Connect with Us

Komiteti i ekspertëve bëri gafën e radhës/ Erion Dasho në krah të studentëve

Shëndeti

Komiteti i ekspertëve bëri gafën e radhës/ Erion Dasho në krah të studentëve

Publikuar

-

“cna lajme shendet

Eksperti i Shëndetit Publik, Erion Dasho, ka dalë kundër vaksinimit me detyrim të studentëve.

Sipas Dashos, komiteti i të ashtuquajturve “ekspertë” ra në gafën e radhës.

Dje mbi gjysma e studentëve u tentua të lihej jashtë auditorëve. Një ligj i mbrapshtë kërkon që studenti të paraqesë certifikatën e gjelbër lidhur me COVID-in, ku si alternativë e vetme ndaj vaksinimit dhe shërimit jepet testi i përjavshëm PCR.

Sërish komiteti i të ashtuquajturve “ekspertë” bie në gafën e radhës. Testi PCR ka botërisht një vlerë 72 orëshe ose tre ditore, ndërkohë që java ka 5 ditë. Një student që duhet të paraqesë testin të hënën, duhet të testohet të shtunën ose të dielën dhe, rrjedhimisht, vlera e testit skadon të hënën ose të martën.

Duke prodhuar urdhërin e fundit të çuditshëm dhe kontradiktor, ministria e të paaftëve dhe komiteti i amatorëve thjesht kanë krijuar një situatë ku edhe vetë studentët që besojnë tek vaksinimi janë duke kundërshtuar procesin e vaksinimit të detyrueshëm.”, shkruan  Dashon në rrjete sociale.

Më tej ai shtron pyetjes se a ka vlerë vaksinimi i studentëve?

Dhe sipas tij, sigurisht që po, por këtë vlerë e materializojnë vende si Gjermania, Italia, Franca, etj.

Vende ku studenti gjatë udhëtimit për në shkollë nuk ngjeshet në autobuzët skandalozë të Tiranës, ku rreziku për t’u infektuar është shumë më i lartë se në auditor.

Vende ku studentit i kërkohet green pass jo vetëm për të hyrë në auditor, por edhe për të hyrë në bar, restorant, palestër, pishinë, teatër, etj.

Vende ku studenti nuk ka parë vaksinat që vinin me çantë sepse kryeministrit i duhej shoë i radhës.

Vende ku origjina e vaksinave është e sigurt dhe ato certifikohen nga autoritete të besueshme si EMA, FDA, etj.

Vende ku fushata e vaksinimit nuk hapet për fushatë elektorale duke ja bërë të qartë publikut se qeverisë i intereson ashiqare vota dhe jo jeta e qytetarëve.

Vende ku njerëzit nuk u lanë të vdisnin në shtëpi, duke u mashtruar me numrin e të sëmurëve dhe të vdekurve.

Me një fjalë, vaksinimin mund ta sanksionojnë vende serioze dhe jo republika bananesh sikundër e ka katandisur Shqipërinë Borati dhe puthadorët e vet.

Për të gjithë arsyet e sipërpërmendura, qeveria e demagogëve, ministria e të paaftëve dhe komiteti i amatorëve i kanë humbur studentët. Studentët nuk besojnë më dhe do të ndjekin çdo rrugë për të mos ju bindur urdhërave qesharakë dhe lehtësisht të kundërshtueshëm.

Në këto kushte, beteja me studentët është e humbur. Shumë shpejt burokratët e paaftë do të tërhiqen dhe studentët do t’u kthehen auditorëve sigurisht pa u detyruar të vaksinohen”, shkruan më tej Dasho..

LEXO EDHE:  Gazetari zbulon të vërtetën e hidhur/ Zgjohuni shqiptarë

Cila duhet të jetë zgjidhja?”, është pyetja që shtrohet më tej prej tij.

“Zgjidhja është fare e thjeshtë. Alternativa ndaj certifikatës së vaksinimit duhet të jetë një metodë e cila të japë garanci të njëjtë se personi është i sigurt në raport me COVID-in, të jetë teknikisht e lehtë për t’u realizuar dhe të jetë e përballueshme financiarisht.

Testi PCR një herë në javë nuk plotëson asnjë prej këtyre kushteve. Ai ofron garanci vetëm të hënën dhe të martën, realizohet vetëm në laboratorë të specializuar dhe kushton minimumi 30 euro për test, e përkthyer kjo në një kosto mujore prej 120 euro.

Nga ana tjetër, një test komercial antigjeni me vetë-aplikim është një alternativë po aq e besueshme sa edhe vaksina. Duke qenë se ky test e ka vlerën 48 orë, ai duhet kryer tre herë në javë (të hënën, të mërkurën dhe të premten para hyrjes në auditor).

Sot në Europë një test i tillë kushton 50 cent. Bazuar mbi këtë çmim, kosto e testimit të një studenti do të ishte 6 euro në muaj dhe testimi bëhet në auditor 5 minuta para nisjes së orës së parë të mësimit. Kjo praktikë ndiqet sot në shumë shkolla europiane.

Të paaftët e komitetit të buratinëve politikë dhe të ministrisë nuk kanë nevojë të rishpikin rrotën. Mjafton të marrin përvojat e mira të botës dhe t’i aplikojnë. [Në fakt, nëse do ta kishin bërë këtë gjatë gjithë pandemisë, Shqipëria nuk do të ishte nga vendet me numrin më të lartë të vdekjeve në botë.

Në vend që të armiqësohen me studentët dhe të krijojnë në popullatë një frymë tensioni dhe mosbesimi të mëtejshëm lidhur me vaksinimin, ata i kanë të gjithë mundësitë të bëjnë pikërisht të kundërtën.

Veçse kjo kërkon që, për herë të parë gjatë pandemisë, ata të marrin një vendim jashtë dirigjimit dhe urdhërave të padronëve politikë, ashtu si për fat të keq kanë bërë nga dita e parë e pandemisë deri më sot.

A do të jenë të aftë vallë?”, përfundon Dasho, reagimin e tij./CNA.al

Për të rejat më të fundit behuni pjesë e grupit tonë në facebook : City News Albania

Komentoni

Adresa juaj email nuk do të bëhet publike. Fushat e domosdoshme shënohen *

Shëndeti

Situata nga Covid/ Ulet numri i viktimave, 563 qytetarë dalin pozitiv

Publikuar

-

Nga

cna lajme shendet

Ministria e Shëndetësisë bën me dije se janë kryer 3150 testime, nga të cilat kanë dalë pozitiv 563 qytetarë të infektuar dhe 2 humbje jete dhe 494 të shëruar në 24 orët e fundit

Ministria e Shëndetësisë i bën apel qytetarëve të vaksinohen sa më parë, për të mbrojtur veten dhe shëndetin e të tjerëve.

Çdo qytetar mbi 16 vjeç, mund të vaksinohet në qendrën shëndetësore ose në pikën më të afërt të vaksinimit të përqëndruar. Vaksinat antiCOVID reduktojnë mundësinë e infektimit dhe shmangin në shkallë të lartë hospitalizimet dhe fatalitetet.

Vaksinimi është i hapur edhe për fëmijët +12 vjeç me probleme të sistemit imunitar, me rekomandim nga mjeku. Gjithashtu ka nisur vaksinimi me dozën e tretë, sipas rekomandimit të mjekut të familjes.

Nëse dyshoni se jeni i prekur nga COVID19 apo keni shenja të sëmundjes, izolohuni menjëherë dhe kontaktoni me mjekun tuaj të familjes për t’u testuar ose telefononi Urgjencën Kombëtare në numrin unik 127.

Ju informojmë për situatën në 24 orët e fundit, si vijon:



Janë kryer 3150 testime, nga të cilat kanë rezultuar pozitivë me COVID19, 563 qytetarë, në këto bashki:

LEXO EDHE:  Gazetari zbulon të vërtetën e hidhur/ Zgjohuni shqiptarë

LEXO EDHE:  Akuza e rëndë/ Edi Rama po gënjen studentët

221 në Tiranë, 34 në Fier, 28 në Durrës, 26 në Berat, nga 23 qytetarë në Kamëz, Sarandë, nga 18 qytetarë në Vlorë, Gjirokastër, 16 në Shkodër, 13 në Elbasan, 12 në Lushnje, nga 11 qytetarë në Krujë, Korçë, 9 në Lezhë, nga 6 qytetarë në Kurbin, Vorë, Divjakë, nga 5 qytetarë në Gramsh, Kolonjë, Tepelenë, Këlcyrë, Mallakastër, Kavajë, nga 4 qytetarë në Pogradec, Patos, nga 3 qytetarë në Tropojë, Mirditë, Shijak, Himarë, Konispol, Devoll, Skrapar, Librazhd, nga 2 qytetarë në Maliq, Memaliaj, Libohovë, Delvinë, Roskovec, Dibër, nga 1 qytetar në Malësi e Madhe, Pukë, Kukës, Selenicë, Dropull, Poliçan, Cerrik, Peqin.

Janë 7,894 pacientë aktivë me COVID19 në të gjithë vendin.

Aktualisht në spitalet COVID po marrin trajtim 175 pacientë, nga të cilët 16 janë në gjendje më të rënduar. Me gjithë përpjekjet e mjekëve, në 24 orët e fundit ka 2 humbje jete me Sars-Cov2 pozitiv: dy qytetarë nga Tirana të moshave 65-89 vjeç.

Ministria e Shëndetësisë dhe Mbrojtjes Sociale u shpreh ngushëllimet familjarëve.

Janë shëruar 494 qytetarë gjatë 24 orëve të fundit, duke e çuar numrin e të shëruarve në 177,713 që nga fillimi i epidemisë./CNA.al

LEXO TE PLOTE

Shëndeti

Pilula Anticovid/ Alimehmeti: Nuk do e zëvendësojnë vaksinën

Publikuar

-

Nga

Afati i dozës së dytë të vaksinës/ Alimehmeti: S’ka problem nëse vonohet pak ditë

Britania e Madhe ka hedhur në treg së fundmi pilulat anticovid dhe pritet që të shpërndahen në të gjithë botën.

Mjeku epidemiolog Ilir Alimehmeti ka folur në lidhje me këto pilula të reja antivirale duke treguar se ato mund të mbrojnë individin deri në 52 %.

MRA-ja që është edhe agjensia rregulluese ne Britani të Madhe  ka miratuar një mjekim, pilulë anti covid  që merret nga goja e cila rezulton të jetë efektive 52 % kundër shtrimit në spital dhe humbjes së jetës nëse merret në ditët e para të simptomave apo sëmundjes. Por tek personat që të paktën kanë një faktor risku nga sëmundje të rënda”, është shprehur Alimehmeti.

LEXO EDHE:  Sa kushton testi i shpejtë për COVID?/ Erion Dasho sjell faktet, ja si po “rripen” shqiptarët

LEXO EDHE:  Video-Tensione te Juridiku/ Policia futet me forcë në sallën e studentëve



Më tej ai është shprehur se këto pilula nuk do  mund të zëvendësojnë  vaksinat.

Nga pikëpamja kosto-efikase vaksina është para. Por trajtimi duhet. Mos harrojmë që ka edhe një trajtim të ri nga “Pfizer” që ende nuk është miratuar”.

Për sa i përket efekteve negative epidemiologu është shprehur: “Kemi njerëz që vaksina nuk ka rritur të funksionojë për faktorë të ndryshëm. Nuk ka asnjë lloj formule që ka 0 efekte negative”./CNA.al

LEXO TE PLOTE

Shëndeti

Manastirliu inspekton investimet në Maternitetin “Koço Gliozheni”

Publikuar

-

Nga

Ministrja e Shëndetësisë dhe Mbrojtjes Sociale Ogerta Manastirliu, ka inspektuar punën për transformimin e shërbimit të urgjencës, qendrës së gruas dhe sallave të operacionit në Maternitetin ‘Koço Gliozheni’, ku deklaroi se do rriten kapacitetet dhe cilësia e shërbimit për nënat dhe fëmijët.

“Është një investim në zemër të spitalit sepse i shërben jo vetëm strukturës së qendrës së pritjes për gratë, urgjencës, triazhimit, spitalit ditor i cili po rehabilitohet tërësisht, por gjithashtu janë sallat operatore, sallat e lindjes, të cilat tashmë me rehabilitimin dhe gjithë investimet që po bëhen në këtë spital, do të jenë sipas standardeve bashkëkohore. Jam e kënaqur që përpos investimeve në infrastrukturë, investimi është edhe në pajisje teknologjike, pra që do të rrisin akoma më shumë cilësinë e shërbimeve që ne ofrojmë për nënat dhe të porsalindurit”, deklaroi  Manastirliu.

Ministrja e Shëndetësisë theksoi se me buxhetin e 2022, investimet në sektorin e Shëndetësisë vijojnë me programin e nënave dhe fëmijëve, duke fuqizuar maternitetet dhe pediatritë në vend.

“Investimet me buxhetin 2022 do të vazhdojnë të prekin programin e nënave dhe fëmijëve, duke fuqizuar maternitetet, duke fuqizuar gjithashtu dhe pediatritë në të gjithë vendin. Ne do të finalizojmë këtë investim që kemi nisur në maternitetin “Koço Gliozheni” gjatë 3-mujorit të parë të vitit të ardhshëm. Ndërkohë që do të vijojmë investimin në maternitetin “Mbretëresha Geraldinë”. Do të finalizojmë investimin në maternitetin e Kukësit, pediatrinë e spitalit Elbasan dhe në spitalet e tjera rajonale, investime të cilat hapen me buxhetin e vitit 2022”, tha Manastirliu.

LEXO EDHE:  Studentët e Universitetit të Shkodrës i rikthehen protestës/ Kërkesat për rektoratin

LEXO EDHE:  Studentët e Universitetit të Shkodrës i rikthehen protestës/ Kërkesat për rektoratin



Duke bërë me dije se nëpërmjet 3 fazave të investimeve do të ndërhyet në pika nevralgjike, drejtori i Maternitetit “Koço Gliozheni”, dr. Genci Hyska, shprehet se faza e parë e punimeve të këtij investimi pritet të përfundojë brenda këtij viti.

“Kjo është faza e parë e cila do të bëjë rikonstruksionin e tre pikave më nevralgjike, të cilat janë një shërbim i munguar i urgjencë-pranimit. Ndërsa faza e dytë do të jetë faza e neonatologjisë dhe e rikonstruksionit të ambienteve brenda pavioneve. Ndërsa faza e tretë ka të bëjë me veshjen e sistemit kapotë dhe integrimi i një sistemi të kursimit të eficencës së energjisë”, tha Hyska.

Qeveria shqiptare ka financuar rreth 1 milion dollarë në fazën e parë të investimit në Maternitetin “Koço Gliozheni” për rikonstruksionin e bllokut operator, bllokut të lindjes, qendrës së gruas, urgjencës dhe pajisjen e tyre me aparatura mjekësore të standardeve më të mira. Na fazën e dytë do të kryhet rikonstruksioni i shërbimit të neonatologjisë, ndërsa në fazën e tretë do të jetë  investimi në sistemin e veshjes dhe paneleve diellore, për të bërë edhe kursimin e energjisë, për të qenë edhe ne pjesë e aksinonit global për eficençën e energjisë.

LEXO TE PLOTE