia e grupit që na ka bërë të arrijmë rezultatin. Dhe kjo është rruga e vetme besoj që ne mund të nxjerrim diçka në ndeshjen me Anglinë.



Raketa kuqezi, Odise Roshi u shpreh përpara gazetarëve se skuadra do të japë maksimumin në ndeshjen ndaj Anglisë në Uembli, teksa theksoi se shpreson që të zërë një vend titullari në formacionin ndaj anglezëve. Ai gjithashtu theksoi se ekipi kuqezi është rritur si dhe i vendosi edhe një notë Kombëtares për ndeshjet e këtij edicioni kualifikuesesh.

Ndeshja kundër Anglisë – Të gjithë e dimë që me Anglinë është një ndeshje shumë e vështirë. Të gjithë e dinim kualitetin që Anglia ka shfaqur dhe ka. Kurse puna e trajnerit, se si do të luajë në fushë, atë po e bëjmë në stërvitje. Ende nuk e ka vendosur me çfarë taktike do të luajmë. Po shpresojmë të bëjë atë që ka bërë gjithmonë dhe kur të futemi të japim më të mirën dhe tani, nëse themi do të fitojmë, këtë kemi thënë gjithmonë. Do të shkojmë në Uembli të luajmë dhe të japim maksimumin.

Mesfusha? – Mesfushën e kemi shumë të mirë. Jemi mirë dhe jemi rritur shumë si ekip.

Titullar ndaj Anglisë? – Trajneri nuk e ka vendosur ende se cilët do të jenë 11 lojtarët që do të zbresin në fushë. Është kënaqësi shumë e madhe të luash kundër një kualiteti shumë të madh siç është Anglia, por shpresoj që të luaj në formacion.

Çfarë note do t’i vija Kombëtares? – Nota 10 është më e mira, por besoj se notën 8.

Vendi në formacion – Çdo lojtar që vjen në Kombëtare do të japë maksimumin dhe do të luajë në formacion, por gjithmonë e kam thënë, çdo herë që futem, që nga minuta e parë te minuta e fundit, apo edhe pesë minutat e fundit, unë gjithmonë jap më të mirën.

A besoj te kualifikimi? – Mrekullitë kanë ndodhur dhe prandaj janë të bukura. Shpresoj që të ndodhë kjo gjë. Kështu kemi shkuar edhe në Portugali në 2014 dhe e kemi fituar ndeshjet. Tani lojtarët janë në formë, si Cikalleshi që ka qenë edhe lojtari i javës në formacion në Turqi. Ashtu ka edhe lojtarë të tjerë, si Bare, Kumbulla, Ismajli, që luajnë në nivele shumë të mira. Shpresojmë.

LEXO TE PLOTE