Connect with Us

Trajtohen prej vitesh me bonusin e të pastrehëve/ 11 familje të komunitetit Egjiptjan kërkojnë zgjidhje

Denoncim

Trajtohen prej vitesh me bonusin e të pastrehëve/ 11 familje të komunitetit Egjiptjan kërkojnë zgjidhje

Publikuar

-

11 familje të komunitetit Egjiptjan në qytetin e Shijakut janë drejtuar në redaksinë e emisionit Fiks Fare dhe thonë se po vuajnë mungesën e një strehe.

Më parë ata jetonin në bregun e lumit Erzen, në banesa një katëshe, por si pasojë e reshjeve dhe daljes së lumit nga shtrati Bashkia e Shijakut i shpërnguli për pak ditë në Kavaleshencë të Durrësit. Me stabilizimin e situatës dhe dëshirën e familjeve u ritransferuan përsëri buzë lumit Erzen. Situata u bë e përsëritshme dhe bashkia e këtij qyteti vendosi që këto familje të trajtoheshin me bonusin e të pastrehëve, duke ju gjetur kështu shtëpi banimi brenda në qytet me kontratë një vjeçare. Këto familje kërkojnë nga bashkia që t’u gjendet një zgjidhje e përhershme për të patur një strehë të tyren. Në një komunikim që kanë patur banorët e këtij komuniteti me kryetarin z. Elton Arbana ai është shprehur se duhen t’i gëzohen faktit se trajtohen me këtë bonus prej aq kohësh, pasi mund të vijë dhe momenti që bashkia nuk mund ta ketë më këtë mundësi.

LEXO EDHE:  Flet profesori grek i gjeologjisë/ Përcaktuam zonat sizmike të Shqipërisë, merrni masa!

Menjëherë pas shqetësimit të banorëve të këtij komuniteti, gazetarët i drejtohen Bashkisë Shijak për të marrë një përgjigje nga kryetari Elton Abana.

Kryetari tha se këto familje trajtohen me bonusin e të pastrehëve që prej vitit 2017. “Momentalish janë të pajisur me kontrata banimi një vjeçare, pasi ne si bashki nuk kemi banesa sociale për këtë kategori.
Kjo kontratë qiraje ka qenë e rinovueshme çdo vit, por plani i projekt buxhetit bëhet në fund të çdo viti. Nga ana jonë këto familje nuk janë neglizhar dhe as nuk do të mbeten të neglizhuar” përfundoi kryetari Abana./Tch

Për të rejat më të fundit behuni pjesë e grupit tonë në facebook : City News Albania

Komentoni

Adresa juaj email nuk do të bëhet publike. Fushat e domosdoshme shënohen *

Denoncim

Denoncimi në Stop/ Avokati i premton të riut vizë pune në Gjermani për 1500 Euro

Publikuar

-

Nga

Një i ri, i cili i kishte paguar 1500 Euro një avokati pasi ky i fundit i kishte premtuar se do ta ndihmonte për të nxjerrë vizë gjermane, kërkon që t’i kthehen paratë mbrapsht. Marsel Sina, thotë për emisionin Stop në Tv Klan, se avokati Sokol Berberi i kishte kërkuar gjithsej 300 Euro, gjysmat e parave në fillim dhe gjysmën tjetër pasi të dilte viza.

Sipas marrëveshjes së tyre, nëse nuk realizohej, avokati do të kthente paratë. Por viza për punë në Gjermani nuk doli dhe tani Marsel Sina kërkon 1500 Euro.

Që nga muaji Prill dhe deri në Tetor 2021, avokati Sokol Berberi nuk mbaroi punë dhe nuk ktheu paratë, duke gjetur justifikime.

Marsel SinaAvokati Sokol Berberi më premtoi një vizë pune gjermane. Viza e punës kushtonte 3 mijë Euro. Në fillim Sokoli donte 1500 Euro, ndërsa 1500 Euro të tjera i donte kur unë të merrja vizën e punës. Sokoli më premtoi që unë vizën e punës do ta nxjerr për 1 muaj e gjysmë. Nëse nuk do ta nxjerr vizën për 1 muaj e gjysmë, do të kthej 1500 Euro mbrapsht. Kjo punë ka kaluar një kohë të gjatë. 1500 Euro Sokolit ia kam dërguar që në muajin Shkurt. Kur e merrja në telefon Sokolin më mashtronte, pas 2 javësh, jam bllokuar nga koronavirusi, pas 3 javësh, pas 10 ditësh e kështu vazhdonte me mashtrimet e veta. Për momentin ndodhem në Gjermani. Kam shumë besim te emisioni Stop.

Gazetari i emisionit Stop, avokati Sokol Berberi tha se do e asistonte të riun nëse ambasada vononte përgjigjen. Sipas tij, edhe për të blerë bukë, duhet asistenca e një avokati. Pas këmbënguljes sonë, Berberi premtoi të kthente paratë në 15 Tetor, duke kërkuar që problemi të mos transmetohej.

Gazetari- Të dalim direkt tek tema, se unë kam një takim tjetër!

Av.Sokol Berberi-S’ka gjë. Cili është personi, ose për cfarë jam mendu, por nuk…

Gazetari-Ëëë..,Marsel Sina.

Av.Sokol Berberi-Ëëë…,ok! E njof Marselin, është në Gjermani tani.

Gazetari- E ka sjellë si shqetësim, si denoncim, ku në përshkrimin, që bën në redaksinë tonë, thotë: I kam thënë 1500 euro nëpërmjet një shokut tim, për të nxjerrë një vizë për në Gjermani.

Av.Sokol Berberi- Jo për të nxjerrë vizën, por për procedurat, duke filluar nga takimi, dokumentacioni edhe të gjitha.

Gazetari – Mesa di unë, lihet ky takimi, që nxjerr ambasada?

Av.Sokol Berberi- Termini. (takimi)

Gazetari- Termini, që është shumë i vështirë për t’u kapur?

Av.Sokol Berberi- Po pra, bravo…!

Gazetari-Këtë e bën vetë, s’ka nevojë për avokat.

Av.Sokol Berberi-Jo, jo e bën vetë, po  unë i  bëj dhe  kërkesë- ankesë, kanë kaluar afatin në bazë të ligjit, sepse i vonojnë p.sh:e ka për 40 ditë, i vonojnë 9 muaj, 6 muaj, 5 muaj ambasada…terminin.

Gazetari-Po unë e di, po e kape, po s’e kape…

Av.Sokol Berberi- Po bravo, por i kanë anulu…

Gazetari- Jo, jo! I përzgjedh sistemi. Ti mund të kesh 3 vjet, që pret dhe s’i kap datat e aplikimit. Mund të hysh sot dhe e kap. Po e di unë, se jam marrë…, më kupton?

LEXO EDHE:  Skandali në Fiks Fare/ Mësuesi i dënuar për vrasje luan bixhoz në klasë

LEXO EDHE:  Skandali në Fiks Fare/ Avokati i merr para qytetarit për të ndikuar te gjyqtarët

Av.Sokol Berberi-Është vendndodhja, banesa…

Gazetari-Po pse me avokat?!

Av.Sokol Berberi-Me avokat bëhet cdo gjë, me avokat bëhet, mund të shkosh të blesh edhe bukën me avokat, hahhaha…



Gazetari-Prandaj po të them, n.q.s ti e justifikon punën, ato, cfarë i ke bërë atij…

Av.Sokol Berberi-Nuk ka lidhje, unë do t’ia jap gërmë më gërmë.

Gazetari-Mos ia kthej, që mos thuash nesër-pasnesër i kam bërë punë…

Av.Sokol Berberi-Genci më mirëkupto! Më shiko njëcikë! Nuk kemi debat për të tilla gjëra.

Gazetari-Ok!

Av.Sokol Berberi-Thjesht i kam thënë në 11 shtator. Me 11 shtator unë kam qënë sëmurë, ai ndoshta më ka marrë …Jo s’më ka marrë. Me mua ai ka një muaj, që s’më merr më mua…

Gazetari-Ti je privat. N.q.s e justifikon punën, s’ka përse…të ndihesh debitor.

Av.Sokol Berberi-Patjetër! Jo, jo unë jam debitor moral. Thjesht ai është tërhequr dhe më thotë: tani m’i jep!

Gazetari- Në qoftë se të bën puna aq, thuaja ti: më bën puna kaq, të kam bërë këto, këto…!

Av.Sokol Berberi- Jo tani ai thotë: nuk e dua më, tërhiqem dhe reagimi e ka për datën, se ka kalu data 11 shtator.

Av.Sokol Berberi-Po jo me e nxjerr, po si do e nxjerrësh në media?! Po jo mo Genci, nuk duhet me e nxjerr në media! Ik bisedo ti me zotërinë, në këtë datë ke lekët.., eee kaq!

Gazetar- E kaq, po!

Av.Sokol Berberi- Po kjo s’ka pse bëhet mediatike! Të lutem tani, se unë jam duke fol..!

Gazetari- Më shiko tani! Ti kuptoje dhe llogjikën time! Mua nuk më ka paguar ai nga Gjermania dhe po vij t’i zgjidh hallin atij. Jam shumë i ftohte në këtë gjë, prandaj po të them!

Av.Sokol Berberi- Genc më dëgjo! Dhe unë jam shumë i ftohtë. Dakord!. Ai zotëria më ka thënë: më jep pagesën dhe unë i kam thënë: do ta jap në filan datë, në të cilën datë nuk ia kam dhënë. Tashti në filan datë, të them unë, e ka të sigurtë 5 milionë përqind.

Gazetari-Po kaq..!

Av.Sokol Berberi- Po tani s’ka pse të bëhet mediatike kjo, atëherë c’u pa kjo?!

Ai të shkojë në gjykatë pastaj…!

Gazetari-Po le të shkojë…!

Av.Sokol Berberi-Jo, jo! Them në kuptimin..,s’ndodh ajo…Unë jam duke shlyer detyrimin. Tani, që të jem i sinqertë, unë më 21 gusht.., ëëë të lutem…!

Gazetari-Rëndësi ka zgjidhja!

Av.Sokol Berberi-Më dëgjo Sokolin, se unë kam dalë sot. Zgjidhja, n.q.s do më tolerosh ti në kuptimin njerëzor, e kupton vetë…unë, në qoftë se i kam thënë në 11 Shtator, unë kam dalë sot dhe në qoftë se më mirëkupton, unë kam dalë sot dhe në 15 Tetor unë e shlyej.

Nga Gjermania ku ndodhet me punë, Marsel Sina na konfirmoi se avokati Sokol Berberi ia ktheu shumën prej 1500 Eurosh. /tvklan

LEXO TE PLOTE

Denoncim

Denoncimi i Fiks Fare/ 69-vjeçari dhunohet në polici, gruaja e paralizuar 5 orë vetëm në shtëpi

Publikuar

-

Nga

Fiks Fare denoncoi mbrëmjen e së enjtes veprimet e punonjësve të Komisariatit Nr.4 në Tiranë, të cilët kanë dhunuar një 69-vjeçar në dhomën e izolimit.

Ndërkohë, gjatë 5 orëve të qëndrimit të qytetarit në komisariat, bashkëshortja e tij e paralizuar ka qenë vetëm në shtëpi, pa asnjë përkujdesje.

Luan Daçi iu drejtua emisionit investigativ për të denoncuar këto veprime, ndërsa edhe pse kanë kaluar mbi 3 javë nga ngjarje, ai vijon që të ketë shenja nga kjo dhunë.

“Kam kërkuar ndihmën e policisë te nr. 112 për një mosmarrëveshje me komshiun. Apartamenti im pikonte, madje në dhomën ku qëndron gruaja e paralizuar. Policët shkuan në katin e dytë te komshiu dhe më pas te unë. Më thanë do vish në komisariat. I kam kundërshtuar vetëm verbalisht, për shkak të gruas së paralizuar, por më urdhëruan që të shkoja dhe ashtu bëra” thotë 69-vjeçari, ndërsa tregon se ai jetën vetëm me bashkëshorten.
Më tej pohon se, edhe kur shkoi në ambientet e policisë, u tregoi policëve për gjendjen në të cilën ndodhet, por nuk ka marrë asnjë aprovim të tyre.

“Përkundrazi, më futën në dhomën e izolimit. Para se të shkoja, erdhi një polic dhe më futi dorën në xhep, duke më marrë telefonin” pohon i moshuari, teksa thotë se i ka kërkuar policëve që të lajmërojë vajzën dhe të marrë avokat. “Ata s’pranuan, por një polic më kapi në të dyja krahët me forcë dhe më përplasi në mur” vijon ai, teksa u tregon gazetarëve të Fiks Fare edhe shenjat, të cilat megjithëse kanë kaluar mbi 3 javë ende i ka në të dyja krahët.

Luani thotë se ka qëndruar rreth 5 orë në komisariat dhe askush “nuk e vinte ujin në zjarr”. Thotë se, e gjithë ngjarja është filmuar pasi në brendësi të komisariatit ka kamera sigurie. “Pasi më mbajtën për 5 orë më thanë se mund të qëndroja për të bërë deponime. I kërkova të iki shpejt se kam bashkëshorten. Kur kam shkuar në shtëpi, çfarë të shoh. Gruaja bërtiste dhe kishte bërë nevojat personale në krevat. Si mund të lihet vetëm një njeri me aftës të kufizuar për 5 orë. Kam bërë denoncim te SHÇBA, por s’kam marrë asnjë përgjigje thotë Luani.

LEXO EDHE:  Rikthehet Majlind Shkira, i kapur me shkelje por emërohet auditues në Universitetin e Mjekësisë

LEXO EDHE:  Skandali në Fiks Fare/ Mësuesi i dënuar për vrasje luan bixhoz në klasë



Pas ankesës, denoncuesi shkon dhe interesohet në polici. Pyet te informacioni për ngjarjen, por askush nuk i jep përgjigje. Gjithashtu, interesohet se, nëse i ka kundërshtuar policët, a është bërë kallëzim ndaj tij. Por, punonjësi i thotë se s’ka asnjë kallëzim të policëve. Ndërkohë, policët nuk tregojnë emrin e personit që e ka shoqëruar në dhomën e izolimit. “Meqë e ke ndjekur në rrugë të tjera, prit përgjigjen e atyre se do jenë ata që do hetojnë” i thonë punonjësit.

Pas kësaj përgjigje, gazetarët e Fiksit interesohen në Komisariatin Nr.4. Punonjësi i policisë shikon regjistrin dhe thotë se Luan Laçi është shoqëruar në datën 15 tetor për “mosmarrëveshje”. Pyetjes se, brenda ambienteve është ushtruar dhunë, thotë se është mbajtur në polici për rreth 2 orë e gjysmë, nga 5 që thotë Laçi. Ai thotë se punonjësi që është marrë me këtë çështje është inspektori Pëllumb Mancilla.

Gazetarët e pyesin punonjësin nëse e dinte Pëllumbi për gruan e tij të paralizuar apo nëse ka ushtruar dhunë, na thotë se vetëm ai e di dhe na jep nr e telefonit. Fiksi telefonin edhe inspektorin Pëllumb Mancilla. Thotë se Luani është shoqëruar për konfliktin me komshiun. Pyetjes se kush e shoqëroi në komisariat, thotë se nuk ia ka idenë. Madje, nuk ka informacion se kush e ka qëlluar apo kush e ka dhunuar në krahë. Më tej pohon se ai e gjeti brenda në komisariat në dhomën e izolimit.

Pëllumbi thotë se është inspektor i zonës dhe e dinte problemin e Luanit, por nuk kishte asnjë informacion tjetër. “E kam takuar në dhomën e izolimit. Kam mbaruar punë me të brenda 10 minutave. Nuk e di sa ka qëndruar në komisariat, nuk është puna ime” thotë Pëllumbi. Në fund thotë se dikush në komisariat i kishte thënë se ishte i pirë, por kur e ka marrë në pyetje nuk i është dukur i tillë./tch

LEXO TE PLOTE

Denoncim

Tërmeti ju prish shkollën/ Fëmijët mësim në lokale e shtëpi të braktisura

Publikuar

-

Nga

Fëmijët në Funarë të Librazhdit e zhvillojnë mësimin në ambiente të lokaleve dhe shtëpi të braktisura, që prej prishjes së shkollës nga tërmeti.

Fiks Fare mëson se janë rreth 100 fëmijë që procesin mësimor e zhvillojnë në 5 ambiente të ndryshme në fshat. Grupmosha e fëmijëve varion që nga kopështi e deri në klasën e 9-të.

Shkolla e këtij fshati ka dalë jashtë funksionit që nga tërmeti i nëntorit të vitit 2019, dhe që në atë kohë për fëmijët e fshatit është gjetur kjo zgjidhje. Gazetarët e Fiksit shkojnë për ta parë nga afër situatën. Fillimisht kërkojnë të gjejnë ambientet se ku zhvillohet procesi mësimor. Gazetarët dy klasa i gjejnë në një shtëpi të braktisur , një klasë është e ndërtuar në një ish lokal, ndërsa dy klasa të tjera në katin e parë të një shtëpie. Ndërkohë edhe kopështi është i ndërtuar në një ambient lokali. Fëmijët për të shkuar në tualet duhet të dilnin në ambient tjetër ku luhej bilardo e më pas të kryenin nevojat e tyre personale.



Gazetarët e Fiksit telefonojnë drejtorin e shkollës z. Naim Goma për të mësuar më shumë sesi zhvillohet procesi mësimor në këtë mënyrë. Por edhe drejtori kishte përfunduar duke dhënë mësim në një ambient të hapur në natyrë, siç ua pohon ai vetë gazetarëve. Duke e ditur se për çfarë po e telefonojnë gazetarët ai i shmang duke ju thënë se pas mësimit do paraqitet në zyrën arsimore. Por gjatë telefonatës drejtori konfirmon se ambientet ku zhvillohet mësimi i ka zgjedhur pushteti vendor .

LEXO EDHE:  Nga përgjimet, mandatet e opozitës, tërmeti dhe ngritja e SPAK/ Ngjarjet e bujshme që shoqëruan 2019

LEXO EDHE:  Koloneli izraelit qetëson qytetarët/ Mund të jetoja këtu bashkë me fëmijët

Gazetarët e Fiksit takojnë edhe kryeplakun e fshatit z. Ferit Mokra. Përgjatë intervistës ai thotë se pavarësisht se zhvillimi i procesit mësimor në këtë lloj forme mbetet një problem i madh, nuk kanë patur zgjidhje tjetër. “Kemi kërkuar ndërtimin e shkollës ,madje këtu ka ardhur dhe ministrja e Arsimit Evis Kushi” tregon kryeplaku “por deri më sot asgjë nuk është bërë ,jemi akoma në këtë gjendje ku fëmijët zhvillojnë mësim në ambiente lokakesh apo shtëpi të braktisura”. Gazetarët e Fiksit sigurojnë nga bashkia dosjen e aplikimit të projektit , që i është nisur që në Mars 2020 Ministrisë së Arsimit , Rinisë dhe Sportit. Krahas aplikimit bashkia ka ofruar bashkëfinancim të projektit në 10 përqind të shumës. Pra projekti kap shifrën e 100 milion lekëve, ku bashkia jep 10 milionë lekë, ndërkohë pritet që ministria të japë 90 milion të tjera./tch

LEXO TE PLOTE