Connect with Us

Skënder Brataj: COVID i ka kaluar 1 mijë mutacione, klinikisht virusi po vdes

Shëndeti

Skënder Brataj: COVID i ka kaluar 1 mijë mutacione, klinikisht virusi po vdes

Publikuar

-

Po përhapet me shpejtësi/ Brataj tregon simptomat e variantit Delta, i ngjashëm me gripin normal

Drejtor i Përgjithshëm i Qendrës Kombëtare të Urgjencës Mjekësore, Skënder Brataj thotë se mes rrezikut për jetën nga COVID-19 dhe vaksinimit, qytetarët duhet të zgjedhin këtë të fundit dhe diskutimi të mos shtrohet nëse duhet apo jo me detyrim vaksinimi.

Gjatë emisionit “Now” të Erla Mëhillit, mjeku tha se “nga këndvështrimi shëndetësor nuk mund të pranoj që të rrezikoj shëndetin”.

“E mira e shëndetit publik është që të krijohet imuniteti dhe të dhënat tregojnë se kush vaksinohet e kalon më lehtë. Vaksinohu ose rreziko jetën tënde po të kapi”, u shpreh Brataj.

Nga ana tjetër ai shtoi se “askush nuk e ka fshehur faktin që edhe të vaksinuarit e transmetojnë virusin”.

Gjithashtu Brataj shtoi se “imuniteti natyral është më i mirë sesa vaksinimi por nuk mund të luajmë me jetën”.

LEXO EDHE:  Britania miraton e para vaksinën Pfizer/ Hyn në përdorim javën e ardhshme

Duke bërë një parashikim se edhe sa mund të zgjasë COVID-19, ai tha se “po nuk e kalojë e gjithë bota virusin mund ta kemi edhe për disa vite të tjera”.

“Të gjithë viruset kanë tipike mutacionet që kur del dhe përfundon ciklin. Edhe COVID i ka kaluar 1 mijë mutacione por tani delta është mutacioni më i fortë. Klinikisht virusi po vdes”, tha ai./euronews

Për të rejat më të fundit behuni pjesë e grupit tonë në facebook : City News Albania

Komentoni

Adresa juaj email nuk do të bëhet publike. Fushat e domosdoshme shënohen *

Shëndeti

MSH nxjerr shifrat/ Mbi 500 raste të reja me Covid, ja sa persona humbën jetën sot

Publikuar

-

Nga

cna news, cna lajme, lajme cna, lajme flash cna, cna.al, cna lajme politike, cna kronike, cna lajme bote, cna show

Ministria e Shëndetësisë dhe Mbrojtjes Sociale ka publikuar të dhënat e 24 orëve të fundit sa i përket situatës së pandemisë në vendin tonë.

Sipas të dhënave mësohet se në 24 orët e fundit janë kryer 3042testime, kanë rezultuar pozitivë 501 qytetarë, ndërsa kanë humbur jetën 6 qytetare.

Rastet pozitive të konfirmuara janë identifikuar në këto bashki: 218 qytetarë në Tiranë, 27 në Shkodër, Fier, 20 në Elbasan, 17 në Krujë, 15 në Kamëz, Vlorë, 14 në Durrës, 13 në Lushnje, 10 Sarandë, 9 në Kukës, 8 në Korçë, 7 në Patos, 6 në Tropojë, Vorë, Kuçovë, 5 në Dimal, 4 në Bulqizë, Selenicë, Himarë, Gjirokastër, Kolonjë, Skrapar, Gramsh, 3 në Vau i Dejës, Lezhë, Kurbin, Dibër, Rroskovec, Mallakastër, Konispol, Tepelenë, Pogradec, Poliçan, Peqin, 2 në Malësi e Madhe, Mirditë, Kavajë, Maliq, Berat, 1 në Pukë, Has, Shijak, Përmet, Këlcyrë, Devoll, Librazhd.

Janë 6,872 pacientë aktivë me COVID19 në të gjithë vendin.

Aktualisht në Spitalet COVID po marrin trajtim 160 pacientë, nga të cilët 16 janë në gjendje më të rënduar. Me gjithë përpjekjet e mjekëve, në 24 orët e fundit nuk e kanë fituar betejën me COVID19, 6 qytetarë: 1 qytetar nga Gjirokastra 57 vjeç, 2 qytetarë nga Vlora nga 63 vjeç,  1 qytetar nga  Kukësi  67 vjeç,  1 qytetar nga Saranda 75 vjeç, 1 qytetar nga Tirana 79 vjeç.  Ministria e Shëndetësisë dhe Mbrojtjes Sociale u shpreh ngushëllimet familjarëve.

LEXO EDHE:  Denoncimi/ Bën tampon e në vend të përgjigjes merr vërtetim që të rrijë në shtëpi

LEXO EDHE:  Kosovë/ 17 të vdekur nga COVID-19 në 24 orët e fundit

Janë shëruar 575 qytetarë gjatë 24 orëve të fundit, duke e çuar numrin e të shëruarve në 166,009 që nga fillimi i epidemisë.

Statistika (12 Tetor 2021)

Raste të reja ditore        501

Të shëruar në 24 orë      575

Të shtruar në spitale       160

Humbje jete në 24 orë     6

Testime ditore                 3042

Testime totale              1,243,246

Raste pozitive                175,664

Raste të shëruara           166,009



Raste Aktive                     6,872

Humbje jete                     2,783

Shpërndarja gjeografike e rasteve aktive sipas qarqeve:

Tiranë             3015

Durrës             839

Fier                  707

Shkodër         552

Vlorë               325

Elbasan          320

Lezhë              255

Berat               228

Gjirokastër      210

Kukës              156

Korçë             142

Dibër               123

LEXO TE PLOTE

Shëndeti

Manastirliu në Durrës/ Të infensifikojmë vaksinimin Anti-Covid, bashkëpunim me bashkitë

Publikuar

-

Nga

Në vijim të intensifikimit të fushatës së vaksinimit “derë më derë”, Ministrja e Shëndetësisë dhe Mbrojtjes Sociale, Ogerta Manastirliu, pasditen e sotme ka takuar kryetaren e Bashkisë së Durrësit dhe drejtuesit e njësive administrative të kësaj bashkie.

Në fjalën e saj para drejtuesve vendorë, Manastirliu tha se duhet të intensifikohet fushata “derë më derë” që qytetarët të sqarohen dhe të binden për t’u vaksinuar.

“Unë e di që përgjatë gjithë kësaj kohe qytetarët përballen edhe me hezitim, përballen me ata të ashtëquajturit “ekspertë” të cilët në mënyrë krejt të papërgjegjshme hedhin tym mbi vaksinat, për vaksinat që përdoren, mbi proceset e vaksinimit, mbi çfarë mund të sjellin vaksinat që e kanë tërësisht të pabazuar. Ndërkohë që patjetër që ajo çfarë duhet bërë në terren është intensifikimi i përgjigjies ndaj dyshimit të shkaktuar nga këto me gjoja “ekspertë” e “gjithollogë” që dalin në mënyrë të papërgjegjshme dhe helmojnë mendjen e qytetarëve”, tha Manastirliu.

Duke theksuar që të gjitha strukturat e Ministrisë së Shëndetësisë janë në terren, Manastirliu tha se duhet që të angazhohen të gjithë, në të gjitha nivelet, për të kryer vaksinimin e popullatës si e vemtja armë e gjithëpranuar që garanton shëndetin dhe jeën e qytetarëve.

“Cila është arma që kemi ne sot? Është vaksina. Është arma e mirënjohur, e gjithëpranuar në të gjithë vendet e botës e cila garanton ndërprerjen e zinxhirit të infeksionit dhe garanton shëndetin dhe jetën e qytetarëve. A jemi aty ku duhet? Jo, nuk jemi aty ku duhet. Sepse në fakt për të qenë aty ku duhet, duhet që të angazhohemi të gjithë, qoftë si qytetarë, qoftë si persona të angazhuar në detyra publike dhe deri në nivelet e larta të drejtimit, siç janë të gjitha strukturat e shtetit, patjetër dhe bashkitë”, tha Manastirliu.

LEXO EDHE:  Kosova pranon mbi 182 mijë doza të vaksinës nga Norvegjia

LEXO EDHE:  ‘Sars-CoV-2 nuk do të jetë më problem’/ Mjekja tregon se kur do mbarojë kriza e Covid në vendin tonë



Emiriana Sako, kryetarja e Bashkisë Durrës, në fjalën e saj tha se është shumë e rëndësishme të mbështësim Ministrinë e Shëndetësisë në këtë proces kaq sfidues, duke informuar qytetarët dhe duke i ftuar të shkojnë drejt qendrave të vaksinimit.

“Kemi nisur një fushatë të re në mbështetje, përsa i takon procesit të vaksinimit dhe për atë që përfaqësojmë si qyteti i dytë i Shqipërisë, është shumë e rëndësishme që të mbështesim Ministrinë e Shëndetësisë në këtë proces kaq sfidues dhe kaq e kaq të vështirë, edhe të luajmë rolin tonë në informimin e qytetarëve, në njësi administrative duke i ftuar të shkojnë drejt qendrave të vaksinimit”, tha Sako.

Ministrja Manastirliu ka nisur një seri takimesh me drejtuesit vendorë për të nxitur vaksinimin derë më derë, në atë që e ka quajur “Aksion Kombëtar në Mbrojtje të Jetës”.

Prej fillimit të vaksinimit janë kryer në total 1,803,799 doza të vaksinës ndaj COVID19. Prej tyre 834,469 qytetarë i kanë kryer të dy dozat e vaksinës antiCOVID.

LEXO TE PLOTE

Shëndeti

Vaksinimi i grave shtatëzëna kundër COVID-19

Publikuar

-

Nga

Mjekët dhe mamitë po u bëjnë thirrje që të vaksinohen grave që priten të bëhen nëna. Shifrat e reja nga Shërbimi Shëndetësor Kombëtar në Mbretërinë e Bashkuar tregojnë se pothuajse një e pesta e të sëmurëve rëndë me COVID-19 janë gra shtatzëna të pavaksinuara. Numri disproporcional i grave shtatzëna në kujdesin intensiv mund të jetë sepse shtatzënia krijon një rrezik më të lartë për t’u prekur rëndë nga virusi.

Kur foshnja Kobe lindi në gusht, Kelsie Routs nuk mund të ishte e pranishme për ta mbajtur atë. Në javën e 29-të të shtatzënisë, ajo u sëmurë rëndë me COVID. Mjekët e vunë atë në gjendje kome dhe kur u zgjua djali i saj tashmë kishte lindur.

“Ende më duket e pabesueshme, ndonëse më treguan se çfarë ndodhi. E di që nuk jam e vetme, isha në koma dhe gjithçka është mjaft e vështirë për ta dëgjuar.”

Dr. Jo Mountfield është Zëvendës Presidente e Kolegjit Mbretëror të Obstetërve dhe Gjinekologëve.

“Tashmë e dimë që nëse gratë shtatëzëna infektohen me kovid, veçanërisht në muajt e fundit, ekziston rreziku për simptoma më serioze. Ato mund të shtrohen në spital. Gratë shtatëzëna mund të vaksinohen në çdo fazë. Kemi të dhëna në rritje, që tregojnë se vaksina nuk rrit rrezikun e abortit, apo lindjen e parakohshme.”



LEXO EDHE:  Kosovë/ 17 të vdekur nga COVID-19 në 24 orët e fundit

LEXO EDHE:  Kosovë/ 17 të vdekur nga COVID-19 në 24 orët e fundit

Ajo argumenton se tani ka prova të mjaftueshme për të inkurajuar gratë shtatëzëna që të vaksinohen. Shifrat e fundit tregojnë se pothuajse 20% e pacientëve në gjendje kritike nga koronavirusi janë gra shtatzëna të pavaksinuara.

Olivia Buxton u shtrua në spital me COVID-19 në dhjetor, kur vaksina nuk ishte e disponueshme. Aparaturat treguan se foshnja e saj kishte ndaluar së rrituri dhe kishte një nivel shumë të ulët të lëngut amniotik – një rrezik i qartë për foshnjën e palindur.

“Foshnja mund të lindte e vdekur. Mjekët rekomanduan lindjen e parakoshme. Brenda 48 orësh lindi Jude 39 javësh.”

Sipas të dhënave, infektimi gjatë shtatëzanisë mund të shtojë rrezikun e lindjeve të parakohshme.

Për gratë shtatzëna, marrja e vendimit për t’u vaksinuar mund të jenë emocionalisht i vështirë, por mjekët thonë se këshilla është e qartë, gratë shtatzëna mund dhe duhet të vaksinohen. Ata thonë se vaksinimi nuk rrit rreziqet për nënën dhe foshnjën dhe se mund të shmangë rrezikun që foshja të lindë i pajetë./voa

LEXO TE PLOTE