Connect with Us

Vaksinë megjithë rrezikun e inflamacionit të muskulit të zemrës?

Shëndeti

Vaksinë megjithë rrezikun e inflamacionit të muskulit të zemrës?

Publikuar

-

cna news, cna lajme, lajme cna, lajme flash cna, cna.al, cna lajme politike,

Edhe pse vaksina e Modernas në vendet skandinave nuk do t’u jepet për momentin të rinjve, ekspertët rekomandojnë edhe më tej vaksinimin, kjo për shkak të rrezikut të Long-Covid, pasojave pas infektimit me virusin.

Lajme të tilla e rrisin pasigurinë tek fëmijët dhe prindërit: Pas Suedisë e Danimarkës tani edhe Finlanda i kufizon vaksinat kundër Coronës të koncernit amerikan, Moderna. Në Suedi kufizimi vlen për nën 30 vjeçarët, në Danimarkë për personat nën 18 vjeç, kurse në Finlandë si rregull për meshkujt nën 30 vjeç. “Lidhja është veçanërisht e dukshme, sidomos tek vaksina Spikevax e Modernas, veçanërisht pas dozës së dytë”, thuhet në deklaratën e autoriteteve shëndetësore suedeze.

Thjesht masa kujdesi paraprak

Megjithatë autoritetet përkatëse theksojnë, se bëhet fjalë për një masë kujdesi paraprak, sepse rreziku i inflamacionit të muskulit të zemrës, miokardit dhe perikardit është shumë i vogël. Në vend të kësaj kjo grupmoshë e prekur është më mirë të vaksinohet mevaksinën BioNTech/Pfizer, rekomandojnë autoritetet suedeze. Kjo është pak e habitshme, pasi si tek vaksina e BioNTech ashtu si tek ajo e Modernas bëhet fjalë për vaksinat e tipit mARN.

E ndërkohë konsiderohet e provuar në masë të gjerë, që ky efekt anësor i rrallë, pra inflamacioni i muskulit të zemrës, mund të shfaqet pas një vaksinimi me njërën nga vaksinat e mARN që përdoren kundër SARS-CoV-2. Një analizë e fundit e një sigurimi shëndetësor amerikan konfirmon, se pas dozës së dytë të vaksinës së tipit mARN të BioNTech dhe Modernas në raste të veçanta mund të shfaqet miokardi, inflamacioni i muskulit të zemrës, sidomos tek djemtë e rinj. Që në mesin e korrikut të dy koncernet, BioNTech dhe Moderna kishin informuar për një lidhje të mundshme me vaksinën të miokardit tek djemtë e rinj.

Symbolbild EKG

Këshilla: Megjithatë më mirë vaksinohuni

Shumë ekspertë të shëndetësisë megjithatë i këshillojnë të rinjtë nëse është e mundur të vaksinohen. Vaksina mbetet mbrojtja më e mirë, sipas tyre, sepse rreziku i inflamacionit të muskulit të zemrës është shumë herë më i vogël, se infektimi me Corona apo pasojat afatgjata të mundshme të sëmundjes, të njohura si long-Covid. “Miokardet pas vaksinës mes vaksinat mARN janë të provuara, por pasoja shumë të rralla, që shfaqen më shpesh tek djemtë, se tek vajzat (..) Zhvillimi akut i miokardit shpesh nën trajtim spitalor kalon lehtë; për pasoja afatgjata nuk ka dijeni deri tani”, shkroi Instituti Gjeman Robert Koch në “Buletinin Epidemiologjik” të 19 gushtit 2021.

LEXO EDHE:  “Humori dhe arti humbën një prej kolosëve”/ Meta reagon për ndarjen nga jeta të Koço Devoles

Fëmijët e të rinjtë vërtet në shumicën e rasteve kur infektohen me Corona e kalojnë lehtë sëmundjen, por mbetet rreziku i long-Covid, pra i një dëmtimi të vazhdueshëm tek këta të rinj në zhvillim, tregon një studim suedez mbi pasojat afatgjata tek fëmijët e të rinjtë në nëntor 2020. Këtu bëjnë pjesë sindroma e inflamacionit multisistemik e njohur si MIS-C, sindroma e inflamacionit PIMS dhe ajo e lodhjes kronike, ME/CFS.

Inflamacionet e muskulit të zemrës shpesh nuk diagnostikohen

Inflamacionet e muskulit të zemrës tek të rinjtë nuk shkaktohen vetëm nga vaksinat e mARN. Edhe pas vaksinës kundër viruseve Papillom, influencës, meningjitit, tifos, encefalitit japonez, antraksit, ose variolës mund të ketë në raste të rralla komplikacione të tilla, sipas një raporti të vitit 2018 të Autoritetit amerikan të Shëndetësisë, FDA.

Symbolbild I Impfung von Kindern im Krankenhaus

Por një miokard mund të shkaktohet edhe nga infektimi i rrugëve të frymëmarrjes, herpesit apo virusit inflenca. Por edhe infektimet bakteriale si borrelia, streptokokët apo legionelat mund të shkaktojnë miokardin. Shpesh ndodh që inflamacioni i muskulit të zemrës nuk dallohet, sepse simptomat e kollës, temperaturës, dhimbjet e kokës shpesh nuk lidhen me miokardin. Gjatë miokardit pacientët ndjejnë vështirësi në frymëmarje, kanë marrje mendsh, angështi në kraharor, zemra rreh fort apo ritmi i rrahjes së zemrës ndryshon. Nëse inflamacioni diagnostikohet në elektrokardiogram atëherë duhet që pacienti të mënjanojë strapacimet fizike. Më parë mjekët porosisnin për regjim shtrati, sot lejohen shëtitjet e vogla. Pacientët marrin dhe ilaçe që e lehtësojnë zemrën dhe stabilizojnë funksionin e pompimit të gjakut. Më pasj një kardiolog duhet ta kontrollojë zemrën në intervale 2-3 javore.

Deutschland Basketball- und Spielplatz in der Bonner Rheinaue

Pas një infeksioni nuk duhet bërë shpejt sport

Parimisht pas një infeksioni nuk duhet filluar herët me sportin. Ngarkesa trupore dhe aktivitete sportive të nivelit të lartë duhet të mënjanohen pas një infeksioni për një gjysmë viti. Miokardi është delikat edhe për një të rritur, kurse për të rinjtë e fëmijët është një rrezik edhe më i madh. Tejlodhja kur ata hidhen e lodrojnë, luajnë me pasion futboll apo kërcejnë mund të kalojë miokardin në komplikacione si probleme me frymëmarrjen, dobësim të zemrës, aritmi deri edhe në vdekjen e papritur.

E në këtë rast nuk ka rëndësi, nëse inflamacioni i muskulit të zemrës u shkaktua nga një infeksion “normal” apo një vaksinë e Coronës. Pra pas një infeksioni të rëndë rikthehuni me ngadalë në normalitetin e mëparshëm!/DW

Për të rejat më të fundit behuni pjesë e grupit tonë në facebook : City News Albania

Komentoni

Adresa juaj email nuk do të bëhet publike. Fushat e domosdoshme shënohen *

Shëndeti

16 mijë jetë të humbura nga Covid/ Dasho: Mund të ishte shmangur, qeveria vazhdon të mos marrë masa

Publikuar

-

Nga

Nga Erion Dasho/ Sa paguan shqiptarët për Covid-in dhe ku shkuan paratë?!

Dimri i këtij viti do të jetë i qetë krahasuar me atë të një viti më parë, sa i takon situatës së koronavirusit në vendin tonë, por qeveria duhet të marrë masa për vaksinimin. Kështu u shpreh në studion e ‘Debat’ me Alba Alishanin në A2, mjeku Erion Dasho, sipas të cilit Shqipëria vazhdon të mos marrë masa ndaj situatës epidemiologjike

“Shqipëria fatkeqësisht vazhdon të mos marrë masa. Ka muaj që kur u ndërpre karantina e muajve të parë. Dhe sot që flasim nuk ka zbatim të mbajtjes së maskës në publik nuk ka respektim të distancimit e pasaportës së gjelbër. Kjo është shqetësuese se kjo nuk ndodh në Europë. Dimri është më i lehtë se nëse e krahasojmë me Europën të dhënat janë më të stabilizuar se një vit më parë. Sot 50 vdekje në javë mund të ketë edhe më tepër se kaq, por nuk kanë të krahasuar më një vit më parë. Nëse i mëshojmë vaksinimit me një dozë të atyre që kanë kaluar vaksinimin me dy doza më parë dhe Covidin, Shqipëria do të jetë në pozita komode dhe do e kalojë dimrin në pozita komode në të kundërt do të kemi transmetim të Covid tek të pavaksinuarit dhe do të kemi qindra raste të infektuar në ditë. Një situatë më e qetë se e vitit të kaluar por me një fushatë vaksinimi intensive mund të shmanget”.

Për Dashon, 16 mijë jetë njerëzore të humbura nga koronavirusi në Shqipëri janë një shifër e jashtëzakonshme, që mund të ishin shmangur, nëse do të kishte fushatë informuese dhe sot vendi mund të ishte në pozita të njëjta me Izraelin, thotë ai.

“Vaksina që është përdorur ka qenë kineze dhe nuk kemi të dhëna të besueshme për mbrojtjen që ofron por në Shqipëri kemi mbi 70% të popullatës që është imunizuar nga varianti Alfa dhe ai bazë. Dimrin e kaluar u pagua me çmim jetësh njerëzore të jashtëzakonshme. Rreth 16 mijë shqiptarë kanë humbur jetën nga Covid dhe nuk është fitore. Imuniteti ndaj varianti Alfa mbron edhe nga variantet e tjera. Nëse do kishte fushatë informuese e vaksinimi që do të bindte qytetarët Shqipëria do të ishte në situatë komode dhe këto raste nuk do t’i kishim sot. Do të ishim në situatën e Izraelit”.



LEXO EDHE:  “Humori dhe arti humbën një prej kolosëve”/ Meta reagon për ndarjen nga jeta të Koço Devoles

LEXO EDHE:  Covid-19/ Rreth 39 milionë njerëz të prekur nga koronavirusi në të gjithë botën

Masat që ai sugjeron janë mbajtja e maskës në ambiente të mbyllura respektimin e distancimit fizik, kufizimin e grumbullimeve dhe aplikimin e pasaportës së gjelbër, ndërsa ora policore, sipas Dashos, nuk ka asnjë vlerë.

“Ora policore nuk ka vlerë për mendimin tim. Mbajtja e maskës në mjedise të mbyllura, maskë kirurgjikale, kosto mund të përballohet nga të gjithë qytetarët.  Respektimi i distancimit fizik, kufizimi i grumbullimeve në mjedise të mbyllura, dhe të marrim shembull nga Europa për pasaportën e gjelbër”.

Në lidhje me variantin e ri të koronavirusit, Dasho thotë se duhet qetësuar publiku pasi është ende në studim dhe nuk dihet çfarë klinike ka dhe si reagon ndaj personave të vaksinuar.

“Në radhë të parë duhet qetësuar publiku, sepse varianti i ri ndryshon nga të tjerët ende nuk duhet çfarë klinike ka dhe si reagon ndaj personave të vaksinuar. Është më e udhës që deri sa të kemi të dhëna nga autoritetet europiane, të mos e cilësojmë si të tmerrshëm, se ende nuk e dimë si do të sillet ky variant. Ndryshimet janë të shumta që prekin edhe proteinën spike dhe shqetësimet ekzistojnë, por është variant në studim”.

LEXO TE PLOTE

Shëndeti

Ulqinaku: Vaksina mund të dalë jashtë loje me “Omicron”

Publikuar

-

Nga

cna lajm aktualitet

Zv.drejtori i Institutit të Shëndetit Publik, Dritan Ulqinaku thotë se varianti “Omicron” i COVID-19 mund të nxjerrë jashtë loje vaksinat ekzistuese kundër virusit.

Mjeku epidemiolog u shpreh gjatë emisionit “Now” me Erla Mëhillin në Euronews se është ende herët pasi nuk dihet se si d të reagojë dhe nëse do të mund të përhapet masivisht përtej Afrikës Jugore.

“Varianti “Delta” nuk kishte shumë ndryshime të mëdha dhe pritej që vaksina të reagonte mirë ashtu edhe trajtimi që përdorej për COVID-19. Padiskutim që efikasiteti i vaksinës nuk ishte në ato shifra që pritej, por në rastin e Omicron vaksina mund të dalë jashtë loje. Ekziston mundësia që vaksina të mos jetë efikase. Por jemi shumë shpejt për të bërë një parashikim dhe ndoshta natyra bën që ky virus të eliminohet dhe pas dy javësh mund të mos jetë fare në qarkullim”, deklaroi Ulqinaku.

LEXO EDHE:  Rusia sfidon botën/ E kemi gati vaksinën në 10 gusht

LEXO EDHE:  Pipero jep garanci për vaksinën kineze/ Aplikohet në vendin e origjinës



Këtë ide e mbështeti dhe mjeku Ilir Alimehmeti, i cili tha se me variantin “Beta” dhe variantin brazilian ndodhi që nuk gjetën shumë terren dhe Evropë.

“Të gjitha variantët që kanë ardhur nga hemisfera jugore nuk janë bërë dot dominant në hemisferën jugore pavarësisht se kanë qenë variante shumë shqetësuese. Duhet të presim”, tha ai.

LEXO TE PLOTE

Shëndeti

Epidemiologu Cenko: Shqetësues numri i lartë i mutacioneve që bart varianti Omicron

Publikuar

-

Nga

Epidemiologu Fabian Cenko tha në emisionin “Now” me Erla Mëhillin se Organizata Botërore e Shëndetësisë ka ngritur alarm për variantin më të ri të COVID-19, Omicron, për shkak se ky i fundit bart shumë mutacione.

“Numri i 34 mutacioneve midis pjesëve të munguara, të ndryshuara dhe të shtuara, ku 15 prej të cilave ishin në pjesën më të ndjeshme të spajkut, ka ngjallur shqetësim”, u shpreh z. Cenko.

Fabian Cenko tha se shifrat e raportuara deri tani nuk janë të larta, edhe pse duhet të ketë më shumë raste se aq që nuk janë konfirmuar ende.

LEXO EDHE:  “Humori dhe arti humbën një prej kolosëve”/ Meta reagon për ndarjen nga jeta të Koço Devoles

LEXO EDHE:  Rusia sfidon botën/ E kemi gati vaksinën në 10 gusht



“Numri 170 mund të jetë një majë ajsbergu, pasi ky variant është kapur para rreth 5 ditësh”, tha Fabian Cenko.

Sipas epidemiologut për të përballuar këtë variant, duhen zbatuar masat anti-COVID, ndërsa duhet të vihet akoma më shumë vëmendje mbi vaksinimin./euronews

LEXO TE PLOTE