Connect with Us

Propozimet e Berishës/ Haxhiu: Basha duhet të futet në betejë. Bushati: Po fshihet si krimb

Aktualitet

Propozimet e Berishës/ Haxhiu: Basha duhet të futet në betejë. Bushati: Po fshihet si krimb

Publikuar

-

Për analistin Andi Bushati ish-kryeministri Sali Berisha i ka një borxh Partisë Demokratike. Ai thotë se Berisha “para largimit përfundimtar mund t’i bëjë dhuratën e demokratizimit partisë”.

Edhe pse theksoi se “Berisha di në mënyrë perfekte ta përdorë demokracinë kur është i dobët dhe ta shkelmojë kur nuk i duhet”, ka ardhur momenti tha Bushati që të korrigjoi gabimet.

Nga ana tjetër Baton Haxhiu u shpreh i befasuar nga frymëzimi dhe propozimet konkrete të Berishës dhe ndaj sipas tij kreu i PD, Lulzim Basha tashmë është i detyruar që t’i përgjigjet.

LEXO EDHE:  Video/ Si zotohej Basha për deputetët e listës së tij që “lanë nam” në Kuvend

“Basha duhet të futet në betejë dhe t’i përgjigjet. Tani ka dalë me propozime konkrete dhe Basha duhet t’i përgjigjet”, tha ai.

Baton Haxhiu thotë se propozimet do ta bënin me demokratike PD edhe pse vijnë nga njeriu i gabuar.

Bushati nga ana tjetër u shpreh se “Basha po bëhet krimb, duke u fshehur pas berishizmit” duke iu referuar shmangies së debatit publik brenda PD./euronews

Për të rejat më të fundit behuni pjesë e grupit tonë në facebook : City News Albania

Komentoni

Adresa juaj email nuk do të bëhet publike. Fushat e domosdoshme shënohen *

Aktualitet

Gledis Nano i akordon certifikatë për Shërbime të Dalluara tre oficerëve në Departamentin e Policisë Kriminale

Publikuar

-

Nga

Drejtori i Përgjithshëm i Policisë së Shtetit, Gledis Nano, i akordon Certifikatë për Shërbime të Dalluara Drejtorit të Drejtorisë Hetimore në Departamentin e Policisë Kriminale, Drejtues i Parë Edmond Rizaj, dhe dy oficerëve të kësaj drejtorie.
Njëkohësisht, DEA në Departamentin e Drejtësisë të Shteteve të Bashkuara, vlerëson me Certifikatë për Shërbime të Dalluara, tre oficerë të Drejtorisë Hetimore në Departamentin e Policisë Kriminale në Policinë e Shtetit.
Në ambientet e Drejtorisë së Përgjithshme të Policisë së Shtetit u zhvillua ceremonia për vlerësimin e 6 punonjësve të Drejtorisë Hetimore në Departamentin e Policisë Kriminale, tre prej të cilëve iu është akorduar Certifikatë nga Drejtori i Përgjithshëm i Policisë së Shtetit, ndërsa 3 punonjësit e tjerë janë vlerësuar nga DEA.
Në ceremoni ishte i pranishëm Ministri i Brendshëm, z. Bledar Çuçi, Drejtori i Përgjithshëm i Policisë së Shtetit Gledis Nano, Drejtori i Departamentit të Policisë Kriminale dhe drejtues të tjerë të lartë të Policisë së Shtetit, si edhe punonjës nga Drejtoria Hetimore.
Gjatë ceremonisë, Ministri i Brendëshëm Çuçi dhe Drejtori i Përgjithshëm Nano vlerësuan përkushtimin dhe profesionalizmin e Drejtorit të Drejtorisë Hetimore Edmond Rizaj dhe të oficerëve të tjerë të kësaj drejtorie, në ndjekjen dhe finalizimin e disa operacioneve të suksesshme kundër krimit të organizuar.
Drejtori Edmond Rizaj ka falënderuar Ministrin e Brendshëm dhe Drejtorin e Përgjithshëm, për vlerësimin, duke theksuar se i gjithë stafi i Drejtorisë Hetimore është i fokusuar dhe i angazhuar maksimalisht për të bashkëpunuar me të gjitha agjencitë ligjzbatuese brenda dhe jashtë vendit, me qëllim kryerjen e hetimeve të përbashkëta për të goditur grupet kriminale brenda dhe jashtë vendit.
Me certifikatë nga Drejtori i Përgjithshëm i Policisë së Shtetit Gledis Nano janë vlerësuar:
Drejtues i Parë Edmond Rizaj – i është akorduar “Certifikata për Shërbime të Dalluara” me motivacionin “Për përkushtimin dhe profesionalizimin e treguar në drejtimin e finalizimit me sukses të disa operacioneve policore të realizuara nga Drejtoria Hetimore në funksion të dokumentimit të aktivitetit kriminal të personave apo grupeve të strukturuara kriminale”.
Kryekomisar Saimir Durro – i është akorduar “Certifikata për Shërbime të Dalluara” me motivacionin “Për merita të veçanta, profesionalizmin dhe përkushtimin e treguar në përmbushjen cilësore të detyrave në shërbim të Policisë së Shtetit”.
Komisare Mirela Deda – i është akorduar “Certifikata e Karrierës” me motivacionin “Për merita të veçanta, profesionalizmin dhe përkushtimin e treguar në përmbushjen cilësore të detyrave dhe kontributin e dhënë gjatë viteve të punës, në shërbim të Policisë së Shtetit”.
Me Certifikatë për Shërbime të Dalluara, nga DEA në Departamentin e Drejtësisë të
Shteteve të Bashkuara, janë vlerësuar:
Kryekomisar Gjergj Oshafi
Kryekomisar Rezar Velmishi
Kryekomisar Loreta Alla
Me motivacionin “Për dedikim ndaj detyrës dhe shërbime të shquara.”/CNA.al
LEXO TE PLOTE

Politikë

“Drejtori ngacmon seksualisht dy nxënëse të mitura”/ Thirrja e fortë: Të shpëtojmë arsimin

Publikuar

-

Nga

cna lajme kronike

Deputeti i Partisë Demokratike, Luçiano Boçi ka reaguar në lidhje me ngjarjen e rëndë të regjistruar në Pogradec, ku drejtori i shkollës 9-vjeçare në fshatin Stropckë është arrestuar pasi dyshohet se ngacmonte seksualisht dy nxënëset e mitura.

Në një postim në rrjetet sociale, deputeti Boçi shkruan se kjo është një dëshmi e devijimit të një sistemi të tërë arsimor të kalbur.

Po ashtu ai thekson se duhet një legjislacion i ri që përcakton saktë statusin e shkollës, rolin e funksionin e saj në komunitet, përgjegjësitë e detyrat.

Të shpëtojmë arsimin

Rastet e dhunës e ngacmimeve seksuale, ku përfshihen drejtues institucionesh arsimore e punonjës, nuk janë rastësi.

Ato janë dëshmi e devijimit dhe rrënimit të një sistemi të tërë tashmë të kalbur.

Ky sistem duhet riformatuar.

Edukimi brenda tij ka humbur çdo vlerë e qëllimësi dhe shkolla është tërisht e shkëputur nga funksioni social edukativ dhe me një funksion mësimdhënës mjeran.



LEXO EDHE:  Video-skandali i Salianjit me G.D./ Funksionari i PD-së: Të japin dorëheqjen

LEXO EDHE:  Video-skandali i Salianjit me G.D./ Funksionari i PD-së: Të japin dorëheqjen

Duhet një legjislacion i ri që përcakton saktë statusin e shkollës, rolin e funksionin e saj në komunitet, përgjegjësitë e detyrat.

Duhet një ripozicionim i ri i figurës së mësuesit, detyrës e vlerësimit të tij si mësimdhënës dhe edukator.

Duhet një sistem i ri karriere e vlerësimi për çdo drejtues dhe mësues.

Duhet një sistem i ri inspektimi dhe kontrolli të cilësisë së mësimdhënies dhe edukimit.

Duhet një rol i ri efikas dhe vendimarrës i prindërve dhe komunitetit.

Mbushja e shkollës me patronazhistë e komandime politike, lënia e saj në dorë të pasionantëve politikë pa vlera njerëzore dhe pedagogjike, duhet të marrë fund.

Arsimi duhet shpëtuar!!!!”-shkruan Luçiano Boçi./CNA.al

LEXO TE PLOTE

Politikë

“Unë jam pjesë e PD”/ Belind Këlliçi tregon arsyen: Ja pse do jem në Foltore, të rinjtë nuk janë uzurpatorë

Publikuar

-

Nga

cna lajme politike

Deputeti dhe kryetari i FRPD Belind Këlliçi ka treguar arsyen pse do jetë sot në Foltoren e ish kryeministrit Sali Berisha me të rinjtë.

Në një postim në rrjetin social Facebook, ai shkruan se anëtarët e Kryesisë së FRPD nuk janë uzurpatorë dhe as të ngujuar, duke shtuar se do të jetë në amfiteatrin e jashtëm të Akademisë së Arteve, për të dëgjuar këdo që nuk ka patur hapësirë të shprehet e të dëgjohet.

Këlliçi shtoi se ai është pjesë e PD sepse beson në potencialin dhe historinë e kësaj partie për të qeverisur vendin, ndërsa thekson se as ai dhe askush tjetër nuk është i përjetshëm në parti.

Unë kam folur gjithnjë me gjuhën e gjithëpërfshirjes. Jam kundër përjashtimit e linçimit publik që i bëhet bashkëdemokratëve të mendimit ndryshe.



LEXO EDHE:  Basha jep lajmin “bombë”/ Gjermania kundër hapjes së negociatave

LEXO EDHE:  Halim Kosova takohet më të rinjtë e njësisë numër 5, Basha: Rinia është zemra e PD

Çdo anëtar i FRPD gëzon lirinë të zgjedhë platformën ku mund të shprehë qëndrimet e veta.

Unë jam pjesë e PD sepse besoj në historinë dhe potencialin tonë për të qeverisur Shqipërinë.

Mandati im nuk është i përjetshëm. Anëtarët e kryesisë së FRPD nuk janë uzurpatorë dhe as të ngujuar. Zyrat tona janë aty ku kanë qenë, në selinë e PD, për këdo që kërkon të njohë të rinjtë e saj.

Kam njoftuar pjesëmarrjen në Foltore, sepse besoj se anëtarësia duhet dëgjuar kur na kritikon. Prandaj sot, në orën 12:00, në amfiteatrin e jashtëm të Akademisë së Arteve, do të jem edhe unë, për të dëgjuar këdo që nuk ka patur hapësirë të shprehet e të dëgjohet”, shkruan Këlliçi./CNA.al

LEXO TE PLOTE