Connect with Us

FOTO/ Jo vetëm shishe uji, gazetari polak: Tifozët shqiptarë goditën edhe me çakmakë e telefona

Kombëtare

FOTO/ Jo vetëm shishe uji, gazetari polak: Tifozët shqiptarë goditën edhe me çakmakë e telefona

Publikuar

-

Përtej humbjes ndaj Polonisë ditën e djeshme në “Air Albania”, ajo që na shqetëson më shumë ishte sjellja e një grupi tifozësh të papërgjegjshëm që sulmuan me shishe uji lojtarët kundërshtarë në dy momente ndryshme.

Kjo detyroi arbitrin kryesor në minutën e 78 të ndërpriste për disa minuta ndeshjen. Ditën e sotme FIFA bëri një paralajmërim të ashpër për incidentet e krijuara në stadium, teksa gazetarët polakë nuk kanë ngurruar të bëjnë publike fakte të tjera.

Një prej tyre i pranishëm në stadium ka bërë një postim në “Twitter” ku duket qartë se tifozët “kuqezinj” nuk kanë gjuajtur vetëm me shishe, por edhe me çakmakë dhe telefona.

Në një video të publikuar ditën e sotme shihet se edhe nga kampi polak nuk ka qenë të “urtë” dhe “loja” me shishe i ka pëlqyer edhe atyre pasi ata kanë sulmuar tifozët shqiptarë në tribunën përballë.

Nuk dihet nëse për to do të ketë ndonjë ndëshkim, ndërsa për ne pritet një dënim shëmbullor.

 

Për të rejat më të fundit behuni pjesë e grupit tonë në facebook : City News Albania

Komentoni

Adresa juaj email nuk do të bëhet publike. Fushat e domosdoshme shënohen *

Kombëtare

Incidentet në Shqipëri – Poloni, FIFA reagon ashpër: E patolerueshme, zero tolerancë për sjelljet e neveritshme

Publikuar

-

Nga

Incidentet me tifozët në dy ndeshjet e djeshme, Shqipëri – Poloni dhe Angli – Hungari kanë sjellë reagimin e FIFA. Organizmi botëror i futbollit i quan sjellje të papërshtatshme dhe të neverishtshme, teksa do marrin të gjitha masat sipas protokolleve.

“FIFA aktualisht po analizon raportet e dërguara mbrëmjen e djeshme mbi sfidat eliminatore të Botërorit në mënyrë që të marrë vendimit më të përshtatshme.



FIFA dënon me forcë incidentet në sfidat Angli-Hungari dhe Shqipëri-Poloni dhe do të donte të deklaronte se ky qëndrim është i vendosur në refuzimin e çdo forme të dhunës, si dhe çdo lloj diskriminimi ose abuzimi. FIFA ka një qëndrim shumë të qartë, zero tolerancë ndaj sjelljeve të tilla të neveritshme në futboll”, thotë FIFA.

LEXO TE PLOTE

Kombëtare

Matematika na mban në lojë, por vendi i dytë mbetet utopi

Publikuar

-

Nga

Humbja ndaj Polonisë në “Air Albania”, praktikisht e ia bën të pamundur arritjen e vendin të dytë Shqipërisë në Grupin I, megjithatë ekzistojnë disa kombinime, me mundësi afër zeros që të ndodhin, që kuqezinjtë të parakalojnë polakët në sprintin final.

Ne Grupin I Anglia kryeson me 20 pikë, Polonia vjen e dyta me 17 pikë dhe Shqipëria ka 15 pikë. Në ndeshjet e muajit nëntor (në datat 12 dhe 15), të fundit e këtyre eliminatoreve, Shqipëria luan me Anglinë në transfertë dhe pret Andorrën, ndërsa Polonia fillimisht luan në transfertë me Andorrën dhe pret Hungarinë.



Polakët nuk besohet se do të lënë pikë përballë kundërshtarëve modestë të Andorrës dhe që Shqipëria të mbetet në lojë duhet të fitojë ndaj Anglisë. Por a kanë kuqezinjtë shanse të bëjnë mrekullinë ndaj “Tre Luanëve”, të cilët duna patjetër të sigurojnë kualifikimin me suksesin ndaj Shqipërisë? Edhe tifozi më fanatik i Kombëtares nuk do të ishte optimist. Megjithatë as një mrekulli nga ato që ndodhin një herë jo në 100 por në 1000 mijë vjet nuk do t’ mjaftonte Shqipërisë, nëse Polonia nuk e humb ndeshjen e fundit me Hungarinë, në shtëpi, shoqëruar me suksesin e kuqezinjve ndaj Andorrës.

Përtej këtyre kombinimeve praktikisht jashtë logjikës së mundësive reale, Shqipëria praktikisht e ka mbyllur këtë fushatë eliminatore në vendin e tretë, që ishte objektivi minimal. Me katër pikë më shumë se Hungaria në renditje, do të mjaftojë fitorja me Andorrën për të lënë pas përfaqësuesen maxhare.

LEXO TE PLOTE

Kombëtare

Levandovski pret që Shqipëria të humbasë edhe ndaj Anglisë

Publikuar

-

Nga

Robert Levandovski ka pranuar se ishte i ndërgjegjshëm në çdo moment se gjyqtaria nuk do ta mbyllte ndeshjen Shqipëri-Poloni në momentin kur e ndërpreu sfidën për shkak të sjelljes së tifozëve.

“E dinim që gjyqtari nuk do ta mbyllte ndeshjen dhe do të kthehej në fushë”, tha sulmuesi polak për TVP. “Sidomos pasi ne shënuam një gol dhe në fakt kishin mbetur 13-14 minuta deri në fund të sfidës, ndaj ishte një vendim i vështirë për të”, shpjegoi fillimisht ai.



Fitorja minimale ndaj Shqipërisë sipas tij erdhi edhe për shkak se ekipi shqiptar bëri mirë mbulimin e emrave më të rrezikshëm të sulmit të përfaqësueses polake. “Mund të thuhet se bëmë minimumin, por gjithsesi e kryem detyrën. Kishim kontrollin në mes të fushës, vetëm rreth 20 metra nga porta e kundërshtarit nuk kishim shumë lojtarë tanët. Kishte gjithmonë dyluftime, nuk kishte hapësira, kishte gjithmonë 2-3 lojtarë afër”, shpjegoi ai arsyen pse kjo e sotmja ishte një fitore shumë e ngushtë e Polonisë ndaj kuqezinjve.

Tani ai parashikon një disfatë të Shqipërisë edhe në ndeshjen e radhës, atë kundër Anglisë, ndaj mendon se Polonia duhet të përqendrohet te vendi i dytë. “Mendoj se anglezët nuk kanë se si humbin pikë, ndaj ne duhet të fokusohemi te puna jonë, ndeshjet tona. Duam të marrim 6 pikë dhe pastaj të shohim se ku na çojnë:, tha ai në përfundim të duelit.

LEXO TE PLOTE