Connect with Us

Arrestohet ish-zyrtarja e lartë e ministrisë së Brendshme të Serbisë

Kosova & Rajoni

Arrestohet ish-zyrtarja e lartë e ministrisë së Brendshme të Serbisë

Publikuar

-

Ish -sekretarja shtetërore e Ministrisë së Punëve të Brendshme të Serbisë, Diana Hërkaloviq, është ndaluar të premten (15 tetor), njoftoi Radio Televizioni i Serbisë (RTS).

Sipas informacioneve jozyrtare banesa e saj është duke u bastisur dhe ajo po merret në pyetje, raporton RTS.

Ende nuk është deklaruar policia dhe ende nuk ka asnjë informacion për arsyet e ndalimit të saj.

Diana Hërkaloviç u emërua në pozitën e Sekretares së Shtetit në Ministrinë e Brendshme në vitin 2017.

Në atë kohë, funksioni i ministrit mbahej nga Nebojsha Stefanoviq – ministri aktual i Mbrojtjes i Serbisë. Hërkaloviq përshkruhej si bashkëpunëtorja e tij më e afërt.

Në fund të majit 2019, Hërkaloviç dha dorëheqjen nga pozita e saj pa dhënë arsye.

Vuçiq padit vetveten

Emri i saj u përmend përsëri në media në janar të këtij viti 2021, kur u raportua se Hërkaloviq ishte një nga të personat që është marrë në pyetje për çështjen e përgjimit të presidentit të Serbisë, Aleksandar Vuçiq.

Ministria e Brendshme dhe Prokuroria as nuk i konfirmuan dhe as i mohuan këto pretendime, dhe Dijana Hërkaloviq nuk ka folur asnjëherë për këtë.

Në mesin e vitit 2020, tabloidet pro-qeveritare filluan të shkruajnë për lidhjet e supozuara të Hërkaloviç me një klan kriminal në Serbi. Por, policia dhe prokuria nuk kanë dhënë informacione lidhur me këtë.

Zyra e Prokurorit për krim të organizuar në Beograd ka akuzuar Veljko Bellivukun dhe grupin e tij në një rast të profilit të lartë. Bellivuk dhe 30 persona të tjerë ishin të dyshuar dhe nën hetim për pesë vrasje të rënda, trafikim të armëve dhe të drogës, një kidnapim dhe një dhunim seksual. Bellivuk u arrestua më 4 shkurt 2021 dhe më shumë arrestime vazhduan më vonë, në një rast që shokoi publikun serb.

LEXO EDHE:  Policia parandalon krimin/ Sekuestrohen dy armë zjarri, arrestohet një person

Diana Hërkaloviq u mor në pyetje për këtë rast dhe mediat raportuan se ajo u pyet për lidhjet e saj me Bellivukun.

Sidoqoftë, avokati i saj Nenad Tasiq i tha portalit Insider se policia i bëri pyetje në lidhje me rrethanat e rrezikimit të sigurisë së presidentit, Aleksandar Vuçiq dhe familjes së tij, dhe se ajo mohoi se kishte ndonjë njohuri për këtë.

Gjithashtu, avokati deklaroi se Hërkaloviq u pyet për njohjen e saj me Slavisha Kokez, ish -presidentin e Federatës së Futbollit të Serbisë. Kokeza u mor në pyetje nga policia për lidhjen e supozuar me grupin e Bellivukut, të cilën ai e mohoi.

Pas arrestimit të Bellivukut, presidenti i Serbisë e quajti atë dhe bashkëpunëtorët e tij një “degë” të klanit kriminal malazez dhe vuri në dukje se në Serbi ishin krijuar dy grupe kriminale.

Gazetarë hulumtuesë në Serbi kanë raportuar se Bellivuk dhe disa anëtarë të grupit të tij pretendohet se gjatë seancës gjyqësore deklaruan se Presidenti i Serbisë, Aleksandar Vuçiq dhe bashkëpunëtorët e tij i kanë kërkuar [Bellivukut] më shumë shërbime.

Këto shërbime përfshijnë kontrollimin e huliganëve të futbollit dhe protestave antiqeveritare.

Presidenti i Serbisë si dhe ministri i Punëve të Brendshme, Aleksandar Vullin i mohuan këto pretendime.

Opozita në Serbi kërkoi hetim në këto pretendime që e lidhin Bellivukun me zyrtarë të lartë shtetërorë./Rel

Për të rejat më të fundit behuni pjesë e grupit tonë në facebook : City News Albania

Komentoni

Adresa juaj email nuk do të bëhet publike. Fushat e domosdoshme shënohen *

Kosova & Rajoni

Maqedonia e Veriut shpall krizë energjetike

Publikuar

-

Nga

Maqedonia e Veriut shpalli të martën krizë energjetike, e cila do të zgjasë 30 ditë.

Qeveria tha se shpallja e gjendjes së krizës është për të injektuar mjete te kompanitë energjetike dhe për të rritur likuiditetin e tyre.

Vendimi i Qeverisë nuk parashikon masa kufizuese për qytetarët, por nga janari çmimi i energjisë elektrike pritet të rritet për rreth 8-9 për qind.

Qeveria njoftoi se rreth 4 miliardë denarë (rreth 65 milionë euro) do të transferohen nga buxheti te kompanitë energjetike, për të kapërcyer, siç tha, të gjitha rreziqet në sektorin e energjisë dhe për furnizim të rregullt me energji elektrike.

“Qeveria aktualisht është e fokusuar në përballjen me sukses të sfidave të paraqitura nga kriza globale energjetike. Gjendja e krizës energjetike sillet për të përmirësuar funksionimin e kompanive energjetike, për të rritur likuiditetin e tyre dhe për të mos miratuar asnjëherë masa kufizuese që do të ndikonin negativisht në jetën e përditshme të qytetarëve”, tha ministri i Ekonomisë i Maqedonisë së Veriut, Kreshnik Bekteshi.

LEXO EDHE:  I dënuar me 10 vite burg në Itali/ Kapet në Durrës shqiptari i shpallur në kërkim ndërkombëtar

LEXO EDHE:  Fshehën fëmijën në banesë/ Arrestohen dy persona në Vlorë

Kriza energjetike në Evropë rrezikon rreth 2 mijë paga në Kosovë

Evropa është duke u përballur me krizë energjetike tash e saj javë, kryesisht për shkak të rritjes së çmimeve të gazit.



Për pasojë kanë nisur të rriten edhe çmimet e rrymës.

Gjendja e krizës në Maqedoninë e Veriut u miratua me kërkesë të Komisionit për monitorimin e situatës për furnizim me energji elektrike.

Ndërkohë, Banka Popullore e Maqedonisë së Veriut bëri të ditur se përkundër krizës energjetike dhe rritjes së çmimeve globale, tani për tani nuk pritet përkeqësim i gjendjes ekonomike.

Banka Popullore parashikon rimëkëmbje të ekonomisë së Maqedonisë së Veriut me një rritje prej 3.9% këtë dhe vitin e ardhshëm.

Inflacioni këtë viti parashikohet të mbyllet me 3.1%, ndërsa vitin e ardhshëm me 2.4%./rel

LEXO TE PLOTE

Kosova & Rajoni

Kriza politike në Mal të Zi dhe zgjedhjet e parakohshme

Publikuar

-

Nga

Analistët politikë vlerësojnë se në Mal të Zi është krijuar një situatë paradoksale, ku qeveria e dalë nga zgjedhjet parlamentare të 30 gushtit, të vitit të kaluar, nuk e ka shumicën, por përkundër këtij fakti vazhdon të qeverisë pa ndonjë problem të theksuar. Analisti politik, Hajrullah Hajdari vlerëson se Fronti Demokratik, si një koalicion proserb dhe prorus nuk e ka forcën e duhur për të bërë ndryshime në Mal të Zi.

“Një pjesë e koalicionit, siç janë Demokratët dhe URA i bëjnë llogaritë e tyre kurse Fronti Demokratik, që ka shumicën në parlament, është e frymëzuar nga politika serbomadhe dhe si i tillë është i papërshtatshëm për vazhdimin e këtij koalicioni”, tha zoti Hajdari.

Zoti Hajdari tha se zgjedhjet e parakohshme janë të pashmangshme dhe për këtë janë të vetëdijshëm të gjithë aktorët politikë në Mal të Zi.

“Brenda një harku kohor të shkurtër do të ketë zgjedhje ose një bllokadë të institucioneve në Mal të Zi. Shpesh herë në parlament koalicioni qeverisës nuk e ka shumicën dhe kësisoj deligjimitohet dhe janë të pashmangshme zgjedhjet qofshin për gjashtë muaj apo një vit, koha do të tregojë”, tha zoti Hajdari.

LEXO EDHE:  I dënuar me 10 vite burg në Itali/ Kapet në Durrës shqiptari i shpallur në kërkim ndërkombëtar

LEXO EDHE:  I dënuar me 10 vite burg në Itali/ Kapet në Durrës shqiptari i shpallur në kërkim ndërkombëtar



Në këtë kuadër zoti Hajdari vlerëson se forcat politike shqiptare duhet të marrin pjesë në çdo qeveri dhe pjesëmarrja e tyre duhet të rregullohet në mënyrë institucionale.

“Partitë shqiptare e kanë vendin në qeveri. Duhet që në mënyrë institucionale kjo çështje të zgjidhet dhe jo me ligj, por vetëm me aktin më të lartë shtetëror siç është kushtetuta. Se kush do të jetë në pushtet proserbët, promalazezët apo partitë qytetare nuk është fare e rëndësishme për shqiptarët”, tha zoti Hajdari.

Zoti Hajdari, vuri në dukje, se vizita e paralajmëruar e të dërguarit amerikan për Ballkanin Perëndimor, Gabriel Escobar në Mal të Zi do t’i kontribuojë qëndrueshmërisë në vend.

“Besoj dhe kemi shpresë se Escobar dhe politika e SHBA-së do të kontribuojë në largimin e Frontit Demokratik, jo nga skena politike, por nga bërja e politikës së përditshme me konceptin e botëkuptimeve serbomadhe”, tha në intervistën për Zërin e Amerikës analisti politik Hajrullah Hajdari./voa

LEXO TE PLOTE

Kosova & Rajoni

Skandali me partitë shqiptare në Maqedoni/ Fejzi Hajdari: Nga koalicionet anti-europiane dhe anti-shqiptare jemi nëpërkëmbur që 20 vite

Publikuar

-

Nga

Mbrëmë në Kuvendin e Maqedonisë së Veriut,  partitë shqiptare “Besa” e Bilall Kasamit, Aleanca e Ziadin Selës dhe Alternativa e Afrim Gashit janë takuar me VMRO DPMNE nacionalistë të Hristijan Mickovskit dhe me partinë fashiste Levica te Dimitar Apasiev, për të dhënë firmat e tyre kundër qeverise pro evropiane.

Ky koalicion është pritur me reagime të ashpra si nga shqiptarët në Maqedoninë e Veriut, ashtu edhe në Kosovë. Madje është kërkuar që drejtuesit e partive politike shqiptare të shpallen non-grata pasi po veprojnë jo vetëm kundër interesave të shqiptarëve, por edhe atyre ndërkombëtare.

Aleatët maqedonas në programin e tyre nuk e njohin gjuhën shqipe, nuk njohin marrëveshjen e Ohrit dhe janë kundër pavarësisë së Kosovës.

Këtë zhvillim shqetësues dhe destabilizues në Shkup e nxiti dorëheqja e Zoran Zaevit por edhe largimi i Besës së Bilall Kasamit nga koalicioni qeveritar me tre deputetët e tij edhe pse ata ishim zgjedhur në listat zgjedhore si deputet te LSDM-së së Zaevit.

Po çfarë thonë njohësit e çështjeve politike në Maqedoninë e Veriut?

Fejzi Hajdari, analist dhe botues i gazetës “Lajm”, në një pornoncim për CNA.al, ka thënë se përgjatë 20 viteve për shkak të qeverive dhe koalicioneve anti-evropiane dhe antishqiptare, shqiptarët në Maqedoninë e Veriut nuk arritën të kategorizohen si popull shqiptarë, por si popull, 20 përqind.



Hajdari ka radhitur faktet se si janë nëpërkëmbur shqiptarët si dhe ka shprehur zhgënjimin nga qevritë e deritanishme.

Po a ka parti gjegjësisht qeveri dhe koalicione qeverisëse më antieuropiane dhe antishqiptare, sesa këto të deritanishmet që as per 20 vite nuk arritën shqiptarët ne kushtetutë t’i kategorizojnë si “popull shqiptarë”, por si “popull 20 përqind”. Ose që as për 20 vjet ne qeveri nuk arrijnë ta zyrtarizojnë gjuhen shqipe në nje rrafsh si maqedonishtja, ose tani 20 vjet nuk arrijnë ta zgjidhin

Statusin e ish ushtareve te UÇKse nderkohe qe ushtareve maqedpnas “Branitellave” tanimë iu kane siguruar me ligj pensione të majme dhe privilegje e benificione. Nuk arriten ta zgjidhin ose zbardhin, asnjë rast të montuar politik kundër shqiptarëve,siç janë “Lagjja e Trimave”, “Monstra”, Brodeci, Sopoti etj“, është shprehur Hajdari.

LEXO EDHE:  I dënuar me 10 vite burg në Itali/ Kapet në Durrës shqiptari i shpallur në kërkim ndërkombëtar

LEXO EDHE:  Serbet kembegulin per perkujtimin e viktimave ne ish-Jugosllavi

Sipas Hajdarit, shqiptarët në Maqedoni e Veriut nuk kanë të drejta, aq sa kanë serbët në Kosovë.

Pra unë nuk jam i prirur t’ju besoj deklarimeve boshe te politikaneve ne qeverite e deri tanishme, qofshin shqiptar apo maqedonas, por dua te shoh rezultate konkrete. Fakt eshte që shqiptarët në Maqedoninë e Veriut me rreth 30% te banorëve, vazhdojnë të mos i gëzojne të drejtat që i gezojnë serbët në Kosovë. Pra, dua te them shqiptarët në Maqedoninë e Veriut kerkojnë ndryshim të pushtetit me qëllim që t’u hapet perspektiva në këtë shtet me stabilitet të brishtë dhe që të ndalet ikja masive e rinisë shqiptare jashte. E dini ju, se viteve të fundit rinia shqiptare në mënyrë masive po ik jashtë. Qytetet shqiptare po zbrazen me intensitet të lartë. Prandaj shqiptaret duan ndryshim. Andaj edhe opozita sipas deklarimeve te tyre, është bashkuar me opozitën maqedonase për të provuar ndryshimin që është emergjent dhe i ngutshëm sidomos për shëiptarët“, është shprehur më tej Hajdari për CNA.al

LEXO TE PLOTE