Connect with Us

Nga integrimi i Shqipërisë në BE tek Kosova/ Rama intervistë në median spanjolle  

Politikë

Nga integrimi i Shqipërisë në BE tek Kosova/ Rama intervistë në median spanjolle  

Publikuar

-

cna lajme politike

Kryeministri Edi Rama ka dhënë një intervistë për Radio Televizionin e Spanjës RTVE.

Në intervistën, të cilën Rama e ka publikuar në rrjete sociale, mëngjesin e sotëm, ndër të tjera ka folur edhe për çështjen e Kosovës.

Pasi Spanja ende nuk e njeh Kosovën, Republikë.

Sipas Ramës, pozicioni i Spanjës nuk ka të bëjë me ndonjë problem me shqiptarët apo me Kosovën, por me historinë dhe problemet e saj të brendshme.

“Është e vërtetë por e dimë mirë se pozicioni i Spanjës nuk ka të bëjë me ndonjë problem që ka lidhje me shqiptarët apo Kosovën. Por me historinë, me problemet e saj të brendshme. Dakord të jemi të qartë që nuk ka asnjë krahasim me lëvizjet separatiste brenda në Spanjë dhe ndarjes së Kosovës nga Serbia”, ka thënë Rama.

Më tej ai ka deklaruar se se vendet e Ballkanit kanë ende shumë punë për të bërë por kanë nevojë të hedhin hapa përpara në procesin integrues drejt BE-së.

“Ne jemi vende që kemi shumë për të bërë për të plotësuar kushtet për tu bërë anë5tarë të Bashkimit por kemi nevojë që të hedhim hapa për të vijuar me procesin e integrimit. Ne kemi shumë punë për të bërë dhe jemi ende në mes të rrugës”,  është shprehur ai.

Intervista e plotë e Ramës:

Ju sapo keni zhvilluar një takim me kryetarin e qeverisë spanjolle dhe keni nënshkruar disa marrëveshje.

 Po, është vizita e parë zyrtare e këtij niveli, dhe ndihem mirë sepse besoj se ka një potencial të madh në marrëdhëniet tona të ndërsjella. Kam një admirim të madh lidhur me çka Spanja ka arritur, si një model që duhet ndjekur, për mënyrën se si një ka mundur ta kapërcejë një të kaluar aq të errët dhe të shndërrohet në një shembull të shkëlqyer për vendet e tjera. Dhe, nga ana tjetër, do të doja të vija në dukje faktin se kryeministri Sanchez, në të shkuarën i ka njohur nga afër periudhën e tmerrshme të historisë konflikteve në rajonin tonë dhe e ka ndjeshmërinë e duhur për ta mbështetur ndryshimin. Në fakt ai kërkon që Spanja të jetë më e pranishme në zonën tonë dhe ky është një lajm shumë i mirë për ne.

 

Ashtu si dhe ju sapo theksuat, qeveria e Spanjës mbështet pa asnjë lloj dyshimi aderimin, proçesin e aderimit të Shqipërisë në Bashkimin Evropian, por duhet të themi gjithashtu që presidentja e Komisionit Evropian, znj. Ursula von der Leyen ka thënë se vendi juaj ka përmbushur detyrat e tij. Çfarë hapash po hedh Shqipëria për t’ju përshtatur kërkesave të Brukselit?

Mund të them se tashmë nuk flitet më për çfarë duhet të bëjmë ne, por për mënyrën si kanë vendosur të punojnë ata me ne dhe në rajon.

Ndoshta duhet të zhvishemi nga disa perceptime negative që kemi lidhur me atë zonë të Evropës.

Sigurisht që jemi vende të cilët do të duhet të bëjmë shumë më shumë për të përmbushur të gjitha kushtet për të qenë anëtarë të Bashkimit Evropian. Por e meritojmë të hedhim tashmë hapa të tjerë përpara dhe të fillojmë negociatat formale. Perceptimet kanë të bëjnë me të shkuarën, me nje informacion që ende nuk është fluid, i rrjedhshëm. Por mund t’ju them se tashmë po e thonë të gjithë, edhe një numër përherë e më i madh turistësh spanjollë që vijnë në Shqipëri, se ka një ndryshim të madh midis asaj që perceptohet nga larg për Shqipërinë dhe realitetit të saj. Sigurisht që duhet të përparojmë më tej me reformat tona për modernizim, me përmirësimin e qëndrueshëm të ekonomive dhe shoqërive tona, me fuqizimin institucional dhe, në fund të fundit, të shkojmë drejt një mjedisi më të mirë ekonomik dhe social rajonal por këto janë sfidat e vendeve që janë në rrugëtim e sipër.

LEXO EDHE:  Video-Grida Duma leksion Ramës/ Mbajtja e fjalës është gjithçka…

Nëse tashmë hedhim sytë nga rajoni, shohim tensione që kanë rinisur midis Kosovës dhe Serbisë. Do të doja të kisha opinionin tuaj, analizën tuaj mbi këtë situatë.

Tensionet janë pjesë e atij procesi. Nuk mund të presim që një proces paqeje të përparojë qetësisht dhe pa tensione. Këtu lajmi i mirë është që tensionet lindin po edhe treten pasi të dy palët sidoqoftë komunikojnë dhe tentojnë të gjejnë zgjidhjet e nevojshme për njerëzit. Pra nuk është më si në të shkuarën. Ka një diferencë të madhe pasi tashmë kemi bashkëpunim rajonal, me takime e mbledhje të shumta, vajtje-ardhje, samite të çdo lloji. Sigurisht që Kosova është problemi i fundit, ende i hapur dhe i pazgjidhur nga shpërbërja e Jugosllavisë e pa dyshim, njohja e Kosovës si shtet sovran e i pavarur nga Serbia është kapitulli i fundit i historisë plot dhimbje të shpërbërjes së Jugosllavisë.

Pa dyshim, z. Rama, një nga çështjet kryesore është njohja e Kosovës si komb, i panjohur ende nga të 27 vendet, ndërmjet tyre dhe Spanja.

 Është e vërtetë, por e dimë fare mirë se pozicioni i Spanjës nuk ka fare të bëjë me asnjë problem që ka lidhje me shqiptarët apo me vetë Kosovën, por ka të bëjë me historinë e me problemet e veta të brendshme. Dakord, por duhet të jemi në fakt shumë të qartë këtu, pasi nuk ka asnjë  lloj krahasimi të mundshëm ndërmjet problemeve të brendshme të Spanjës, lidhur me lëvizjet independentiste apo separatiste dhe ndarjes së Kosovës nga Serbia.

Në fakt, një nga shqetësimet e Bashkimit Evropian sa i përket Ballkanit Perëndimor është influenca si e Rusisë ashtu dhe e Kinës, në këtë rajon.

Shiko, Ballkani Perëndimor është i rrethuar nga kufij evropianë, jemi një organ i trupit të Evropës dhe njëkohësisht jemi të izoluar nga po ky trup, diçka që nuk ka kuptim dhe nuk është gjëja më e përshtatshme as për sigurinë dhe as për të ardhmen e Evropës që kjo pjesë e trupit, të mos jetë totalisht e integruar po të jetë një zonë gri si të thuash, ku aktorë të tjerë mund të zhvillojnë lojën e tyre. Ne, Shqipërinë të paktën, nuk e shqetësojnë këto influenca të mundshme pasi për ne Evropa është besimi ynë dhe e ardhmja në Bashkimin Evropian është zgjedhja jonë e  lirë./CNA.al

Për të rejat më të fundit behuni pjesë e grupit tonë në facebook : City News Albania

Komentoni

Adresa juaj email nuk do të bëhet publike. Fushat e domosdoshme shënohen *

Politikë

Të paktën tre të vrarë në një shkollë në Miçigan, ndalohet i dyshuari

Publikuar

-

Nga

Të paktën tre persona humbën jetën dhe gjashtë të tjerë u plagosën të martën kur u hap zjarr në një shkollë të mesme në Oksford të Miçiganit dhe një nxënës u arrestua menjeherë pas icidentit, thanë autoritetet e rendit.

Ngjarja ndodhi në shkollën e mesme të Oksfordit, rreth 55 km në veri të Detroitit, pak pas mesditës me kohën lokale. Forcat e rendit dhe personeli i urgjencës shkuan menjëherë në vendin e ngjarjes, tha zyra e Sherifit të Qarkut Oakland.

“Kemi në paraburgim një të dyshuar për hapje zjarri dhe kemi gjetur një armë. Nuk besojmë se ka ndonjë person tjetër në këtë moment”, tha përmes një deklarate zyra e sherifit.



LEXO EDHE:  Denoncimi/ Edi Rama e ka kthyer PS në organizatë kriminale

LEXO EDHE:  Nepotizmi/ Kushërinjtë e Ramës zaptojnë Universitetin e Vlorës

Zëvendës sherifi Michael McCabe u tha gazetarëve në vendngjarje se i dyshuari ishte një nxënës 15-vjeçar në shkollë, i cili përdori një pistoletë gjysmë automatike. Mes të plagosurve ishte një mësues i madh, tha ai.

“Mund t’ju them se ai goditi me disa të shtëna,” tha zoti McCabe.

Ai shtoi se personeli i rendit po bënte ende kontroll në shkollë, e cila u vendos në izolim kur filluan të shtënat./voa

LEXO TE PLOTE

Politikë

Paloka i përgjigjet Bashës/ ‘Boll përçave PD!’ Ja si e thuri plani në zyrën e Berishës për firmat

Publikuar

-

Nga

cna news, cna lajme, lajme cna, lajme flash cna, cna.al, cna lajme politike, cna kronike, cna lajme bote, cna show

Kryetari i Këshillit Kombëtar Edi Paloka i është përgjigjur deklaratave të Lulzim Bashës i cili pasditen e sotme, ne studion e ABC news deklaroi se firmat nuk u dorëzuan ashtu siç parashikon statuti, gjë të cilën e kishte kërkuar Paloka dhe ish-kryeministri Sali Berisha.

Paloka thekson se në asnjë pikë të statutit nuk thuhet se ku apo si do dorëzohen formularët e firmosur nga delegatët dhe se propozimi i tij i pranuar nga ish-kryeministri Sali Berisha, u refuzua nga pjesëmarrësit e tjerë të foltores.

Më tej Paloka thotë se firmat janë legjitime duke shtuar se Lulzim Basha ka detyrimin që të respektojë vullnetin e demokratëve. Ndersa rrëfen edhe takimin në zyrën e Sali Berishës.

Postimi i plotë i Edi Palokës:

Sqarim !

Meqenese u be e disata here qe z. Basha perdor ne menyre jo korrekte fjalet e mia si alibi te qendrimit te tij ndaj vullnetit te mbi 4200 delegateve qe kane firmosur per mbledhjen e Kuvendit me 11 dhjetor, jam i detyruar  te sqaroj dhe nje here cfare kam deklaruar .

Ne statutin e PD , ne asnje pike dhe asnje rresht nuk percaktohet se cila eshte procedura qe ndiqet ne rastin kur 1/4 e delegateve kerkojne mbledhjen e jashtezakonshme te Kuvendit. Ne statut parashikohet vetem detyrimi i mbledhjes se Kuvendit kur e kerkojne 1/4 e delegateve , po nuk percaktohet as se si mblidhen firmat, as ku depozitohen formularet dhe asnje procedure tjeter per kete ceshtje. Lidhur me verifikimin e mandateve, statuti eshte me se i qarte, verifikimi i mandateve behet ne Kuvend nga komisioni i verifikimit te mandateve, askush tjeter nuk e ka kete tager.

Ne keto kushte , perfaqesuesit e firmetareve kerkuan nje takim me mua si Kryetar i Keshillit Kombetar te PD. Takimi u zhvillua ne zyren e z.Berisha dhe ishin te pranishem, si  perfaqesues te firmetareve ; deputete , antare te kryesise se PD, kryetare degesh te PD, dhe nje sere funksionaresh te tjere te PD si nga sekretariati dhe organizatat partnere te PD. Midis tyre , hartues te statutit dhe juristet me te cilet z.Basha  eshte perfaqesuar deri me sot ne gjithe institucionet dhe tryezat politike.



LEXO EDHE:  Skandali i inceneratorëve/ Rama akuza Shkullakut: Ishte në krye të luftës për t'i bërë jehonë sulmit të Lulëzimit

LEXO EDHE:  ‘Sa të më digjen pemët më mirë po djeg Lleshajn’/ Gjata zbardh prapaskenat e dorëheqjes

Kerkesa e gjithe pjesmarresve ishte qe , ne mungese te percaktimit te procedurave te permendura me lart, duke e konsideruar pjesen tjeter drejtuesve te PD si ilegjitime dhe mbi te gjitha si pale ne kete konflikt, ne mungese te plote besimi ne luajalitetin e tyre ndaj ketij procesi, formularet e mbledhur te dorezoheshin  tek une si Kryetar i Keshillit Kombetar, organi me i larte i zgjedhur i PD midis dy Kuvendeve.

Une , pas kesaj kerkese, kam propozuar qe , pavarsisht gjithe argumentave te paraqitur nga pjesmarresit ne takim, edhe per faktin qe une isha pozicionuar ne krah te z.Berisha, formularet te dorzoheshin tek sekretari organizativ i PD, “JO SEPSE E PARASHIKON STATUTI” , sic abuzon me kete thenie timen z.Basha, por per te shmangur cdo mundesi spekullimi nga pala tjeter, sic ndodhi me pas ne fakt .

Kete argumentim timin e pranoi dhe z.Berisha . Nderkohe gjithe pjesmarresit e tjere , me argumentat e dhena me lart, duke ofruar dhe fakte se si firmetareve ju ishte bere presion nga disa drejtues degesh , kembengulen qe ose te vinin ne zyren time me detyrimin e mbrojtjes se te dhenave personale te firmetareve, ose ata nuk kishin asnje detyrim tjeter statutor apo procedurial per ti cuar tek kundershtaret e tyre ne kete rast. Keshtu vendosi shumica ne ate takim dhe z.Berisha pranoi vendimin e shumices, nuk vendosi vete, me koken e tij…!

Kjo eshte ajo qe ndodhi dhe ajo qe une kam deklaruar.

Prandaj , ne vend qe te vazhdohet me truke e me hile  qe po percajne cdo dite e me shume demokratet, do ishte e denje, po mbi te gjitha ne te mire te demokrateve , qe vullneti i mbi 4200 delegateve, vullneti i shumices , te respektohet!

Keshtu veprohet ne demokraci, keshtu thote edhe statuti i PD e mbi gjithe te tjeret,  ky eshte detyrim dhe pergjegjesi per kryetarin e PD .

 

 

LEXO TE PLOTE

Politikë

Reforma në drejtësi dhe vettingu/ Manjani: Ndërhyrja e ambasadorëve e ka dështuar këtë nismë

Publikuar

-

Nga

manjani, cna, politike, lajme, kabinet qeveritar

“Qytetarët nuk kanë besim tek reforma në drejtësi”. Kështu është shprehur Ylli Manjani, teksa ka komentuar reformën në drejtësi.

Në  një intervistë televizive, Manjani deklaroi se gjatë procesit të vettingut të gjiyqtarëve dhe prokurorëve janë dëgjuar çudira, teksa shton që në Shqipëri ndodh që ambasadorët hyjnë në çështje të brendshme, hyjnë në vettingun, që doli i dështuar.



Në vetting kemi dëgjuar çudira. Janë pyetur për pasurinë e vjehrrit, ndërsa ka pasur raste as vjehërr nuk e ka pasur. Vettingu është i vështirë si proces. Ka njerëz që kanë bërë vila tre kate edhe me punë të ndershme, por se nuk justifikohet. Kjo sepse në Shqipëri informaliteti ka qenë i lartë përherë, nuk ka fatura. Vettingu duhet thënë se nuk ka luftuar korrupsionin.

Njerëzit shumë pak e besojnë reformën në drejtësi, sepse ata e shohin se nivelet e korrupsionit sa vijnë dhe rriten. Nëse duam të bëhemi shtet, gjykata duhet të jetë mbi gjithçka tjetër. Por kjo nuk ndodh në Shqipëri, sepse ka ndikim politik mbi të gjitha. Këtu në Shqipëri ndodh që ambasadorët hyjnë në çështje të brendshme, hyjnë në vettingun, që doli i dështuar”, deklaroi Manjani./CNA.al

LEXO TE PLOTE