Connect with Us

Shqipëri-Poloni, sfidë me rëndësi të madhe edhe për UEFA-n, gjykon një francez

Sport

Shqipëri-Poloni, sfidë me rëndësi të madhe edhe për UEFA-n, gjykon një francez

Publikuar

-

/

Shqipëria ka nisur përgatitjet për sfidën e së martës ndaj Polonisë që për kuqezinjtë do të jetë si një finale në garën për vendin e dytë në grupin I kualifikues të eliminatoreve të Botërorit Katar 2022, pozicion që i çon kuqezinjtë për herë të parë në histori në fazën play-off. Rëndësia e kësaj sfide është shumë e madhe jo vetëm për dy përfaqësueset Shqipërinë dhe Poloninë por edhe për UEFA-n që ka zgjedhur për të vendosur drejtësi në këtë duel një prej arbitrave më të mirë në qarkullim për momentin. UEFA ka caktuar gjyqtar kryesor për sfidën e të martës në mbrëmje në Air Albania francezin Clement Turpin.

CV-ja e 39-vjeçarit nga Oullins flet vetë dhe nuk ka nevojë për shumë koment me Turpin që ka qenë pjesë e klasës së gjyqtarëve të zgjedhur nga UEFA për Euro 2020 teksa vendosi drejtësi në takimet e fazës së grupeve Uells-Zvicër dhe Rusi-Danimarkë ndërkohë që sëfundmi në rang kombëtaresh ka gjykuar sfidën kualifikuese të Katar 2022 Kroaci-Slloveni.

Turpin në kampionatin francez në këtë fillim sezoni ka vendosur drejtësi në shumë sfida me peshë përfshirë duelet e fundit PSG-Lyon 2-1 dhe Monaco-Bordeaux 3-0 si dhe në sfidën e grupeve të Championsit Atalanta-Villareal që përfundoi në barazim 2-2 takim në të cilin nxorri nga xhepi 5 kartonë të verdhë dhe një të kuq. Në sfidat e ekipeve përfaqësuese Turpin ka një mesatare prej 3 apo 4 kartonësh të verdhë për ndeshje ndërkohë që nga xhepi ka nxjerrë shpesh edhe kartonin e kuq. Asistentë të 39-vjeçarit në ndeshjen Shqipëri-Poloni do të jenë, Danos, Gringore dhe Bouqet ndërsa në VAR, Jeroma Brisard dhe  Amaury Delerue.

Për të rejat më të fundit behuni pjesë e grupit tonë në facebook : City News Albania

Komentoni

Adresa juaj email nuk do të bëhet publike. Fushat e domosdoshme shënohen *

Seria A

Ish-mbrojtësi i Inter: Mourinho nxjerr fytyrën e tij në gazeta vetëm për të mbrojtur futbollistët

Publikuar

-

Nga

Raporti i Jose Mourinho me futbollistët është special ashtu si edhe vetë ai. Tekniku luzitan nuk ngurron t’i kritikojë ata në momentin kur e zhgënjejnë, megjithatë para mediave në rastet më të mëdha e merr vetë përgjegjësinë, si një mënyrë për të mbrojtur lojtarët nga .

Këtë e shpjegon, Maicon, me brazilianin që ka punuar nën urdhrat e Mourinho te Inter ku fituan edhe tripletën e famshme. Ish-mbrojtësi i zikaltërve, thekson se luzitani preferon të ekspozojë veten e tij para mediave, në mënyrë që të mbrojë lojtarët nga kritikat.



“Për atë, lojtarët duhet të qëndrojnë jashtë çdo komenti negative pas ndeshjes. Mourinho do që në television apo në gazeta, të jetë vetëm fytyra e tij dhe në këtë formë, sposton vëmendjen për të mbrojtur lojtarët e tij. Pastaj, atë që ai kërkon ta thotë, e gjen mënyrën për ta bërë. Kjo është diçka që vlerësohet nga futbollistët, të paktën kështu ishte në kohën time”, u shpreh Maicon.

LEXO TE PLOTE

Seria A

Stankovic riktheht në Serie A, gati të ulet në stolin e…

Publikuar

-

Nga

Stoli i Roberto D’Aversas ka qenë vazhdimisht në lëkundje dhe humbja në mesjavë nga Fiorentina i dha një goditje akoma edhe më të rëndë. Së fundmi mediat italiane thonë se presidentit Massimo Ferrero i ka mbaruar durimi dhe po kërkon për zëvendësuesin e tij.

Sipas Corriere dello Sport sfida e nesërme kundër Lazios mund të jetë e fundit për teknikun italian. Një humbje kundër ekipit të Sarrit do ta thellonte edhe më shumë krizën e tij dhe largimi zyrtarisht mund të afrohej më shumë.



Kështu, për të zëvendësuar D’Aversan, drejtuesit e Sampdorias kanë menduar të rikthejnë një yll të Serie A. Bëhet fjalë për ish-mesfushorin e Interit, Dejan Stankovic. Serbi aktualisht është në kontratë më Crvena Zvezdan, por mundësia e kthimit në Itali, ku jeton edhe familja e tij do ta bënte atë ta zgjidhte sa më parë kontratën.

LEXO TE PLOTE

Sport

Eksperienca në Shqipëri, ndihmësi i Longos jehonë në Itali për Kukësin

Publikuar

-

Nga

Ndihmësi i Diego Longos te Kukësi, Amedeo di Late, ka dhënë një prononcim së fundmi për portalin italian “ivig.it”, ku ka folur rreth eksperiencës së tij në Shqipëri. Ai e konsideron si një përvojë shumë të rëndësishme krah Longos, ku iu deshën vetëm 90 sekonda për të pranuar ofertën e parë për të punuar jashtë Italisë.

“Unë po jetoj një eksperiencë të madhe së bashku me një teknik të madh si Diego Longo, ne kemi krijuar një grup të bashkuar në të cilin ka shumë kultura të ndryshme, por magjia e dhomës së zhveshjes, e cila është gjithmonë e njëjtë nga Kategoria e Tretë në nivelet më të larta, siguron që të gjitha dallimet të pranohen dhe të bashkohen së bashku nën flamurin e një qëllimi të vetëm. Qoftë fusha provinciale apo stadiumi i madh, janë vlerat ato që bëjnë gjithmonë diferencën.

Kjo është përvoja ime e parë jashtë vendit dhe m’u desh një minutë e gjysmë për të vendosur. Ka trena që kalojnë vetëm një herë në jetë dhe të jesh në gjendje të punosh krah për krah me një trajner të kalibrit të Diego Longos në top kategorinë shqiptare është vërtetë një nder dhe një kënaqësi”, u shpreh fillimisht Di Late. Më tej, ai është ndalur edhe te situata në futbollin shqiptar, si edhe te trajneri tjetër italian te Kukësi, pikërisht ai i portierëve, Andrea Kardinale.



“Stërvitjet janë shumë intensive. Ne përpiqemi të propozojmë një mentalitet të ri në lidhje me një kulturë futbolli të bazuar kryesisht në agresivitetin dhe fitimin e topave të dytë. Ne duam të propozojmë një futboll ku loja dhe propozimi janë në qendër, një identitet i qartë loje që do të vihet në praktikë pavarësisht kundërshtarit që takojmë. Pa harruar të rrisim veçoritë e lojtarëve që kemi. Ka sportistë interesantë dhe të rinj shumë të mirë.

Presidenti dhe e gjithë kompania janë shumë ambiciozë dhe nuk na bëjnë të humbasim asgjë. Kardinale është një person i bukur që e kam gjetur pas shumë vitesh, një profesionist serioz dhe kompetent. Aksidentet e bukura të jetës”, thotë ai. Në fund, Di Late ndalet edhe te jetesa në vendin tonë.

“Ndihem shumë rehat në Shqipëri. Tirana është një qytet që ofron shumë. Italianët shihen shumë mirë. Ka një afinitet të bukur mes dy popujve. Shqipëria është një komb me rritje të shpejtë: çdo metër ka një kantier në ndërtim. Është gjithashtu një vend me një identitet të madh futbollistik, me një stil luftëtar ashtu si heroi i tyre kombëtar”.

LEXO TE PLOTE