Connect with Us

CDC miraton doza përforcuese të vaksinës Pfizer

Bota

CDC miraton doza përforcuese të vaksinës Pfizer

Publikuar

-

cna news, cna lajme, lajme cna, lajme flash cna, cna.al, cna lajme politike, cna kronike, cna lajme bote, cna show

Drejtoresha e Qendrave Amerikane për Kontrollin dhe Parandalimin e Sëmundjeve miratoi dozat përforcuese të vaksinës Pfizer për disa grupe individësh që i kanë bërë dy dozat e vaksinimit para të paktën gjashtë muajsh.

Punonjësit e vijës së parë, mësuesit, punonjësit e kujdesit shëndetësor dhe të tjerë, puna e të cilëve i ekspozon më shumë ndaj virusit, do të jenë në gjendje të marrin dozën përforcuese, ashtu si edhe personat 65 vjeç e lart, banorët e shtëpive të të moshuarve dhe të tjerë, të moshës 50 deri në 64 vjeç, që janë të rrezikuar.

Drejtoresha e CDC-së, Rochelle Walensky shtoi punonjësit e vijës së parë të enjten vonë në listën e përgatitur nga paneli këshillues i qendrës, mes atyre që kanë të drejtën për të marrë dozën përforcuese.

LEXO EDHE:  Vaksina anti-Covid/ Këta janë pesë personalitetet që do vaksinohen të dielën

Administrata Amerikane e Ushqimit dhe Barnave miratoi të mërkurën një dozë të tretë të vaksinës Pfizer për personat 65 vjeç e lart, ata në rrezik të lartë për sëmundje të rënda dhe personat që janë të ekspozuar vazhdimisht ndaj koronavirusit.

Agjencia Evropiane e Barnave tha të enjten se planifikon të vendosë në fillim të tetorit nëse do të miratojë një dozë të tretë të vaksinës Pfizer-BioNTech COVID-19 për personat mbi moshën 16 vjeç.

Agjencia e BE-së miratoi fillimisht një proces me dy doza, por tha se infeksionet mes të vaksinuarve kishin shtuar urgjencën për rishikimin e një doze të tretë për njerëzit 16 vjeç e lart, gjashtë muaj pasi janë vaksinuar plotësisht./ VOA

Për të rejat më të fundit behuni pjesë e grupit tonë në facebook : City News Albania

Komentoni

Adresa juaj email nuk do të bëhet publike. Fushat e domosdoshme shënohen *

Bota

Rritja e çmimit të ushqimeve në botë/ FAO: Niveli më i lartë në 10 vjet

Publikuar

-

Nga

cna lajme bote

Organizata e Ushqimit dhe Bujqësisë me bazë në Romë, FAO, ka deklaruar rritjen e çmimeve në të gjithë botën gjatë muajit shtator, duke arritur kulmin 10-vjeçar.

Sipas FAO-s shkak janë bërë kushtet e furnizimit dhe rritja  e kërkesës për produktet kryesore, grurin dhe vajin.

Në raport me një vit më parë, FAO raporton se Indeksi i Çmimeve të Ushqimit është rritur me 32.8%.

“Ndër drithërat kryesore, gruri do të jetë fokusi në javët e ardhshme pasi kërkesa duhet të testohet kundrejt rritjes së shpejtë të çmimeve”, ka deklaruar ekonomisti i lartë i FAO -s, Abdolreza Abbassian.



Sipas FAO-s çmimet e drithërave u rritën me 2% krahasuar me muajin gusht, ndërsa çmimet e grurit në tregjet ndërkombëtare janë rritur deri në 41% krahasuar me një vit më parë. Sa i takon çmimit të misrit ai është rritur me 0.3%.

LEXO EDHE:  Pandemia Covid-19/ Mjekja shqiptare në Itali: Mos bëni ekzaminime të tepërta

LEXO EDHE:  Vaksina anti-Covid/ Këta janë pesë personalitetet që do vaksinohen të dielën

Gjithashtu është shtrenjtuar me 1.7% çmimi i vajit vegjetal në raport me muajin gusht, ndërsa në krahasim me shtatorin e 2020, çmimi i vajit është rritur me rreth 60%.

Ndërsa çmimet globale të sheqerit u rritën me 0.5% në shtator, për shkak të shqetësimeve për motin e keq në Brazil, që është eksportuesi kryesor.

Kjo është kompensuar pjesërisht nga ngadalësimi i kërkesës për import dhe një perspektivë e favorshme e prodhimit në Indi dhe Tajlandë, sipas FAO-s./ CNA.al

LEXO TE PLOTE

Bota

Covid-19/ Pfizer kërkon miratimin e vaksinës për fëmijët e moshës 5 deri në 11 vjeç

Publikuar

-

Nga

Studimi shpresëdhënës/ Sa zgjat imuniteti nga vaksinat e ARN-së si Pfizer e Moderna

Kompania farmaceutike “Pfizer” ka kërkuar nga Agjencia e Ushqimit dhe Barnave në SHBA, FDA, miratimin e vaksinës së saj për fëmijët e moshës 5 deri në 11 vjeç. Lajmi është bërë i ditur nga një postim në Twitter i kompanisë.

“Jemi të përkushtuar që të punojmë me FDA-në me qëllim që të ndihmojmë në mbrojtjen e fëmijëve kundër këtij kërcënimi serioz për shëndetin publik”, tha kompania Pfizer.

Agjencia e Barnave në SHBA-së tha se komiteti këshillues do të shqyrtojë të dhënat dhe para datës 26 tetor, do të paraqesë vendimin nëse duhet t’i jepet autorizimi përdorimit të vaksinës te fëmijët e kësaj grupmoshe./ CNA.al

 



LEXO EDHE:  Pandemia Covid-19/ Mjekja shqiptare në Itali: Mos bëni ekzaminime të tepërta

LEXO TE PLOTE

Bota

Mbi 330 mijë fëmijë të abuzuar/ Në Francë kërkohet reformë për Kishën Katolike

Publikuar

-

Nga

Jean-Rene, Jean-Francois dhe Joseph ishin rreth dhjetë vjeç kur filloi abuzimi. Në shkollën e priftërinjve në Chavagnes-en-Paillers, në perëndim të Francës, abuzimet seksuale kundër fëmijëve ishin sistematike.

“Ata vinin dhe na merrnin nga dhomat. Na thonin ‘nuk iu kam parë për një kohë të gjatë’ dhe na çonin në dhomat e tyre”, tregon Jean-Francois, viktimë e abuzimit.

Por kisha katolike i mbulonte abuzimet.

“Kur një prift sillej në mënyrë skandaloze, peshkopi do ta zhvendoste atë diku tjetër, ku ai do të bënte sërish të njëjtën gjë, që kishte bërë më parë”, tregon Jean Rene, viktimë e abuzimit.

Për dekada, histori të tilla të tmerrshme të abuzimit u përsëritën në të gjithë Francën. Por ato u mbajtën të fshehura.

Një hetim, nga një komision i pavarur, që u publikua të hënën, zbuloi se të paktën 216 mijë fëmijë, shumica djem, janë abuzuar seksualisht nga 3200 priftërinj dhe klerikë, që nga viti 1950. Po t’u shtosh edhe abuzimet nga punonjës të tjerë të kishës, numri i të abuzuarve shkon në 330 mijë.

“Ka patur kryesisht një neglizhencë, dështime, heshtje, fshehje institucionale të abuzimeve në mënyrë sistematike”, thotë zoti Jean-Marc Sauve, presidenti i Komisionit të Pavarur për Abuzimet Seksuale në Kishë.



Pas publikimit të raportit, reagoi dhe Papa Françesku. “Unë dua të shpreh trishtimin tim, pikëllimin tim për traumën që ata kanë pësuar. Është turp për në, është turp për paaftësinë për një kohë të gjatë të kishës, për t’i ndjekur këto shqetësime”, tha Ati i Shenjtë.

LEXO EDHE:  Pandemia Covid-19/ Mjekja shqiptare në Itali: Mos bëni ekzaminime të tepërta

LEXO EDHE:  “Boll u talle me gjyshërit!”/ Dasho ‘masakron’ Ramën: Për shkak të paaftësisë tënde vdiqën 9,200 shqiptarë

Sipas ligjit francez, shumë prej abuzimeve janë të vjetra për t’u ndjekur penalisht. Komisioni bëri thirrje që kisha të rrisë kompensimin financiar për viktimat, pagesa të cilat janë planifikuar të fillojnë vitin e ardhshëm. Disa viktima thonë se vetë Kisha Katolike duhet t’i nënshtrohet një reforme historike.

“Duhet një proces i thellë ndryshimi në praktikat, marrëdhëniet dhe qeverisjen e Kishës”, thotë Eric Boone, viktimë e abuzimit.

Në fillim të këtij viti, Papa Françesku ndryshoi ligjet katolike për të kriminalizuar në mënyrë të qartë abuzimin seksual.

“Përsa kohë të ketë mbetur qoftë edhe një abuzues, apo një viktimë, duhet bërë më shumë. Papa Françesku mendoj se ka filluar një kulturë ndryshimi”, thotë Amicie Pelissie du Rausas, me organizatën “Zërat Katolikë”

Hetime të ngjashme po kryhen edhe në disa vende të tjera, përfshirë Shtetet e Bashkuara dhe Australinë. Papa Françesku e ka cilësuar abuzimin seksual brenda kishës katolike si një “katastrofë në mbarë botën”./voa

LEXO TE PLOTE