Connect with Us

Deklaratat e shefit të Pfizer për Ramën/ Bushati: Shitësi i trajton gjithmonë mirë klientët e vet

Aktualitet

Deklaratat e shefit të Pfizer për Ramën/ Bushati: Shitësi i trajton gjithmonë mirë klientët e vet

Publikuar

-

Shefi i kompanisë ‘Pfizer’, Albert Bourla, vizitoi sot Shqipërinë. Ai foli me fjalë pozitive për Edi Ramën, ku tha se është i impresionuar prej tij dhe se ky i fundit po implementon një strategji për vaksinimin. Mirëpo analisti Andi Bushati është skeptiknë lidhje me këtë.

Në emisionin “Shock” Andi Bushati tha se raporti midis Edi Ramës dhe Albert Bourla-s është blerës-shitës dhe një shitës i trajton gjithmonë mirë klientët e vet.

“Drejtori i Pfizer që ka ardhur këtu, e ka klient qeverinë e Ramës. Rama vendos se sa doza do të marrë nga ai dhe padyshim që do të flasë me superlativa”, u shpreh Andi Bushati.

Analisti tha se në Shqipëri nuk merremi me fakte, por me propagandë dhe deklamime.

LEXO EDHE:  Rama-Lu takim në kryeministri/ Reforma në drejtësi në fokus

“Ne merremi me deklamime, nuk merremi me fakte. Në një vend ku fshehën numrat e vdekjeve nga COVID-19, nuk ka transparencë se sa ndihmë ekonomike u dha nga pandemia, edhe vaksinimi do të shitet si një histori suksesi”, tha analisti.

Ndërsa, për analistin Baton Haxhiu raporti qeveria Rama me shefin e Pfizer nuk është thjesht klent-shitës, pasi kemi të bëjmë me një industri vaksinash e cila ka shpëtuar shumë jetë.

“Nuk kemi të bëjmë me shitje dhe blerje, por me një institucion që ka shpëtuar miliona jetë”, tha Baton Haxhiu./euronews

Për të rejat më të fundit behuni pjesë e grupit tonë në facebook : City News Albania

Komentoni

Adresa juaj email nuk do të bëhet publike. Fushat e domosdoshme shënohen *

Kronika

Bosi i naftës në kërkim/ SPAK prangos të besuarit e Rezart Taçit

Publikuar

-

Nga

cna lajme aktualitet

Prokuroria e Posaçme kundër Korrupsionit dhe Krimit të Organizuar Tiranë, mbi bazën e informacioneve dhe verifikimeve kryesisht, ka regjistruar procedimin penal nr.211 viti 2021, për veprat penale “Pastrimi i produkteve të veprës penale ose veprimtarisë kriminale”, “Grupi i strukturuar kriminal”, “Kryerja e veprave nga grupi i strukturuar kriminal”, të parashikuara nga neni 287, paragrafi (1), shkronjat (a), (b) dhe (dh), nenet 28/4, 333/a/2, 334/1 të Kodit Penal.

Nga veprimet hetimore të kryera për këtë procedim penal, në bashkëpunim me policinë gjyqësore të Drejtorisë së Policisë së Shtetit, në bashkëpunim dhe në koordinim me Drejtorinë Distrektuale Antimafia në Prokurorinë e Republikës në Gjykatën e Palermos, Itali, janë siguruar dhe janë mbledhur prova konkrete, nga të cilat janë krijuar dyshime të arsyeshme për organizimin dhe funksionimin e një operacioni kompleks financiar ndërkombëtar të kundërligjshëm, të shtrirë në disa shtete të ndryshme, që ka pasur si qëllim “pastrimin” e një shume monetare të konsiderueshme që përbën produkt të veprimtarisë kriminale.

Janë mbledhur prova se kjo skemë financiare është drejtuar nga shtetasit italian F.Z. dhe I.Z., në bashkëpunim me shtetasin italian F.P., të shtetasit zviceran me origjinë italiane D.C., si dhe të shtetasit shqiptar Rezart Taçi, i përfshirë në biznese në sektorin e naftës.

Ky i fundit në funksion të kryerjes së kësaj veprimtarie ka angazhuar në këtë veprimtari personat e vet të besuar, rezidentë në Shqipëri, respektivisht shtetasin A.B. dhe shtetasin B. L.

Pjesë e kësaj skeme financiare, me ndihmën e shtetasve shqiptarë të përfshirë, ka qenë edhe kryerja e disa veprimeve dhe transaksioneve bankare në një bankë të nivelit të dytë në Shqipëri, veprime të cilat janë realizuar vetëm pjesërisht dhe nuk është arritur që të realizohen plotësisht, për shkak të veprimeve hetimore të kryera nga ana e Prokurorisë së Posaçme kundër Korrupsionit dhe Krimit të Organizuar.

LEXO EDHE:  Meta komenton raportin me Ramën, Bashën dhe doktor Berishën

LEXO EDHE:  Meta komenton raportin me Ramën, Bashën dhe doktor Berishën

Gjatë hetimeve janë mbledhur prova se ndihma në këtë rast për transferimin dhe fshehjen e shumës monetare është bërë kundrejt premtimit për marrjen e përqindjes së caktuar të përfitimit monetar, në raport me shumën monetare që është transferuar në Shqipëri dhe që do të vijonte të transferohej në vende të tjera.



Në kuadër të hetimeve paraprake të këtij procedimi penal, me kërkesë të Prokurorisë së Posaçme kundër Korrupsionit dhe Krimit të Organizuar Tiranë, me vendimin nr.93, datë 07.11.2021 të Gjykatës së Posaçme të Shkallës së Parë për Korrupsionin dhe Krimin e Organizuar Tiranë, është vendosur:

-Caktimin ndaj personave nën hetim Rezart Taçi, A.B. dhe B.L., të masës se sigurimit personal “arrest në burg”, të parashikuar nga neni 238 i Kodit Procedurës Penale, si të dyshuar për veprat penale “Pastrimi i produkteve të veprës penale ose veprimtarisë kriminale”, “Grupi i strukturuar kriminal”, “Kryerja e veprave nga grupi i strukturuar kriminal”, të parashikuara nga neni 287, paragrafi (1), shkronjat (a), (b) e (dh), si dhe nenet 28/4, 333/a/2 dhe 334/1 të Kodit Penal.

Gjatë hetimeve paraprake të kryera lidhur me këtë procedim penal është vendosur masa e sekuestrimit për shumën monetare prej 18,399,941.50 (tetëmbëdhjetë milion, e treqind e nëntëdhjetë e nëntë mijë, e nëntëqind e dyzet e një, pikë pesëdhjetë) Euro.

Shërbimet e policisë gjyqësore të Drejtorisë së Policisë së Shtetit kanë ekzekutuar në datën 12.11.2021 masën e sigurimit personal të vendosur ndaj shtetaseve A.B dhe B.L.

Hetimet paraprake për këtë procedim penal janë në vazhdim e sipër dhe ende nuk kanë përfunduar./CNA.al

LEXO TE PLOTE

Ekonomi

Euro e qëndrueshme, Dollari dobët, kryeson Paundi britanik/ Kursi i këmbimit, 12 Nëntor 2021

Publikuar

-

Nga

cna lajme ekonomi

Dollari amerikan sot këmbehet në blerje 104 Lekë dhe shitet me 109.2 Lekë.

Euro sot blihet me 120.5 Lekë dhe shitet me 125.7 Lekë.

Paundi britanik blihet me 140.6 Lekë dhe shitet me 145.5 Lekë.



Franga zviceriane blihet me 113.7 Lekë dhe shitet me 118.7 Lekë.

Ndërsa dollari kanadez blihet me 82.8 Lekë dhe shitet me 87.8 Lekë./CNA.al

 

LEXO TE PLOTE

Sociale

Rikthehet i ftohti/ Mesdita shënon rënie temperaturash

Publikuar

-

Nga

cna news, cna lajme, lajme cna, lajme flash cna, cna.al, cna lajme politike, cna kronike, cna lajme bote, cna show

Vijojnë kushtet e qëndrueshme atmosferike të jenë dominuese në vend, duke sjell në pjesën e parë të ditës kthjellime dhe kalime të pakta vranësirash.

Ndërsa në pjesën e dytë të ditës pritet që vranësirat të theksohen, ku më të dukshme vranësirat do të jenë në zonat malore.



Sipas MeteoAlb, temperaturat e ajrit do të mbeten kostante në mëngjes, pordo të ulen në mesditë duke luhatur vlerat ditore nga 3°C deri në 23°C.

LEXO EDHE:  Rama-Lu takim në kryeministri/ Reforma në drejtësi në fokus

LEXO EDHE:  Bushati për Financial Times/ 2020 dekada e katërt e tranzicionit, BE rrezikon të humbë rajonin

Era do të fryjë e lehtë me shpejtësi 28 km/h nga drejtimi Lindor-Juglindor duke krijuar në brigjet detare dallgëzim të ulët./CNA.a

LEXO TE PLOTE