Connect with Us

Fiks Fare/ “Patentën në xhep, policia më gjobiti se nuk e kisha!”, gabimi i policisë penalizon dyfish qytetarin

Denoncim

Fiks Fare/ “Patentën në xhep, policia më gjobiti se nuk e kisha!”, gabimi i policisë penalizon dyfish qytetarin

Publikuar

-

Fiks Fare denoncoi mbrëmjen e së enjtes denoncimin e një qytetari në Lezhë, i cili është penalizuar dy herë për “gabimin” e policisë rrugore. Kol Ndoj tha për emisionin investigativ se ka bërë një aksident në fillim të muajit dhjetor 2020.

Ndërkohë, ka filluar çështje prokuroria e cila ka marrë një vendim. Ditët pasardhëse nuk ka marrë asnjë informacion nga policia se çfarë kishte ndodhur. Në momentin e aksidentit, z.Ndoj thotë se kishte vetëm një vërtetim, një leje drejtimi 1 mujore të lëshuar Transporti Rrugor i Kurbinit, deri sa të dilte kartoni i patentës së re. Ai thotë se, në datën 8 janar 2021 ka shkuar te Drejtoria e Transportit Rrugor dhe ka marrë fizikisht patentën. Paralelisht, ka vijuar procedimi penal dhe më vonë është dënuar nga Gjykata e Lezhës me shërbim prove për aksidentin e fillim dhjetorit. Pasi mori kartonin e patentës më 8 janar, z.Ndoj ka vijuar të lëvizë normalisht me makinë.

Ndërkohë, në datën 16 korrik 2021, ai është ndaluar sërish nga Policia e Lezhës, e cila i ka thënë se ka një gjobë pa paguar dhe lëvizte pa patentë. Këtë ditë, z.Ndoj e ka pasur patentën fizikisht me vetë. Ai i ka treguar policit se ka patentë, por polici ia ka marrë dhe i ka thënë se “të është bllokuar në datën 31 dhjetor 2020”. Në këtë ditë, z.Ndoj ka mësuar se komisioni i shqyrtimit të kundra vajtjeve ka marrë një vendim për pezullim patente dhe gjobë. Z.Ndoj thotë se s’ka pasur asnjë dijeni për këtë vendim, madje s’ka pasur asnjë letër këmbim mes policisë rrugore dhe Drejtorisë së Transportit Rrugor. “Nëse kishte vendim, të më thoshin” pohon ai, ndërsa pranon se për aksidentin e fillim dhjetorit ka bërë një gabim dhe po e paguan. Por, për masën e dytë “s’kam asnjë faj, pasi shteti vetë më ka lejuar të qarkulloj me një patentë”.

Pas ankesës, qytetari shkon në Drejtorinë e Transportit Rrugor në Kurbin, ku pyet punonjësit se kur i është bërë gati patenta. Punonjësit i thonë se ai e ka marrë patentën në janar të vitit 2021 dhe se për 1 muaj ka lëvizur me një vërtetim nga Transporti Rrugor. Punonjësi i Drejtorisë së Transportit Rrugor i dha një dokument, ku janë të gjitha datat e lëshimit të kartonëve të lejes së drejtimit. Sipas këtij dokumenti, letra 1 mujore i është dhënë në datën 9 dhjetor 2020, e cila kishte një afat deri në datën 8 janar 2021. Në këtë datë, sipas kësaj shkrese, qytetari është pajisur me kartonin e patentës, duke e marrë fizikisht nga sportelet e Drejtorisë së Transportit Rrugor në Kurbin.

LEXO EDHE:  Plagosën me sende të forta 21-vjeçarin/ Në pranga tre korçarët

Fiks Fare i bëri një kërkesë për informacion Drejtorisë së Policisë së Lezhës, duke e pyetur nëse ka pasur një korrespondencë me Transportin Rrugor pas vendimit të komisionit në datën 31 dhjetor 2020. Kjo drejtori na ktheu përgjigje se z.Ndoj më datë 23 dhjetor është përfshirë në një aksident me dëme materiale, ku janë referuar materialet në prokurori. Në këtë përgjigje thuhet se është vendosur masa e gjobës 0 lekë dhe masë plotësuese tërheqje e lejes së drejtimit.

“Nga ana e shërbimeve të policisë rrugore, i është tërhequr dokumenti zëvendësues i lejes së drejtimit me afat nga data 09.12.2020 deri me datë 08.01.2021. Me vendimin e datës 31.12.2020, Organi Administrativ Shtetëror për shkak të mos paraqitjes së shtetasit është shprehur në mungesë dhe ka vendosur ta gjobisë me 7000 lekë dhe të pezullojë lejen e drejtimit për 10 muaj” thotë policia. Më tej thotë se më datë 16 korrik 2021, z.Kol Ndoj është ndaluar nga shërbimet e Policisë Rrugore. “Nga verifikimi i bërë në sistemin E-Gjoba, është konstatuar se ky shtetas ka gjoba të palikujduara si dhe lejen e drejtimit e ka të pezulluar. Për këto shkelje është përpiluar proces verbali i konstatimit të shkeljes. Për shtetasin Kol Ndoj, është dërguar njoftim zyrtar DRSHTRR Laç, në datat 23 korrik dhe 27 korrik 2021, për heqjen e lejes së drejtimit” thuhet në këtë përgjigje.

Policia thotë se ka njoftuar Drejtorinë e Transportit Rrugor vetëm në datën 23 dhe 27 korrik! Por, ka “harruar” ta njoftojë në datën 31 dhjetor 2020, çka solli që qytetari të dilte sërish në rrugë dhe të penalizohej dy herë për gabimin e Policisë së Lezhës./tch

Për të rejat më të fundit behuni pjesë e grupit tonë në facebook : City News Albania

Komentoni

Adresa juaj email nuk do të bëhet publike. Fushat e domosdoshme shënohen *

Denoncim

Dhuna seksuale ndaj fëmijëve/ Denoncimi i fortë i psikologes, çfarë ndodh në Tiranë

Publikuar

-

Nga

Njerku abuzon me 14-vjeçaren në Durrës/ Dalin detajet tronditëse

Psikologia e njohur, Redina Sulstarova, ka bërë një denoncim të fortë lidhur me ngacmimet seksuale që ju ndodhin fëmijëve nëpër kurse të ndryshme private.

Në këtë kontekst ajo rrëfeu edhe një rast konkret në studion e emisionit “Quo Vadis”.



Ajo tregoi se si një vajzë e vogël në Tiranë që ndiqte një kurs noti, ishte prekur në pjesët intime nga profesori i saj i notit.

Një nënë e kishte çuar vajzën e vogël në kurs noti dhe profesori e kishte prekur në pjesën intime dhe më pas kishte tentuar ta puthë në qafë, një profesor me emër në Tiranë. Nëna ishte në mëdyshje a ta denonconte rastin apo jo. E vetmja zgjidhje që nëna kishte menduar ishte që të lidhej me një emision investigativ. Unë nuk e këshillova sepse nuk e quaj në asnjë lloj forme që të shoh një të mitur të ritraumatizuar në duart e abuzuesit, e vetmja zgjidhje është largimi nga këto kurse”,-tregoi psikologia.

LEXO TE PLOTE

Denoncim

Servisi nuk i rregullon makinën pronarit prej 3 vitesh, i shet pjesët e automjetit

Publikuar

-

Nga

Emisioni Stop në Tv Klan ka trajtuar mbrëmjen e së hënës rastin e një qytetari në Lushnje, i cili prej 3 vitesh ka lënë makinën ‘Seat Toledo’ në servis pas një aksidenti dhe nuk po e merr dot akoma që prej vitit 2018.

Shkak, sipas tij, është bërë administratori i servisit, pasi i ka shitur pjesët e automjetit. Olsi Sulonjaku thotë se ka qenë në Greqi prej 3 vitesh dhe nuk kthehej dot për shkak të pandemisë dhe dokumenteve, por çështjen e makinës në Lushnje e ndiqte bashkëshortja e tij e cila jetonte aty.

Gjatë takimeve me administratorin e servisit, ky i fundit e zvarriste çështjen.

Olsi Sulonjaku: Kam pasur një aksident me makinë, kam dalë nga rruga, kam rënë. Në 28 Gusht 2018, ia kam çuar servisti makinën, tip Seat Toledo i 2002. Zotëria ka nga Gushti 2018 e deri më sot s’ma ka mbaruar makinën dhe ka shitur pjesë nga makina. Bëhet fjalë për servisin Andi, ndodhet në Saver. Këtu ndodhi aksidenti, nuk pata mundësi ta çoja në ndonjë servis të Tiranës a në ndonjë servis tjetër. Sa herë që vija, për makinën i jepja nga 100 Euro, nga 50 Euro, sa më gjendeshin në xhep. Për 10 ditë do ta mbaronte makinën nga momenti që do ta merrte në dorë. Dyer, parafango m’i kërkoi, vajta i bleva, pasqyrat, xhamin, vajta ia bleva. I ka montuar. Tani më ka humbur pasqyrat, më ka shitur katalitin, më kanë humbur edhe shumë pjesë të tjera të makinës. Kam qenë në emigrim, kam qenë në Greqi 3 vjet. Nuk mundeshim për shkak të pandemisë, jo puna, jo dokumentacioni dhe nuk mundesha të vija në Shqipëri. Bashkëshortja ime e ka ndjekur çështjen. E mori vesh që unë u ktheva nga Greqia, ma leu makinën, thjesht ma ka lyer dhe ma ka lënë pa kompletuar makinën.

Bashkëshortja e Olsit, tregon për gazetarin e Stop se çështjen e ka çuar në polici por asgjë nuk ndodhi dhe problemi nuk u zgjidh.

Yze SulonjakuJam interesuar unë këtu e 3 vite. Jam interesuar dhe në Komisariatin e Lushnjes. Nuk e kam marrë rrugëzgjidhjen që unë doja. Brenda afatit që u la nga Komisariati i Lushnjes që zotëria ta mbaronte makinën nuk ma ka mbaruar. Kaluan kohë më mbrapa, pas datës 28 Maj e deri tani kam vajtur lart e poshtë nëpër komisariate edhe atje nuk kam gjetur rrugëzgjidhje.

Andi, administratori i servisit, ka mbajtur kontakte me bashkëshortët dhe u ka premtuar se shërbimi do të mbaronte. Denoncuesit thonë, se ai i ka shitur pa leje pjesë të mjetit, dhe u ka dhënë të përdorin përkohësisht një automjet tjetër.

LEXO EDHE:  Paralajmëron drejtori i Policisë/ Çfarë do ndodhë me grupet kriminale

LEXO EDHE:  Plagosën me sende të forta 21-vjeçarin/ Në pranga tre korçarët

Administratori i servisit: Është hequr një pjesë. Ka kërkuar ajo, që ta heq dhe ka marrë lekët.

Denoncuesja: Të kam kërkuar unë ty, të shesësh kataliktin?

Administratori i servisit: Më ke thënë: “shite”!

Denoncuesja: Ti e shite pa dijeninë time.

Gazetari: Është në rregull?

Administratori i servisit: Do iki ta saldoj, t’i vë tubin, ku ka qenë katalikti dhe makina ka mbaruar.Kaq! Unë nuk kam punë më me makinën.

Gazetari: Po pse nuk po i dorëzohet?

Administratori i servisit: Të vijë ta marrë!



Gazetari: Është gati?

Denoncuesja: Po ku është gati? Nuk e sheh, se cfarë po thotë ai?

Administratori i servisit: Nuk do  vë unë kataliktin, që more ti lekët.

Denoncuesja: Pasqyrat!

Administratori i servisit: Pasqyrat! Shumë bukur! I ka gjetur Olsi, do t’i jap unë ato lekët e pasqyrave.

Denoncuesja: Makinën! Ma ke bërë zhgallë-zhgallë.Bojërat e të tjerave ia ke hedhur makinës sime.Të kam thënë, që makina do vejë në kontroll teknik për pjesët, që i ke shitur. Pa letra, nuk ka shance!

Administratori i servisit: Nuk do i paguaj unë letrat e makinës.

Gazetari: Po pse zgjati kaq?

Administratori i servisit: Po zgjati, se unë ika ca kohë.

Administratori i servisit: Merreni makinën e nxirreni jashtë! Për mua është e mbaruar.

Denoncuesja: Si? Për mua jo! Zgjidhja ime dhe jotja, turp i Zotit! Me mirëkuptim, ke vetë fëmijë, mbaro makinën, mbaro ato letrat, që më hyre në qafë dhe e mbyllim historinë bashkë!

Denoncuesi: Pasqyrat ku janë? Boja pse është kështu?

Gazetari: Kjo është makina?

Denoncuesja: Shikoje, se në çfarë gjendje!

Të ndodhura në kushte të tilla, denoncuesit bëjnë kallzim në polici dhe prokurori, por administratori i automjetit i kërcënon se do t’ua nxjerrë makinën në rrugë. /tvklan.al

LEXO TE PLOTE

Denoncim

Skandali/ Kryetari i Gjykatës së Dibrës gjykoi një vendim të formës së prerë nga Gjykata e Lartë!

Publikuar

-

Nga

Fiks Fare denoncoi një skandal në Gjykatën e Dibrës, ku kreu i kësaj gjykate, Edan Veçani, ka gjykuar një vendim në shkallën e parë që ishte i formës së prerë nga Gjykata e Lartë. Sipas dokumenteve që disponon emisioni investigativ, z.Veçani lëshoi një urdhër ekzekutimi për një vendim të 2004-ës të ish-gjykatës së Bulqizës, që ishte ndryshuar nga Gjykata e Apelit dhe Gjykata e Lartë.

Në redaksinë e Fiks Fare u ankua z.Sherif Duriçi, i cili thotë se familja e tij ka trashëguar një truall të trashëguar në Bulqizë. Ndërkohë, konflikti është për një dyqan, i cili i është dhënë me privatizim ish punonjëses së këtij dyqani. Z.Duriçi thotë se në vitin 2004 ish Gjykata e Bulqizës, e cila më pas u shkri dhe u transferua në Gjykatën e Dibrës, i dha të drejtë familjes së tij. Nga kjo gjykatë ai mori një vendim me një shënim nga mbrapa nga kancelari që “ishte i firmës së prerë”, nuk ishte apeluar.

Në vitin 2014, kërkoi nga Gjykata e Dibrës lëshimin e një urdhri ekzekutimi të këtij vendimi. Gjyqtari Edvan Veçani vendosi të pranojë kërkesën. Në vendim thuhet se “kundër këtij vendimi nuk lejohet ankim”. Këtë vendim e çoi të përmbarimi. Filluan procedurat, por në vitin 2017 një tjetër gjyqtar i Gjykatës së Dibrës vendosi që të rrëzonte vendimin e Veçanit! Sipas qytetarit, janë bërë shumë vendime të dyshimta.

Pas kësaj ankese, gazetarët e Fiks Fare shkuan në Zyrën e Përmbarimit në Dibër. Dosjen e ka pasur kryetari i kësaj zyre. E pyesim përse janë dy vendime, cilin do të zbatojë, urdhrin e ekzekutimit të 2014-ës apo vendimin e 2017-ës?! Na tregon një detaj, sipas së cilit, edhe vendimi i 2004-ës i Gjykatës së Bulqizës nuk është i formës së prerë! Por, është apeluar madje ka shkuar edhe në Gjykatën e Lartë. E pyesim nëse është në dosjen e përmbarimit, ndërsa pas kërkimeve nuk e gjen.

LEXO EDHE:  Horror në Vlorë/ Gjendet një kokë e shkëputur nga trupi, policia jep detajet

LEXO EDHE:  Horror në Vlorë/ Gjendet një kokë e shkëputur nga trupi, policia jep detajet



Ai urdhëron një punonjëse që të shkojë në Gjykatën e Dibrës, e cila vjen pas disa minutash, me vendimin e 2004-ës të Gjykatës së Bulqizës. Por, kësaj here nuk ka shënimin “i formës së prerë”, por “i ndryshuar nga Gjykata e Apelit Tiranë”. Madje, në faqen e fundit të vendimit thuhet se vendimi i Apelit është lënë në fuqi nga Gjykata e Lartë! Por, si ka mundësi që gjykata nxori urdhër ekzekutimi me një vendim që nuk ishte i formës së prerë? Përmbaruesi na thotë se kjo i takon gjykatës dhe se ai po priste të mbaronin të gjitha vendimet për ta ekzekutuar.

Fiks Fare shkon në Gjykatën e Dibrës, për të pyetur se si u lëshuan vendimet e shkallës së parë që gjykonin njëra-tjetrën. Kancelari i kësaj gjykate thotë se urdhri i ekzekutimit i lëshuar në vitin 2014 nga gjyqtari Veçani është marrë duke u bazuar nga dokumentet që i ka servirur qytetari. Ky i fundit, sipas kancelarit, i kishte servirur një vendim të 2004-ës të Gjykatës së Bulqizës, ku në fund shkruhej se “vendimi ishte i formës së prerë”. Kancelari shfletoi dokumentet në dosje dhe thotë se është edhe një dosje tjetër, ku ky vendim i Bulqizës është apeluar, madje ka shkuar në Gjykatën e Lartë, ku dhe është ndryshuar.

Fiksi i bën të njëjta pyetje edhe kancelarit: Përse nuk e verifikoi z.Veçani? Ndërkohë, kancelari thotë se në 2014-ën ka qenë ai kancelar, por në dosje nuk ka asnjë kërkesë nga gjyqtari Edvan Veçani për të verifikuar nëse ka qenë apo jo i formës së prerë. Sipas kancelarit, një vendim i tillë i takon vetëm trupit gjykues./tch

LEXO TE PLOTE