Connect with Us

Nuk ka surpriza në Kupë, ja skuadrat që kualifikohen për në raundin tjetër

Sport

Nuk ka surpriza në Kupë, ja skuadrat që kualifikohen për në raundin tjetër

Publikuar

-

KuNuk ka surpriza në Kupën e Shqipërisë, me Vllazninë që triumfoi 4-0 ndaj Labërisë dhe zhvlerësoi humbjen 2-1 në ndeshjen e parë, duke vijuar më tej aventurën në fazën e 1/8-ave.

Shkodranët kishin vlerësuar maksimalisht këtë takim dhe kishin hedhur në fushë formacionin më të mirë, teksa Gjurgjevic, Aralica, Mustedanagic e Heriç ia dolën të dërgojnë topin në rrjetë e të vulosin kualifikimin.

Kukësi triumfoi 4-0 ndaj Maliqit, duke zhvlerësuar barazimin pa gola në ndeshjen e parë dhe duke siguruar kalimin, teksa bëri të njëjtën gjë edhe Laçi, që ia doli të triumfojë 4-0 ndaj sarandiotëve të Butrintit.

Edhe pse kishte siguruar kualifikimin që në ndeshjen e parë, Tirana nuk e nënvlerësoi aspak përballjen me Shkumbinin dhe arriti të shënojë plot 6 herë brenda 45 minutave të para, për të vijuar më tej me rezultatin e përgjithshëm 9-0.

Fituan me goleada edhe Skënderbeu, 4-0 ndaj Koplikut dhe Partizani 3-0 ndaj Tërbunit, ndonëse edhe këto dy skuadra kishin vulosur kualifikimin që në ndeshjen e parë. Ia doli të avancojë më tej edhe Korabi, që pas humbjes 2-1 në Vorë, përmbysi gjithçka në Peshkopi me fitoren 4-1, ndërsa Teuta e Luzi u ndanë në barazim 2-2, por bregdetarët avancuan më tej falë fitores 4-1 në ndeshjen e parë.

Me një gol në sekondat e fundit, ia doli të kualifikohet edhe Egnatia, që pas barazimit 1-1 në ndeshjen e parë ndaj Turbinës, fitoi 1-0 në Rrogozhinë, ndërsa Kastrioti fitoi edhe ndeshjen e dytë ndaj Elbasanit, sërish me shifrat 2-0.

Për të rejat më të fundit behuni pjesë e grupit tonë në facebook : City News Albania

Komentoni

Adresa juaj email nuk do të bëhet publike. Fushat e domosdoshme shënohen *

Kombëtare

FOTO/ Jo vetëm shishe uji, gazetari polak: Tifozët shqiptarë goditën edhe me çakmakë e telefona

Publikuar

-

Nga

Përtej humbjes ndaj Polonisë ditën e djeshme në “Air Albania”, ajo që na shqetëson më shumë ishte sjellja e një grupi tifozësh të papërgjegjshëm që sulmuan me shishe uji lojtarët kundërshtarë në dy momente ndryshme.

Kjo detyroi arbitrin kryesor në minutën e 78 të ndërpriste për disa minuta ndeshjen. Ditën e sotme FIFA bëri një paralajmërim të ashpër për incidentet e krijuara në stadium, teksa gazetarët polakë nuk kanë ngurruar të bëjnë publike fakte të tjera.

Një prej tyre i pranishëm në stadium ka bërë një postim në “Twitter” ku duket qartë se tifozët “kuqezinj” nuk kanë gjuajtur vetëm me shishe, por edhe me çakmakë dhe telefona.

Në një video të publikuar ditën e sotme shihet se edhe nga kampi polak nuk ka qenë të “urtë” dhe “loja” me shishe i ka pëlqyer edhe atyre pasi ata kanë sulmuar tifozët shqiptarë në tribunën përballë.

Nuk dihet nëse për to do të ketë ndonjë ndëshkim, ndërsa për ne pritet një dënim shëmbullor.

 

LEXO TE PLOTE

Sport

Kupa e Shqipërisë/ 39 gola të shënuar në 12 ndeshje, ja të gjitha rezultatet

Publikuar

-

Nga

Kanë përfunduar të gjitha ndeshjet e kthimit të Kupës së Shqipërisë të vlefshme për turin e parë të saj. Në 12 sfida të zhvilluara janë realizuar një numër i madh golash. Vlen të veçohet takimi i Tiranës kundër Shkumbinit që ka përfunduar me shifrat 6-0.

Bardheblutë i kanë “larë hesapet” në pjesën e parë, ndërsa në të dytën nuk është shënuar asnjë gol. Sakaq fitore të thella kanë korrur Kukësi, Korabi, Skënderbeu dhe Vllaznia. Më poshtë njihuni me rezultatet e gjithave takimeve ku në total janë realizuar plot 39 gola.



REZULTATET/ Turi i parë i Kupës së Shqipërisë, ndeshjet e kthimit

Apolonia – Flamurtari 1-1
Egnatia – Turbina 1-0
Kastrioti – Elbasani 1-0
Tirana – Shkumbini 6-0
Korabi – Vora 4-1
Kukësi – Maliqi 4-0
Laçi – Butrinti 4-0
Partizani – Terbuni 3-0
Pogradeci – Besa 1-0
Skënderbeu – Veleciku 4-0
Teuta – Luzi 2-2
Vllaznia – Labëria 4-0

LEXO TE PLOTE

Sport

Superiorja rikthehet në fundjavë, ja datat dhe oraret e sfidave të javës së 5-të

Publikuar

-

Nga

Pas ndërprerjes për shkak të eliminatoreve të Botërorit, Kategoria Superiore do të rikthehet këtë fundjavë me ndeshjet e javës së pestë, të cilat do të luhen të ter ditë të ndryshme, nga e shtuna në të hënë.

Kështu sipari i javës do të ngrihet të shtunën në orën 13:45 me Laçin që do të presë Egnatian me synimin e vetëm, marrjen e fitores së parë sezonale, që do ta largonte edhe nga fundi i renditjes.

Bardhezinjtë kanë bërë paraqitje mjaft të mira në këto javë të para, por edhe kalendari nuk ka qenë i favorshëm, pasi janë përballur me skuadrat favorite dhe deri tani kanë regjistruar vetëm dy barazime, ndaj Dinamos e Kukësit.

Po në orën 13:45, në Kamëz do të luhet përballja Kastrioti-Skënderbeu, dy skuadra të tjera që nuk e kanë provuar ende shijen e fitores këtë sezon dhe do të luajnë për tre pikë në një sfidë që mund të cilësohet direkte për mbijetesë, ndonëse jemi ende në fillim të kampionatit.

E diela nis menjëherë me një supersfidë si Teuta-Tirana, dy skuadra në grupin e pretendentëve për titullin dhe njëkohësisht kryesuese të kampionatit, do të matin forcat me njëra-tjetrën në stadiumin “Egnatia Arena” të Rrogozhinës.

Përballjet mes këtyre dy ekipeve kanë qenë nga më luftuarat dhe spektakolaret në dy vitet e fundit dhe e tillë pritet të jetë edhe ajo e të dielës, ku Orges Shehi do at shohë veten sërish përballë të shkuarës së tij, Teutës.

Në orën 16:45 vëmendja do të spostohet në “Air Albania”, ku Partizani do të presë Kukësin. “Të kuqtë” mbeten ende në kërkim të fitores së parë sezonale, megjithatë verilindorët janë një nga skuadrat më të mira të këtij fillim sezoni dhe nuk do të jetë aspak e lehtë.



Java do të mbyllet mbrëmjen e të hënës nën dritat e projektorëve të “Loro Boriçit”, me Vllazninë që do të presë skuadrën e sapo-ngjitur në elitën e futbollit shqiptar, Dinamon. Shkodranët kanë dalë hapur si pretendentë për titullin kampion, por në katër javët e para kanë marrë vetëm 6 pikë dhe do të kërkojnë fitoren e dytë sezonale.

Në një situatë të njëjtë është edhe Dinamo, që ka regjistruar fitore në javën e parë dhe më pas tre barazime, ndaj edhe për ecurinë e deritanishme, sfida e të hënës duket e balancuar.

E shtunë, 13:45
Laçi – Egnatia
Kastrioti – Skënderbeu

E diel, 13:45
Teuta – Tirana

E diel, 16:45
Partizani – Kukësi

E hënë, 19:45
Vllaznia – Dinamo

LEXO TE PLOTE