Connect with Us

Presidenti Biden shpreh “mbështetje të fortë” për integrimin evropian të Ballkanit Perëndimor

Bota

Presidenti Biden shpreh “mbështetje të fortë” për integrimin evropian të Ballkanit Perëndimor

Publikuar

-

cna lajme bota

Presidenti i Shteteve të Bashkuara Joe Biden, në një telefonatë me Presidenten e Komisionit Evropian, Ursula von der Leyen, diskutoi mes të tjerash edhe për perspektivën evropiane të vendeve të Ballkanit Perëndimor.

Në një njoftim për bisedën nga Shtëpia e Bardhë thuhet se Presidenti Biden shprehu “mbështetjen e tij të fortë” për vazhdimin e procesit të pranimit në Bashkimin Evropian të vendeve të Ballkanit Perëndimor.

Udhëheqësit e BE-së dhe Ballkanit takohen të mërkurën më 6 tetor për të diskutuar perspektivën e anëtarësimit për Serbinë, Kosovën, Bosnjë-Hercegovinën, Malin e Zi, Shqipërinë dhe Maqedoninë e Veriut.

Në takim pritet të ritheksohet garancia e BE -së për anëtarësimin e ardhshëm të gjashtë vendeve.

“Takimi do të jetë një rast për të riafirmuar perspektivën evropiane të Ballkanit Perëndimor, gjë që është me interes të ndërsjellë strategjik”, shprehet Këshilli Evropian në një dokument në prag të takimit të së mërkurës.

Zonja von der Leyen bëri javën e kaluar një turne në vendet e Ballkanit Perëndimor, në prag të takimit të nivelit të lartë të mërkurën. Ajo tha se mbështeste procesin e integrimit të vendeve të Ballkanit Perëndimor. Megjithatë nuk ka siguri se si mund të realizohet ai konkretisht, duke qenë se vendet e veçanta të bllokut duhet të japin miratimin.

Në shtator, agjencia e lajmeve Reuters, duke iu referuar katër diplomatëve dhe një dokumenti të brendshëm të BE-së, njoftonte se për shkak të shqetësimeve nga reagimet e shteteve anëtare, organizata nuk mund të bjerë më dakord për të dhënë garanci për anëtarësimin e ardhshëm të gjashtë vendeve të rajonit.

LEXO EDHE:  Frika nga sulmet terroriste/ SHBA paralajmëron amerikanët që udhëtojnë në Kosovë

Mesa duket bllokimi mbi një deklaratë për takimin e udhëheqësve të BE-së dhe Ballkanit më 6 tetor është një pikë e ulët në strategjinë e BE-së për anëtarësimin e vendeve të Ballkanit Perëndimor. Kjo mospëputhje përkoi edhe me tensionimin e situates në kufirin Kosovë-Serbi

BE-ja kishte planifiuar të përsëriste në takimin e nivelit të lartë këtë javë premtimin e saj të bërë 18 vjet më parë për të dhënë “mbështetjen e qartë për perspektivën evropiane të Ballkanit Perëndimor”, sipas një projekt -deklarate që ishte parë nga Reuters.

Por sipas diplomatëve të cituar nga agjencia e lajmeve, ajo kishte kaluar të paktën përmes dy raunde bisedimesh pa një marrëveshje.

Shtetet e BE -së nuk kanë bërë të njohura pozicionet e tyre, por vendet e pasura veriore si Danimarka, Franca dhe Hollanda i druhen një përsëritjeje të pranimit të nxituar të Rumanisë dhe Bullgarisë në vitin 2007 dhe migrimit të keqadministruar të krahut të punës së Evropës Lindore në Britani që i bëri shumë britanikë të ktheheshin kundër BE -së.

Në mars të vitit të kaluar Këshilli Evropian vendosi hapjen e bisedimeve për anëtarësim me Shqipërinë dhe Maqedoninë e Veriut. Por ndërsa pritej organizimi i konferencës ndërqeveritare, e cila shënon dhe nisjen zyrtare të këtij procesi, gjithshka u bllokua papritur nga Bullgaria, për shkak të kërkesave dhe pretendimeve të saj ndaj Maqedonisë së Veriut./VOA

Për të rejat më të fundit behuni pjesë e grupit tonë në facebook : City News Albania

Komentoni

Adresa juaj email nuk do të bëhet publike. Fushat e domosdoshme shënohen *

Kosova & Rajoni

Skandali me partitë shqiptare në Maqedoni/ Fejzi Hajdari: Nga koalicionet anti-europiane dhe anti-shqiptare jemi nëpërkëmbur që 20 vite

Publikuar

-

Nga

Mbrëmë në Kuvendin e Maqedonisë së Veriut,  partitë shqiptare “Besa” e Bilall Kasamit, Aleanca e Ziadin Selës dhe Alternativa e Afrim Gashit janë takuar me VMRO DPMNE nacionalistë të Hristijan Mickovskit dhe me partinë fashiste Levica te Dimitar Apasiev, për të dhënë firmat e tyre kundër qeverise pro evropiane.

Ky koalicion është pritur me reagime të ashpra si nga shqiptarët në Maqedoninë e Veriut, ashtu edhe në Kosovë. Madje është kërkuar që drejtuesit e partive politike shqiptare të shpallen non-grata pasi po veprojnë jo vetëm kundër interesave të shqiptarëve, por edhe atyre ndërkombëtare.

Aleatët maqedonas në programin e tyre nuk e njohin gjuhën shqipe, nuk njohin marrëveshjen e Ohrit dhe janë kundër pavarësisë së Kosovës.

Këtë zhvillim shqetësues dhe destabilizues në Shkup e nxiti dorëheqja e Zoran Zaevit por edhe largimi i Besës së Bilall Kasamit nga koalicioni qeveritar me tre deputetët e tij edhe pse ata ishim zgjedhur në listat zgjedhore si deputet te LSDM-së së Zaevit.

Po çfarë thonë njohësit e çështjeve politike në Maqedoninë e Veriut?

Fejzi Hajdari, analist dhe botues i gazetës “Lajm”, në një pornoncim për CNA.al, ka thënë se përgjatë 20 viteve për shkak të qeverive dhe koalicioneve anti-evropiane dhe antishqiptare, shqiptarët në Maqedoninë e Veriut nuk arritën të kategorizohen si popull shqiptarë, por si popull, 20 përqind.



Hajdari ka radhitur faktet se si janë nëpërkëmbur shqiptarët si dhe ka shprehur zhgënjimin nga qevritë e deritanishme.

Po a ka parti gjegjësisht qeveri dhe koalicione qeverisëse më antieuropiane dhe antishqiptare, sesa këto të deritanishmet që as per 20 vite nuk arritën shqiptarët ne kushtetutë t’i kategorizojnë si “popull shqiptarë”, por si “popull 20 përqind”. Ose që as për 20 vjet ne qeveri nuk arrijnë ta zyrtarizojnë gjuhen shqipe në nje rrafsh si maqedonishtja, ose tani 20 vjet nuk arrijnë ta zgjidhin

Statusin e ish ushtareve te UÇKse nderkohe qe ushtareve maqedpnas “Branitellave” tanimë iu kane siguruar me ligj pensione të majme dhe privilegje e benificione. Nuk arriten ta zgjidhin ose zbardhin, asnjë rast të montuar politik kundër shqiptarëve,siç janë “Lagjja e Trimave”, “Monstra”, Brodeci, Sopoti etj“, është shprehur Hajdari.

LEXO EDHE:  Lufta me koronavirusin/ Mbi 38 mijë të vdekur në SHBA

LEXO EDHE:  Sulmi kibernetik/ Gazsjellësi amerikan ende jashtë funksionit

Sipas Hajdarit, shqiptarët në Maqedoni e Veriut nuk kanë të drejta, aq sa kanë serbët në Kosovë.

Pra unë nuk jam i prirur t’ju besoj deklarimeve boshe te politikaneve ne qeverite e deri tanishme, qofshin shqiptar apo maqedonas, por dua te shoh rezultate konkrete. Fakt eshte që shqiptarët në Maqedoninë e Veriut me rreth 30% te banorëve, vazhdojnë të mos i gëzojne të drejtat që i gezojnë serbët në Kosovë. Pra, dua te them shqiptarët në Maqedoninë e Veriut kerkojnë ndryshim të pushtetit me qëllim që t’u hapet perspektiva në këtë shtet me stabilitet të brishtë dhe që të ndalet ikja masive e rinisë shqiptare jashte. E dini ju, se viteve të fundit rinia shqiptare në mënyrë masive po ik jashtë. Qytetet shqiptare po zbrazen me intensitet të lartë. Prandaj shqiptaret duan ndryshim. Andaj edhe opozita sipas deklarimeve te tyre, është bashkuar me opozitën maqedonase për të provuar ndryshimin që është emergjent dhe i ngutshëm sidomos për shëiptarët“, është shprehur më tej Hajdari për CNA.al

LEXO TE PLOTE

Bota

Tragjike/ 8 të vdekur dhe qindra të plagosur në koncertin e këngëtarit të njohur Travis Scott

Publikuar

-

Nga

cna lajm show

Tetë persona kanë vdekur dhe ‘qindra’ të tjerë janë plagosur pas një përplasjeje dhe rrëmuje të krijuar në festivalin Astroworld të reperit të famshëm Travis Scott në Teksas. Mesohet se pjesa tjetër e festivalit tani është anuluar.

Travis Scott po performonte në NRG Park të Houston.

Video nga koncerti që po bën xhiron e rrjetit  tregoi njerëz të shtrirë pa ndjenja në mes të turmës ndërsa oficerët dhe personeli i urgjencës kryen CPR . Të tjerët u panë duke i lutur stafit të koncertit për ndihmë. E dashura shtatzënë e Scott, Kylie Jenner ndau një video duke treguar audiencën në Instagram, e cila tregonte një automjet urgjence duke u përpjekur të kalonte rrugën nëpër turmë.

LEXO EDHE:  Biden do i sjellë SHBA-së atë që Brezhnjevi i dha Bashkimit Sovjetik, stanjacionin

LEXO EDHE:  Në prag të inaugurimit presidencial/ "Blindohet" Kapitoli në SHBA



Shtatëmbëdhjetë njerëz u dërguan në spitale, me 11 prej tyre në arrest kardiak, nga një turmë prej 50,000 pjesëmarrësish.

Ky koncert u anulua vitin e kaluar për shkak të Covid, ndërkohë që ky vit rezultoi një tragjedi. Disa orë para përplasjes vdekjeprurëse, në orën 14:00, qindra ndjekës të reperit të cilët dukej se nuk kishin bileta – sulmuan hyrjen VIP dhe kjo mendohet se ka shkaktuar edhe rrëmujën./CNA.al

LEXO TE PLOTE

Kosova & Rajoni

Takim anti-shqiptar/ Projekti ruso-turk në Maqedoninë e Veriut shkakton trazira

Publikuar

-

Nga

cna lajm aktualitet

Pas dorëheqjes së kryeministrit Zoran Zaev i cili vendosi që të largohet nga posti i kryeministrit dhe kryetarit të LSDM, pas humbjes së thellë në zgjedhjet lokale janë takuar tre parti shqiptare dhe dy maqedonase.

Ky takim është konsideruar si anti-shqiptar sepse partitë maqedonase synojnë anullimin e gjuhës shqipe, heqjen e marrëveshjes në fuqi për sa i përket Ohërit, largimin nga NATO dhe mos njohjen e Kosovës.

Partia “Besa” e Bilall Kasamit, ”Aleanca” e Ziadin Selës dhe ”Alternativa” e Afrim Gashit janë takuar ditën e djeshme me ”VMRO DPMNE” nacionalistë të Hristijan Mickovskit dhe me partinë fashiste ”Levica” të Dimitar Apasiev, për të dhënë firmat e tyre kundër qeverise pro-evropiane.

Takimi mes tyre është shpërndarë kudo në media dhe nuk kanë munguar komentet të cilat e etiketuan këtë takim si antishqiptar.

Pse?

Sepse këto parti së bashku kanë 61 deputetë dhe vendimet e marra dëmtojnë edhe Shqipërinë e cila është në pritje të lajmeve pozitive per hapjen e negociatave për antarësim në BE.

Gjithësesi, mediat maqedonase pohojnë se në mesin e atyre partive ka deputetë shqiptarë që j’u vihen kundër dhe nuk përkrahin vendimet e tyre antishqiptare.



LEXO EDHE:  Çështja Berisha/ Baton Haxhiu: Basha po pranon në heshtje verdiktin amerikan

LEXO EDHE:  Frika nga sulmet terroriste/ SHBA paralajmëron amerikanët që udhëtojnë në Kosovë

“Levica”, partia  e majtë që fitoi dy mandate në zgjedhjet e parakohshme parlamentare, krahas përpjekjeve të qarta për anulimin e Marrëveshjes së Prespës dhe rishikimin e Marrëveshjes së fqinjësisë së mirë me Bullgarinë, ofron zgjidhje specifike që mund të shkaktojnë një kthim në politikën e jashtme.

Në fushën e diplomacisë synimet e programit të saj përfshijnë revokimi i njohjeve të Kosovës, Izraelit dhe Koresë së Jugut. Ndryshe nga ndërprerja e marrëdhënieve diplomatike me këto vende, e majta beson se pavarësia e Palestinës, Katalonjës dhe Baskëve duhet të njihet.

Gjithashtu  janë pro partneriteti strategjik me PRC.

Kjo parti gjithashtu angazhohet për anëtarësimin e menjëhershëm në NATO dhe tërheqjen e pakushtëzuar të të gjitha forcave të sigurisë nga misionet e huaja ushtarake që nuk kanë mandat të OKB-së.

Sa i përket Bashkimit Europian, e majta mbështet anëtarësimin e Maqedonisë në këtë komunitet, por insiston që procesi i negociatave të vlerësohet duke u shkëputur nga ndikimet e shteteve të tjera, pra individualisht./CNA.al

LEXO TE PLOTE