Connect with Us

Nga Gëzim Xhepa/ Jo vaksinim i detyruar, por vaksinim i kontrolluar

Shëndeti

Nga Gëzim Xhepa/ Jo vaksinim i detyruar, por vaksinim i kontrolluar

Publikuar

-

cna lajme shendeti

Të nderuar kolegë, jam i detyruar tu dal në krah studentëve, përpara një agresioni global antimjekësor në shkelje totale të parimeve bazë të vaksinimit për imunitetin e përkohshëm. Tashmë politika botërore ka kapërcyer caqet dhe e ka transformuar mjekësinë në marionetë të rendit të ri global. Ashtu si për sëmundjen dhe për vaksinimin, në mënyrë të qëllimshme po anashkalohet mjeku i familjes, i cili është i vetmi që mund të vlerësojë kush duhet të bëjë vaksinë dhe kur duhet të bëjë vaksinë. Në vaksinimin e detyruar po shkelen si parime mjekësore:

  1. Nuk ka vlerësim paraprak të situatës imunitare të organizmit, prezencës ose jo të antitrupave, dhe nuk ka asnjë studim për nivelit të prezencës së tyre që imponon, apo ndalon aplikimin e vaksinës. Aq me teper marionetat politike pseudomjekesore ne nonsens logjik dhe moral pretendojne se imunizimi natyror nga vete virusi, eshte deficitar ne raport me imunizimin post vax.
  2. Nuk ka arsyetim përse duhet të aplikohet një vaksinë me imunizim të përkohshëm, në grupe që nuk janë të riskuar nga sëmundshmëria. Dikur thuhej se aplikimi i vaksinës duhej të bëhej në këto mosha se ndërpriste zinxhirin e transmetimit, që tashmë kjo teori nuk ekziston pasi si të vaksinuarit dhe të pavaksinuarit janë njëlloj shpërndarës të infeksionit.
  3. Nuk ka sens mjekësor logjik imponimi i aplikimit të testit, në studentë që nuk pranojnë vaksinimin. Përveçse një levë dhunimi ekonomik për të imponuar aplikimin e detyruar të vaksinës, ky test nuk ka asnjë vlerë për pranimin e studentëve në auditor, se të dy grupet të vaksinuar, apo të vaksinuar janë njëlloj mbartës dhe transmetues, dhe në këtë transmetim nuk riskohen studentët e vaksinuar, por të pavaksinuarit. Pra është non sens mos pranimi i studenteve të pa vaksinuar pa test në auditor.
  4. Problemi tjetër që kam ngritur prej kohësh është stimulimi monoklonal në vaksinime të përsëritura, që imponon imunizimi i përkohshëm, çfarë pasojash sjell në organizëm. Tashmë shihen se niveli anticorpal, pas vaksinimeve po kap 100 fishin e normës së imunizimit. Të nderuar kolegë provaks dhe që e njihni imunologjinë më mirë se mua si kirurg, kush ju ka garantuar që nuk ka konfigurim të ngjashëm proteinik në indet e organizmit, me pasojë reaksione agresive autoimunitare, me pasoja serioze në organizmat e reja të cilëve po u këshilloni aplikimin e vaksinës, pa asnjë përfitim personal për shëndetin e tyre.
  5. Kush nga ju të nderuar kolegë, përjashton mundësin e problematikave serioze në popullatat limfocitare të stimuluar prej antikorpeve monoklonalë. A ekziston risku i limfoblastomave.
  6. Së fundi, në skemat terapeutike të këtij virusi janë imporkoruar si këtu ashtu edhe në botë kortizonikë, që dëshmon edhe për potencën autoimune të kësaj sëmundjeje, gjë që mbështetet dhe nga piku i saj javën e dytë, dhe jo javën e parë si në infeksionet virale me virulencë të lartë. Një pyetje naive për pseudoekspertët marionetë: A po riskoni duke nxitur me anë të vaksinave të përsëritura, sidomos me stimulim monoklonal, agresivizimin e reaksioneve autoimune?

TË NDERUAR KOLEGË DHE EKSPERTË LEJOJINI STUDENTËT NË VULLNETIN E TYRE TË LIRË TE VENDOSIN, OSE JO NË APLIKIMIN E VAKSINËS…, mos të krijojmë premisat e Sindromit të Talidomidit që për 30 vite u konsiderua si preparat i zgjedhur i ndërprerjes së të vjellave të shtatzënisë, dhe vetëm pas 30 vitesh u vërtetua lidhja ndërmjet bebeve monstra pa gjymtyrë të prodhuara prej tij dhe vetë preparatit të konsideruar si preparat i shekullit./CNA.al

Për të rejat më të fundit behuni pjesë e grupit tonë në facebook : City News Albania

Komentoni

Adresa juaj email nuk do të bëhet publike. Fushat e domosdoshme shënohen *

Shëndeti

OBSH me fokusin në programin shqiptar të vaksinimit kundër gripit

Publikuar

-

Nga

cna news, cna lajme, lajme cna, lajme flash cna, cna.al, cna lajme politike, cna kronike, cna lajme bote, cna show

Këtë dimër krahas pandemisë mund të përballemi me një tjetër virus, gripin.

Një sezon i rënduar i gripit në mes të pandemisë mund të shtojë presionin në sistemet shëndetësore.

Vaksinimi mbetet masa më efektive për të parandaluar pasojat e rënda të gripit.OBSH nisi fushatën e saj të ndërgjegjësimit, për të shtuar të vaksinuarit midis grupeve të njerëzve që janë në rrezik më të madh.

Këtë vit, OBSH po fokusohet në programin e vaksinimit të gripit në Shqipëri, dhe në veçanti, vaksinimin e punonjësve të kujdesit shëndetësor.

Fushata e vaksinimit të gripit në Shqipëri filloi më 23 tetor, në Qendrën Shëndetësore Nr. 10 në Tiranë ku janë vaksinuar edhe të moshuarit



Me rifillimin e udhëtimeve ndërkombëtare ka më tepër potencial që virusi i gripit të përhapet më shumë sesa vitin e kaluar.

LEXO EDHE:  AstraZeneca nxjerr informacione të reja për efektivitetin e vaksinës

LEXO EDHE:  Sot dita e dytë e vaksinimit masiv +18 vjeç/ Manastirliu apel qytetarëve

Është shumë e rëndësishme që punonjësit e shëndetësisë të vaksinohen, sepse nëse ata janë të infektuar, mund të infektojnë pacientët që janë njerëz shumë të cenueshëm. Pra, është shumë e rëndësishme që ne mbrojmë punonjësit shëndetësorë. Mjetet për të mbrojtur veten janë masat si mbajtja e maskave, mbajtja e distancës, shmangia e tubimeve masive. Ne kemi një vaksinë efektive në dispozicion si kundër COVID-19 ashtu edhe kundër gripit,” – deklaroi Gerald Rockenschaub, përfaqësues i OBSH në Shqipëri.

Të dy viruset, si gripi dhe COVID-19 lulëzojnë në hapësira të mbyllura dhe të mbushura me njerëz, prandaj mos harroni të ajrosni dhomat.

Larja e duarve rregullisht është gjithmonë praktikë e mirë higjienike dhe duhet bërë për të kufizuar transmetimin e të dyja sëmundjeve./euronews

LEXO TE PLOTE

Shëndeti

Vaksinimi i fëmijëve/ Eksperti i shëndetit publik mesazh qytetarëve

Publikuar

-

Nga

cna lajme blog

Eksperti i shëndetit publik, Erion Dasho është shprehur pro vaksinimit të fëmijëve nga 12-18 vjeç.

Në një postim në rrjetet sociale, ai i drejton një mesazh qytetarëve, ndërsa thekson se vaksinimi është e vetmja mënyrë për të vendosur nën kontroll epideminë dhe për të minimizuar pasojat e COVID-it në shëndetin dhe jetët e shqiptarëve.

Të mësojmë nga arritjet dhe gabimet e vendeve të tjera dhe të nxitim vaksinimin e të gjithë grup-moshave, përfshi fëmijët 12 deri 18 vjeç.

Me njohuritë që kemi deri tani, është e vetmja mënyrë për të vendosur nën kontroll epideminë dhe për të minimizuar pasojat e COVID-it në shëndetin dhe jetët e shqiptarëve.



LEXO EDHE:  Bilanci nga Covid-19/ Mbi 100 të infektuar në 24 orë

LEXO EDHE:  Shqiptarët kthehen në punë të stresuar/ Profesionet që po vuajnë më shumë pasojat e Covid-19

Çdo jetë është e çmuar dhe duhet mbrojtur! Përfitimet nga vaksinat e sigurta, Pfizer, Moderna, Johnson & Johnson dhe Astra Zeneca i tejkalojnë rreziqet e administrimit të vaksinës në të gjithë personat me moshën mbi 12 vjeç!

Sa më parë të vaksinohen, aq më të mbrojtur do të jenë shqiptarët!

Sigurisht, vaksinimi duhet bërë vetëm mbi baza vullnetare, jashtë çdo detyrimi dhe duke u njohur alternativa të përballueshme ekonomikisht atyre që nuk dëshirojnë të vaksinohen.

Personat e shëruar janë të mbrojtur disa muaj pas shërimit, por edhe ata, nëse dëshirojnë të ndihen më të sigurt, përfitojnë ndjeshëm nga vaksinimi.”-shkruan Erion Dasho./CNA.al

LEXO TE PLOTE

Shëndeti

“Vendi larg imunitetit të tufës”/ Alimehmeti: Delta ka prishur shifrat e studimit

Publikuar

-

Nga

“Vendi ynë është shumë larg imunitetit të tufës nga koronavirusi”. Kështu deklaroi mjeku I njohur epidemiolog, Ilir Alimehmeti, sonte në “Real Story”.

Alimehmeti tha se varianti Delta ka prishur shifrat e studimit të mëparshëm, pasi ka transmetueshmëri të lartë.



“Imuniteti i tufës është larg. Do marrim parasysh këtu se kush është dhe ku. Në korrik ka qenë për Tiranën, për një moshë të caktuar. Delta ka një transmetueshmëri të lartë, e prish atë shifër.

Kërkon 85% minimumi. Është kalkulim i vështirë për t’u bërë. Na mungon studimi. Ky është i vetmi që kemi. Si bazohemi tani asaj, pasi kemi sot vaksinë. Të kesh shifra të ulta vaksinimi këtu ka diçka që nuk shkon. S’kemi vështirësi te studentët, por një pjesë e asaj grupmoshe janë këta të rinj.
Kemi më pak se 70-80 % të të moshuarve të vaksinuar. Ata që nuk e kanë bërë vaksinën në moshë të madhe, janë ata më rezistentët. Ky është studim që kemi bërë në Shqipëri. Ata që nuk vaksinohen, janë bërthamë e fortë, rriten me moshën.”, pohoi Alimehmeti./CNA.al

LEXO TE PLOTE