“Sot mbush 77 vjeç”/ Berisha mesazh demokratëve: Më i motivuar se kurrë në misionin e ri

15 Tetor 2021, 07:21, Politikë CNA
“Sot mbush 77 vjeç”/ Berisha mesazh demokratëve: Më

Ish-kryeministri dhe lideri historik i demokratëve, Sali Berisha sot feston 77-vjetorin e lindjes.

Në një postim në rrjetet sociale, Berisha i ka drejtuar një mesazh demokratëve, ku thekson se kjo ditëlindje e gjen më të motivuar se kurrë në mbrojtjen e të vërtetave dhe në një mision të ri jetik, për fatin e Partisë Demokratike.

?Sot 77 vjec!

Miq, sot jam 77 herë i lumtur sepse kjo ditëlindje me gjen:

– Më të motivuar se kurrë në mbrojtjen e të vërtetave që unë besoj dhe,

– Në një mision të ri, jetik dhe vendimtar për fatin e Partisë Demokratike dhe demokracisë në Shqipëri!

Mirënjohje të pakufishme të Gjithfuqishmit, familjes time, miqve dhe mbështetësve të mi në Shqipëri dhe kudo që janë, të cilë me besimin dhe mbështetjen e tyre bëjnë të mundur të përmbushim së bashku këtë mision! Lavdi Zotit!?-shkruan Sali Berisha.

Kujtojmë këtu se sot Berisha do të jetë në qytetin e Korçës, ku do të zhvillojë ?Foltoren? e radhës me demokratët.

Ndërsa deri tani, Berisha ka zhvilluar takime në Tiranë, në Fier, në Vlorë, në Shkodër, në Durrës, në Gjirokastër dhe në Kukës./CNA.al

Lajmet e fundit nga