Connect with Us

Egnatia surpriza e Superiores, Laçi prek fundin/ Shikoni si ndryshon renditja pas ndeshjeve të sotme

Sport

Egnatia surpriza e Superiores, Laçi prek fundin/ Shikoni si ndryshon renditja pas ndeshjeve të sotme

Publikuar

-

Kanë përfunduar dy sfidat e javës së pestë të Superiores ku Laçi u befasua nga Egnatia ndërsa Kastrioti dominoi Skënderbeun për fitoren e parë në kampionat.

Egnatia mund të cilësohet si surpriza e sezonit duke u ngjitur në vendin e dytë në renditje në kuotën e 8 pikëve. Rrogozhinasit kanë marrë dy fitore dhe dy barazime në pesë sfida duke treguar që nuk janë thjeshtë për shëtitje në Superiore.

Laçi vazhdon krizën e rezultateve duke u renditur në fund të tabelës në kuotën e 2 pikëve. Ndërkohë Kastrioti shkon në kuotën e katër pikëve në vendin e 7-të, duke lënë Skënderbeun poshtë me një pikë më pak.

 REZULTATET

SOT

Laçi-Egnatia 0-1

Kastrioti-Skënderbeu 2-0

NESËR

Partizani-Kukësi 16:45

Teuta-Tirana 19:45

TË HËNËN

Vllaznia-Dinamo 19:45

Për të rejat më të fundit behuni pjesë e grupit tonë në facebook : City News Albania

Komentoni

Adresa juaj email nuk do të bëhet publike. Fushat e domosdoshme shënohen *

Sport

E bujshme/ Një legjendë e futbollit mund të marrë drejtimin e Kosovës

Publikuar

-

Nga

Një legjendë e futbollit botëror për stolin e Kosovës. Pavarsisht barazimit ndaj Greqisë në transfertë në ndeshjen e fundit për eliminatoret e Kupës së Botës, slloveni Gilha që është trajner i përkohshëm me shumë gjasa nuk do të konfirmohet në stolin e dardanëve me drejtuesit e FFK që janë në kërkim të një emri të madh. Duke iu referuar një postimi të gazetarit sportive dhe komentatorit Andin Lokaj, në skenë për stolin e Kosovës ka dalë Marco Van Basten. Ish legjenda e Milanit dhe kombëtares holandeze që nga 2016-të nuk ulet në stolin e një skuadre kur ishte asistent i parë te Holanda, por emri i tij është vërtet sugjestionues për një përfaqësuese si Kosova.



Presidenti i FFK Agim Ademi së shpejti pritet të nisë bisedimet me Van Basten për të parë mundësitë e uljes së tij në stolin e dardanëve, edhe pse në krye të listës për të zëvendësuar Bernard Challandes është një emër i madh gjerman ish-trajneri i Bayern Munich Felix Magath. Van Basten i cili në karrierë ka fituar Topin e Artë, Champions League dhe kampionatin europian me Holandën, si trajner ka punuar me vetëm tre klube në Holandë Ajax, Hereenven dhe AZ Alkmaar ndërsa ka drejtuar edhe përfaqësuesen e tulipanëve nga viti 2004 deri në 2009-ën.

LEXO TE PLOTE

Sport

Çudia në kualifikueset e Afrikës, një shtrigan i jep vendin e parë Algjerisë

Publikuar

-

Nga

Algjeria ruajti vendin e parë në fazën e grupeve të kualifikueseve të në Konfederatën e Afrikës, pasi barazoi 2-2 me Burkina Fasson në stadiumin “Mustapha Tchaker”, të qytetit Blida (shënues: Mahrez 21’, Feghouli 68’/ Sanogo 37’, Dayo 84’), por më shumë se rezultati në këtë sfidë bëri bujë sjellja e të dyja skuadrave.

Gjatë seancës stërvitore para ndeshjes, lojtarët e Burkina Fassos u ndërruan në fushë dhe jo në dhomat e zhveshjes, por befasia erdhi më pas kur zyrtarët algjerianë njoftuan që kishin gjetur gurë të zinj magjikë në cepat e fushës së gjelbër.



Përfaqësuesja e Algjerisë, për të hequr magjinë, kishte marrë një shtrigan, ndryshe do ta kishte të pamundur të zbriste në fushë. E duket se i ka vlejtur, sepse algjerianët shmangën humbjen dhe siguruar vendin e parë.

LEXO TE PLOTE

Sport

Rikthehet futbolli shqiptar, njihuni me 7 ndeshjet e sotme në Kupë

Publikuar

-

Nga

Futbolli shqiptar do të rikthehet të luhet ditën e sotme pas pauzës së Kombëtareve. Në program për sot janë ndeshjet e kthimit të turit të dytë të Kupës së Shqipërisë.

Me përjashtim të sfidës Tirana-Dinamo, të gjitha takimet e tjera janë planifikuar për ditën e sotme në orën 13:30. Skuadrat e Superligës si Teuta, Partizani, Vllaznia, Laçi kanë fituar ndeshjet e tyre dhe sfidat e kthimit janë një formalitet edhe pse nuk përjashtohen surprizat.

Takimi më interesant do të jetë në Vlorë me Kukësi që përballet me Egnatia pasi ndeshja e parë është mbyllur me fitoren 3-1 për Egnatin. Gjithashtu edhe në Korçë, Skënderbeu vendas do të tentojë kualifikimin pas barazimit 1-1 ndaj Bylisit në Ballsh ndeshjen e kaluar.

Grupi A:

Partizani-Besëlidhja (1-0)

Skënderbeu-Bylis (1-1)



Teuta-Korabi (1-0)

Grupi B:

Kastrioti-Flamurtari (0-0)

Laçi-Tomori (1-0)

Kukësi-Egnatia (1-3)

Vllaznia-Pogradeci (2-0)

LEXO TE PLOTE